影片
開飯介紹
以新潮食材加入傳統大排檔小炒，必試煎黑松露蓮藕墨魚餅及黃金栗米。
繼續閱讀
營業時間
今日營業
17:30 - 02:30
星期一至日
17:30 - 02:30
公眾假期
17:30 - 02:30
公眾假期前夕
17:30 - 02:30
*最後下單時間：01:30
以上資料只供參考, 請與餐廳確認詳情
-
網上訂座服務暫停
影片
相片
楚撚沙拉骨
香煎黑松露 手打蓮藕墨魚餅
原隻脆皮炸豬手
+3.9K
+155
食家推介
相關文章
哩個名聽咗好耐，終於都book位去食喇🤭大排檔係時代嘅回憶，餐廳裝修還原度極高，同細個媽咪帶我去嘅差唔多，不過而家有冷氣舒服好多🌬👑楚撚豬油撈飯 $25好少喺出面見到有哩隻飯，一定要試吓！砵仔飯當然有別於一般白飯，好似煲仔飯咁多咗啲焦香，飯粒亦更加粒粒分明，加埋豬油同豉油就更香更滑，就算知道好邪惡都抵擋唔到😈✨七味黃金炸一口金磚豆腐 $78一上枱就見到粒粒金黃色🤩 外皮香脆內裡豆腐滑捋捋，一口size夠方便，一啖一粒😋 加埋七味粉同椒鹽調味，味道一流👍🏻✨古法涼瓜炆魚雲煲 $138涼瓜炆得好入味而且唔苦，份量都唔少，可惜魚雲有啲啲乾，美中不足。✨香煎黑松露手打蓮藕墨魚餅 $118一咬落去就係香濃黑松露味，墨魚餅好彈牙，入面仲有粒粒爽脆蓮藕粒，口感豐富🤤✨蜜椒薯仔牛柳粒 $118牛柳粒肉味香夠腍滑，薯仔一樣好入味，黑椒味濃再加少少甜味，食多啲都唔會膩😆✨家鄉炒銀針粉 $86係我好喜歡嘅銀針粉，唔係好多地方有得食。份量唔少，炒得好香好惹味，我自己食咗半碟🤭🔍整體感覺：裝修好有氣氛，還原傳統大排檔感覺，環境乾淨衞生，仲重要哩度係有冷氣嘅大排檔😌 上菜速度好快，食物質素同味道都好好，餸菜夠鑊氣，份量仲幾大碟，仲有糖水送💜 紅豆沙中嘅陳皮味香濃，食落仲好沙，超正😍 性價比超高👍🏻
繼續閱讀
朋友想約去大排檔食鑊氣小炒兼啤啤佢，雖然我都想，但天氣實在太熱，大排檔真係頂唔順，所以我反建議佢去楚撚記，一樣有大排檔鑊氣，仲有冷氣，超正！同朋友去咗荃灣分店，分店裝修得好靚，好有80,90年代的香港懷舊風味，經典又好適合打卡，朋友都大讚好有特色。平日都坐無席，好彩有預先訂位，果然大家都好識食👍🏻🌟楚撚記脆皮燒BB鴿好耐無食乳鴿，見到立即下單！BB鴿好大隻，但依然皮脆肉嫩，金黃香脆，而且食時還肉汁滿滿，鮮嫩多汁， 啖啖肉食完超滿足🌟香煎黑松露手打蓮藕墨魚餅一上枱就滿滿的黑松露香味，正，而且份量充足，每一塊都煎得金黃色，墨魚餅彈牙有口感，啖啖的墨魚鮮味，食時仲有蓮藕粒，口感滿分🌟香爆黑椒牛仔骨煲黑椒與牛仔骨係絕配，牛仔骨啖啖肉，配上惹味黑椒，味道香濃，仲要以煲仔上枱，夠晒鑊氣又保溫，連D配菜都非常美味，配飯一流！🌟楚撚豬油撈飯黎到楚撚記當然一定要點出名的豬油撈飯啦，2碗蒸飯立即送到，再另上豬油、豉油及香蔥芫茜，非常窩心的安排，各人可安自己的喜好調配，正！豬油香，再配上特配豉油，配著熱辣辣的飯，香軟好味，豬油香氣充斥口腔，味道非常🍻啤酒(大支)黎到當然要啤一啤一佢，叫咗支啤酒，夠凍，仲用埋冰過的戰鬧碗，好有氣氛🫘糖水: 陳皮紅豆沙食完飯仲有甜品送，今日係紅豆沙及綠豆爽，食完飯再食甜品，完美！
繼續閱讀
有朋自遠方來，緊係要帶佢哋食下啲香港特色食物。楚撚記呢種有舒適嘅室內環境，可以嘆住冷氣食盡港式大排檔風味嘅就最啱！每次必叫嘅：楚撚記小炒王 爽甜韭菜花加上蝦干魷魚干，仲有脆口嘅腰果同銀魚，鮮香味美！激辣避風塘水魷🦑夠爽口，仲有好多芽菜同粉絲墊底，蒜蓉辣椒=好惹味，用嚟送酒一流七味黃金炸一口金磚豆腐 細細粒容易食，金黃酥脆外皮包住嫩滑嘅滑豆腐, 七味粉香而唔會太搶味菠蘿拔絲咕嚕肉 (梅頭) 肉質一啲都唔老，豬肉腍滑帶爽，味道酸甜醒胃夠清新燕麥金沙蝦球 🦐- 蝦球夠彈牙，蛋黃沙沙又香口，而面頭嘅燕麥增添脆口嘅口感仲帶少少回甘香煎黑松露手打蓮藕墨魚餅 - 我的楚撚記最愛，黑松露香氣加上彈牙嘅墨魚餅同爽口嘅蓮藕，配搭得宜唔油膩椒鹽鮮魷呢味經典嘅大牌檔菜式，咸香脆卜卜，最緊要係食落無油耗味蜜椒薯仔牛柳粒 香脆薯粒🥔同煎香嘅牛柳粒，加上蜜糖拌炒，黃金焦香甜美可人，細個最鍾意食加個唔係度度有嘅豬油🐖撈飯，按自己喜好放豬油同醬油，食落香得不得了今次仲試咗新菜式：老火菜乾煲豬肺湯好清甜🥬🥬自家製無味精，文火二十四小時熬製，火候十足，清心潤肺。飲得到係足料嘅老火湯！呢個大推呀~難忘漁港蝦醬骨🍖 (海山骨)，好濃嘅蝦醬味，比較偏重口味，適合送飯鑊氣豉椒炒蜆 - 蜆肉唔係好大隻但食落無沙，好香嘅豉椒味砵酒焗蠔煲 🦪- 荃灣分店限定，啲蠔都係份量足夠厚肉，煎到焦脆同滿滿砵酒香甜金沙黃金白飯魚細細條唔怕有骨，每一條都比鹹蛋黃充份包裹住，外酥內嫩豉汁蒸大鱔 夠肥美，無骨嘅鱔肉滲入豉汁，鮮香四溢辣酒東風螺 嘅花螺雖然係浸喺辣汁入面但唔會好辣（辣水魷反而仲辣），花螺肉質爽脆，唔難撩出嚟，食係上嚟算方便同遠方來的朋友以地道美食相會，開心就係咁簡單~💛
繼續閱讀
人均消費：$100-200推薦指數：⭐️⭐️⭐️⭐️話說今日約咗朋友出嚟食飯 平時成日都有食大排檔 就係未食過楚撚記 於是今日就走去試一試佢😋 1）避風塘鮮魷🦑 $112 鮮魷外面脆漿夠薄，唔會好厚粉。食得出係新鮮既，冇話好韌要咬好耐。避風塘香口，啲蒜粒🧄可以直接撈飯食，好滿足！ 2）蜜椒薯仔牛柳粒🥔🥩 $118 牛肉同薯仔切得好細粒，冇乜口感，但炒得都算有穫氣。味道亦都好夠，好香口。純粹細粒左少少，都算幾好食 3）鑊氣豉椒炒蜆🐚 $105 蜆肉吐哂沙好乾淨，冇食到我地成口沙，而且隻隻都開哂口，感覺好新鮮，有鮮甜味☺️。豉椒唔會好淡，都算惹味，一啖一隻停唔到口 4）菠蘿拔絲咕嚕肉🍍 $119 講明用既係梅頭肉，唔會好韌好多肥膏，外面層炸粉好薄好脆，冇成層粉咁好難食。個餸酸酸甜甜咁幾開胃😙，飯都可以食多碗🍚 整體嚟講，我同朋友都好滿意今餐飯，可能會再嚟。我地三個人最後食左$600零蚊，都唔算太貴💵，值得試一試#foodiehk #foodie #楚撚記大排檔 #楚撚記 #荃灣 #荃灣美食 #荃灣友 #香港 #香港美食 #boyyfoodie
繼續閱讀
性價比極高嘅大排檔，已經encore咗好多次（全自費！）！環境、食物、員工服務都👍🏼👍🏼原隻脆皮炸豬手 （$166）皮脆、肉質🍖唔會靭，配埋啲芥末/甜酸醬好食！黃金椒鹽粟米 （$76）鹹蛋配埋啲粟米🌽，鹹同甜剛剛好中和，食落好香口！必叫！西檸煎軟雞 （$108）個醬酸酸甜甜，食落都好開胃，而雞肉好脆嫩！正常發揮～😎小炒王 （$108）材料好豐富，有蝦、魷魚、白飯魚、腰果、韭菜等，炒得香，不過就冇乜鑊氣～飛天通菜煲 （$92） 味道正常發揮～紅豆沙 （Free) 食完飯會贈送糖水，每期嘅糖水都唔同，每次都有兩款揀～～今次就係紅豆沙同綠豆沙🥰環境乾淨企理，有別於一般嘅大排檔～而員工服務態度都好好，因為餐廳嘅位置只有樓梯上去，而員工見到有老人家都介紹咗個秘道去搭𨋢🫶🏼
繼續閱讀
您可能會有興趣的...