楚撚記大排檔

營業中

休息中

又係懷舊風老香港大排檔🍽呢間餐廳好出名 一早已經知道好難訂枱 好好彩朋友訂到枱 所以就可以黎試下😀✨芝士琵琶豆腐呢個芝士汁係另上既 可以淋落去一齊食或者沾醬食不過芝士味就唔夠濃 而佢既口感好實淨 食落似食緊鯪魚球 豆腐味唔係好重 同有啲濟✨菠蘿拔絲咕嚕肉甜酸汁嘅甜酸度岩岩好 肉質咬落好爽 仲有焦糖脆脆 酸酸甜甜好好食✨濃湯海鮮粉絲什菜煲呢個就係普通嘅雜菜煲 冇咩特別 菜嘅份量都算多✨香煎黑松露手打蓮藕墨魚餅黑松露味好香 咬落食到蓮藕嘅爽脆 不過煎得有啲油膩✨楚撚記原隻脆皮炸豬手賣相好吸引 令人好想試 豬皮係脆嘅 但唔夠香脆 有部分都係有啲韌 同皮肉分離 扣分豬手都幾入味 咬落唔會覺得好硬 配左甜辣醬同芥末醬 感覺清爽啲✨香爆黑椒牛仔骨煲黑椒味好香 不過略嫌牛仔骨有啲肥 油脂感比較重✨椒鹽白飯魚白飯魚炸到好香脆 但唔覺得油膩 上面有勁多炸蒜 連埋一齊食香香脆脆咁 好味👍🏻✨豬油撈飯呢個豬油撈飯有豬油同豉油比你自己加 想食幾肥膩都有得你簡 建議可以放膽啲加多少少豬油 咁樣啲飯會更加好食 另外再加埋蔥粒 更加香👍🏻可能一開始期望太高 所以食嘅時候就有啲失望 餐廳嘅水準係正常嘅 但係唔可以講十

今天突然想起很久沒有和太太吃大排檔，難得今天在早收工，想起在荃灣的這家楚撚記大排檔經常爆滿，於是趁早就來試一試。餐廳裝飾的懷舊香港作為主題，有不少香港的特色設計，位置空間感足夠，可以舒舒服服地傾計，但記得要先訂位。餐牌選擇多，當中有不少創新的菜式，價位適中不收加一，難怪平日夜晚亦相當旺場。菠蘿拔絲咕嚕肉用上梅頭肥瘦適中，炸漿厚薄得宜，芡汁比一般的咕嚕肉薄一點，所以比較不膩口，味道融和，酸、甜、鹹味平衡，而且稀稠寬緊合度，入口咬嚼有外層酥脆而內裡嫩滑的滋味。豉油皇煎封一夜干(馬友)馬友本身肉質鮮美，細膩而爽口，油脂豐富，以日式的一夜干後製，將魚的鮮味以及油香濃縮，經煎封後，油脂完美釋出鮮味，外層香酥內裡細嫩，一入口有滑膩、鮮味與魚香三為一體的非凡滋味。醬爆鴛鴦雞煲一開鑊蓋，一股麻辣香氣撲鼻而來，雞件及田雞件各半，一入口舌尖立馬發麻，夠香夠辣，醬汁特別惹味，味道令人上癮。楚撚豬油撈飯缽仔蒸飯火喉拿捏精準，米飯粒粒乾爽分明，有米香又有嚼頭，先加入豬油聞起來酥香，以豬油先封住飯粒，再加豉油就不會浸冧米飯，入口潤而不油，醇和甘香，不用配餸也能吃三碗。蕃薯糖水/清補涼奉送的糖水亦有冷熱兩款，分別是

不久之前已經好想試吓呢度嘅小菜 因為食過的朋友仔也大讚 今日黎到荃灣一定要試吓進入大門己有大排檔味道 因為裝修有點懷舊感亦不失現代 坐下望住餐牌內的食物 實在不知如何選擇 太多想食嘢 最後選了我地愛吃的 楚撚豬油撈飯 必食之選 因為唔係每處食得到 豬油預上豉油 再配上白飯 絕配的味道西楚霸王雞半隻賣相相當吸到 炸蒜配上薑蔥滿布在鮮嫩的雞件上 咬落口啖啖蔥油的香口 雞肉的嫩滑 黑松露蓮藕餅 因為本身自己喜愛所以點了 蓮藕餅配上黑松露 結果本身已炸得脆脆的口感 帶上陣陣黑松露的味道 令人一食再食 飛天通菜煲 惹味系列之一 香味四溢配上蝦乾 好惹味 菜炒得亦剛剛好香煎自家韮菜粿 皮薄 韮菜爽口 香皮煎得金黃色 小食之選手工啤酒 楚撚桂圓手工啤酒 不用多說 自己的至愛

之前聽聞過好食，就提議跟同事一試😍原先訂左 19:30 ，我哋提早19:00嚟到，但係原來真係要等到19:30先有位，行樓梯上一層，裝修很有懷舊氣氛，當然影返幾張相啦！我哋叫咗幾個熱門小菜😋1.）鑊氣豉椒炒蜆 - 吃後感覺😍😍😍 真係好有鑊氣，蜆很新鮮 👍👍👍2.） 菠蘿拔絲咕嚕肉（梅頭）- 味道很濃旭，夠酸甜，外脆內鬆化，很香口， 食唔停😂😂😂，加上有幾粒叮叮糖很特別，造型相當吸引，份量也很多‼️3.）脆皮燒BB鴿 - 咬落皮很脆，鴿肉滑，好好味🥰🥰🥰4.）枝竹火腩豆腐煲 - 豆腐好滑🥰枝竹好吸味，重點熱辣辣😝 5.） 小炒皇及韭菜祼 也超超超好食😋😋😋😋❤️❤️❤️ 最後仲有甜品送 （清補涼 / 番薯糖水）抵👍💗💞💘總評分： 95🥰👍👍👍

大名鼎鼎的「楚撚記」無人不識，皆因小菜做得出色，如果走到荃灣店，原來地面還有間「餃撚店」瑟縮在一角，各位想外賣當然OK，日間還可以走進店內堂食，有餃有麵，個人特別喜愛鵝肝和牛餃、煎韭菜棵；晚上來到，則要試試餐廳的經典名物，我媽最愛的蝦子柚皮，又厚又入味，還有叫我既愛且恨的脆皮炸大腸，脆卜卜好邪惡。「冇電視果時呢就係日頭，做緊成龍果陣呢就係夜晚」？在荃灣楚撚記，「食緊餃子果時呢就係日頭，點緊小菜果陣呢就係夜晚」，咁先啱數。如果你約朋友去「餃撚店」等，我想未必可以成功見面，因為招牌實在太細了，大家看到嗎？就在楚撚記的左下角。我覺得日頭去餃撚店吃餃子有個好處，就是人流較少，店內有很多打卡位，懷舊港式裝修，十分有趣，這天剛好穿了綠色裙來到，「黐地」黐到嘭嘭聲。韓式泡菜牛肉餃  $40/ 6隻超級芫茜豬肉餃 $35元/6隻鎮店韭菜餃 $35/ 6隻鵝肝和牛餃 $25元/ 1隻這天我們試了好幾款餃子，最得我歡心的，無得傾一定是「鵝肝和牛餃」，香氣濃郁，口感豐盈，一分錢一分貨，這款餃子價錢較貴，反正脂肪多較油膩，不用點太多，每人淺嘗一兩隻就夠；芫茜控則不妨試試「超級芫茜豬肉餃」，芫茜勁多，味道香濃。

今晚約左朋友來到荃灣百悅坊晚餐，朋友話要試呢間小炒很有名的「楚撚記大排檔」餐廳充滿懷舊風味，好似將擺街的大排檔搬左入室內咁可以邊享受住冷氣，坐得舒舒服服但又不失風味果然是人氣餐廳，未夠六點已經九成滿座！餐廳重好貼心，枱有有支搓手液提供餐牌選擇很多，分門別類曬非常清晰易看！但真的很難取捨，因為每款都很吸引好想試最後我們點了：咕嚕雞球、避風塘鮮魷及椒鹽九肚魚！咕嚕雞球色彩豐富，有青椒紅椒蜜桃菠蘿等配菜，望到已經食慾大增！味道酸酸甜甜，寧舍開胃皮薄唔厚粉！避風塘鮮魷呢碟好惹味好一碟有好多鮮魷，皮薄而脆，魷魚新鮮一咬就咬得開，炒蒜非常香口惹味椒鹽九肚魚很香口，椒鹽味香，魚滑滑的，不得了三款分量也夠多，賣相好，味道亦好，價錢經濟，真的不錯三款餸兩個白飯兩支汽水，三百元有找，而且還沒有加一服務費但服務一樣很好

其實我班朋友都係流住麻甩嘅血😂久唔久都要去大排檔食吓有鑊氣嘅嘢🤤今日揀咗呢間人氣大排檔😍一嚟就叫個干炒牛河先啦😆勁有鑊氣，超香！真係秒殺！牛肉好入味，河粉食到底都唔油呀！推介👍🏻之後嘅黑松露蓮藕餅，勁香黑松露味🤤好爽脆😍好味👍🏻豉椒炒蜆亦都好有鑊氣！蜆都多，算抵食😋之後個水魷，餐牌上有3隻辣椒，嚟到睇個樣都以為會好辣，但食落又唔係好辣😂😂唔好比佢呃到😆最後嘅咕嚕肉同通菜都有水準👍🏻好開胃，真係會食多碗飯😆😆

👧🏻😋👅🍽✨楚撚記大排檔 （荃灣川龍街）-💛book左六點半, 雖然出面好多人等位, 但都準時入座💛樓上雅座好闊落💛菜式同裝修有特色, 同好大份, 仲有糖水送! -🐟 椒鹽九肚魚 $77✨熱辣辣勁椒鹽✨魚塊外脆內軟-🥩🍲 沙嗲粉絲金菇牛肉煲 $79✨有少少辣 😗 不過撈飯還可以✨係牛肉唔係肥牛, 牛味幾濃, 但整體都俾個汁遮左味, 都係好送飯既菜-🧄🥬蒜蓉炒時蔬 $59 ✨揀左油麥菜✨莖同葉比例均衡冇咩筋, 爽口既-🍚🍶楚撚豬油撈飯 $20✨絕對打卡必備, 一壺豬油一壺豉油同一堆我唔食既蔥同芫茜 LOL , 份量任君調配✨白飯用小煲仔上, 飯粒比較乾身, 適合撈油-🍡手工水晶包 $32✨四粒只可揀兩個味, 揀左奶皇同綠茶✨個皮薄但又幾韌✨餡唔太甜幾好-免收加一服務費-#楚撚記 #荃灣好西 #荃灣美食 #tgead中式 #hkfoodie #荃灣黃店 #黃色經濟圈

今日黎左呢到食大排檔野食 呢到以懷舊主題裝修但比大排檔實在坐得舒服超多今日叫左三個小菜 加埋汽水 D 野食好大份 好抵食 一定夠三個人食第一樣叫左既就係蒜香骨拎上黎已經超多炸蒜 好香口 骨到炸左 好大舊 但一D 都唔乾 而且個心仲係熱 好新鮮之後叫左啫啫雞煲好多雞件 我諗有半隻雞 加埋豆豉醬好惹味 D 雞一樣好滑 如果有小小辣更好食：）最後一樣就係海鮮煲 拎上後黎好熱 而且好轉料。湯又好鮮甜濃味 送飯就一流喇！加埋支玻璃樽裝既汽水 真係.perfect

今日屋企人生日買咗楚撚記，韭菜粿，滷水拼盤，仲有鵝翼🤤🙈身為潮州人嘅我哋，都好耐冇食過韭菜粿，佢啲皮好薄，入邊好足料，除咗有韭菜仲有蝦米。煎到微焦之後再食好香口🤪今次我哋買咗生嘅返屋企煎。希望下次有機會可以去堂食試吓。-滷水拼盤買咗紅腸豬腸同埋魷魚。佢會跟埋一個酸汁同埋一個滷水汁俾你但最重要嘅潮州辣椒油佢冇比到："(紅腸都 正正常常豬腸就唔算太入味，一定要點佢嘅滷水汁，魷魚就好爽彈，但係爭咁啲辣椒油🥲-鵝翼好好味好入味但真係要落手食先食到如果唔係用筷子夾住好難控制因為鵝翼太多了haha飲住啤酒食鵝翼好正🐻-希望下次有機會可以去食堂食。因為真系幾正幾吸引

港式鑊氣小炒，往往都想起大排檔，但衞生環境大多欠佳。但今日朋友帶我來荃灣「楚撚記大排檔」不但坐位舒適，環境衛生整潔，裝修還很有心思，牆上掛滿招牌菜式名和地面舖上白色綠色的小磁磚，真有懷舊感覺。看看餐牌選擇多多，真係難以取捨，好不簡單才決定下來。楚撚記脆皮燒BB乳鴿BB乳鴿外皮燒得赤紅色，色澤油潤，今人目不轉睛。我都急不及待嚐一口，外皮甘香不油膩，肉汁豐富，嫩滑的鴿帶有鮮味，是我近期食過之中最好食。楚撚記小炒皇大排檔的名菜「小炒皇」怎能錯過！大大碟，食材豐富有腰果、蝦亁、銀魚仔、叉燒絲、魷魚絲、韭菜，再加上惹味醬汁大火快炒，鑊氣十足，用來佐洒或配粥飯，真係絕配。香煎黑松露手打蓮藕墨魚餅墨魚餅外表煎得金黃，還見到很多黑松露，咬開後，濃濃黑松露香味直沖鼻腔，墨魚餅爽滑鮮味，加上清甜爽口蓮藕粒，真係有多種享受。白灼八爪魚仔配秘制惹味醬雪白的八爪魚仔鋪滿在大豆芽上，頂部還有大量薑葱絲，份量十足。八爪魚嫩滑鮮甜，配上爽口大豆芽和薑葱絲，口感多元化。再沾上秘制惹味醬，味道更上一層樓。蕃薯糖水食市送上飯後蕃薯糖水給食客，糖水羗味濃郁，金黃色的香甜蕃薯，令這晚餐畫上完美句號。總括來講，下次要多叫幾位朋友

好耐冇食過大排檔，呢間大排檔裝修得好有懷舊氣息，菜單上面有好多選擇，全部都好吸引好想試！諗咗一輪之後，叫咗四個招牌小菜，全部都好大碟，新鮮熱辣辣整出嚟，好有鑊氣，真心質素超高！菠蘿拔絲咕嚕肉，酸酸甜甜，非常開胃，咬落去個皮脆脆地，個皮唔厚粉，入面啲肉又夠腍，餐廳講到明用嘅係梅頭豬肉，所以d肉肥瘦均勻！而黑松露手打蓮藕墨魚餅，呢個真係一定要試，唔係度度都食到，黑松露味好出，食到墨魚同蓮藕粒，口感10分彈牙！我哋仲叫咗黃金流沙白飯魚，咸蛋味好香，白飯魚好肥美，又係新鮮炸起，炸得好香酥，配啤酒送飯一流！食咗啲煎炸野就要食返啲菜清下味蕾，鮮人蔘濃湯時菜個湯底好清甜，真係有人蔘味，感覺好清新！諗住食完就賣單，點知侍應同我哋講仲有糖水送，可以揀凍嘅清補涼糖水或者係熱嘅番薯糖水，我哋揀咗番薯糖水，好驚喜地糖水超級好食，薑味十足，番薯又夠甜又夠腍，食完成餐再食埋個糖水真係感覺好圓滿！

日食夜食之終於食到楚撚記.話說同班朋友由上個月食飯已經想試但串到full 哂唔接walk in就更激起想食既衝動於是特登book 定一個月後再黎試一試佢老鼠🤡.入到去既環境好懷舊無論地下裝修定掛牆圖都好70's HK 感覺🥰地點雖然係街市附近但入到去唔會係難受既街市feel.嗌左鹹蛋黃白飯魚椒鹽九肚魚菠蘿拔絲梅頭咕嚕肉小炒王猴頭菇蟲草花雪耳紅蘿蔔粟米淮山螺頭煲豬骨湯4條冷食嗌左兩個靚仔岩岩好.個湯好L 甜真心超超超超超好飲唔係死甜係戀愛既感覺.小炒王足料有蝦蝦乾魷魚韭菜鮮甜味道好好夠獲氣.鹹蛋黃白飯魚送飯一流基本成條白飯魚包滿咸蛋好食到暈.椒鹽九肚魚熱辣辣辣口架大佬不過兩份炸野都唔建議點醬本身咁食已經好好味！.菠蘿拔絲梅頭咕嚕肉好L 好食唔會太多肥肉係我個取向加上甜酸醬做得好出色口感亦有脆脆感覺梅頭肉質亦好有彈性很好.最後仲送左蕃薯糖水因為太鐘意食蕃薯嗌左哥哥比多d 我佢真係比多d 好感動🥺糖水夠薑味蕃薯入口即溶係愛啊！.整體唔錯朋友已話book 埋下個月再食😹

❣️小公主品嚐懷舊菜式· 楚撚記大排檔❣️呢間餐廳一直都好想食😋因為荃灣街坊好多都推介性價比高👍🏻今日終於有時間同小公主一齊來品嚐啦😍我哋揀咗勁多街坊都推介嘅菠蘿拔絲咕嚕肉💗真係冇得頂！用梅頭肉做既咕嚕肉非常軟嫩😚加埋手工制成個拔絲，鮮甜美味！配埋白飯簡直一流🤩另外有小公主超級鍾意食荃灣分店限定嘅一口脆炸雙重芝士波波🧀份量都好多！一碟有12粒😍炸到外脆內軟🔥一啖咬落去芝士夾心係個口度充滿香濃嘅芝士味😛加埋個勁足料濃湯海鮮粉絲什菜煲🥬裏面啲菜真係有好多種類！西蘭花🥦菜心、生菜🥬粉絲！乜都有😍另外仲有啲帶子仔、蘿蔔片、魷魚同埋蝦🦐真係好豐富👍🏻另外我哋加咗一渣竹蔗茅根紅蘿蔔馬蹄水去吓濕熱💗清清甜甜好好味🥰小公主都飲咗三杯😆最驚喜嘅就係食飽之後仲有糖水送😍我哋揀咗番薯糖水同埋清補涼！食完大滿足👍🏻👍🏻👍🏻

今晚終於成功book到枱，試了足足2個月有多也full booking , 今晚決定早一點晚飯，避開人潮而且比較容易book到枱。餐廳裝修充滿懷舊意味，格仔地鏄舊式海報menu ，型格又不失玩味。果然係旗艦店，空間感非常大，而且座位都算多。凍杞子龍眼菊花蜜天氣開始熱而且仲有啲潮濕，飲返杯菊花蜜滋補一下就最啱，而且杞子又可以明目，入落清甜潤喉，消暑解渴。菜干豬肺湯每次餐廳有豬肺湯我都一定必叫，因為自己洗豬肺實在太多功夫，餐廳用菜干，南北杏，豬骨，豬肺等豐富材料煲成，味道咸香濃郁，豬肺軟嫩鮮甜，正宗老火靚湯。燕麥金沙蝦球咸蛋黃包住蝦球，面上加上大量燕麥片，口麥粉粉脆脆，非常特別，而且蝦球咸蛋味香濃，蝦肉爽口彈牙，超鍾意所有食材互相配合得恰到好處。香煎黑松露手打蓮藕墨魚餅黑松露味不算太濃，但這樣可以保持墨魚鮮甜香味，入口爽彈鮮嫩，中間蓮藕粒增加了爽脆口感，非常好吃。香甜梅菜蒸菜心菜心上面鋪滿香甜梅菜，菜心吸收咗梅菜香味更加清甜，有淡淡梅菜香味，而甜梅菜味道清甜可口，配上白飯簡直一流。