楚撚記大排檔

營業中

休息中

前排同朋友閒聊，食過話好味推介呢間餐廳，咁岩今日有時間一於同屋企人過嚟食晚飯。餐廳裝修好有特色，富有香港風味！西檸煎軟雞$85西檸雞炸得酥脆，再淋上西檸汁，酸甜開胃！豬潤蒸排骨$76(另加$15陳村粉)排骨份量多，用上豉汁蒸味道不錯，留意陳村粉需盡快吃，否則索晒醬汁後會偏鹹沙嗲粉絲金菇肥牛煲$79有勁多肥牛，而且粉絲索晒醬汁非常惹味，適合配飯，真材實料！總結：每碟餸份量比其他餐廳大，飯後還會送上甜品，而且沒有加一服務費，真是物超所值！！

良心食店當然優先考慮，今日行完針草山就搭巴士到百悅坊吃飯。好在今晚六點去到不用等位，上到大堂已經差不多滿座。裝修很特別，有一些懷舊的又不失玩味，難怪很多年青人來這裏食飯打卡。【香煎黑松露手打蓮藕墨魚餅】是這裏的招牌菜，很喜歡煎得金黃香脆的外皮，一咬下就是黑松露的味道，很足料，墨魚味道都幾搶鏡，果然是招牌菜。【魚香茄子煲】端出來的時候新鮮滾熱辣，很大陣鹹香味，茄子外皮顏色還是鮮艷的紫色，一條條爽口得來又索盡精華，整體不會太鹹，是高質魚香茄子煲！【椒鹽九肚魚】外脆內軟，一咬中間軟綿綿，但是外型堅挺，即叫即製又沒有油益味，來送飯一流。【豬油撈飯】久違了的懷舊菜式，這個砵碗有些飯焦，豬油和豉油的份量自己調配，撈勻吃加些蔥花和芫荽，根本就不用加餸了。【番薯糖水】免費飯後糖水，幾重薑味，適合女士吃！這裏環境真的不錯，而且沒有加一，我覺得價錢很公道味道又好，絕對會再來！

一直是楚撚記既忠實粉絲，又良心又抵食。本來比較常去石塘咀分店，貪佢夠近公司。最近發現荃灣都開左間，就去試下，原來呢間野好大間坐得更加舒服，食物水準都能夠保持。同家母兩個坐既枱好夠闊落，店員仲好貼心係落完單之後幫我地擺d唔需要既野例如餐牌、消毒酒精等等落茶几。呢點好重要，因為大牌檔既野食正常都大碟，叫多幾碟都好驚唔夠擺，呢度就冇呢個煩惱。菜式方面既選擇都好多，定期都會出新菜式，但專一既我每次都叫鐵膽：避風塘鮮魷、西楚霸王雞同蜜椒薯仔牛柳粒，全部都好好食😋以下係全家福：避風塘鮮魷是無得頂既菜式。一共有十幾件既鮮魷件件炸得香脆，而且粉漿唔會厚，魷魚例牌是又爽又厚肉，以避風塘既方法做調味，爆香左好脆口既蒜蓉，冇理由唔食埋，減肥是明天的事了。西楚霸王雞又是另一佳作，加入爆香既薑蔥同炸蒜（無錯又係炸蒜，其實香港有燒賣關注組又有茜迷黨，幾時搞返個蒜L數群)，配埋霸王雞食，是非常的夾。而最重要既係雞有雞味，出色。蜜椒薯仔牛柳粒又確係唔錯！平時去大排檔都好鐘意叫佢，但經常食到調味過分重手既牛柳粒，食完條脷都那埋，你話幾慘呢。但係楚撚記呢個係沒有問題，又是牛有牛味，而且肥瘦適中，食落係幾香調味又適中。而呢

💛黃到金荃灣美食💛《楚撚記大排檔》💛旗艦店新式懷舊大排檔黎講，楚撚記既裝修好出位，場內裝修走懷舊風，7000呎地鋪好闊落，好有feel📸場內係大排檔有好多款小菜，鋪面有間《餃撚店》賣外賣點心同餃子🥟今次首先試試個餃子同點心🙋🏻‍♀️- - - - - - - - - - - - - - - - - - - - - - - - - - - - - - -- - - - 京蔥羊肉餃 HKD 30 鐘意*蘇*味既朋友應該好開心，餃子好結實，舊肉唔會散開，京蔥同羊肉配合得天衣無縫，配埋辣椒油，味道好出👍🏻西洋菜鮮蝦豬肉餃 HKD 30平時成日食韭菜餃，今次配西洋菜原來又幾好食，配埋菜圃好好味，會再回頭！水晶包 （綠茶&奶皇）皮薄晶瑩剔透，配埋綠茶味好新鮮，而且唔太甜，好岩現代人口味🙋🏻‍♀️- - - - - - - - - - - - - - - - - - - - - - - - - - - - - - - - - - - -環境舒適度 7/10食物好味度 8/10影相打卡度 8/10📍荃灣川龍街118號百悅坊地下-1樓分店：土瓜灣馬頭圍道187號地下西環石塘咀皇

💛 楚撚記大排檔(荃灣) 下 💛..............................今次係第二次嚟 又係10點後88折🥳唔係專登咁夜 係淨翻呢啲時段有位book(｡ ́︿ ̀｡).🔅想知黃店原因請Dm💛..............................🍽西楚霸王雞半隻 $128（👏🏻9/10）半隻個賣相都好夠霸氣 上面勁多蔥絲同炸蒜隻雞好夠滑 加埋啲炸蒜脆脆地口感非常好點啲豉油食 灒完油但都略嫌蔥絲太生.🍽蜜椒薯仔牛柳粒 $98（👏🏻8.5/10）薯仔同牛柳粒都切得比出面細粒 一口size🤤薯仔炸完好鬆化 牛柳帶脂肪好香 無鬆肉粉味味道正 雖然份量偏少 但都推薦大家叫(⁎⁍̴̛ᴗ⁍̴̛⁎).🍽蝦乾三寶煮銀絲旺 $69（👏🏻9.5/10）有蝦乾蝦米同粉絲一齊煮 味道帶微辣好惹味！銀絲旺同粉絲都煮到入晒味掛滿汁 碟底無多餘水份加上價錢抵 呢味同枱朋友都畀好高評價🤤.🍽難忘漁港蝦醬骨(海山骨) $96（👏🏻7.5/10）上枱熱辣辣 好脆好香 大家都差啲等唔切我影相😂食落蝦醬味濃 佢係半肥瘦豬扒嚟無咩骨架食第一嚿就好食 但第二嚿就開始膩啦因為重口味+肥豬肉😳.🍽瑤柱肉鬆蒸水蛋 $67（👏

💛 楚撚記大排檔(荃灣) 上 💛.記得科勞  ٩(˃̶͈̀௰˂̶͈́)و些些！..............................一講起黃店大排檔大家一定會諗起佢！但佢成日都full booking真係一位難求😭今次我地10點後walk in終於成功試到！提提大家佢地10點後有88折٩(˃̶͈̀௰˂̶͈́)و之後仲去食過所以會分上下篇！.🔅想知黃店原因請Dm💛..............................🍽菠蘿拔絲咕嚕肉 $98（👏🏻8.5/10）.呢個咕嚕肉寫明係用梅頭肉 肉嘅份量好多甜酸平衝得啱啱好 個皮都仲脆 好好味呀好特別嘅係佢碟邊有啲拔絲同焦糖脆脆仲有水蜜桃一齊炒 不過無咗南瓜鍾意嘅洋蔥.🍽飛天通菜煲 $72（👏🏻8/10）.煲仔菜鑊氣都好夠 好香蝦乾味呀好正🤩調味會帶辣 好惹味 個底仲會有汁 送飯一流.🍽椒鹽九肚魚 $77（👏🏻8.5/10）.九肚魚好滑嫩 超級多蒜好香口 次次去打冷都必食味道都非常唔錯 係會令人一啖接一啖架！不過就有啲啲多骨 可能係魚鰭位剪唔清(｡ ́︿ ̀｡).🍽土魷蒸肉餅 $75（👏🏻8/10）.肉餅夠彈牙 唔會死死實實 溝咗啲馬蹄同冬菇食落鹹鹹香香咁 土

昨老公話想試這間，就由旺角搭車黎食，6：45話未有位，要到7：30就有枱，於是就在這商場行下等，7：15返黎可以入去了，坐了7成枱，有些應該是訂枱，7：45就是爆場😃我地三個人，叫了椒鹽鮮魷，薯仔牛仔粒，小炒皇，椒鹽炸豆腐，兩個白飯，10min就上小炒皇，都算大碟，味道都不錯但唔夠熱😑，為何呢？叫自己做大排檔，大排檔小菜是講求鑊氣，即叫即做，竟然會唔夠熱？🙄鮮魷都好快到，但好細碟，約10件😣，又不算好好好熱的，最好食個薯仔牛粒，牛不是太un, 薯仔都好食，炸豆腐，幾辣，外脆內滑，細細粒，約20粒，入口似玉子豆腐，仲有兩個飯都是不夠熱的😪個女仔見我地食晒野，就間我地要什麼糖水？原來有糖水送，有蕃薯糖水，清保涼，熱或凍，我地揀了蕃薯，好食喎，薑味濃，幾好😅，埋單共370蚊

楚撚記個名真係⋯⋯聽講係黃店，梗係要幫襯下。第一次去試菜，絕對絕對絕對會為佢嘅乾炒牛河而回頭！位於荃灣楊屋道街市對面嘅地舖，位置方便。佢個裝修幾特別，充滿着香港地七80年代嘅懷舊氣氛，好有懷舊feel。食物質素方面係非常OK，但注意價錢唔算好平，但係坐得舒服，加上服務唔錯，都值得嘅。叫咗一碟脆炸豬手，都幾大跌，個皮都算趣，味道OK。見到枱枱啲人都叫呢一道菜。應該係招牌菜。試菜必試椒鹽鮮魷，好得！味道正，不會太咸，面頭舖上嘅椒鹽香蒜用來送飯仲正。試菜必試2：乾炒牛河，又好得！炒得好香好乾身，個醬油帶微甜，牛肉淋滑有牛味，食完個碟完全冇油。最欣賞呢一味！食完有驚喜！每位送糖水！👍👍👍

第一次想去楚撚記因為唔夠5:30所以佢未開門冇得食 第二次六點幾係戶戶送見到要等90min所以又冇食😥好彩今次肚餓都等到佢！雖然等得真係好耐 但係膠袋入面仲有保溫袋真係好貼心😜*價錢為戶戶送價格🧆燕麥金沙蝦球💰118好鍾意黃金蝦球所以就想試下類似嘅燕麥金沙蝦球！燕麥真係鋪滿成盒 但係撈埋鹹蛋黃之後覺得偏甜😥希望可以改良下 鹹D可能更好味！蝦球好新鮮好大粒 真係好有良心😍🥘古法涼瓜炆魚雲煲💰119呢個我地都覺得偏甜 雖然涼瓜係好苦 但係醬汁似糖醋多D 屋企人覺得同炸魚雲未必咁襯🥟香煎自家韭菜粿（6個）💰82我仲以為韭菜粿係同鯪魚球差唔多嘅構造 原來係同蝦餃差唔多！外皮口感黏糯超鐘意😍入面有韭菜 肉碎同蝦肉 感覺就似蝦餃+菜苗餃 食好多嘅話會滯不過值得一試！希望下次食呢間其他美食會更驚豔！應該會嘗試佢其他黃金嘅菜式😍

第一次黎楚撚記，環境都幾好。坐落舒服既。點左佢最出名拔絲咕嚕肉，飛天通菜，灼鵝腸，白飯魚。第一次點完，侍應成張單冇落⋯⋯⋯好彩有個醒目既走黎主動問返我地！唔係我就係到等咕嚕肉整得好食！汁香，肉嫩。唔會死酸，唔會成口炸粉漿！ 做得出色。通菜係夠惹味，但係未做到乾身。通菜出水，點都有水係煲底。食落通菜爽。 叫唔錯。鵝腸就一般般，因為豉油唔夠香，帶唔出鵝腸既爽身都本身既味道。蔥同韮王配搭下，有d霸道。可以叫豉油皇鵝腸會更好，因為本身鵝腸都夠肥。白飯魚，麻麻地，碟頭少，同埋炸得唔夠白。椒鹽淨係好表面！食落好淡口，同埋做唔到食落有咬口既感覺。食落似九肚角個隻款咁⋯⋯⋯ 可以唔叫送既蕃薯糖水⋯⋯溝左好多水⋯⋯ 蕃薯唔淋！可以唔食！整體食推介會較好！其他可以唔試

上次經過既時候，因為冇book位所以食唔到。然後一直限聚令等到而家先有機會再食。去既前一日先記得book位，所以剩返5:30時段。限時兩個鐘用餐。我哋兩個人叫左三餸一湯。湯係叫左細嘅，店員會響旁邊幫忙分左碗先上枱，每人都可以飲到兩大碗，仲會有少少湯料食。湯好濃味，但有少少落左味精之嫌。另外叫咗個炒蜆，d蜆都算多大大隻，同埋第一次食到完全冇沙既炒蜆👍🏻仲有個啫啫煲菜都好好味。但要彈下個招牌菜蜜餞薯仔牛柳粒，味道好好食既，但牛柳粒兩隻手數得晒，$98就真係唔抵食。整體成餐都好滿意，而且店員都好好服務好有禮貌。店員數量多，所以唔使驚叫唔到人。我估佢哋book位係分時段，5:30然後7:30。我入場到離開，個場都冇坐滿過，所以如果大家冇book位可以試吓6:30左右walkin 睇吓有冇位😁

#楚撚記大排檔，超難Book，每次經過都想試下，但每次都只有宵夜時段或無位，今次好彩有位攝。#裝修 復古綠，感覺眼睛舒服，坐位寬敞，每檯放了紙巾，搽手液，濕紙巾。#服務 侍應熱情介紹菜色，有禮貌#餸菜 款色多，不收加一#金沙九肚魚 未食都已聞到咸蛋香，厚厚的咸蛋漿包住九肚魚，好味😋，連骨都吞埋，但咸左d，送飯酒酒絕配👍👍👍#香煎黑松露手打墨魚餅 味道比較淡，有少少黑松路味，墨魚膠加了少少蓮藕粒，爽爽地同彈牙👍👍👍#蘿波拔絲咕嚕肉「梅頭」啖啖肉而不膩，炸皮薄而脆，甜酸度剛好👍👍👍#藍妹啤酒 「大枝裝」低飲 $29#流心黑金壽桃包 買比爸爸食，未知好唔好食

我一向都幾鍾意同啲朋友叫餸食飯，「楚撚記」好有港式大排檔feel，佢哋嘅菜式選擇幾多，食物質素頗高！- 香煎黑松露手打蓮藕墨魚餅 - ($95)墨魚餅煎得乾身唔油，食落香口仲有好香嘅黑松露味，再加入爽脆蓮藕增加口感，唔錯！- 酥炸黑松露芝心手打乒乓球牛丸 - ($95)呢個芝心牛丸食嘅時候一定要小心，因為會爆漿，而且射程都幾遠😂，牛丸輕輕炸過彈牙，一定要趁熱食！- 金沙蛋黃九肚魚 - ($82)九肚魚蘸咗鹹蛋黃去炸，食落有沙沙嘅口感，非常邪惡，鹹蛋黃味濃，而且炸衣唔厚，炸得乾身唔油，咬落去外脆內軟，新鮮滾熱辣炸起，然後即刻上枱，冇得輸！- 豬潤蒸排骨另加陳村粉底 - ($76+$15)呢一個餸份量幾多，滑滑嘅陳村粉吸收晒豬潤同排骨嘅精華，好入味，豆豉幾多，令排骨好有豆豉味！- 難忘海港蝦醬骨 - 海山骨($96)一節節嘅豬仔骨，沾上蝦醬去炸，咬落去好香蝦醬味，肉質唔嚡而且香口，餸飯一流！- 金銀蛋浸時蔬 - ($63)食得咁多煎炸嘢，清清地叫一道菜，唔想食咁多濃味嘅朋友，呢一個係比較健康嘅選擇！- 猴頭菇蟲草花淮山螺頭煲豬骨湯 - ($95)湯溫夠熱味濃，夠滋潤，而且毫無味精，好有住家

新年🧧又點少得食盆菜上次做冬走左寶今次過年梗係訂楚撚記盆菜😋今次我哋揀咗豪華盆菜豪華食材包括有原隻鮑魚、花膠、金蠔、海蝦湯汁我哋揀咗金玉滿堂濃香原味湯汁⚱️湯底樽裝上唔怕倒瀉湯底仲要超級濃郁🥰食完再煮埋烏冬或者公仔面簡直係無得輸😎✨重點推介佢個自家秘製辣醬🌶辣得嚟好惹味😍✅值得一提楚撚記自設外送車隊🚚司機送貨好好交帶又好好禮貌👍🏻有預先打電話通知出車同埋大概幾點送到🕒 我哋揀正年初一叫外送原本都有啲擔心點知服務非常好 滿意🤗#heacookmama@chor_land @piggy_carmates

《港式惹味豪華盆菜宴🥳》———————————————-#楚撚記 🍲-闔家過節唔出得街要叫外賣，盤菜就係好選擇🧧新年又點可以唔撐💛-呢款新春鴻運當頭豪華盆菜非常足料，食材豪華又新鮮，唔係用菜/魚蛋填滿個盆嚟hea人～有原隻蠔皇鮑魚、鮑汁扣鵝掌、養顏花膠、大花菇、發財金蠔豉、豉油皇海中蝦、大紅燒肉、香妃雞、橫財就手等得😍-鮑魚好有咬口彈牙唔會韌，金蠔香口啖啖肉，海中蝦夠爽口，鵝掌炆得好夠淋，香妃雞肉質非常嫩滑，就算係啲芋頭同支竹都超入味，全家都食得十分滋味😋-金玉滿堂濃香嘅鮑汁湯底相當惹味，煲到冚冚聲，最值得推薦係佢嘅秘製醬汁辣椒油🌶辣度適中，又吊到啲嘢食嘅味道，十分抵讚！-⭐️ 參考價錢︰新春鴻運當頭豪華盆菜（中size 5-6人份）：$1128🍌 抵deal 指數：9/10📍 楚撚記大排檔：荃灣川龍街118號百悅坊地下-1樓（旗艦店、火鍋燃中環分店都有得外賣自取）