楚撚記大排檔

營業中

休息中

最近造訪荃灣的楚撚記，這家餐廳以其懷舊的港式大排檔風味吸引了許多食客。我和朋友一同前往，期待能品味到他們的招牌菜。這裡的氛圍輕鬆愉快，讓人感受到濃厚的港式情懷。首先，我們點了黄金椒鹽粟米。這道小食色澤金黃，口感酥脆，撒上適量的椒鹽，讓粟米的甜味與鹹蛋黃香完美結合，真是開胃的開場。隨後，我們品嚐了懷舊豬油撈飯（復刻版）。這碗飯儀式感十足，令人回味無窮，豬油的香氣渗透進每一粒米飯，自行搭配上醬油和蔥，既有懷舊的味道，又能滿足現代人的口味，讓我不禁想要再來一碗。接下來，我們嘗試了飛天通菜煲。這道菜的通菜鮮嫩，煲中的汁惹味，讓人感受到食材的原汁原味。菜的口感與汁的搭配相得益彰，熱辣辣，令人感到十分滿足。然後是豉汁蒸魚雲，這道菜的魚雲鮮嫩，豉汁的香氣讓魚雲的味道更上一層樓，搭配白飯簡直是絕配。最後，我們點了猴頭菇蟲草花准山螺頭煲豬骨湯（1人份量）。這道湯的味道濃郁，豬骨熬煮得非常入味，湯底清澈可見，喝上一口令人感到心靈的慰藉。猴頭菇和蟲草花的搭配為湯品增添了獨特的風味，讓整體口感更加豐富。總結來說，荃灣楚撚記不僅讓我品嚐到地道的港式美味，更讓我感受到濃厚的懷舊情懷。每一道菜都展現了廚師的用心與巧

今次再次黎到位於荃灣嘅楚撚記，感覺返哂黎!餐廳嘅裝修十分懷舊，有卡位亦有圓枱等!餐牌上有非常多款菜式可以選擇，樣樣都想試，最後揀左幾款今次試。猴頭菇蟲草花淮山螺頭煲豬骨湯，屋企人最中意飲湯，我地叫左個小煲，都夠2-3個人飲，每人大概都有2碗湯，湯非常清甜，而且冇味精，飲完都唔會口渴，而且湯料都好足，有粟米、蘿蔔、豬骨、螺頭肉、猴頭菇等，而且餐廳都好好，會提供點湯料嘅豉油同埋鹽，非常貼心!黃金椒鹽粟米，呢款菜式係最令我念念不忘得，今次黎到當然要再點啦!粟米用上咸蛋黃同埋椒鹽一齊炒，粟米都沾滿左咸蛋黃醬同埋椒鹽，食落咸香得黎又鮮甜，非常惹味!啫啫滑雞煲，佢地嘅滑雞煲上到黎嘅時候熱辣辣，煲內除左有雞件，亦有豬潤、冬菇，醬汁美味，用黎送飯一流!而雞件唔會有太多碎骨，雞肉嫩滑，唔錯!大澳蝦膏蒸豬面青，豬面青份量都好多，食落好鬆軟，蝦醬味道濃郁，用黎送飯最正!酥炸鯪魚球，鯪魚球炸得好香脆，份量都好多，附有蜆介醬，佢地嘅蜆介醬味道非常濃郁，除左有蜆介，亦有大量蔥絲，非常正!金銀蛋浸時蔬，佢地嘅時蔬可以自己揀要咩菜，我地就揀左菠菜，因為bb最愛食!菠菜面頭有大量咸蛋同皮蛋，食落味道唔會太咸剛剛好！懷舊

今晚去左呢間懷舊大排檔食晚餐～餐廳座位好多，岩曬同家人或朋友聚會食晚餐。坐得舒服，而且餐廳環境佈置仲令人置身係大排檔之中，充滿情懷！仲有唔少遊客都來用餐及打卡！相當有港式風味！除左環境之外，餐廳仲有多款地道港式小炒，夠曬鑊氣～而且餸菜仲好夠份量！正！菠蘿拔絲咕嚕肉！酸酸甜甜的，超開胃！咕嚕肉用了梅頭豬肉，吃起來啖啖肉，肉質更好咬口！好正的！而且醬汁調配得超開胃惹味！仲有拔絲糖膠，夾埋一齊食，甜甜酸酸好特別的，好好味！仲有好多菠蘿、蜜桃、三色椒做配菜！金沙黃金白飯魚！咸蛋黃咸咸香香，超級香口惹味的！脆卜卜的口感！令本來平平無奇既香飯魚都變得超惹香超香！非常之創新同香口既一道餸！大人小朋友都必喜愛！飛天通菜煲，熱辣辣的！非常有特色同地道！通菜煲超香超惹味！通菜爽身，而且勁入味，仲有蝦乾蝦醬的！超濃郁既蝦味，同通菜好夾好好味！另外我們仲點了兩碗楚撚豬油撈飯，呢個豬油撈飯相當有特色！難得見到餐廳有得食豬油撈飯，當然不可以錯過了！飯粒好乾身，粒粒分明的，飯蒸得時間岩岩好，口感煙韌好味的。因應自己口感加入了豬油跟豉油～豬油洩和了白飯後超香濃超惹味，令飯粒都充滿了燒澤油份，超香！忍不住大啖大啖地吃！

懷舊大排檔的鑊氣盛宴，色香味俱全的必訪名店** 走進**楚撚記**，彷彿瞬間穿越至舊香港的街頭大排檔——復古的霓虹燈飾、懷舊海報，搭配現代化的QR code下單系統，完美融合傳統與便捷。每日門外的人龍已是最好的品質保證，而這裡的菜式更以「鑊氣」聞名，每一道料理都展現出師傅的深厚功力，令人一試難忘。 ### **黃金椒鹽粟米：鹹香惹味的驚喜之選** 這道菜絕對是必點之作！粟米裹上薄薄一層椒鹽粉，外層微脆，內裡仍保持飽滿水份，咬下去甜鹹交織，帶微微蒜香與辣椒的刺激，風味層次豐富。金黃色的賣相誘人，作為開胃小食或下酒菜都無懈可擊。 ### **蜜椒薯仔牛柳粒：甜辣平衡的極致演繹** 牛柳粒火候掌握得恰到好處，外焦香內軟嫩，肉汁豐盈；薯仔則炸至外脆內綿，裹上蜜糖與黑椒調製的醬汁，甜中帶微辣，香氣撲鼻。這道菜完美展現大排檔的粗獷與細膩並存，每一口都讓人回味。 ### **巧手玉環瑶柱蟹肉冬茸羹：鮮美奢華的匠心湯品** 湯羹質地細滑如絲，冬瓜茸的清甜與瑤柱、蟹肉的鮮味交融，濃郁卻不膩口。玉環（冬瓜環）的雕工精緻，吸飽了湯汁的精華，每一勺都是溫潤的海洋鮮味，足見師傅對傳統手工菜的堅持。

楚撚記大排檔 是一家充滿懷舊風情的大排檔餐廳，將傳統港式風味與舒適的用餐環境完美結合。楚撚記大排檔 位於荃灣川龍街，交通便利，店內設計帶有濃厚的懷舊大排檔風情，但座位寬敞舒適，乾淨整潔，完全沒有傳統大排檔的油膩感。菠蘿拔絲咕嚕肉絕對是必點菜式，咕嚕肉梅頭外皮炸得香脆，內裡肉質嫩滑，搭配蜜桃、菠蘿及紅椒青椒，酸甜味道層次豐富，鑊氣十足。最特別的是那層拔絲糖衣，入口彈牙香脆，為菜式增添了獨特的口感。不過要提醒大家，拔絲必須盡快食用，因為放久了糖絲會融化成糖漿，影響口感。金沙黃金白飯魚，這是一款「邪惡之選」。小小的白飯魚，每條約手指尾般大小，裹上濃郁的 咸蛋黃醬，十分掛汁。咸蛋黃的香氣撲鼻，入口香脆可口，味道濃郁得讓人停不下來。雖然熱量可能不低，但這種罪惡的享受實在太值得了！喜歡咸香口味的朋友絕對不能錯過。鳳尾蝦多士與傳統的蝦多士不同，這裡用豆瓣醬 代替常見的沙律醬，帶來別具一格的風味，亦令我有新體驗，出奇的好食。蝦多士外層酥脆，加入麵包糠後口感更佳，而炸過的蝦球鮮嫩多汁，連殼都能吃下去，鮮味十足。馬拉盞炒菠菜，菠菜新鮮爽脆，與 肉碎、蝦乾 和 蒜頭 一起爆炒，再加入 馬拉盞 調味，帶來鹹香

因為朋友想食所以就預早book位而且都早左半個月book 未食過就試下啦 之前聽講過幾好味既 今次試左真係名不虛傳， 沒失望。睇完menu點左脆皮炸豬手，蝦多士，金銀蛋時蔬，椒鹽鮮魷，拼盤。脆皮炸豬手，皮真係算脆卜卜，食落去口感唔錯，豬手都唔肥，食落有肉感，份量唔少，出邊真係比較少食到呢個質素，自己比較喜歡食瘦啲所以呢碟豬手係岩口味，加埋啲醬配搭係ok啦。蝦多士，係出邊比較少食，今次食到又係幾好味既菜式之一，成個口感配搭ok。金銀蛋時蔬，份量算多味道正常。椒鹽鮮魷，鮮魷食落去唔會太粉而且食落都夠軟身，整體ok.最後食完都有糖水送。限時90分鐘，因為上菜都算快，90分鐘算係夠時間食既，可以接受。。。。總結。。。豬手同蝦多士都係比較吸引算唔錯。

鍾意食大排檔 又怕食到周身熱辣辣😅朋友帶我穿入荃灣街市附近 有間老字號大排檔 今晚來探個究竟😎✨菠蘿拔絲咕嚕肉咕嚕肉肥瘦均勻 夾埋拔絲一齊食 口感更佳 難怪成為店舖撚手小菜❤️✨香煎黑松露手打蓮藕墨魚餅墨魚餅超足料 粒粒蓮藕蘊藏於墨魚餅𥚃 口感扎實豐富 每一口散發淡淡黑松露香 香氣撲鼻😛✨蒜茸炒時蔬🧄多款炒菜任你選 菠菜鐵質豐富 係時候要補一補🥰✨豆漿杞子鮮腐竹浸時蔬豆味濃郁 心機之作😍芥蘭爽甜多汁 清清地大愛😘✨綠豆清心丸食飽飽送上免費糖水 消暑一流😊

楚撚記大排檔以其地道的香港街頭美食而聞名，菜品選擇豐富。 豬油撈飯配上香滑的白飯，令人垂涎香煎黑松露手打蓮藕墨魚餅菠蘿咕嚕肉 (梅頭)驚喜唔大濃湯海鮮粉絲什菜煲啫啫滑雞煲菜甫銀魚煎蛋角唔推薦口味偏咸老火菜乾煲豬肺湯（大）干煸四季豆楚撚記原隻脆皮炸豬手楚撚記大排檔不僅提供美味的食物，更是一個讓人感受到香港人情味的地方，環境雖然簡樸，氣氛熱鬧，讓人感受到濃厚的本地文化。服務態度友善，價格實惠，適合家庭聚餐或朋友聚會。是一個值得再訪的大排檔。

近楊屋道街市呢間大排檔成日打電話都full Booking，餐廳環境懷舊地道，有得嘆住冷氣舒舒服服咁食大排檔，份量都幾多，啱晒一班人嚟食😎🔸菠蘿拔絲糖醋咕嚕肉(HK$119)咕嚕肉用咗梅頭用，酸酸甜甜食落啖啖肉好開胃，可以連埋拔絲一齊食😉🔸沙爹粉絲金菇牛肉煲(HK$105)上枱時熱辣辣滾起晒好吸引，嗲味啱啱好唔會太鹹，加埋牛肉同粉絲送飯一流🙌🏻🔸 香煎黑松露手打蓮藕墨魚餅(HK$118)黑松露味好濃郁，仲有細細粒嘅蓮藕增加口感🤪🔸 小炒皇(HK$108)好大碟而且好足料，有腰果魷魚蝦仁☺️

夜麻麻去到楚撚記，門口已經人頭湧湧，嗰種鬧哄哄、充滿煙火氣嘅氛圍，即刻令我個胃口大開。坐低望吓餐牌，真係選擇多到令人花多眼亂，不過我個目標好明確，就係為咗佢——「豬油撈飯」！當個擺喺我面前嗰一刻，我個心已經尖叫咗出嚟！一碗白飯上面淋滿咗晶瑩剔透嘅豬油渣同埋香蔥，再加幾滴靈魂豉油，簡直係藝術品！我用匙羹輕輕一撈，熱氣騰騰嘅飯粒喺豬油嘅滋潤下，變得粒粒分明，散發住陣陣誘人嘅油香。第一啖送入口，哇！嗰種樸實無華嘅香濃，真係令人感動到想喊！豬油渣嘅酥脆、飯粒嘅軟糯，加上蔥花嘅清新同豉油嘅鹹香，簡直係完美嘅結合。佢唔係咩高級食材，但就係憑住最原始嘅香氣同口感，征服你嘅味蕾，完全係犯規級嘅邪惡美食！食到我唔理儀態，幾乎想成個碗捧起嚟食晒佢！除咗豬油撈飯，當然唔少得佢哋嘅小炒。鑊氣十足嘅小炒，無論係豉椒炒蜆定係椒鹽鮮魷，都炒得夠晒火候，味道濃郁。配埋冰凍啤酒，真係將港式宵夜嘅精髓發揮到淋漓盡致。總括嚟講，荃灣「」真係宵夜聚腳嘅好地方。如果你係想搵啲有住家風味、鑊氣十足嘅小炒，尤其係想體驗一下「豬油撈飯」呢種簡單而又極致嘅美味，楚撚記絕對唔會令你失望。不過提提你，食完可能要跑多幾個圈先可以抵消到嗰份「

今日特意約父親到荃灣吃飯，來到店後坐下下單。「金沙黃金白飯魚」炸得酥脆，鹹蛋黃裹得均勻，白飯魚鮮香不腥，下酒一流「鑊氣豉椒炒蜆」火候十足，蜆肉飽滿無沙，豆豉辣椒爆炒的醬汁濃香微辣，連殼都想嗦乾淨 「啫啫田雞煲」上桌滋滋作響，田雞腿肉嫩滑，醬汁濃郁帶薑蔥香，砂鍋保溫吃著燙嘴卻很過癮。「惹味椒油秋葵」簡單但出彩，秋葵脆嫩不黏，椒油鹹香微麻，清爽解膩 配一碗熱騰騰的「白飯」，澆上啫啫煲醬汁或炒蜆汁，樸素卻滿足 菜量實在滿足，鑊氣足調味準，是宵夜或家常小聚的實惠選擇。若喜歡濃香惹味的粵式小炒，值得一試。最後還有甜品呢！椰汁芋頭西米露好吃！總的來說我會推薦給荃灣朋友~

早幾日喺呢間大排檔風茶餐廳食咗一餐，真係抵讚！首先講嗰個香爆黑椒牛仔骨煲，嘩，嗰陣黑椒香氣一上枱就扑鼻而來，牛仔骨炆得軟腍入味，肉質嫩滑，咬落啖啖肉，黑椒汁濃郁得來唔會太鹹😗再講清蒸海魚，新鮮！魚肉嫩滑，蒸得啱啱好，唔會過老，保留咗魚嘅鮮甜味。加上啲蔥絲同豉油，簡單但好滋味，食得出係新鮮貨，無腥味，啖啖都係滿足感😆最後嗰碟足料家鄉炒銀針粉，真心話你知，料多到爆！有蝦仁、叉燒、芽菜、青椒，樣樣齊全，炒得乾身又香口，銀針粉吸晒啲醬汁，食落好有鑊氣，份量仲要多到食唔晒，抵食！

楚撚記呢幾年好出名， 一直都好想試， 今日終於有時間同朋友黎試！荃灣楚撚記係楊屋道街市對面，招牌好清晰，好容易見到因為餐廳太出名，我同朋友都訂咗位先，晚市分左2或3個時段餐廳好貼心， 喺排隊等候嘅時候亦都準備咗飲料裝修好有特色，打卡一流楚撚記原隻脆皮炸豬手豬手好大一份， 外皮炸得香脆，豬手肉嫩，一啖食哂外皮同豬手可以增加口感，而且仲配上芥末醬，可以解膩。蜜椒薯仔牛柳粒薯仔帶少少脆邊，每一粒都裹上蜜糖，好惹味，牛柳粒亦嫩滑多汁，值得一試香煎黑松露手打蓮藕墨魚餅一上菜已經聞到好香嘅黑松露味，墨魚餅好有口感，彈牙之餘仲有有一粒粒嘅蓮藕，食落更加清新蒜蓉通菜通菜炒得剛剛好，爽口香甜最後仲有糖水送，分別係芋頭西米露，同埋綠豆清心丸，兩款嘅味道都唔錯。餐廳裝修好有特色，而且食物嘅質素高，終於知道點解咁多人幫襯！

5月29晚上約7:30到達等位，6人等了一段時間，問樓下知客。暫時沒有6人枱。知客話有張打鈄角2張枱，可以上去睇下。上到去見到張2兩張枱無雷公咁遠，一齊食飯分開坐都九唔搭八，咁問工作人員咁佢就話安排咗啦，冇得坐埋一齊。咁我哋就話可唔可以坐迫啲坐六人。那位光頭先生態度整之惡劣咁答樓下知客，咪同你講咗話兩張枱囉，一早同你講咗啦。坐低咗一陣覺得食到咁委屈為乜嘢呢，餸都冇叫就走人啦，呢間咁嘅餐廳服務態度真係冇得頂。教埋佢點做都安排唔到，淨係識講乜都唔得。仲要同我哋講兩張枱要分開兩個QR code落單。真係勁呢間餐廳。

外出吃晚飯要夠鑊氣首選大排檔，要夠懷舊和坐得舒適，我們選擇「楚撚記」，連舖名都夠接地氣。香爆黑椒牛仔骨煲~煲仔未上枱已經傳來滾動的啫啫聲，夠鑊氣又熱辣辣，未嘗味令人食指大動，牛仔骨肉嫩滑美味，墊底的粉絲掛滿冶味黑椒汁，口感一流！菠蘿拔絲咕嚕肉~這款手工拔絲、焦糖餅伴咕嚕肉小菜是好配搭，很迎合我喜歡嚐甜，咕嚕肉選用脢頭，肉鮮嫩滑。黃金蛋黃炸魚皮~很有驚喜的炸魚皮，非常酥脆，蘸上蛋黃金沙，鹹香交織，吃一口齒頰留香！頭抽豉油皇銀芽炒麵~豉油皇醬汁香濃鹹甜，帶有豐富的層次感，簡單的材料，炒出色香味俱佳，絶對是大廚水凖。黃金炸饅頭伴煉奶~炸饅頭很香口，色澤金黃，配甜滋滋練奶吃，很有滿足感！免費甜品：免費都造到一絲不苟！竽蓉西米露~綿密清甜可口。綠豆清心丸~是我最愛的潮式糖水，清甜不膩，清心丸有少許煙靭口感，綠豆綿綿糯糯。