怡紅院火鍋料理

營業中

休息中

星期一放工後嚟怡紅院真梳乎，只要消費滿$600，任何湯底都只係$1！！！唔洗諗，即刻叫個花膠雞試吓~ 養顏濃厚花膠雞 ($1)雖然係$1雞，不過一啲都唔失禮，入面真係有成隻雞！店員仲會幫我哋分雞，夠晒貼心。而且花膠都唔係細細塊，都幾厚身㗎，既完整又挺身，而且都有差不多5-6塊！湯煮滾之後先飲一碗，膠質豐富而且好清甜手切安格斯 ($238)脂肪分布平均，牛肉味濃郁，仲要只係煮12秒就食得，啱晒我呢啲懶人手打蝦丸 ($48)既彈牙又有韌性，食落仲有條條嘅蝦肉爆汁牛筋丸 ($48)牛香味超濃！要小心咬開，因為真係有爆汁效果！彈牙嘅口感又爆汁，層次豐富自家製黑松露蟹肉餃 ($68)皮薄，而且黑松露味道真係好勁！特色菜藍 ($88)份量算多，而且有羽衣甘藍！薯粉 ($38)就係鍾意佢嘅超煙韌口感，最尾食就係靠佢盡吸火鍋湯底精華！不過食得多就真係會滯，所以最尾食都啱嘞，否則一開始就食，唔洗食其他野了裝飾夠特別，如果book到地下嘅 "廂房"，就更加有去怡紅院飲花酒嘅效果嘞！

怡紅院門面及內部裝潢以紅色為主軸，浪漫而古色古香。餐館內部裝修、裝飾及餐具美而一致，座位闊落舒適亦方便擺放隨身物品。六月堂食優惠划算抵食，每日有不同特價優惠，星期一$1一個湯底，我們選了滋潤補肺鮮甜的椰子雞鍋。原隻椰青椰子雞鍋整份湯底清甜可口，混有新鮮切開的椰子肉，煮開後香氣撲鼻。雞肉份量多，有差不多整隻雞的份量。雞件嫩滑鮮甜，咬下軟稔彈牙，用料新鮮，並非雪藏雞能媲美。原隻椰青的水倒進湯底中，鮮甜無比，待雞肉煮熟後可以先喝湯，清甜爽滑。黃金炸魚皮新鮮即點即炸魚皮，魚皮表面黏附流沙咸蛋黃，口感香脆不油膩，味道咸香鮮美。手打蝦丸每粒圓滾而超大顆，蝦滑打至柔軟細膩夾帶蝦仁。口感爽口彈牙，蝦味鮮甜細緻。自家製韮菜餃餃子肚脹卜卜，餃子皮柔軟爽滑，韮菜香而鮮美，啖啖豬肉份量十足。響鈴即叫即炸，香脆惹味，富有腐皮味，在湯中滾幾秒後即可食用，吸收湯底的精華。薯粉薯粉較寬而厚身，煮開後晶瑩剔透，彈牙煙韌，質感有點像啫喱般，爽滑可口，是吃火鍋的必點之選。總括來說，整體食物質素不錯，環境闊落舒服，免湯底的優惠下，「無得輸」。

怡紅院的花姑娘靚嗎？哈哈......誤會啦！呢間怡紅院是火鍋店啊！店內裝潢搞鬼，一個個廂房，菜牌名為賣身契...門外打燈將店名影射過對面牆上，真係估佢唔到，咁有噱頭。鴛鴦湯底，芫茜皮蛋和胡椒豬肚湯。芫茜皮蛋湯底材料豐富，皮蛋起碼有兩三個。胡椒豬肚湯好香，味道少許辛辣，惹味。澳洲和牛粒只需灼數秒，質感軟腍，好味。爆汁皮蛋貢丸好特別，食時小心爆汁熨嘴，有微微羗汁香味，滋味。手打墨魚丸夠爽夠彈，全冇味精，正！響鈴不油不膩，好新鮮。整體食物水準好，服務又殷勤，可推介給朋友們。

門口已感受到很chill ，像酒吧的設計，播著輕快英文歌，令人有種好放鬆的感覺。一入內，座位竟然還像廂房，甚有特色，能舒服聊天，自成一角呢！咸酸菜胡椒豬肚鍋湯頭不俗，沒有因為是中環區而將價就貨，材料不少，湯底濃厚，啖啖胡椒芬芳，淨湯也喝了2碗才肯罷休呢！火力穩定，夠猛😚湯底愈煲愈出味，連豬肚也充滿胡椒味道呀！這夜下了雨，有點涼，實在不敵冷氣，幸好胡椒豬肚湯超軀寒。萵筍份量足，爽口健康，特別索湯。鵝腸肥油富滿腸中央，甘香突出，快熟脆身。手打墨魚丸墨丸中間有真墨魚粒粒，幾有咬口，彈牙新鮮。自家製響鈴即叫即炸，熱騰騰⋯⋯又大又脆，金黃無油益味。自家製黑松露蟹肉餃別家沒有吃過，挺獨有。餃皮夠薄，嚐到絲絲鮮拆蟹肉及蟹柳和香菇等，更是沒有豬肉的，更顯清新。還加有少許黑松露醬調味，咬開少少餃皮已聞到極濃烈，芳香萬分。食後感：環境舒適，服務又好，店員周到，不停幫手隔油，我和死黨一定會再來！

位於中環，酒吧餐廳林立。不難想像有很多外國人，白領人事放工會去聚一聚。當然，價錢亦不會便宜，單講裝潢，老闆一家定很重本，我們都是因為裝潢而選擇這間打邊爐服務一流，所有員工很有禮貌，亦好主動幫忙。值得一讚。食物品不過不失。但價錢仿佛是因為在中環這個位置而抬高了不少總體來說，是值得試試

前身係Hooters既西餐廳，以火辣女侍應作賣點，話食話食，到佢執左都仲未食🤦🏽‍♀️，今次搖身一變成為怡紅院，由西方辣妹變成東方花姑娘，今次真係唔可以再錯過怡紅院主打打邊爐，午市亦有中式套餐提供，店內裝修真係好揼本，無論樓梯，燈，枱，餐具都充滿中國特色，好古色古香中式套餐跟餐會附送小食，老火湯同飲品，價錢$68-$138不等我地叫左花膠扒時菜，鮑魚花膠燴海蔘，豉椒炒花甲，懷舊生炒骨，雜菇炆滑雞 & 椒鹽骨，花膠比我想像中大舊，同埋都幾多，海蔘都幾彈牙爽口，生炒骨酸酸甜甜，味道正宗，豉椒花甲無沙，炒得幾惹味中環午市價錢算係合理，味道亦都唔差，侍應雖則不是花姑娘，但都會同客social下，食裝修環境都抵食啦

哩度都好滾得下喎🤩😍如果大家想同班朋友去滾小妹今次就推介嚟哩度啦🍲兩丁友嚟滾 點的食物都算正常吧😄😀食物的款式和份量都算係正常味道方面真係好高質👍🏽👍🏽完全唔係hea架喎 真係正啵😉☺️湯底係城寨特濃沙嗲鍋 超大煲呀味道又真係夠濃架喎🅰️💯粟米好甜好好食 小妹多多都食得落喔🐷‼️滑牛肉真係不得了 淥兩淥就食得架喇好滑質感都好軟熟 🈶️驚喜到啵嘿嘿🤪😛自家制三文魚餃同埋自家制韮菜餃都好正兩款餃嘅味道都好濃同埋足料最建議係食三文魚餃🤩😍🥟小妺俾一百分😂😆

今年生日相約了幾位朋友和我來到怡紅院叫花姑娘！講笑，那裡來花姑娘，不過真的去了怡紅院打過非常美味的邊爐！朋友一早預訂了「含春閣」這個包廂，幾個女仔不斷在這個包廂笑到傻！餐牌的名字也很玩味，非常搞笑！由於我們點了太多食物的關係，我就揀選幾款跟大家說說！sour plum soup，這款名為酸梅湯的酒，飲落去真係好似飲緊酸梅湯，完全好適合女仔飲，非常開胃！養顏濃厚花膠雞湯底，這個湯底非常濃郁而且好足料，足足用上一隻雞和數量不少的花膠，湯非常鮮甜而且好有黏度，雞肉嫩滑，我們每人都飲了兩碗以上才開始打邊爐！你最牛拼盤，包括了多款牛肉，手切騸牯黃牛金花展、封門柳和吊龍，還有澳洲和牛粒，拼盤份量都幾多，而且牛肉都好新鮮，好濃牛肉味！遍地黃金炸魚皮，魚皮很脆，咸蛋黃不會太多，味道剛剛好，魚皮亦不會有好漏的感覺！桂花蚌，鮮甜爽口，感覺都幾新鮮！花甲，份量多但有少少失望，全部都好多沙！還點了不少蔬菜，冬瓜和淮山配上這個湯非常鮮甜惹味！總括來說，裝修佈置以至餐牌都很玩味懷舊，而且食物都算新鮮，味道也不錯，雖然價錢偏貴，但慶祝生日或特別日子食下的確不錯！

今日第二次去呢間怡紅院午餐，水準依然非常好，CP值好高。以中式的青樓裝潢作招徠，大紅燈籠🏮，其實係會令人誤會埋單一定好貴。誰不知佢中午各款午市套餐，價錢合理，味道好，仲要包埋中湯同飲品。首先講講佢個「老火湯」，好有水準，好味，絕唔係一般例水。佢個「口水雞」非常之有份量，唔會好似人哋啲餐廳咁得幾件雞，目測差唔多有成半隻雞，雞肉滑度尚可，味道調校得恰當，夠辣夠味！仲有好多青瓜半碟，夠清新，平衡返。另外午市套餐以外嘅小食，試過「涼拌萵筍絲」，味道亦調校得非常好，麻油味夠香！午市套餐仲試過，「水煮牛肉」，「水煮大雜燴」，「椒鹽骨」，「蓮藕餅」水煮系列味道香，食完唔會覺得口乾。已有基本辣度，辣度只可加不可減，辣嘅程度係要食得辣嘅人先可以接受，唔係好食辣嘅人，就唔好亂搏！「椒鹽骨」同「蓮藕餅」味道尚可，冇特別評價。總括而言，呢一間係環境特別，食物出色，價錢合理嘅餐廳。下次會試埋火鍋！仲有講埋佢個訂位服務，非常專業，會send短訊俾你確認訂位，個短訊連結仲可以睇埋個餐牌！

這個裝修環境風格很特別，古代青樓風格，很吸引拍照，湯底點了一個花膠雞湯底，這個湯底鮮味濃郁，一整隻雞在湯底，很多花膠，湯底濃濃厚厚 膠質豐富，點了m6和牛，感覺味道好飲不新鮮，在咀嚼中後段有一股牛肉的騷味，這價錢好像差不多$300，不值得點來吃，另外點了一個自家製黑松露水餃，鮮味中有黑松露的香味這不錯👍🏻，因為這個湯底好味，又一整隻雞在內，吃了雞肉花膠，又飲了兩碗湯也快飽了，吃不了太多其他的火鍋食物了。

整體食材尚算新鮮。可能區域所在，位於酒吧區。針對外國人口味。湯底越吃越甜，小心糖尿病！像外國的老外中餐！座位好看但不舒服！還要逼夾的坐在一起！同一層樓只有幾張桌子，上菜混亂，好幾次把旁邊的菜送到我們桌上。服務態度極差！叫他們要多一隻碗，等到天荒地老！這個要求到底有多困難。最後半小時來問Last order。等到最後，結果沒有下單！也是同一個沒有給我們碗的員工。可能他心早已在聖誕假期了！祝他聖誕快樂！這種服務態度和口味一次就夠了！

天寒地凍,最好不過就是打邊爐. 近期這店做緊$1午餐打邊爐湯底，好抵食呀！加上食物新鮮,服務又不錯。如果兩三個人, 食唔晒,還可以半份半份叫。今曰雖然是星期四，但是都滿座，很多都是上班一族及女仔居多。 證明品質不錯，又坐得舒服，下次一定再來。

終於食到怡紅院啦！裝修好靚好古典！一行10幾人，叫咗好多嘢食～～朋友話打邊爐配whisky好正，所以叫左 Singleton 12 Glen Ord~~~估唔到又真係幾夾😋 木香帶點蜂蜜～加左冰個味反而更出，女仔一定喜歡！真係開心大發現！我地火鍋都揀左幾個湯底，有辣有唔辣，岩哂一大班人，滿足各人口味！而前菜就叫左炸魚餅、炸魚皮、刺身.....仲有芝士龍蝦！嘩～超多芝士，超級邪惡，但係正正正！打邊爐配料當然唔少得肉丸、餃子、薯粉...而我最喜歡牛肉～很新鮮又滑！第一輪就快就比人清哂～所以要叫多round!!

之前食過呢度的火鍋，覺得唔錯，所以今日黎試下呢度既lunch我同朋友叫左水煮牛同椒鹽骨水煮牛真係好辣，我唔係好食到，但朋友話好正，配料都有芽菜，薯粉，豬紅，全部十分入味。椒鹽骨都炸得好香口，送飯一留👍🏻

現今特式火鍋創意真是層出不窮，這家以古代青樓作主題的怡紅院火鍋料理，位於酒吧林立的中環雲咸街，有多個玩味十足的打卡位，點菜紙設計成賣身契，相當搞笑，這夜姐妹們齊齊去「滾」。我們先叫了一個即食的芝士波龍蝦鍋， 龍蝦好鮮甜，吃完之後還可以加湯煮日本稻庭鳥冬。另外，有名妓湯底 － 燈紅麻辣鍋＋城寨特濃沙嗲鍋雙拼湯底，嗜辣的朋友說很不錯，我就主打食古法陳皮鴨絲煲湯底，味道有鴨鮮味有又冬瓜，感覺不會太膩。頭盤來一個「大被同眠海鮮刺身拼盤」裡面有海膽、劍魚腩、三文魚、油甘魚、甜大蝦及鮮帶子，每款刺身有三件才$488，好新鮮又抵食。火鍋料方面，一大盤碟牛肉拼盤已經有澳洲和牛粒、手切騸牯黃牛：吊龍、封門柳、金花展，新鮮有嚼口！另外，墨汁墨魚滑、爆汁牛筋丸及蕃茄芝士豬肉餃亦很不錯。花天酒地的地方當然少不了特色的雞尾酒，酒保推介了四款Cocktails給我們－Pretty Crazy, Red light Green Wine, Flying Monk 和Ku Fa，各有特色。這家怡紅院由門口、酒吧、廂房同樓梯都有盞鬼打卡位，適合朋友們一齊來開房打卡。