御鐵

營業中

休息中

銅鑼灣區呢間鐵板燒晚餐選擇有好多，有一人餐亦有二人餐，我哋揀咗$2288 二人餐。▶️季節沙律沙律大大兜，沙律菜新鮮，仲有蘆筍BB、蝦、車厘茄等等。配上酸汁非常開胃。▶️季節魚鱸魚魚皮煎到非常香脆，師傅建議先食魚皮，脆脆口感然後再食魚肉。▶️澳洲龍蝦配龍蝦膏醬龍蝦非常新鮮，肉質爽口。鍾意佢仲有龍蝦膏醬，特別香及鮮味。▶️熊本縣A5和王牛薄燒和牛薄燒，和牛味有油脂好香，連埋蔥蒜食非常好味😋▶️吸物湯係北寄貝海帶清湯，清清地唔錯。▶️炒飯炒飯用杯裝上，面上仲有好多海膽及魚籽，又靚又好味！▶️雪糕雪糕揀咗薑味雪糕，好香濃幾好！▶️套餐包括咖啡/ 茶仲有餐飲叫咗熱檸茶。非常滿足的一餐😚

終於有返晚市食飯好興奮第一時間就搵咗呢間銅鑼灣新開嘅（御鐵）鐵板燒裝修好新淨好舒服呢度啲職員非常之細心體貼🥰呢度個師傅非常之專業每一道菜都會講解俾你知👍我哋就叫咗個二人餐頭盤煙三文魚野菜沙律有三種醬汁選擇柚子醋，芥末醬，蕃茄汁，我選擇左柚子醋酸酸地好開胃北海道帶子配魚子醬再配上意大利黃瓜，菠菜汁呢個配搭非常之新鮮再加上有魚子醬同金箔特別高貴提升左帶子嘅鮮味👍空運到港南非活鮑魚海藻醬汁，無鹽無醬油，味道鮮甜肉質彈牙👍西澳龍蝦配海膽汁龍蝦膏溝牛油整的海膽汁非常之特別配搭龍蝦又夠新鮮🌟大啡菇好甜香煎法國鴨肝蘋果配黑醋汁，鴨肝外層香脆加上黑醋汁酸酸地可以減去油分👍澳洲冰鮮牛柳五成熟牛柳肉質鬆軟再配上竹炭海鹽帶出牛肉嘅濃烈味道👍最後海膽炒飯，師父喺鐵板度炒咗飯先非常之香，之後師傅好好人俾咗超級多海膽真係好開心👏🏻👏🏻今餐鐵板燒高水準值回票價🌟🌟🌟

好耐冇食過鐵板燒囉，今次嚟銅鑼灣呢間餐廳食鐵板燒，地點非常方便，銅鑼灣站出口行過對面馬路就係😍一入到餐廳環境好舒服，裝修主要係木系元素，俾人一種寧靜嘅感覺。今次叫咗呢個餐，食材方面非常矜貴，以三文魚沙律作為前菜，之後就有多道海鮮。首先係個帶子配上魚子醬，賣相好靚，而且加埋魚子醬嘅鹹香，可以帶出帶子嘅鮮味。除咗帶子之外仲有鮑魚，整得好淋，成隻手掌咁大。 我向來都好鍾意食龍蝦，呢隻都一定唔會令我失望。嗰隻係西澳龍蝦，非常彈牙爽口，而且好厚肉，啖啖龍蝦鮮味🦞香煎鵝肝外層好夠脆，入口即溶，好鍾意配埋紅桑莓一齊嚟食，中和返油脂感。牛柳亦都好香，能夠鎖住啲肉汁，好出色。仲有菇、蘆筍、南瓜等配菜，非常之健康。三文魚子海膽炒飯亦都非常之出色，炒飯粒粒分明，好乾身而且唔油膩，再加上海膽同埋三文魚子嘅鮮味，值得一讚。最後有個綠茶雪糕，為晚餐畫上完美嘅句號🍽

煙三文魚野菜沙律，味道清甜，加埋柚子醬好清新，好開胃！北海道帶子配魚子醬，帶子好大粒，而且唔會縮水，食到帶子嘅鮮味，上面配埋魚子醬，加埋金箔更加有貴氣。南非活鮑魚當然非常大隻，非常之鮮味，整得好彈牙爽口，亦都有一定嘅咬口，有少少鹹香，主要係來自海水味。個汁好襯個鮑魚，鍾意嘅可以食埋鮑魚肝😋龍蝦超大隻，加埋龍蝦膏醬真係一流！仲食咗鵝肝同埋牛柳。鵝肝真係好大塊，外脆內軟，而且仲有醋來減低鵝肝嘅油膩，好鍾意呢道菜。牛柳啱啱好五成熟，煎得非常淋身，鍾意嘅可以加埋旁邊嘅蒜或者鹽嚟一齊食。飲完湯象拔蚌湯之後，嚟咗個三文魚子海膽炒飯。海膽鮮味不在話下，仲爆多海膽同埋三文魚子，好欣賞呢個開胃嘅炒飯。最後以芝麻雪糕再結尾。用餐體驗一流，座位舒服，師傅亦都會詳細介紹每一道餸👍🏻

Dinner Set ＄2488🥗季節沙律有3種醬汁選擇，揀咗蕃茄味，食落好清新開胃，仲有2隻爽口彈牙嘅蝦😊原隻日本象拔蚌來自北海道，象拔蚌好大隻，切出黎嘅份量比想象中多🤩味道超鮮甜，蚌身好爽彈，內臟外面煎得香脆內裡軟腍，用牛油炒得好香，配埋師傅特製wasabi芥末醬好夾好正😍🦞西澳龍蝦配海膽汁龍蝦係師傅即場係魚缸捉出黎🤩保証新鮮龍蝦肉紮實得黎好彈牙😋，每人有4大舊醬汁係用蝦頭嘅膏製成，味道好濃郁🥩熊本縣A5和王牛（厚切)煎至4成熟，油花極豐富😍，口感軟腍而且入口即溶🤤，配埋炸蒜片和竹炭鹽食會無咁膩同味道更豐富😋🐷西班牙伊比利亞厚切煎至8成熟，最尾再煙燻一下，增加味道層次😋豬扒質感較實和硬，如果覺得唔夠味可蘸上竹炭鹽～🥬香煎野菜有大啡菇、南瓜片、脆肉瓜大啡菇煎香過後仍然好大隻飽滿，仲好juicy💦🥣吸物北寄貝磯魚湯🍚三文魚籽海膽炒飯賣相超吸引📸將炒到粒粒金黃嘅飯放入高杯內，最上面舖上北海道海膽和三文魚籽🥰🍦雪糕有薑味同朱古力味選擇，朱古力味周圍都有得食，緊係揀薑味啦😆薑味真係好出眾又唔會辣，仲有紅豆墊底，食咗啖覺得好醒神🤩，好似解到啲牛嘅油膩感～

今晚想食好d ，揀咗呢間最近廣受好評既鐵板燒👍🏻👍🏻 店舖不大，但勝在每個座位都係圍住師傅坐，睇住佢一道道料理用心製作，實在係很好嘅享受😍😍 今次食既係Otetsu Special Set $2288/ 2位😋🔸季節沙律 ▪️可以揀佢嘅醬汁，我哋分別揀咗柚子醋汁同埋蕃茄汁😀兩款醬汁都非常清新開胃，蔬菜非常新鮮👍🏻👍🏻🔸季節魚：西太平洋鱸魚▪️煎到中途嘅時候，師傅將魚皮同魚肉分開，上菜後先食魚皮，再食魚肉☺️ 魚皮非常酥脆，魚肉嫩滑，配上香橙汁食用，更添一份清新嘅感覺😋 伴碟仲有紫蘇花花絮，望上去更加優雅👍🏻🔸澳洲龍蝦配龍蝦膏醬▪️西澳嘅龍蝦烹飪時冇落任何嘅調味，用佢嘅蝦膏調味，香氣十足，龍蝦肉彈牙，非常鮮甜👍🏻 配雞冠草沙律，有豐富嘅骨膠原，即刻大啖大啖食😍😍另外師傅細心地放上食用玫瑰花裝飾 🌹 靚靚👍🏻肉類我地分別揀左以下兩款share 食👍🏻🔸 熊本縣A5 黑毛和牛▪️和牛牛味非常濃郁，油脂分布均勻，喺口中有溶化嘅感覺😋😋😋😋配菜係意大利青瓜、日本南瓜、大啡菇，另配有竹炭鹽同炸蒜片，可自行調味☺️🔸西班牙伊比利亞厚切豬▪️係我全晚覺得最驚喜嘅👍🏻👍🏻西班牙黑毛豬不需全熟，都可以安全食用，師傅一般

Dinner Set季節沙律原隻日本象拔蚌超級鮮甜！入口彈牙，有清乖味道。dep 到一陣之後就有食到新鮮海水咸味。配翻師傅特製Wasabi芥末，一道菜可以食足三個味道！西澳龍蝦配海膽汁望住佢喺水缸攞出泥，凍暈就即刻生劏，極級新鮮！醬汁有龍蝦蝦頭蝦膏整出泥，超級濃味！蝦肉亦好彈牙鮮甜熊本縣A5和牛（厚切)入口即熔！牛味都香濃濃，值回票價西班牙伊比利亞厚切煎到外脆，入面仲有少省粉紅！竹炭鹽唔會太咸，吊味岩岩好。大啡菇青瓜同埋南瓜都煮得超好吃！香煎野菜青瓜大啡菇都超好食，大啡菇係超水準！吸物北寄貝鯛魚清湯好鮮甜，一解和牛既油膩三文魚籽海膽炒飯用高杯上左，視覺效果一流。面仲鋪左好多三文魚子同海膽。超級滿足雪糕

最近先開返晚市，所以瘋狂出街食晚餐😂而今個禮拜又就快到母親節，所以同老公拍拖慶祝一番🤣嘆吓好嘢!都有一年多冇食鐵板燒,所以非常期待坐低後同老公商量決定食個2人餐😁前菜煙三文魚野菜沙律，無記錯有三種汁包括係柚子醋，芥末醬，蕃茄汁🤪我揀咗柚子醋，酸酸美味！好開胃！而我本身唔鍾意食生蕃茄，但係呢度個蕃茄非常鮮甜😳未食過咁鮮甜嘅蕃茄，我係第一次二口不說食曬d生蕃茄🥶跟住就係北海道帶子意大利黃瓜配上菠菜汁，而且帶子特別鮮甜👍之後食咗個南非鮑魚活生生睇住佢係魚缸捉，非常新鮮，而且係三頭鮑！份量十足！海藻醬汁，無鹽無醬油，都好鮮味夠曬味😆😆跟住到好巴閉嘅西澳龍蝦配海膽汁龍蝦都係新鮮係魚缸睇住佢捉同劏😂而海膽汁係龍蝦膏溝牛油整的海膽汁，大啡菇都吸咗好多汁所以好Juice之後食咗香煎鴨肝配蘋果同牛柳就進入直路😜到三文魚籽海膽炒飯三文魚子同海膽份量亦唔少😋😋簡直就係壓軸嘉賓最後甜品方面有抹茶雪糕，朱古力雪糕同薑味雪糕！係呀！冇聽錯係薑味雪糕而且侍應話個薑味十足，咁我即刻要試吓啦！果然個雪糕真係有意外驚喜😍辣辣地甜甜地好回味！

朋友生日又就黎到啦，所以搵了一間鐵板燒跟他慶祝!這間餐廳不算好大，有兩個廚師枱，兩邊都有bar枱，客人都可以見到廚師席前鐵板燒。我地揀左個special meun，包有沙律、鵝肝、龍蝦、牛柳、炒飯、甜品等，非常豐富。沙律係有煙三文魚的，店員有醬汁俾我地選擇，我揀左芥末醬，食落有D嗆鼻，但係味道又帶有酸酸地，前菜黎講一流。鮑魚好生鮮，燒之前仲係識郁的，師博除了燒鮑魚肉外，仲燒左佢的內臟，原來都好美味。鮑魚鮮甜，口感彈牙，味道不錯。呢款西澳龍蝦係刺身級龍蝦，所以只係將龍蝦煮到半生熟，口感較為爽身，用蝦膏製成醬汁，好美味。話時話真係好耐冇食鵝肝，呢度的鵝肝都好肥美，口感軟滑，外層煎到好香，有上意大利醋同青蘋果，酸酸地能減去油份。牛柳肉質鬆軟，牛肉味濃，配上竹炭鹽，帶出牛肉的鮮味。炒飯係三文魚籽海膽炒飯，廚師先炒飯，最後先加入三文魚籽和海膽，所以食落仲食到海膽的creamy感覺，好正。甜品係抹茶紅豆雪糕，有回甘味，不錯。

疫情關係，很久沒有吃鐵板燒了，遇上週年紀念，一於食餐好的!預早預訂了這間餐廳的晚餐鐵板燒，晚上時間也有多款套餐可以選擇，而我們就揀選了Otetsu Special Meun，連甜品有8道菜!煙三文魚野菜沙律，沙律的醬汁有三款可以揀選，而我就揀了柚子醋!沙律菜拌勻了柚子醋，帶有柚子的香味，酸酸味味，特別開胃!北海道帶子配魚子醬，帶子煎到半生熟，外層煎到香口，內裡肉質嫩滑鮮甜，再配上咸香的魚子醬和柚子汁泡沫，味道清新!南非活鮑魚，鮑魚都幾大隻，味道鮮甜，肉質彈牙，配上海苔汁帶出鮑魚的鮮味!西澳龍蝦配海膽汁，龍蝦都好大隻，每人有半隻龍蝦，龍蝦亦多膏，師傅將膏製成醬汁，令龍蝦味道更鮮甜!香煎法國鵝肝，很久沒有吃這麼大塊的鵝肝了，鵝肝煎到外層脆口，中間有種滑的感覺，配上意大利醋和青蘋果，減去鵝肝的油膩感!澳洲冰鮮牛柳，牛柳好厚身，味道香濃，非常惹味!三文魚籽海膽炒飯，炒飯用上小杯子盛裝，很適合影相打卡!影完相後可把飯倒在碟子慢慢吃!炒飯拌入了海膽和三文魚籽，味道很香，口感豐富!北寄貝湯，廚師為我們送上很清甜的北寄貝湯，能夠清清味蕾!最後還有薑味雪糕作結，很滿足呢!

晚市堂食重啟，日本菜一直都係我想品嘗的首選，今次選擇了位於銅鑼灣核心地帶的高級鐵板燒餐廳- 御鐵，聽說是以食材新鮮聞名。一來到餐廳就被這個二人套餐的菜式吸引了，既有空運活海鮮，又有魚子醬品嚐。1.煙三文魚野菜沙律沙律菜新鮮可口，加上煙三文魚，作開胃一流！2. 北海道鮮帶子配魚子醬北海道刺身級帶子配上菠菜汁，烹煮到七成熟剛剛恰當，加上魚子醬作topping，更令帶子本身鮮味昇華。2.南非活鮑魚這個是師傅既驚喜之作，鮑魚是即日海鮮空運到港，即開即吃，不需要用太多調味，用少許牛油加上鮑魚肝臟就已足夠，如上嘗試另一番風味，可以點上海苔汁，更加鮮味。3.西澳龍蝦這是一道沒有浪費龍蝦任何部位的佳餚，師傅把龍蝦起肉，再將它切成一粒粒，方便一口一舊。龍蝦煎至七成熟，卻十分彈牙。最值得稱讚的是他把龍蝦膏整成醬汁，點上龍蝦膏的龍蝦，為更一體，鮮甜可口。4.香煎法國鴨肝鴨肝配上底下嘅青蘋果可以減輕油膩感，不錯不錯！5.澳洲牛柳師傅把牛柳煎至五成熟，再切成一口大小，澳洲牛柳的特色是肉味較重，肉質較實。點上黑色的竹炭鹽，自己控制鹹的程度。伴碟的蔬菜也十分出色，大啡菇和翠肉瓜都清甜多汁。6.三文魚籽海膽炒飯這個炒

人生有幾多次可以升職加人工，的確係十隻手指可以數得哂🤣所以男朋友升職，當然要食返餐好嘅賀一賀佢啦🥳-喺OpenRice見到呢一間餐廳冇負評，而且食物嘅賣相都好吸引，價錢都係budget之內，於是就嚟試一試佢，果然冇令我哋失望❤️-餐廳嘅環境同埋氣氛十分舒適，位置唔算太多，所以想食記得一早要book位。由於位置唔多，所以即使我食當晚係full booking,亦都唔會覺得好嘈👍-除咗A la carte之外，餐廳亦都有一人餐同埋二人餐可以選擇，今晚我就揀咗一個店員推介嘅二人餐，因為入邊有好多海鮮，亦有肉類，啱晒我選擇困難症嘅我🙈-1.煙三文魚野菜沙律沙律總共有三款汁醬可以選擇，包括柚子醋、蕃茄蒜、芥末醋，我揀左柚子醋，酸酸地，又帶點果香，很開胃🥳-2.北海道鮮帶子配魚子醬帶子嘅大細令人讚嘆，即使煮過亦都冇縮細到👍呢個帶子總共有五個唔同層次，包括底部嘅菠菜汁、意大利黃瓜、青檸菠菜泡沫、超濃郁嘅魚子醬，同埋係主角嘅七成熟帶子，估唔到所有野會咁夾👍-3.南非活鮑魚隻鮑魚好大隻呀!!!有成隻手掌咁大😻點上綠色的海苔醬，提鮮左好多😻😻令人意想不到的鮑魚膽，煎香左之後估唔到又幾甘香🥳另外，呢度嘅伴碟仲

今日慶祝生日所以男朋友book 左黎呢度食鐵板燒 一入到黎會提供個籃喺櫈底放袋 又有口罩套提供 👍 環境都好靚 係日系嘅淺啡色設計 仲有窗令到成個環境好開揚 🥰✨柚子醬 / 芥末醬沙律我揀左柚子醬就甜甜地 好香柚子味 男朋友揀芥末醬都好出芥末味不過就唔辣嘅 啲菜都好爽 蕃茄都好甜✨香煎鱸魚配香橙醬汁塊魚皮好薄 煎到好脆好香😋 魚肉質結實 點埋啲香橙同檸檬泡沫好襯 好食 仲有食用花點綴 令到成道菜好靚😍✨南非鮑魚配海苔醬呢道菜好驚艷❤️❤️ 飽魚好肥美 爽口彈牙🤤 就咁食都好香牛油味 但係配埋個海苔忌廉醬仲出色 忌廉奶味好香 海苔味淡淡地但都好好食 直頭想奶埋隻碟食乾淨啲醬🤣🤣🤣 旁邊仲有啲三文魚子同藻都好新鮮 😆 ✨和牛薄燒和牛油脂分布好勻 啲油脂味超香😋😋 旁邊嘅意大利櫛瓜 翠玉瓜同菇都好正 唔會燒到乾 仲有好多汁 💦 如果覺得唔夠味可以點啲側邊嘅竹炭海鹽 ✨西班牙伊比利亞厚切豬呢個非常打卡able📸📸 佢煎完之後仲會用個蓋給住 加啲煙入去燻 然後打開個蓋舊豬就好似喺仙境出嚟咁🤣🤣 豬肉都幾juicy 有嚼口 仲有煙燻同埋堅果嘅味✨ 北寄貝鰹魚清湯北寄貝鮮甜爽口 仲有啲海苔同菇清清地幾好

🌟🌟🌟🌟🌟🌟🌟🌟🌟🌟🌟🌟🌟🌟🍽 御鐵 (銅鑼灣)📍銅鑼灣駱克道487-489號駱克駅13樓🌟🌟🌟🌟🌟🌟🌟🌟🌟🌟🌟🌟🌟🌟疫情關係大家冇得出國，而且每一日又要好小心注意個人清潔，一定會有壓力🥲🥲咁就要食返啲好嘢放鬆吓，決定試下呢間銅鑼灣嘅新開鐵板燒🥰同朋友點左個看起來比較豐富嘅premium set D😗柚子醋沙津🥗蔬菜好新鮮，有三種沙律汁俾你揀，我就揀咗柚子醋，食落酸甜開胃👍🏻日本帆立貝配青檸菠菜泡沫🥬這道菜式使用了很多材料，層次感非常豐富，分別是菠菜汁，北海道帶子，爽口多汁的意大利黃瓜，較為高級嘅no.2魚子醬，青檸泡沫，紫蘇花，每樣食材都處理得十分出色，配搭起來也不會有任何衝突🤩澳洲龍蝦配龍蝦膏🦞煎香大大隻澳洲龍蝦，其後以龍蝦膏和牛油製成嘅醬汁作配搭，極之鮮味，伴碟使用了紅綠雞冠草、松針和玫瑰花🌹除了松針外都可食用，食用玫瑰香氣中和掉油膩感覺，雞冠草亦處理過不會像一般嘅壽司店食到一樣有腥味😊西班牙伊比利亞厚切豬🐷師傅先會將豬胺煎至五成熟，以此保持豬肉嫩滑質感，其後會放進特殊器材以櫻桃木作煙燻，令到櫻桃木嘅香氣滲入了豬肉內，旁邊備有竹炭鹽，可以點微量使豬肉嘅肉味更突出！海鮮炒飯🍚將蝦仁

香港人最鐘意就係食日本菜，依家又去唔到日本，食吓鐵板燒安慰下自己就最啱。今次呢間鐵板燒，唔玩花巧，唔玩花式雜技，主打食材新鮮同食師父嘅手勢。師傅都好啱傾，會主動同你傾偈同分享煮食心得。$2688嘅二人餐，有晒海鮮同和牛，相當豐富，唔好以為嘢食唔多，食完真係飽到頂住個肚仔走。煙三文魚野菜沙律可以揀醬汁。我揀咗番茄蒜蓉，酸酸甜甜，有少許蒜蓉香，幾開胃。北海道鮮帶子配魚子醬下一道菜就已經係海鮮，帶子用上咗刺身級嘅帶子，師傅特意將帶子煎至六七成熟，帶子可以保留住本身嘅鮮味同肉汁，最後加上金箔同魚子醬，菜式相當精美。南非活鮑魚鮑魚好大隻，師傅將鮑魚煎香，火口控制得好好，鮑魚彈牙爽口，師傅只用海鹽去調味，同鮑魚本身嘅鮮味配合得好好，旁邊係海苔忌廉汁，想食濃味啲可以配呢個汁，我鐘意原汁原味所以就唔點汁。西澳龍蝦配海膽汁同帶子一樣，將龍蝦煎到六七成熟，龍蝦肉汁仲保留到，龍蝦汁用蝦頭蝦膏煮成，可以將龍蝦肉嘅味道昇華，食落口係濃郁嘅龍蝦味。香煎法國鴨肝鴨肝嘅肉汁多到一切開就爆晒出嚟，下面嘅麵包吸收晒啲鴨肝油。呢一道菜油脂感相當豐富，如果覺得太油膩可以飲茶解膩。熊本縣A5和牛厚燒和牛唔需要多講，放落口入口即