御鐵

營業中

休息中

今次慶祝朋友生日，因為佢鍾意食鐵板燒，所以上網搵左呢間日式鐵板燒，可以坐吧枱邊食邊望住師傅燒野食，慢慢傾計，同知己朋友/情侶黎食最岩！煙三文魚野菜沙律沙律好新鮮，可以揀醬料，我揀左蘋果蒜汁，食落健康又開胃，更加期待之後嘅主菜！北海道鮮帶子配魚子醬帶子火喉控制得好好，兩面香脆，但入面嘅帶子仲好軟稔易咬，仲配左意大利黃瓜係底一齊食。南非活鮑魚配海苔醬鮑魚未煎之前仲好生猛不斷識郁，食材夠哂新鮮！而且冇加調味都夠，因為海水嘅鮮味已經夠鹹。加埋個海苔醬食好creamy。西澳龍蝦配海膽汁半隻龍蝦起左肉去煎，啲龍蝦啖啖肉，食落去好彈牙。配埋海膽汁去食更加鮮甜！香煎法國鴨肝鴨肝表層煎得香脆，底下配左一塊青蘋果黎食，可以減輕油膩感，食落去無哂變肥嘅負擔。配埋無花果醋汁，酸酸甜甜好開胃！熊本縣A5和王牛厚燒本身和牛已經夠晒味，唔夠嘅可以自己點側邊嘅鹽。蒜片炸到好脆，配埋舊和牛一齊食充滿蒜蓉香，好夾！北寄貝海帶湯食完燒物飲番啖湯。三文魚籽海膽炒飯未食炒飯之前已經飽飽地，好彩呢個份量預得啱啱好。炒飯上面鋪滿左海膽同三文魚籽，食落好鮮甜，夾埋煙煙韌韌嘅飯粒，好好食。薑味雪糕第一次食薑味雪糕，喜出望外地真係幾好食

好耐未食鐵板燒，早幾日同朋友一齊係銅鑼灣駱克駅樓上新開的一間日式鐵板燒用餐🍴餐廳環境簡潔寬闊又舒適，好有日式特色，吧台可以望著師傅製作美食，視覺上同味覺一起享受😍我同朋友就揀咗二人鐵板套餐$988-$788包括季節沙律，吸物，和牛厚燒 ，湯 ，炒飯 ，飲品及甜品.無花果雜菜沙律 無花果好香甜，雜菜爽脆可口，再加柚子醋，酸甜又開胃😋蟶子皇配香草🌿牛油野菌蟶子燒的岩岩好，香草味好香，我就好鍾意食各種蘑菇呢道菜我幾鍾意❤️香煎法國🇫🇷鴨肝同香煎蠔🦪香煎野菜鴨肝口感好嫩口，蠔好大隻，配上蒜皮食好正😋日本野菜都好新鮮，用黎鐵板燒又幾好食😋南非🇿🇦活鮑魚鮑魚都幾大隻，肉質鮮美，搭配特製嘅醬汁，口感幾特別😋熊本完A5和牛油脂分布平均，入口即溶加啲竹炭鹽食，好豐富嘅味蕾感受！三文魚籽海膽炒飯 第一次見到炒飯係一個酒杯裝住，都幾有情調🤣上層勁多嘅三文魚籽，炒飯用料豐富，有瑤柱同蜆肉，飯粒蛋香味香濃！呢個用來打卡一流🤣最後再飲一碗昆布湯野菌湯同食一個柚子雪糕結束晚餐，真系好滿足😋

剪完頭髪，和朋友去咗食鐵板燒，唔想咁 Heavy，我選咗Dinner Set A $788， 唔想食鴨肝，改咗虎蝦先來沙律，可以自己選醬汁，有柚子醋、芥末醬、蕃茄。我就選咗芥末醬，賣相好吸引，仲有好多款食材﹐除咗生菜之外，仲有羽衣甘藍、蘆筍、蝦、青瓜、蕃茄，最特別係有蓮芋，即係蓮花莖，好清甜蟶子皇配香草牛油野菌來自蘇格蘭嘅蟶子，已經切成小件，上面有泰國蘆筍同牛油雜菇，香煎法國鴨肝配無花果意大利黑醋汁唔想食鴨肝，改咗虎蝦，個汁用咗蝦膏煮，原汁原味和牛薄燒/西班牙伊比利亞厚切豬選擇咗西班牙豬，配上香煎野菜，上碟時再用櫻桃木香薰，肉好淋，仲有淡淡嘅煙薰香三文魚籽海鮮炒飯賣相好特別，用酒杯上，打咭一流，個飯仲炒得好乾身鰹魚清湯好清甜，好多菇， 好多紫菜，仲有北寄貝最後食埋個雪糕，飲埋杯檸茶，大滿足。

Dinner Set B ($988)沙律有幾款醬汁可以選擇，我揀咗柚子醋，配料唔係齋菜咁boring，有蘆筍、蝦及蓮花莖，夠晒特別南非孔雀活鮑魚新鮮鮑魚口感煙韌，有幾款食法，可以先食原味、又可以加紫蘇花、又可以加海苔忌廉汁，3款食法我都好鍾意，尤其是紫蘇花，鐵板燒鮑魚加紫蘇花比較少試過熊本縣厚切A5和牛大廚提議煮到5成熟，外脆入口即溶，如果嫌唔夠味道，仲可以加啲竹炭鹽，可以加炸蒜食，又可以用紫蘇葉包住食，感覺上真係冇咁膩㗎喎！三文魚子海膽炒飯最尾點少得炒飯，不過呢個好特別，係用酒杯食炒飯！再加埋三文魚子及海膽，太滿足啦~鰹魚清湯超級鮮甜又多料，仲有一大片北寄貝甜品最尾仲有雪糕及餐飲，正！估唔到有紫薯雪糕~食物唔止有單一味道，大廚有預備及介紹各種食法，同一碟食物都有不同驚喜。服務好好，坐得又舒服，啲裝飾品又夠靚，值得一試

今天我第90次成功捐血，要鼓勵和獎賞自己，最開心和實際是享受美味佳餚，鐵板燒絶對是視覺與美味最佳之選，楝在「御鐵」享用鐵板燒套餐也是明智選擇，因為食物選材、服務和環境都滿意。B套餐款式很合我心意，我享用季節沙律的同時，廚師也開始為我烹調香煎鱸魚。季節沙律有三款醬汁選擇：柚子汁、芥末和蕃茄，我喜歡清新柚子汁味道，配合多款有機新鮮蔬菜與鮮蝦，為我展開美味的第一篇章。香煎鱸魚配橙醬汁，觀看著廚師細心為我香煎鱸魚， 鱸魚略煎香，鱸魚肉與皮小心翼翼分開，廚師耐心地將鱸魚皮兩面煎香成色香味俱佳的薄脆，鱸魚肉配與橙醬汁、菊花瓣和檸檬泡沫感受很新穎味道層次！南非活鮑魚配忌廉海苔醬汁，配菜有三文魚籽、紫蘇、雞冠草，廚師將鮑魚去殼並用牛油和胡椒鹽將鮑魚煎至剛熟，先嘗第一口鮮鮑魚片，肉質鮮嫩香滑，第二口鮑魚片蘸少許忌廉海苔醬汁，醬汁味道沒有喧賓奪主，配合得宜，鮑魚可供食用的部份廚師巧手煎香，香酥脆口令我回味無窮。和牛薄燒，肉味香濃不油膩，中間捲入蔥花，原本不愛蔥花的我也對蔥花改觀，因為蔥花口感很清爽。三款配菜來自三個歐洲地方，大啡菇、青瓜和南瓜，清甜又清爽。日式湯，昆布、北寄貝、菇及蔬菜，很清香微甜的昆布與

老公咁悉心照顧我同小朋友，適逢父親節當然要慰勞佢。老公最愛食日本菜，今次就放低小朋友，拍拖去食鐵板燒慶祝一番。 餐廳位於銅鑼灣駱克駅13樓，餐廳以日式裝潢，簡約明亮。主要有二張鐵板燒枱，面積不大但座位寬闊，十分舒適。餐牌有不同價錢的套餐可選，老公發板選了＄2688的Set D。 季節沙律沙律有三款醬汁可選，我選了芥末沙律汁，沙律新鮮爽脆序餘，芥末汁完全有畫龍點睛的效果，芥末微辣中帶一點甜，好特別的配搭，十分醒胃。 日本原隻象拔蚌象拔蚌打邊爐就試過，鐵板燒還是首次。象拔蚌肉身好鮮甜，爽脆，我吃完後再吃象拔蚌的膽，嘩～完全感動到笑出來，象拔蚌的膽棉軟軟入口已經化開，鮮甜度遠超肉身。原味我已經十分滿足，沾上芥末忌廉醬吃會有另一番味道。 西澳龍蝦配海膽汁八成熟的西澳龍蝦口感剛好非常爽脆，鮮甜的龍蝦配上龍蝦膏＋海膽＋牛油調配而成的醬汁，更特顯龍蝦的鮮味，蝦膏的餘韻一直在口腔內迴盪，若喜歡紫蘇葉的香味可以配上紫蘇葉的花瓣同吃。 西班牙伊比利亞厚切豬配香煎野菜七成熟的伊比利亞豬以櫻桃木煙燻，粉紅色的嫩肉入口多汁爽嫩，煙燻的味道像吃煙肉般，配上竹炭海鹽和脆脆蒜片同吃份外惹味。香煎野菜有日本南瓜＋大啡菇

之前聽朋友介紹銅鑼灣開左間叫御鐵嘅席前鐵板燒店質素唔錯，今晚約左老婆放工係銅鑼灣等，直接上去嘆返餐久違左好耐嘅鐵板燒。😋御鐵位於駱克駅13樓，一出升降機門就係餐廳，雖然餐廳佔了全層，但只設了10多個座位，店員服務非常到位。晚市的鐵板燒套餐有5款選擇，我地揀選左$2,688兩位的套餐D，套餐包括左鐵板燒日本象拔蚌、龍蝦同A5和牛。😍OTETSU Dinner Set D季節沙律沙律有幾款醬汁選擇，我揀左柚子汁，沙律菜新鮮爽脆，配上大蝦，非常清新醒胃。👍🏻原隻日本象拔蚌師傅先把象拔蚌的膽和蚌肉分開，蚌肉燒至半熟，口感鮮嫩爽滑，配上芥末忌廉醬，非常惹味，蚌膽亦十分鮮甜。😍西澳龍蝦配海膽汁龍蝦由水缸取出，師傅先將龍蝦起肉燒香，即劏即燒，龍蝦肉非常鮮甜，配上以龍蝦膏、海膽同牛油炮製的醬汁，味道層次十分豐富。👍🏻熊本縣A5和牛王 配 香煎野菜套餐的肉可揀A5和牛或伊比利亞豬，我當然係揀A5和牛啦，作為熊本縣最頂級嘅和牛，油花非常靚肉汁飽滿，入口充滿牛油香味，配上帶有微甜的芥末，超級好食。😍吸物是日吸物係昆布鰹魚湯配北寄貝，味道鹹鮮。三文魚籽海膽炒飯炒飯乾身用酒杯裝住，上面舖滿海膽同三文魚籽，賣相十

聽同事介紹呢間高質鐵板燒，地點仲好方便，一出銅鑼灣地鐵站過對面馬路幢大廈就係，餐廳全部都係bar檯位，可以一邊食一邊睇住廚師烹調，鐵板燒既好處就係師傅會按你既進食速度而調節每一道菜既時間，食完一道先上另一道，咁樣每道菜都可以保持新鮮滾熱辣。OTETSU Dinner A $788季節沙律沙律有沙律菜、蕃茄仔、露荀、同埋蝦，醬汁仲有三種選擇，我揀左芥末醋，芥末好香，又唔會嗆鼻，酸酸辣辣咁好惹味。蟶子皇配香草牛油野菌蘇格蘭既蟶子，好大隻，食落好鮮甜，配菜有露旬同埋食用花。香煎法國鴨肝配無花果意大利黑醋法國鴨肝，好厚身，外皮煎到微燶，咬落質感軟熟，下面仲墊左塊青蘋果，可以吸左鴨肝既油膩感，醬汁係無花果意大利黑醋汁，澳洲牛柳粒配香煎野菜牛柳粒牛味香濃，食落有口感，肉汁豐富。昆布鰹魚清湯個湯飲落真係好清甜，配料有北寄貝，什菇。三文魚籽海鮮炒飯炒飯粒粒分明，有好多三文魚籽鋪係D飯上面。黑糖雪糕雪糕有好多款味揀，黑糖好特別，好香。

今晚同朋友聚一聚, 黎到銅鑼灣食鐵板燒. 全木設計, 上雲石枱面, 環境雅緻, 感覺好舒服, 優質禮貌既服務, 令人精神放鬆.柚子醋沙律柚子醋清新, 配沙律永遠都一流, 加上新鮮既蔬菜露筍, 蝦爽口彈牙, 呢個前菜為今晚晚餐帶來好既開始.香煎廣島蠔師傅細心煎到金黃既廣島蠔, 最尾配上煎香既蔥，蒜蓉同櫻花蝦, 入口香濃流心!南非孔雀活鮑魚鮑魚大隻, 成隻手掌咁大, 活生即煎. 師傅建議先試原味, 之後再配上紫蘇花(食用花), 海苔醬一齊食, 肉質鮮甜, 軟硬適中, 食落真係有鮮花既香味. 鮑魚肝臟同樣鮮美, 入口軟綿綿既口感, 與系鵝肝有D相似.熊本A5和牛師傅精湛既技術, 和牛煎到啱啱好, 外表香味濃郁, 裡面仲係粉紅色, 配上竹炭鹽, 山葵, 脆脆既蒜片, 真正入口即溶, 和牛既香味充滿口腔, 絕品! 就連煎完既蔬菜菇類都保留到原有既多汁!昆布鰹魚清湯清澈既湯色, 以為係平凡既湯, 點知原來超級濃味, 估佢唔到! 清甜既鰹魚味, 絕對唔係平時街見到既鰹魚粉, 配上北寄貝, 雜菇. 清新!三文魚籽海膽炒飯飯炒到粒粒分明, 粒粒彈起, 最後配上海膽同魚籽, 美味可口! 要多一個丫唔該 (

出街食飯講得最多嘅就係「少油少鹽吖唔該」而呢間位於銅鑼灣嘅「御鐵」鐵板燒就係一間好少落鹽但又可以帶出食物嘅鮮味嘅餐廳，師傅果然功架十足！佢哋用嘅材料除咗新鮮之外都幾特別，傲沙律入面有幾片好爽脆，有好多個窿嘅植物，原來係蓮藕莖部，最緊要係好食😋跟住店員會去魚缸度親手捉隻西澳龍蝦開邊燒至8成熟，再配上龍蝦膏油汁。鰹魚清湯- 清澈到好似art piece一樣，味道清甜，如果再熱啲就perfect啦！三文魚子香蔥蜆肉蝦帶子炒蛋飯，唔使講成碗食晒🤤🤤甜品：十勝利紅豆+芋頭雪糕

閏蜜聚會，當然要吃最好的，入座後侍應逐一介紹餐牌上的內容，最後當然不要虧待自己和朋友，點了最貴的餐，嘻嘻。坐在bar枱前勁期待師傅即席鐵板燒，先上了沙律，有3款醬汁可選，芥末醋、柚子醋、蕃茄醋。我選了芥末醋，向最特別的醬汁挑戰，非常刺激味蕾，打開了我的胃。 第一道菜～鱘魚子no.2配北海道鮮帶子，味道較creamy和咸香。意大利黃瓜配菠菜汁，比較清新第二道菜～海苔忌廉汁，三文魚子，雞冠草，紫蘇業，南非鮑魚，師傅強調沒有作任何調味，只用少許牛油帶出鮑魚的鮮味第三道菜～澳洲龍蝦配海膽汁，大大隻啖啖肉，勁鮮味配上濃濃的海膽牛油汁，超讚第四道菜～香煎鴨肝，邪惡的肝濃濃的油脂香配上青萍果加醋，露筍，桑莓，清新減去肥膩感第五道菜～熊本黑毛和牛厚切5成熟配炸蒜，煎日本南瓜加啡菇，入口即融，牛香肉軟最後～三文魚子海膽炒飯前來個菇菌清湯作個短暫的休息，之後就上甜品～紫薯雪糕，凍飲一杯。整個流程安排都很好，雖然價錢不平，但絕對值得一試。

生日月有好朋友請食好東西，高檔鐵板燒比送禮物來得更實際，因為吃過這餐後，回味久久未能忘懷，侍應細心為每道菜介紹，廚師即席展示廚藝，從細節更見功架和態度，很乾淨和講究每道菜的烹調方法。跟隨餐牌上的次序烹調上菜，先來前菜：煙三文魚野菜沙律，有幾款醬汁選擇，但我偏愛柚子醋，雖說普通但算最穩陣。 之後廚師制作第1道菜：北海道鮮帶子配魚子醬，墊底有意大利黃瓜配菠菜汁，上濃下淡非常夾。第2道菜：南非活鮑魚配忌廉海苔醬，配菜有三文魚籽、紫蘇、雞冠草，看著廚師慢慢將鮑魚去殼並用牛油和胡椒鹽將鮑魚整熟，簡單已經可以帶出鮑魚的鮮味。第3道菜：西澳龍蝦配海膽汁，又是看著廚師將龍蝦起肉再調味爆炒，啖啖肉都沾上極美味的海膽汁，超級好味。第4道菜：香煎法國鴨肝，很厚身的鴨肝配青萍果比多士更夾，因為能去除油膩感更強，配菜有露筍和桑莓，都很清新。第5道菜：熊本縣產黑毛和牛A5厚切，我們點了要五成熟，很軟糯，肉汁豐富，輕輕沾上竹炭鹽已令牛味突出，配菜有炸蒜，日本南瓜，大啡菇，都很好味。未夠飽還有三文魚籽海膽炒飯，兩款重口味配淡淡的炒飯味道好夾。加上日式麵豉清湯令口腔不再油膩。甜品有多款口味雪糕，我選了薑味雪糕，的確不錯

媽媽生日，我當然要同佢食餐好！佢最鐘意食日本菜，我上網做定功課，早一個星期已經約左餐廳，帶佢食日式鐵板燒。午市時段，餐廳提供lunch set menu，選擇好多！我地叫左午餐B。餐廳空間感大，每個位置都有距離，好舒適。而且座位唔多，好彩有訂位。先來沙律，自選醬汁，我地都叫左蕃茄醋汁，醬汁好開胃，而且蔬菜好新鮮。之後師傅就煮了一碟燒帶子配孫籽醬，加上食用金箔，賣相華麗。帶子味道鮮甜香嫩！之後瑞來一碟特同媽咪最欣賞既龍蝦膏汁燒龍蝦，龍蝦肉嫩驚喜，味道豐富濃郁，非常滿足。之後主菜分別叫左美國牛肉薄燒，再加上燒牛柳！肉味非常濃厚，而且配上竹炭鹽、炸蒜片，味道層次更豐富。北寄貝清湯，更加喺清一清味蕾的好選擇。師傅煮上一碗豐富蝦肉蜆肉製成既蛋炒飯，啖啖海鮮！最後仲有雪糕。我同媽咪都非常滿足。

老朋友升職加薪，特登約左我食飯，慶祝一番。咁岩撞正平日有假放，女朋友又番工，當然要約朋友食飯慶祝下啦。我地諗左好耐唔知食咩好，朋友介紹左一間日式鐵板燒餐廳，聽講質素幾高，我地就去食個午餐。午餐有lunch set menu，我地叫左午餐B。先來沙律，我地都叫左芥末醋汁，沙律簡單清甜，幾開胃醬汁，為一陣間美食打開序幕。之後有魚籽醬配日本帶子。底下是菠菜汁，帶子香甜嫩口，配上魚籽醬，味道鮮香提升不少。之後再來龍蝦，配龍蝦膏醬汁，更是令人未能忘記。龍蝦肉質非常香嫩鮮美！主菜叫左牛肉薄燒，朋友叫左燒牛柳。燒既時間控制得好好，配竹炭鹽，更是提升肉味。清甜湯品清清味蕾，再來海鮮炒飯，蝦肉蜆肉份量都好多。最後更加有甜品。午餐非常滿足！