御鐵

營業中

休息中

人生有幾多次可以升職加人工，的確係十隻手指可以數得哂🤣所以男朋友升職，當然要食返餐好嘅賀一賀佢啦🥳-喺OpenRice見到呢一間餐廳冇負評，而且食物嘅賣相都好吸引，價錢都係budget之內，於是就嚟試一試佢，果然冇令我哋失望❤️-餐廳嘅環境同埋氣氛十分舒適，位置唔算太多，所以想食記得一早要book位。由於位置唔多，所以即使我食當晚係full booking,亦都唔會覺得好嘈👍-除咗A la carte之外，餐廳亦都有一人餐同埋二人餐可以選擇，今晚我就揀咗一個店員推介嘅二人餐，因為入邊有好多海鮮，亦有肉類，啱晒我選擇困難症嘅我🙈-1.煙三文魚野菜沙律沙律總共有三款汁醬可以選擇，包括柚子醋、蕃茄蒜、芥末醋，我揀左柚子醋，酸酸地，又帶點果香，很開胃🥳-2.北海道鮮帶子配魚子醬帶子嘅大細令人讚嘆，即使煮過亦都冇縮細到👍呢個帶子總共有五個唔同層次，包括底部嘅菠菜汁、意大利黃瓜、青檸菠菜泡沫、超濃郁嘅魚子醬，同埋係主角嘅七成熟帶子，估唔到所有野會咁夾👍-3.南非活鮑魚隻鮑魚好大隻呀!!!有成隻手掌咁大😻點上綠色的海苔醬，提鮮左好多😻😻令人意想不到的鮑魚膽，煎香左之後估唔到又幾甘香🥳另外，呢度嘅伴碟仲

今日慶祝生日所以男朋友book 左黎呢度食鐵板燒 一入到黎會提供個籃喺櫈底放袋 又有口罩套提供 👍 環境都好靚 係日系嘅淺啡色設計 仲有窗令到成個環境好開揚 🥰✨柚子醬 / 芥末醬沙律我揀左柚子醬就甜甜地 好香柚子味 男朋友揀芥末醬都好出芥末味不過就唔辣嘅 啲菜都好爽 蕃茄都好甜✨香煎鱸魚配香橙醬汁塊魚皮好薄 煎到好脆好香😋 魚肉質結實 點埋啲香橙同檸檬泡沫好襯 好食 仲有食用花點綴 令到成道菜好靚😍✨南非鮑魚配海苔醬呢道菜好驚艷❤️❤️ 飽魚好肥美 爽口彈牙🤤 就咁食都好香牛油味 但係配埋個海苔忌廉醬仲出色 忌廉奶味好香 海苔味淡淡地但都好好食 直頭想奶埋隻碟食乾淨啲醬🤣🤣🤣 旁邊仲有啲三文魚子同藻都好新鮮 😆 ✨和牛薄燒和牛油脂分布好勻 啲油脂味超香😋😋 旁邊嘅意大利櫛瓜 翠玉瓜同菇都好正 唔會燒到乾 仲有好多汁 💦 如果覺得唔夠味可以點啲側邊嘅竹炭海鹽 ✨西班牙伊比利亞厚切豬呢個非常打卡able📸📸 佢煎完之後仲會用個蓋給住 加啲煙入去燻 然後打開個蓋舊豬就好似喺仙境出嚟咁🤣🤣 豬肉都幾juicy 有嚼口 仲有煙燻同埋堅果嘅味✨ 北寄貝鰹魚清湯北寄貝鮮甜爽口 仲有啲海苔同菇清清地幾好

🌟🌟🌟🌟🌟🌟🌟🌟🌟🌟🌟🌟🌟🌟🍽 御鐵 (銅鑼灣)📍銅鑼灣駱克道487-489號駱克駅13樓🌟🌟🌟🌟🌟🌟🌟🌟🌟🌟🌟🌟🌟🌟疫情關係大家冇得出國，而且每一日又要好小心注意個人清潔，一定會有壓力🥲🥲咁就要食返啲好嘢放鬆吓，決定試下呢間銅鑼灣嘅新開鐵板燒🥰同朋友點左個看起來比較豐富嘅premium set D😗柚子醋沙津🥗蔬菜好新鮮，有三種沙律汁俾你揀，我就揀咗柚子醋，食落酸甜開胃👍🏻日本帆立貝配青檸菠菜泡沫🥬這道菜式使用了很多材料，層次感非常豐富，分別是菠菜汁，北海道帶子，爽口多汁的意大利黃瓜，較為高級嘅no.2魚子醬，青檸泡沫，紫蘇花，每樣食材都處理得十分出色，配搭起來也不會有任何衝突🤩澳洲龍蝦配龍蝦膏🦞煎香大大隻澳洲龍蝦，其後以龍蝦膏和牛油製成嘅醬汁作配搭，極之鮮味，伴碟使用了紅綠雞冠草、松針和玫瑰花🌹除了松針外都可食用，食用玫瑰香氣中和掉油膩感覺，雞冠草亦處理過不會像一般嘅壽司店食到一樣有腥味😊西班牙伊比利亞厚切豬🐷師傅先會將豬胺煎至五成熟，以此保持豬肉嫩滑質感，其後會放進特殊器材以櫻桃木作煙燻，令到櫻桃木嘅香氣滲入了豬肉內，旁邊備有竹炭鹽，可以點微量使豬肉嘅肉味更突出！海鮮炒飯🍚將蝦仁

香港人最鐘意就係食日本菜，依家又去唔到日本，食吓鐵板燒安慰下自己就最啱。今次呢間鐵板燒，唔玩花巧，唔玩花式雜技，主打食材新鮮同食師父嘅手勢。師傅都好啱傾，會主動同你傾偈同分享煮食心得。$2688嘅二人餐，有晒海鮮同和牛，相當豐富，唔好以為嘢食唔多，食完真係飽到頂住個肚仔走。煙三文魚野菜沙律可以揀醬汁。我揀咗番茄蒜蓉，酸酸甜甜，有少許蒜蓉香，幾開胃。北海道鮮帶子配魚子醬下一道菜就已經係海鮮，帶子用上咗刺身級嘅帶子，師傅特意將帶子煎至六七成熟，帶子可以保留住本身嘅鮮味同肉汁，最後加上金箔同魚子醬，菜式相當精美。南非活鮑魚鮑魚好大隻，師傅將鮑魚煎香，火口控制得好好，鮑魚彈牙爽口，師傅只用海鹽去調味，同鮑魚本身嘅鮮味配合得好好，旁邊係海苔忌廉汁，想食濃味啲可以配呢個汁，我鐘意原汁原味所以就唔點汁。西澳龍蝦配海膽汁同帶子一樣，將龍蝦煎到六七成熟，龍蝦肉汁仲保留到，龍蝦汁用蝦頭蝦膏煮成，可以將龍蝦肉嘅味道昇華，食落口係濃郁嘅龍蝦味。香煎法國鴨肝鴨肝嘅肉汁多到一切開就爆晒出嚟，下面嘅麵包吸收晒啲鴨肝油。呢一道菜油脂感相當豐富，如果覺得太油膩可以飲茶解膩。熊本縣A5和牛厚燒和牛唔需要多講，放落口入口即

一直都好鍾意食日式鐵板燒，今次我就同朋友一齊黎左銅鑼灣呢間御鐵食鐵板燒。今次我地揀左個$2688嘅二人餐。煙三文魚野菜沙律有三種醬汁可以揀，分別係和風柚子醋/芥末/番茄蒜蓉。我就揀左和風柚子醋，食落酸酸甜甜，好清新開胃。北海道鮮帶子配魚子醬用上刺身級帶子，煎到六七成熟，放喺菠菜汁上面，上面再鋪上魚子醬同埋金箔，配埋菠菜青檸泡沫喺旁邊點綴。帶子食落好鮮甜，同時充滿牛油香，配埋魚子醬嘅鹹香，好食。南非活鮑魚大大隻嘅新鮮南非孔雀活鮑魚，淨係落左牛油去煎，食到嘅味道係屬於海水本身嘅鹹鮮味。建議先試下原味嘅鮑魚，然後試下點旁邊嘅海苔忌廉汁。我覺得呢個汁好creamy濃郁，好好味，於是我用旁邊嘅紅綠雞冠草點埋呢個汁食，正。旁邊仲有三文魚籽提升鮮味，配埋食用金箔更顯貴氣。西澳龍蝦配海膽汁將龍蝦煎到六七成熟，配以龍蝦膏熬成嘅醬汁，龍蝦爽口彈牙，蝦味濃郁。旁邊嘅紅綠雞冠草都可以食，可以提升骨膠原架。加埋食用花朵之後擺盤好靚。香煎法國鴨肝鴨肝表面加上天婦羅粉再燒，食落有脆皮效果。一切落去，見到非常軟心，油脂流曬出黎，呢個熟度係真係啱啱好，比起平時食到嗰啲好食好多，盡顯師傅功架。配上酸酸甜甜嘅意大利黑醋同埋

鐵板燒二人組又出動，今次黎到位於銅鑼灣駱克駅嘅御鐵，駱克駅都有幾多嘢食，好多間都值得試😆冇晚市堂食，唯有食Dunch! 我哋4點去到，冇乜人，包場咁好舒服呢～揀左套餐 Premium Set D，2個人只係$1388 +10% s.c. 抵到爛🤣Total有7個 items ，首先當然係Daily Salad，今日嘅季節沙律有日本車厘茄、羽衣甘藍、紫椰菜等，簡單新鮮😜Japanese Scallopwith Lime & Spinach Smooth日本帆立貝配青檸菠菜泡沫係嚟自日本北海道嘅帆立貝呀！非常大隻，厚肉鮮味😋On top 係金箔同紫蘇花，擺盤之外紫蘇花食用亦可突顯帆立貝嘅鮮甜呢！冇諗到呢個價位竟用上西伯利亞no.2 caviar！caviar有7級，no.7為最高，多數餐廳都係用no.1，於鐵板燒用no.2揼本又少見呢！下面係我最愛嘅Zucchini，on side係Lime Spinach smooth，配搭帆立貝食有提鮮之用。Australian Lobsterwith Lobster Paste Sauce澳洲龍蝦配龍蝦膏醬見師傅技巧嫻熟地將西澳刺身級龍蝦煎至7成熟，

最近疫情都冇乜出街食飯，宜家都係睇返舊相post返以前嘅食評。駱克駅入面有好多正嘅日式餐廳，而呢間御鐵就係其中一間我地嗰日食嘅係午餐，直接揀set D前菜沙律我揀咗芥末汁，酸甜中帶d刺激，對比朋友嘅蒜香汁，我更鍾意我自己呢款日本凡立貝超級大粒，燒至5成熟，結實彈牙，每啖都帶甜，配埋可食用鮮花同埋魚子醬，味道好多變化層次龍蝦係西澳龍蝦，醬汁用蝦膏熬制，旁邊有可食用玫瑰花同雞冠草。鐵板燒龍蝦其實係好大路嘅菜式，但呢款個味可能因為落得夠牛油，真係整得好香。之後嘅澳洲牛柳我揀3成熟，火候控制得好好，牛肉有嚼頭但又唔會太硬，超有牛味。大啡菇都好嫩好多汁，配埋靚牛肉真係好夾炒飯超多蛋，每啖都好多蛋粒夠曬香吸物及格雪糕就係紫薯雪糕，搭埋薄荷葉食，清新冰涼值得一提嘅係我好推薦揀澳洲豬柳，超大塊超爽口，調味鹹香，我食咗一塊都覺得回味無窮！

好感動！因為又可以食好野啦今日黎到御鐵，食鐵板燒！我地叫咗D餐沙律🥗 我叫咗蒜茄汁！ 好fresh!一睇呢個帆立貝就知正啦 ，佢係可以刺身食同煮黎食！師父用咗菠菜汁做個底 上面就有食用花同魚子醬！ 打卡一洗 而且味道好好！跟住就係西澳龍蝦！佢個汁係用翻隻蝦本身嘅蝦膏炒 好濃味 好鮮！個人覺得當中有1-2舊仔炒得老咗 但整體而言係正嘅我就揀咗伊比利亞嘅厚切豬！夠哂厚切而且做法都特別d 因為師傅會用櫻桃木去煙燻佢。見佢紅紅地 冇因為佢只係7成熱！放心 可以食用 而且好好味 肉質好好唔靭！配埋啲竹炭鹽同埋蒜食 冇得彈 好味到飛天了之後就有個麵豉湯同炒飯，我好鐘意佢嘅炒飯係夠穫氣同埋粒粒分明仲要每一啖都有蛋最後係一個黑糖雪糕！唔會超甜 岩岩好！當然仲有包一杯餐茶！我飲咗凍奶茶 耶！對自己好d 久唔久食一次都唔過份啊推薦比大家

疫情關係冇得出國，本土節目都離唔開飲飲食食。今次發掘一間新開嘅鐵板燒餐廳， 簡約優雅嘅設計配合木系裝修， 畀人舒服祥和嘅感覺。套餐價錢由三百幾到二千多每位不等， 視乎所挑選的食材。Premium Set D先來季節性沙律， 也可自選沙律汁。選了柚子醋沙律汁， 沙律菜新鮮🥗種類多， 還有露筍，清新美味。😋先處理魚皮，煎到又香又脆， 鱸魚亦煎得啱啱好魚味好濃， 配合鮮橙汁非常特別😋。 師傅亦花上心思擺盤， 令每道菜賣相更吸睛～！👍套餐主角係南非活鮑魚。即撈起即席泡製保證新鮮👍， 鮑魚有手掌咁大隻， 完全不需要任何調味， 吃到淡淡海水鮮味，鮑魚肉質彈牙有嚼勁。😋 大廚更特別調配了海苔忌廉醬汁， 蘸一些令鮑魚入口更滑身。😋👍旁邊的三文魚子鹹鹹地點缀番鮑魚嘅鮮味～套餐的第四道菜可以自選～ 西班牙伊比利亞厚切豬。先用特別儀器做一個煙燻嘅效果。厚切較有口感， 竟然也可自選生熟程度，medium well 約七成熟感覺不錯。😍煎得好香，肉質鬆化味道帶甜， 配合意大利黃瓜，大啡菇， 蕃茄🍅豐富滋味！✨😋～材料豐富味道好濃郁。炒飯～ 材料豐富，有蝦仁，加入雞蛋，令飯粒更有蛋香更美味！👍是日甜品～ 薑味雪糕

出銅鑼灣逛逛，開開心心食餐好的，妹妹建議食鐵板燒，太好了！於駱克道的駱克駅搵到新開嘅《御鐵》，全程欣賞師傅為我們製作美食，正！Set C「鮑魚餐」先來柚子醋沙律，蔬菜新鮮，酸咪咪的醬汁好醒胃。香煎鱸魚配鮮橙醬汁~賣相好吸引，師傅先將魚皮煎得香脆，食落更加卜卜脆，鱸魚魚肉幼滑，配合鮮橙醬汁感覺好清新。南非鮑魚配海苔醬~活生生的南非鮑魚剛剛從魚缸撈上嚟，非常新鮮，好大隻！配菜有豐富骨膠原嘅紅綠雞冠草，爽口，粒粒三文魚子口感特別，一咬即爆，鮑魚爽口彈牙，沒有加任何調味料，只利用海水嘅味道，煎嘅時候加入少少牛油，沾少少海苔忌廉醬汁也不錯。肉類有幾款選擇，我哋揀咗豬及和牛，西班牙伊比利亞厚切豬~師傅將豬煎好之後，採用新穎嘅上菜方法，於玻璃瓶內即時注入煙燻，豬肉紋理鮮明，咬落有口感但唔會韌。和牛薄切~和牛薄切卷，煎得剛熟的和牛片捲入已炒好的香蔥及蒜，和牛脂肪含量比較高，肉質十分嫩滑，非常可口，有需要可以加少少竹炭鹽吊下味。配菜有大啡菇、新鮮大蕃茄及意大利黃瓜。炒飯~師傅的表演確實美妙，鐵板上的米飯粒粒彈跳，加入鮮雞蛋、海鮮、香葱，炒得香口。吸物(湯)~昆布麵豉湯，配料仲有腐皮、豆腐及本菇，麵豉湯味

補祝情人節💐男朋友帶路去銅鑼灣搵食帶左去食鐵板燒 依間御 鐵板燒依排仲要有折位置係崇光後面一條街 都算易搵上到去 店面位置頗大 有吧枱位 大概十幾張店員安排坐近窗戶 對住師傅整鐵板燒店員推介 set C or D會有7折但想試下豬同牛 所以揀左2個Set C前菜有季節沙律🥗可以揀唔同既汁醬 依個係配蕃茄蒜汁 好開胃香煎鱸魚配橙汁🐟師傅將魚皮係鱸魚起左出黎 分開煎 卜卜脆鱸魚肉質好嫩 唔鞋口而且擺碟好有心機 再加伴碟既青檸泡泡 出色另外因為男朋友唔食魚 所以問店員可唔可以轉帆立貝 之後加$50就得依款我無試所以評唔到 總之男朋友就係話好味南非鮑魚配海苔醬鮑魚好多汁 又夠大隻 師傅話咩都無落只係用牛油襯托鮑魚既鮮味但如果個人覺得唔夠味可以蘸碟底既海苔醬會濃味啲澳洲牛柳🐂西班牙伊比利亞厚切豬師傅會提議試下七成熟 因為依款豬肉本身用嚟風乾做Parma ham未試過可以一試煎好後師傅會用木燻一燻所以食落會有浸木味 好香味增湯 有少少咸蝦仁炒飯🍤啲飯粒粒分明 唔黐口 幾香蛋味最後會有雪糕做甜品 揀左沖繩黑糖同朱古力味店員問今日點解會黎食飯 我地話補祝情人節滿意

因為情人節晚上已經禁堂食，唯有改為吃午餐慶祝，仲為另一半慳左荷包，一石二鳥。Thinking positive !午市套餐 Set D$1388/ 2 persons + 10% service charge 季節沙律選擇了柚子沙律汁，配上時令沙律菜和淸甜車尼茄，為味蕾打開序幕。日本帆立貝青檸菠菜汁泡沫大廚將帆立貝輕煎，更在其面上介上花紋，加上食用花襯托，簡單而高雅的擺盤。帆立貝超級厚肉，入口Juicy 鮮甜滿分。以煎香的意大利黃瓜墊著，黃瓜多汁而略帶甘香。西澳龍蝦配蝦膏醬大廚以純熟的手勢煎煮龍蝦、快速起肉，瞬間雪白的龍蝦肉已呈現眼前，更以牛油和蝦膏輕炒龍蝦肉，令味道更惹味。龍蝦肉質鮮美口感絕佳，盡顯其新鮮度。配上清新雞冠草沙律菜，一濃一淡，配搭得宜。主菜三選二澳洲牛柳牛柳可自選生熟度，我揀了medium 。牛柳雖然脂肪比較少，而且入口一啲都唔靭，肉汁豐富，牛肉香味澎湃，我果然冇揀錯 。西班牙文伊比利亞黑毛豬相比牛柳，西班牙黑毛豬肉味較淡，肉質有嚼勁，沒有豬酥味，相比之下牛柳較為出色。麵豉湯超濃郁，略咸大廚三扒兩撥之下已經炒出非常亮麗嘅海鮮炒飯炒飯粒粒分明，加上蛋絲，帶子粒、蝦仁和香蔥

🌹剛買回來的飲食雜誌，隨便翻開看看，發現介紹了一間鐵板燒店《御鐵》，很感興趣，因為是一間有擺盆的鐵板燒店，去openrice 睇吓食評，覺得值得一試，並預訂了位。🌹週末放假，遇上雨天，不能進行行山活動，想想不如早點去食一個豐富早午餐，提早去御鐵探店。🌹我們預訂了11時，早午餐一起吃，餐廳裝修以木系色為主調，探光度尚好，窗邊擺設了裝飾品，配襯着同一系列餐枱椅，感覺整齊統一，座位分兩邊， 雖然面積不大，亦感覺舒服。和老公商量後，點了C餐$498，當天享用了七五折優惠，感覺抵吃。沙律🥗⭐️⭐️⭐️⭐️蔬菜新鮮香煎鱸魚配鮮橙醬汁⭐️⭐️⭐️⭐️魚肉嫩，配特色橙汁醬，感覺清新（如果不將魚浸在醬汁內，口感更好）南非鮑魚配海苔醬⭐️⭐️⭐️⭐️⭐️大隻新鮮鮑魚，鮮味十足澳洲牛柳⭐️⭐️⭐️⭐️牛味重和牛簿燒⭐️⭐️⭐️⭐️肉嫩滑，內餡包了蔥及蒜，豐滿吸物⭐️⭐️⭐️熱辣辣麵鼓湯炒飯⭐️⭐️⭐️用料稍少薑味雪糕⭐️⭐️⭐️⭐️特色口味黑糖雪糕⭐️⭐️⭐️⭐️黑糖味濃《御鐵》將烹煮後的每度菜放上碟上給客人食用，很用心機，每款菜服務員會加以介紹，讚廚師👨‍🍳，服務員💁🏻💁‍♂️服務態度非常好，讚香港好多小店做得很不錯，本人寫食評都是出自真心，提供個人體驗給想惠顧的食客參考。個