御鐵

營業中

休息中

老朋友生日，決定去食好啲，今次到了御鐵。位置便利，店內環境舒適！我地揀左Otetsu Special Set，有龍蝦、和牛作為主打，好有驚喜！首先黎既係松葉蟹肉沙律–蟹肉鮮甜，配合龍珠果同冰凍的沙律菜加上柚子汁好清新開胃。師傅會響我地面前製作食材，非常新鮮，原汁原味！食完沙律後，師傅介紹下一道菜—鱸魚，香脆魚皮配上橙汁底，檸檬泡沫同食用乾花，味覺上有好多不同的衝擊！值得推介！主食龍蝦—師傅原隻，生猛既西澳龍蝦從魚缸拎出黎，開邊起肉過程利落，煎好的龍蝦肉肉質彈牙，龍蝦膏煮成的醬汁又令龍蝦肉更濃郁！今次呢個龍蝦真係會食完會好有印象！碟上配有雞冠草做配菜俾以作清潔味蕾用途。和牛厚燒亦都係高水準之作–脂肪同肉既例好平均，香脆蒜片同竹炭鹽可以帶出肉的鮮味但又不會蓋過和牛的肉味，非常滿足。昆布帶子魚清湯–鮮甜，清淡，中和番兩個主食濃的味道。三文魚籽海鮮炒飯–份量適中，用料十足，飯粒炒得好乾身配上三文魚籽味道一絕！甜品–抹茶雪糕，雪糕底下有紅豆，不會甜，完美！總結，食物質素甚高，侍應服務殷勤，物有所值！

銅鑼灣新開左一間風評不俗嘅日式鐵板燒～今日同好耐無見嘅友人相約左黎食個lunch!叫左premium set d $1388/2人餐！季節沙律 每人一碗可選蕃茄蒜/柚子/芥末醬汁我就選左最普通柚子醋汁，友人就選左芥末醋汁，味道有芥末嘅嗆，而無芥末嘅辣，幾特別！呢度嘅座位同好多鐵板燒一樣，都可望住師傅料理食材，真係視覺同味覺嘅雙重享受！日式帆立貝配青檸泡沫浸有菠菜忌廉汁及意大利黃瓜嘅帆立貝燒到剛好有一絲絲口感，鮮甜美味，on top 三文魚子增咸鮮味，再添食用銀箔作點綴增添貴氣！最後沾上碟旁青檸泡沫清新又解膩！澳洲龍蝦配龍蝦膏醬以浪漫玫瑰花同清新菊花瓣作點綴！龍蝦用番本身的龍蝦膏作醬汁包裹鮮甜爽彈嘅龍蝦肉，無特別調味，沾上碟旁灑上胡椒可提鮮！主菜總共有3款，每人可各選1款～美國牛肉薄燒包裹住大量嘅蔥蒜，同樣主打食牛肉嘅肉味及軟滑口感並無加調味，可沾碟上附上的竹炭鹽令肉味更突出！西班牙伊比利亞厚切豬 上碟前用上櫻桃木煙燻過！豬鞍扒嘅火候控制好好剛好夠又唔會過熟，入口充滿肉汁！食完主菜 遞上油揚昆布麵豉湯 炒飯 超多脹卜卜嘅蝦仁，爽彈足料奉上餐茶後，就到甜點時間選了抹茶味及薑味雪糕！

老闆今日請食中午飯，揀了間靚靚嘅鐵板燒餐廳。餐廳內有魚缸用來養海鮮用的，餐廳的食材新鮮。座位是對著可以觀賞大廚的廚藝，油煙感不大，抽風系統好😎前菜有沙律，沙律菜爽脆鮮甜，最特別是龍珠果，果肉酸酸甜甜很開胃。 帆立貝刺身級帆立貝用意大利黃瓜墊底再配菠菜汁及食用金箔，賣相相當吸引。大廚把帆立貝煮到五成熟，肉質爽口。西澳龍蝦龍蝦肉質彈牙，龍蝦味十足。大廚加上龍蝦膏造的醬汁，令龍蝦味大爆發，鮮甜😊美國牛肉薄燒牛肉味甚濃，肉脂比例剛剛好，牛肉薄燒卷滿蔥蒜蓉，牛脂配蔥蒜蓉吃起來非常香口。 西班牙豬柳第一次煙熏西班牙豬柳，一打開玻璃罩時，是滿滿的木香味🤓 尤其是西班牙豬，喜歡它的肉味夠濃，成熟度剛剛好，咬下時有肉汁👍🏼若想再濃味一點，可以沾上竹炭鹽，令味道更有層次。 三文魚子海鮮炒飯炒飯材料有蝦，蜆，帶子，蔥花，甘筍，最後炒飯加上三文魚子。海鮮食材新鮮（蝦，帶子）彈牙，蜆鮮甜。好吃😋沖繩黑糖雪糕🍦第一次吃黑糖雪糕，有啖啖甘蔗甜味👍🏼😗

日式鐵板燒算是我個人最喜愛料理菜式之一，地氈式搜尋人氣食店，搜索到開業兩個多月的「御鐵」，環境乾淨俐落、裝潢日系大氣、中價位價錢OL小資亦能負擔。龍蝦套餐Otetsu Special Set兩人行本打算選擇兩款一人餐，卻被缸內活蹦亂跳的龍蝦吸引，最後經過心理爭扎後選擇了龍蝦套餐。季節沙律可選擇柚子醋、芥末醋或蕃茄蒜汁作醬汁。沙律菜款式種類繁多、食材新鮮、菜均水潤爽脆鮮甜，配上清爽微辛芥末醋，爽甜開胃。季節魚- 香煎鱸魚師傅魚皮分開鐵板燒，魚皮不焦卜卜脆、魚肉香滑柔嫩，以鮮橙汁墊底，再配上紫蘇花及檸檬泡沫，精緻手藝配上悉心料理。龍蝦店家用上著名的西澳龍蝦，即撈即切開邊即燒，雞骨草墊底，再以蝦膏煮汁淋面，醬汁濃稠鮮香。龍蝦肉質爽彈有勁帶脆感，味道鮮甜配上清香食用花，口感更具層次。和牛薄燒熊本A5和牛大片薄切，降霜紋路清晰、雪花般散佈，下鐵板後快速變熟、油脂滲出、灑上蔥花、肉香油潤。配菜包括美國蕃茄、啡菇，菇汁水份足，咬下富爆汁感。師傅細心把半份薄燒及半份厚燒一起擺盤，再以獨子蒜蒜片及竹炭鹽再調味用，口感更多樣。帆立貝湯物清新鮮甜的湯品。炒飯鐵板炒飯，飯粒分別粒粒煙韌香口，洋蔥粒、蝦粒、帶子

秋冬絕對是屬於燒物的季節，而熱騰騰的鐵板燒料理與師傅的近距離表演，每次都教人期待。這次來到這家位於銅鑼灣的「御鐵」，犒賞一下自己。直接點了龍蝦二人餐，內容物豐富，魚蝦和牛都不差。先來頭盤沙律，爽嫩的沙律菜加上柚子醋和蕃茄酸汁，酸甜開胃。鱸魚以半煎炸的方法炮製，極考功夫，鮮甜細滑的魚醮一點自家製鮮橙汁，旁邊紫蘇花和檸檬則負責清新。來自西澳的龍蝦個頭喜人，以自身蝦膏燒成醬汁調味，盡可能呈現龍蝦本身的鮮甜味，而適度的火侯亦使肉質爽彈有緻，加上點綴的食用花瓣和海草，整體富高級感。A5熊本和牛厚燒/簿燒 脆蒜片 竹炭鹽 啡菇 蕃茄 蘆筍師傅貼心地將厚燒和簿燒的A5熊本和牛分於各碟，伴碟的還有蕃茄、啡菇及脆蒜片等配料，極足料。燒得半熟的和牛片牛香味濃郁，油脂平均地溶化於肉片上，每一口都充滿肉汁，帶來極柔軟嫩滑的質感。清湯由帆立貝、本菇及野菜滾成，成色透明，入口清甜順喉，溫燙暖胃。三文魚籽鐵板炒飯鑊氣十足的米飯炒得香軟乾爽，保持良好顆粒空氣感，加上三文魚籽帶來的天然咸味，惹味飽肚。甜品紅豆雪糕 及 餐飲冷檸檬茶

多謝老友成日搵食都預埋我，今次去咗間新開嘅鐵板燒餐廳，可以係兩大個都係吧枱位渡睇住師傅表演真係好正，視覺味覺享受，今次就好簡單，叫咗個龍蝦lunch set .你明唔明鐵板燒首先最重要係食材新鮮，第二加埋師傅嘅技巧，咁就完美啦。首先有個好大碗的沙律，好清甜仲有個龍珠果，幾得意，味道都好fresh.跟著就有個帆立貝，好嫩滑好多汁，肉質新鮮。龍蝦彈牙好惹味，鮮味係口渡湧出嚟。仲有個豬真係好有驚喜，係粉嫩，唔係未熟。

真係好懷念在日本時去食鐵板燒時，可看住廚師在鐵板上煎食物嘅感覺！朋友今晚就同我去了這裡尋回這種感覺！這裡是全層的，一出升降機就係餐廳，直望就係師傅為客人煮食嘅鐵板位置，餐廳分了兩邊，今晚就係座另一邊，座位舒適，店員服務細心，座下店員就將餐牌奉上，內有不同套餐組合，今晚我同朋友就選了這款有龍蝦嘅組合！有六道菜加埋餐飲，當中和牛食法還有選擇！落單後就係個季節沙律配上蕃茄蒜汁入口十分醒神開胃，再加上上面放了鮮甜嘅松葉蟹肉，真係一個好嘅開始！接住就係香煎爐魚肉，師傅兩三下手勢就將魚皮同魚肉分開，再煎得魚皮香脆，加埋個檸檬汁泡泡，出來賣相精緻，本身爐魚肉嘅肉質結實香滑，加埋香脆魚皮，個種感覺就似在日本師傅嘅感覺！接住就係用上澳洲龍蝦，呢個質素絕對係刺身級，超大隻，師傅用純熟嘅技巧，將龍蝦肉同蝦殼分開，再將龍蝦肉放在鐵板上煎，將大大件嘅龍蝦肉切件，再加埋個龍蝦膏汁上枱，本身師傅唔會將龍蝦肉煮得太熟，所以入口時仍保持住個種彈牙爽口嘅感覺，而配埋個濃郁龍蝦汁更加美味！當食緊龍蝦時，師傅就為我準備下一道和牛厚燒，用上了熊本和牛，厚燒就係原塊在鐵板上燒，師傅好快將牛扒不同嘅面在鐵板上返，鎖緊肉汁，再加埋配

又到十二月預早同朋友去食聖誕大餐、今年來到只開業一個月的御鐵。二人set首先送來沙律、賣相討好、多款時令蔬菜、自選的蕃茄蒜汁清新開胃、特別加上龍珠果、口感爽脆。澳洲鱸魚 — 師傅細心起了魚皮煎香、魚肉嫩滑、伴上香橙汁和檸檬mousse酸甜開胃。澳洲來的龍蝦好新鮮、放上鐵板還在微微抖動、七成熟爽口彈牙、用了蝦膏熬成醬汁、好正啊！套餐可選和牛厚燒/ 薄燒和西班牙豬柳。熊本A5和牛厚燒 肉質超級軟嫩、伴上竹炭鹽 和獨子蒜 牛味更濃郁、有入口溶化感覺！燒蘆筍和大啡菇都好好食！鰹魚清湯加入水菜、本菇、帶子、味道清清地倍感溫暖。海鮮炒飯係鐵板燒的靈魂、飯粒炒得香口、有蔥粒、蝦、帶子、蜆肉、材料豐富、三文魚籽晶瑩通透、卜卜脆口感更佳。另外附送餐飲、好完滿的一餐！

銅鑼灣新開鐵板燒，一向喜歡吃日本菜的我，實在太想念鐵板新鮮燒起香噴噴的味道，今天和舊同事一聚，就選御鐵吧♥️季節沙律好豐富，有新鮮蕃茄仔、沙律菜、第一次吃龍珠果，味道鮮甜。可以選不同醬汁，有蜜糖芥末醋汁同蕃茄醋汁等等，同沙律菜好match 😋美國牛肉薄燒 牛肉超juicy ! 很香濃的牛味💓配上蕃茄、蘆筍，感覺更健康。試試配上蒜片，就更加惹味😌有紫蘇花的擺盤精美，爽脆的意大利黃瓜上有帆立貝，切下一小口帆立貝點上菠菜汁後更清新。青檸泡泡好特別，青檸味不算濃，襯托上帆立貝就剛剛好。西澳龍蝦有一整隻的西澳龍蝦，令整份海鮮套餐更划算🥰用濃濃的蝦膏做醬汁，將整份龍蝦肉提升鮮味。龍蝦底有紅綠雞冠海草，充滿豐富的骨膠原，當然，配上龍蝦汁就更鮮味。炒飯材料有三文魚籽、貝柱、蛋、蔥、甘筍粒，一小碗剛剛好，炒飯最重要是材料新鮮，有鑊氣，飯粒粒粒分明，有咬口👍🏼薑味雪糕薑味濃郁，有啖啖奶香味💓

放大假日子食鐵板燒，來到新開張不久的御鐵。餐廳佈置了聖誕裝飾，整體感覺温暖舒適。晚市套餐分為一人前和二人前，我們點的是龍蝦和牛二人前。季節沙律以羽衣甘籃、露筍、龍珠果、紫椰菜和蕃茄仔入饌，伴以柚子醋汁，清新討好。澳洲龍蝦初放在爐上時，腳還在動，生猛新鮮。鐵板燒師傅首先正背面燒過龍蝦，再以蓋焗煮至六、七成熟，龍蝦爽口彈牙，而且不會覺得未熟透。以龍蝦膏煮成的汁好creamy,蘸些同吃更香濃師傅將澳洲鱸魚去皮，把魚皮煎至如薯片般；魚肉則煎至金黃侍應建議先食脆度十足的魚皮。金黃色的魚肉保持了嫩滑度；配自家製香橙汁、檸檬慕絲，添加了甜香味。和牛任擇厚切或薄燒，是日用上熊本A5和牛，捲著蔥花和蒜粒的和牛薄切又腍又有肉味。嘗過原味後，再蘸些竹炭鹽，有助減輕和牛的油膩度。日式湯以水菜、本菇、海苔熬成，綴以刺身級帆立貝，湯底清澈無油，平衡了燒物的厚重感。炒飯材料豐富，以蜆肉、帶子、蝦、紅蘿蔔、洋蔥、雞蛋炒成，香氣撲鼻，三文魚籽添上了鹹鮮。套餐包括了飲品，簡簡單單喝杯檸水，是晚大滿足。

又到聖誕🎄又到聖誕🥩 12月咁開心，當然要食餐好舒緩一下工作壓力，每年12月都要去東京行過圈，已經兩年冇去啦！好掛住日本嘅鐵板燒，之前有個日本客人推介我食銅鑼灣 御鐵，佢咁奄尖都話滿意，我當然要訂位品嚐一下啦！細心的服務員，專業的鐵板師傅，舒適的座位，輕鬆的用餐環境，天時地利人和非常合心意。Otetsu Special Set $2288 / 御二人樣Daily Salad 季節沙律好開心前菜沙律好大份，柚子醋汁 酸酸甜甜好醒胃，龍珠果 夠特別，松葉蟹肉味道鮮甜，加上新鮮沙律菜，打開胃口迎接後來的美食。Seasonal Fish 季節魚當晚的時令魚是香煎鱸魚，欣賞師傅在鐵板面前大顯身手，賞心樂事。自家製香橙汁，加上檸檬泡泡，分子料理的感覺。店員提醒魚皮煎得十分薄脆，可口非常。魚肉雪白又嫩滑多汁，滋味無窮。Lobster 龍蝦澳洲龍蝦🦞果然是刺身級數，不用全熟更好吃，medium well 半生熟更加彈牙，鎖住肉汁，無比清甜。入口品嚐到細膩鮮嫩的口感，龍蝦肉的甘甜。加上蝦膏忌廉汁、三色雞冠草，口味層次更加豐富。和牛薄燒 熊本和牛肉味濃，鐵板燒新鮮熱辣，做出原本美味的煮法，把原片和牛卷著蒜

今個月做了一畢大生意，收入可觀，係時候獎勵一下自己。鐵板燒是我最鍾意食嘅日本菜之一。開胃沙律伴以松葉蟹肉，配柚子醋，好清新。煎鱸魚配香橙汁和檸檬汁泡沫，可減低油膩感。龍蝦又爽又彈，非常新鮮。用了龍蝦膏和牛油做了醬汁，惹味。A5和牛做了厚燒和薄燒。兩款都係五成熟。厚燒好有口感，火喉恰到好處。薄燒配合蔥花，油脂的香，蔥花的香，共融。昆布清湯，有帶子刺身，蔬菜，清甜。海鮮炒飯材料好足，飯香滿瀉。食過味美的一頓晚餐，又有動力再努力啦。

賞心悅目！廚師嘅手勢，食材新鮮，隨了大飽眼福，亦是口福。清新沙律打頭陣。今晚時令魚係鱸魚。建議先吃香煎魚皮，脆卜卜，滋味。鑪魚啖啖肉，蘸少許檸檬泡沫和香橙汁，增加了味蕾上的口感。原隻龍蝦夠氣派😃。運用了龍蝦膏做了醬汁伴吃，嘩！那蝦膏濃稠的味道，惹味。爽脆的龍蝦，可想而知新鮮程度….😋。來自熊本A5和牛，廚師推介五成熟。薄燒加入蔥花和炸蒜片，入口融化。厚燒脂香滿溢，可蘸少許黑炭岩鹽，味道更上一層。清湯甜美，集合了蔬菜和帶子的精粹。炒海鮮飯，最後還加上魚籽，顯得高雅。粒粒分明，香口惹味。最後係羗味雪糕和香濃咖啡作總結。😊。

本人喜吃日本菜，因為食材多樣和新鮮，擺盤精緻，注重食物的原味，簡單的烹調，已可弄出美味佳餚。今天來到新進駐銅鑼灣駱克道主打鐵板燒的「御鐵」晚膳。餐廳佈置得華麗悅目，周圍擺設相當考究，令客人在舒適的環境下享受美食。侍應招呼週到，並介紹餐廳各款特色套餐，我們揀選了Otetsu Special Set。季節沙律有蟹肉，baby 蘆筍、生菜、青瓜、蓮花莖、車厘茄和燈籠果，入口清爽，加了柚子醋，相當醒胃，沙律能引入多款特色蔬菜，頗有新意。季節魚來自南太平洋的新鮮鱸魚，經過師傅的巧手烹調，魚肉鮮甜嫩滑，配以香橙及甘筍製成的醬汁，再揉合西式元素的檸檬味分子smooth，大大提升鱸魚的味道。龍蝦選用澳洲的龍蝦，師傅親自將龍蝦從魚缸撈起，洗淨後開邊，放在鐵板上煎了片刻，龍蝦的爪還在郁動，師傅再將龍蝦肉起出，以牛油和蒜蓉將龍蝦肉煎至剛剛熟，加入以龍蝦膏製成的醬汁，入口鮮甜美味，令人回味無窮。和牛厚燒A5日本和牛，質素無可置疑，厚燒至五成熟，入口即化，先吃原味，再吃加了少許泰國竹炭鹽，兩者各有特色，伴以大啡菇和鮮露筍同吃，非常滋味。之後有鰹魚帶子湯，味鮮甜可口。海鮮炒飯材料豐富，有蝦肉、帶子、三文魚子，再加

「點解你鐘意我嘅」「點答你啊，我都唔知」 其實我很清楚我喜歡他的理由，是他願意抽時間見我。但我沒有說出口，我知道真情流露並不是這段關係需要的，但只少他很付出心機。嚷著不想他離開，想吻多最後一次，因為你永遠不知道這次會否是最後一次。見見老朋友，要知道可以有一個人可以暢所慾言是一件難事，因為你永遠不知道對方想不想知，或者能不能相仼。午餐來點豐富些，點了個龍蝦套餐，有帆立貝、龍蝦、和牛薄燒、吸物、炒飯。首先來了一大盤沙律，可以有三種醬汁選擇有芥末醋汁：我選了柚子醋。沙律菜新鮮爽甜，還有龍珠果，回甘的滋味，單是沙律已經很有份量。帆立貝配菠菜汁魚子醬帆立貝白晢肉質，口感鮮嫩彈牙，菠菜汁不算太濃濃，魚子醬鹹鮮味頗香，銀箔點綴更吸引。龍蝦新鮮活生生的開邊，新鮮程度真的不可以少看。肉質嫩滑爽彈，肉汁滿溢，加上龍蝦頭煮成醬汁，調味恰當更惹味。和牛薄燒配炸蒜蔥和牛有點過熟，帶點乾，但整體也可以的。吸物湯頭清甜。炒飯海鮮炒飯足料，各種海鮮也夾雜一些，用料高質。柚子雪糕清甜可以為口腔refresh 一下。