寬巷子 (已結業)

朋友好介紹系列今日終於品嚐到台北大名鼎鼎嘅台式火鍋果然不出我所料，門面裝修有懷舊嘅感覺，一入門口已經索到麻辣嘅味道湧入我的鼻子湯底有多款選擇，我個人比較貪心梗係試鴛鴦湯底，辣果邊辣道適中再帶點麻，另一邊係烏雞冬蟲草清湯，好似燉湯咁，差啲想添飲首先叫咗山楂紅果汁，酸酸地幾開胃。之後叫咗果玫瑰松板，有冇搞錯，點解可以咁上枱，靚得咁緊要，用豬頸肉整三朵玫瑰花，再配合一個洋蔥裏面裝着雞蛋白，等你可以將啲蛋白撈埋豬頸肉一齊放落湯。再叫咗一碟白菜豬肉餃，大隻夾抵食。再叫左一碟杏香野菊，上枱十分精緻，原來係豚肉加茄子，花瓣用杏仁片砌成，一啖一驚喜。再來一碟波波糖，用菠菜捲着腐皮卷，腐皮卷裡有芝麻醬，配搭新鮮、呢個我最愛。再叫咗一碟賣相好似冰條咁，外面有層啫喱入面係墨魚卷，口感不錯，幾彈牙最後叫咗碟蔬菜拼盤，驟眼睇以為係一個盆栽，靚到一個點，好多不同種類蔬菜砌成，非常大碟。從未食過一個咁有藝術氣質嘅台式火鍋，雖然有點貴，但睇下個賣相就值得一試啦！

之前經過海運大廈見到呢間餐廳有好多人係到排隊今日lunch time時間見到無咩人就衝左入去試試，原來係一間由台灣過江龍既台式火鍋餐廳，裏面裝修得幾靚又舒服第一感覺印象不錯。入到去店員服務好好第一時間提議我先揀好鍋底因該製作同滾好鍋底既時間較長減少浪費用餐時間2小時既限制，今次揀左挑戰辣既鍋底，鍋底材料好足好多辛香料調味有月桂葉，小茴香，丁香，香茅仲有一個球型浸清辣椒，本身鍋底已經有鴨血同頭腐所以唔洗再加添。冬甩子用墨魚滑做底內裏再分2層內層有少少蟹籽南瓜蓉食落少少咸香味而外層鋪滿左唔同食材有核桃，堅果，冬菇等等令到是口感增加好似食緊真冬甩咁外層糖粒咬落脆口，感覺好新鮮。鮮蝦雲吞外皮簿內餡蝦肉大大粒而且蝦肉彈牙唔會霉淋淋香蝦香味蝦多肉少$88性價比唔低勝在蝦肉真係足料。松板豬肉師傅將豬肉片整成玫瑰花既外形而且夾起既時候唔會散好有心機三大塊豬肉玫瑰花看似少但份量其實十分多而且肉質光鮮肥瘦分明平均加上蛋白一齊落鍋令玫瑰花肉無咁易鬆散好有創意。花園錦簇一上枱就好震撼成個花槽搬左上枱擺設好有心思而且將平平無奇既蔬菜整得好有𠮨引力而且菜新鮮放入湯吸收晒湯底同材料既精華。

之前去過台灣食過寬巷子後就一直好掛住果種味道知道佢會係香港尖沙咀開分店就當然係必去,咁岩平日放假當然要趁過左lunch time呢d非繁忙時間去慢慢享受！入到去餐廳地方唔算好大但勝左枱夠大空間闊落唔會好焗促,因爲過左lunch time又無咩人所以店員就安排左坐係比較入既位置可以一邊食火鍋一邊欣賞下尖沙咀碼頭既海景.台式邊爐食辣係必然,今次揀左辣道相對較低既元珠小染,一上湯底已經見到面上鋪滿紅油同香料再撈一撈底湯底十分足料內裏已經包埋鴨血同蜂巢豆腐,雖然湯底相對下已經算少辣但今落都幾辣如果對於食得辣既人黎講可以要求店員再加辣.見湯底都比較辣所以點返杯烏梅汁飯下開胃解辣,烏梅酸酸甜甜食完辣野飲一啖即刻降温.枝仔冰最有驚喜成枝雪條咁冰住上滾4分鐘後食得滾好後外層變成平黏稠狀透明既膠質可以清楚咁見到入面既內餡,膠質外層雖然本身無咩味但吸左湯很沾上少少辣味,口感煙煙靭靭軟淋淋,內餡係以類似蝦膠墨魚滑而成口感爽彈.墨條牛軋係用上墨魚滑同墨魚汁再加上雞軟骨撈匀再打成膠製成牛軋糖既方形條.咬落中外彈牙口感實在而內裏雞軟骨脆卜卜好有咬口好似食緊真既牛軋糖咁既口感,墨魚滑膠味香而且爽係一個好好既配搭.玫

突然想起台灣麻辣火鍋，麻香而不辣，食完唔會噴火，可惜今年行程未有台灣在內，適逢寬巷子開到香港，而且大肆宣傳底下吸引我同朋友到此一試！鴛鴦湯底（$328）紅泥小染係侍應口中既大辣，以牛油加入湯底增加濃厚麻辣香，再配豬骨美人鍋以免蔬菜吸收太多油份，兩邊都提供鴨血及凍豆腐，滑溜得嚟又唔會一夾就散想試齊每款既手工菜式，可惜我地唔係牛唔會有四個胃，唯有揀幾款試下先，菠菠糖（$108）係當中既最愛，腐皮包住既芝麻香味濃，再吸收麻辣湯既香玫瑰松板（$298）賣相一流，相機先食，落鍋前加上蛋白，撈起前再分片淥一淥，香滑唔肥膩既松板豬，睇得又食得枝仔冰（$88）面層既冰以麻薯代替，裡面包住豆蓉同打到起膠既魚蝦，味道平平感覺新奇花團錦簇（$238）有一種澎湃嘅感覺，值唔值就見仁見智，平時係餐廳炒個菜都要七十幾蚊，呢個份量既菜夠炒四、五碟出嚟，不過兩個人要食晒真係有啲困難寬巷子玫瑰水果茶（$98）冰涼清甜，適合唔飲酒同有汽飲品既我！望住鐘樓同碼頭既無敵海景，配合餐廳華麗裝潢，再加上精緻美食，實在滿足

來自台北的人氣火鍋店登陸香港，當然要相約閨蜜打卡，餐廳環境十分闊落，坐位寬敞舒適，佈置充滿特色，每一個角落都散發藝術氣息。火鍋湯底共有5款，我們選了鴛鴦鍋底，一邊麻辣，一邊養生，一次滿足兩種口味。「紅泥小染」的道地紅湯底料由台灣直送，又麻又辣，層次豐富；「東方美人」由豚骨加入紅棗、杞子等湯料熬成，滋補養生。兩個湯底均有鴨血與綿綢豆腐，鴨血非常嫩滑，沒有半點腥味，豆腐將湯汁的精華全部鎖住，十分入味。火鍋配料十分講究，賣相非常精緻，完全是味覺和視覺的享受，店員細心介紹每道食材和製作時間，服務十分貼心。寬巷子必點的招牌，松板豬肉以厚切刀法，再以人手砌成立體的玫瑰花，淋上少許蛋白再入鍋，讓玫瑰花瓣在鍋中慢慢散開，令肉質更嫩滑。娃娃菜、生菜、椰菜、粟米與不同菇類，以花藝的方式，把新鮮的蔬菜變成盆景藝術，非常有心思。台式冰棒的造型，精緻通透，薄薄的外皮半透明，內餡由鮮蝦、豬肉和花枝混合做成，十分Q彈。台灣必備手信，想不到火鍋都食到，「酥皮」由手工豆腐、鮮蝦、豬肉、花枝滑等組成，鳳梨餡料香甜開胃，配搭非常創意新穎。波菜葉把手工豆皮加白芝麻粒捲起，竹枝除了把豆皮卷串起，更可整支放入鍋裡避免散開，手工豆

上星期同朋友慶祝生日，梗係要花啲心思 搵一間特別D嘅餐廳啦，周圍揾好野食， 絕對係我嘅強項 ！呢間位於海運大廈嘅新派台式火鍋，除咗 無敵靚夜景吸引之外，食材仲好特別，擺碟都係別出心裁，真係有驚喜！"波波糖" 賣相真係似一啲冰糖葫蘆嘅甜品，好靚、好得意！手工豆皮，菠菜包住小小甜嘅白芝麻， 侍應會介紹你用漏斗計時，火候剛剛好！湯底十分鮮甜，我們點了鴛鴦湯底包括係豬骨 " 東方美人 "+ 麻辣 " 紅泥小染"，單單個名都夠晒文采！"玫瑰松阪"上枱簡直係一件藝術品， 三朵鮮嫩嘅玫瑰花，其實係頂級嘅豬肉片！"鳳梨酥" 我最喜歡，因為有豆腐、花枝、蝦膠及豚肉， 入口爽口彈牙！

台灣過江龍除左廉價任食火鍋之外，呢間「寛巷子」實在是具水準之選，單看門面及店內裝潢佈置，已別樹一格。門面的復古大門十分吸晴，除了品嚐美食外，室內及室外的佈置都值得拍照湯底挑選了元珠小染（溫和麻辣）和養生白鳳（雞湯），每道菜名均詩意十足，完全突顯出寛巷子的個性！兩個湯底中間圓型部分原來是存放香辛料，讓麻辣具香氣又不用怕吃到一口香料，十分貼心的設計！玫瑰松板是必食之選，亦是必拍的菜式，看到這朵栩栩如生的玫瑰上桌令人為之驚艷，細問下製作過程是師父挑選最上乘部份，順著紋理切開，然後擺盆，便造成花瓣紋理分明的玫塊松板！更難得的是，玫瑰除了貌美外，味道亦十分鮮甜，配搭濃郁的雞湯，令人忍不住一瓣接一瓣的品嚐。寛巷子又豈止玫瑰一道殺手鐧，其餘各款美食亦款款特色，分別有由菠菜包著手工豆皮及白芝麻的菠菠糖，創新大膽的配搭異常出色，於鍋中煮四分鐘後豆皮軟韌剛好，芝麻香濃郁！杏香野菊以杏仁片在蝦滑上堆疊成花狀，配上數顆紫玉米，視覺與味道同時品嚐，賣相之美讓人細意品嚐，蝦滑的爽滑口感與杏仁片香脆咬口互相配合，加上玉米的甜亦帶出蝦肉的鮮味！枝仔冰即是台灣的雪條，竟可以變成火鍋配料，絕對看出店家對台灣文化的熱愛，造

跟好朋約會在海港城吹水兼聚舊，當然揀間餐廳enjoy一吓晚餐，我哋就決定係地下個層揀間食，經過依間餐廳門面好別緻，個名又得意叫'寬巷子'已經被佢吸引住，再睇埋 menu係食台灣火鍋（即係有麻辣湯底）就揀咗入。裝修別緻連個火鍋都係用明火仲有個好靚嘅銀色盤盛載個火鍋靚到不得了...再睇埋meue火鍋湯底個名都別緻過人，我哋又要食辣又要靚所以揀咗個鴛鴦鍋（紅泥小染+東方美人），睇個名就知要咗個小一點辣嘅麻辣鍋+豬骨做嘅湯底，鍋一到個麻辣鍋好香聞到都想食等湯滾咗後我第一時間先試個東方美人湯，有香濃嘅豬骨味外飲落去仲有一種補膠原嘅感覺，而食物方面我哋就叫咗個玫瑰松板，係豚肉但砌到玫瑰花咁，唔駛食對眼已經大飽眼褔，墨條牛軋係類似墨魚丸咁但又彈牙好多口感完全唔同，而個鳳梨酥就係用肉碎包住真菠蘿食起上嚟酸酸甜甜樣樣都又別緻又好味...下次要再去要book海影位坐，

上網見有海景，我地早2星期book 嫁啦，點知都無! 職員話要早成個月book 添 地點都好易搵呀內外裝修一流，好古色古香! 做影相background唔錯 整體餐廳感覺良好，食物新鮮，賣相唔洗講，睇相都知靚到唔捨得食! 但價錢略貴，雖然我地4女生食，每人都要400蚊落樓，到尾其實唔夠飽要加多2個麵同餃子先夠! 值唔值得就自己去衡量啦～

辛苦了一個星期，到Happy Friday 一於約埋幾位好友去食餐好，返工係尖沙咀，所以就選擇最近開張的台式火鍋，餐廳門口裝修已經好有特式，連餐廳內的佈置都一樣好古色古香。安排好座位後，侍應就好細心介紹各種不同的湯底，自己鍾意食辣，但朋友就唔食辣，所以一於要個鴛鴦鍋，「元珠小染 x 東方美人」，可以滿足大家的喜好魚皮餃打邊爐至愛之一，加上要花時間去煮熟，一開始放落鍋，又可以有足夠時間吸收火鍋的味道鳳梨酥賣相同鳳梨酥係一樣，侍應細心講解先知原來係豆腐，內裡包有豬肉，花枝，所以食時都幾爽口彈牙玫瑰松板豬一放上枱，立即被佢精緻的擺設吸引住，用一片片豬頸肉砌成玫瑰花，真係好靚呀！另外侍應教放落鍋前，先用洋葱盛的蛋白加落肉上，可以令到肉質更嫩滑花團錦簇食火鍋以來最靚的蔬菜盤，真係除左食，一定可以用來觀賞，完全睇到大廚花左好多心機，令我有啲唔捨得去破壞佢，同時睇到所有蔬菜都非常新鮮翠綠墨條牛軋四四方方，同台灣食過的牛軋糖係一模一樣，還以為係甜品，實質就係墨魚條，用上墨汁和墨魚粒來制成，相當彈牙餐廳除左食物好出色，另外就是服務好周道，侍應會主動不停幫你加湯，還會講解每㮔食物怎樣去煮先會最好味，然後就

呢排最hit既台式火鍋一定係係海港城寬巷子，係台灣無機會食，佢黎左香港終於可以去試下。一入去發現餐廳唔算大，但坐得好寬敞，入面仲對住碼頭望到維港景色，周圍既佈置好有台灣眷村既味道。湯底有5款揀，我地揀左鴛鴦鍋$328，元珠小染拼東方美人，姐係小辣拼豬骨，元珠小染唔係好辣，但就有麻香，岩晒想試麻辣火鍋又唔係好食得辣既人，相反，我地覺得可以再辣d，侍應就過黎幫我地加辣，而且比起平時食到既麻辣火鍋無咁多油，感覺健康d。美人鍋奶白色好香好濃，用左好多配料好似紅棗西芹薏米，顏色好好睇，兩個鍋都加左鴨血同豆腐，鴨血好滑，配麻辣一流，豆腐更加出色，好重豆味，好似豆漿咁，質地有dd似蜂巢豆腐，但係就滑好多，有d似腐竹咁，放美人鍋定麻辣都好食。鮮蝦雲吞$88一粒裡面有唔切一粒蝦，好足料，大到好似一粒小籠包咁脹卜卜好好睇，d蝦好彈牙。鳳梨酥$98開頭見到真係諗左下係米就咁食唔洗淥，出面係豆腐同墨魚做既，幾彈牙，入面就好似食到菠蘿味既肉同蝦，好奇特既感覺。菠菠糖$68本身中意食豆品嘢嘅，所以呢個都幾啱我心水，淥嗰陣時要連埋支樹枝一齊放落去，3至4分鐘就食得，外面係用菠菜嘅葉包住，裏面就係一啲腐皮

excellent hotpot experience. the presentation of the food is so artistic. making you upgraded the eating experience. fresh food and nice environment. lucky me able to eat near the sea side, beautiful Hong Kong night view. the food with some special Taiwan famous products, say pineapple cake, the outlook of the meat mix is really looked like the cake, when you taste that, you will find real pineapple inside worth to go and explore your tasting journey. this restaurant is always full. it closed a

大人今日受咗佢上司嘅氣，嬲到佢無灑心機...身為老公嘅我當然要諗諗計氹番大人一笑，知佢一直掛住台灣嘅麻辣鍋，我就上openrice搵吓有咩好介紹，又未同佢去過嘅餐廳...真係好難諗架，好彩被我發現依間新開嘅餐廳'寬巷子'就book位食啦，打電話去訂位一開話跟我講普通話仲以為自己打錯，竟然連侍應都係台灣人。去到安排入坐後就先送上2本menu，大人一打開就話好靚好靚呀，問我實際會唔會咁靚我鬼知咩(心諗)，我就話叫嚟試吓咪知囉，先揀個鴛鴦湯底...因為大人講食蔬菜唔好用麻辣個邊喎話多油怕肥，屬清湯個邊話係用豬骨湯煲出嚟，等到湯滾就先試飲吓又幾好味，兩邊都有鴨血同豆腐，個鴨血好味個豆腐就索灑D湯好入味，而個蔬菜盤靚到唔捨得 破壞佢需然話唔捨得當然都要食啦，必食五花腩玫瑰，芝麻卷同埋個靈魂(麻辣湯)

尖沙咀地膽朋友話，海港城新開了一間台式火鍋店，叫我一定要去試下，話包我有驚喜。一行四人去到餐廳門口，已經見佢裝修得很靚很有格調。入面更加唔駛講，部分位置仲可以望到海景。坐定之後，店員為我們介紹和推介一些受歡迎的火鍋湯底和配料。仲會很細心問我們食唔食得辣再建議我們試合適的湯底。之後我們揀左少辣的「元珠小染」和唔辣的「東方美人」湯底。見到兩款湯底的顏色鮮豔，相當吸引。先試飲一啖辣湯，真的只是微辣，初入門食麻辣火鍋的朋友都話食得到，仲很鍾意添。至於唔辣的湯底，味道十分鮮甜濃郁。說是豬骨湯底，但我竟然覺得有點似飲魚湯！食物上場了大家唔好誤會以前這盤係餐廳的插花擺設，其實佢係蔬菜拼盤「花團錦簇」。一上檯，大家都嘩一聲！太靚了，點捨得拆散拿去打邊爐？這個蔬菜拼盤的份量仲要係超十足，四個人點努力都食唔晒，最後食剩了一大半...店員都鼓勵我們打包帶走，免得丟掉浪費。我們當然無問題，不過真係無想過食火鍋食到要打包魚皮餃跟平時食的不相伯仲，在此我就不多作介紹了，只係賣相幾好，所以還是拍張照片給大家參考。又有花！無錯，不過今次係豚肉玫瑰花🌹賣相真係十個靚，難怪每一檯都點啦。旁邊洋蔥碗入面的係蛋白，店員話豚肉

認識「寬巷子」，在去台北旅行時品嚐過，其造型精緻的鍋物和味道，尤其是麻辣湯底，一試難忘。難得首間「寬巷子」在尖沙咀LCX登陸,趁未有咁多人知道前，當然要先試先享受啦。店舖無論裝修和環境都好吸引，牆上、燈具及其擺設具古代氣派，加上窗外無敵維多利亞美景進入眼簾，配上精緻吸睛的高質鍋物， 簡直係高級享受。 而且值得一讚是這裏的店員， 不但招呼周到，還細心講解每一道鍋物的特點，如何食法……等，十分窩心。先選擇湯底，我們選了鴛鴦湯鍋，一邊是「東方美人」，以豚骨淆製而成，配上紅棗、薏米、龍眼乾、杞子、牛蒡, 滋潤保健, 養顏養生。而另一半則是「元珠小染」，可選麻辣濃度，材料以鹽水浸漬辣椒為主，配有龍眼乾、紅棗、白芝麻、杞子等， 加上月桂葉、白芝麻、 辛香料融合，轉辣為香，又帶點麻辣味，吃火鍋一流的湯底。每一款鍋物擺設， 賣相精美， 真係手機食先。「 玫瑰松板 」，好像3朵真玫瑰花一樣，非常立體， 不得不佩服師傅的刀工和心機，松板豬肉，以豬頸肉為主，加上蛋汁均勻放在肉上，灼熟後，肉質香滑無比，爽彈口感。　「墨條牛軋糖 」,以為是手信食的牛軋糖。實際是用墨魚汁混入墨魚漿、花枝頭、雞軟骨造成。濃郁墨魚味