寬巷子 (已結業)

上星期同朋友慶祝生日，梗係要花啲心思 搵一間特別D嘅餐廳啦，周圍揾好野食， 絕對係我嘅強項 ！呢間位於海運大廈嘅新派台式火鍋，除咗 無敵靚夜景吸引之外，食材仲好特別，擺碟都係別出心裁，真係有驚喜！"波波糖" 賣相真係似一啲冰糖葫蘆嘅甜品，好靚、好得意！手工豆皮，菠菜包住小小甜嘅白芝麻， 侍應會介紹你用漏斗計時，火候剛剛好！湯底十分鮮甜，我們點了鴛鴦湯底包括係豬骨 " 東方美人 "+ 麻辣 " 紅泥小染"，單單個名都夠晒文采！"玫瑰松阪"上枱簡直係一件藝術品， 三朵鮮嫩嘅玫瑰花，其實係頂級嘅豬肉片！"鳳梨酥" 我最喜歡，因為有豆腐、花枝、蝦膠及豚肉， 入口爽口彈牙！