和匠日式燒肉店

營業中

休息中

想食燒肉好耐，今日午餐去左和匠燒一燒，呢到的午餐價錢合理，燒肉質素頗高，是意外驚喜。芝麻雞翼雞翼炸得剛剛好，外表呈現出漂亮的金黃色，一口咬下，雞肉鮮嫩多汁，美味可口。PRIME牛小排牛肉煙煙韌韌，口感彈牙，細細嘴嚼，滿口充滿香濃的牛肉香，餘香悠長，非常可口。烏冬順滑彈牙，令人忍不住一口接一口地吃下去，令人驚喜。北海道帆立貝配上牛油一起燒，燒完後一口吃下，海鮮味濃，鮮甜味美，鮮嫩多汁，非常好吃。波子汽水好耐無飲波子氣水，過足口癮，難怪由細到宜家波子汽水總給我一種特別的感覺。amazing lunch!

今日約左舊同事食飯，返到嚟佐敦嘅呢間燒肉店。就係我舊公司樓下，之前成日嚟食LUNCH都唔錯，不過燒肉就第一次。一坐低就點咗個飛騨牛套餐，升級咗深海老虎大蝦，仲大過我隻手！前菜分別有磯煮鮑魚、豆腐沙律、牛油炒雜菜，最後仲有個海膽炒飯。整體嚟講食物都好高質，鮑魚煮得好淋好入味，唔會太難咬，廚師都好細心地預先切開2份，唔洗我哋食得咁狼狽。牛油炒雜菜都KEEP到啲菜爽口，睇落都係新鮮的，加少少牛油香，令人停唔到口。嚟到正餐飛騨牛套餐，店員非常熱情咁教我地燒牛，教我哋點睇幾時先反得，點咩醬食最好。當時店員同我哋講佢個爐可以去到120度，咁樣燒出嚟嘅肉可以更好地鎖住肉汁，起初我係唔信的⋯直至我幾日後又去咗第二間燒肉店，發現好似又係。最後嘅海膽炒飯，真係炒得好好，一啲都唔油膩，仲可以炒到啲飯一粒粒又足料。總括嚟講我哋都非常滿意今次嘅晚餐。

一直對日本情有獨鍾，很大程度都是因為其各式各樣美食。除左壽司，日式燒肉係另一種我愛的美食。今次同朋友再次幫襯和匠日式燒肉，回味一下!呢度出名食牛，美國牛，日本牛，尤其日本飛驒牛係呢度鎮店之寶。上次嚟冇食到飛驒牛，呢次點都要試下，我地Order咗一個飛驒牛2人前（$1088），有牛有雞有蝦，其實最主要都係俾A5飛驒牛西冷吸引。先燒個飛驒牛，每邊燒五秒左右，燒出格紋就得。呢度個烤爐底用嘅係磁磚，燒到火紅，熱力比尋常烤爐大，所以要小心唔好過龍。嚟碗白飯先！A5和牛果然係不愧為A5。牛肉經過輕微炙烤，外層焦香，內裡脂肪剛剛融化，肉汁非常的飽滿，似乎在唇齒間纏綿。如果呢個Moment有個生蛋黃就更加正，烤牛肉搭配雞蛋，再撈埋飯度，再加埋牛肉嘅油脂，一定不得了！食完牛就燒雞翼，呢度既雞翼係日本出名既阿波尾雞，同香港雞翼比起黎，阿波尾雞翼好明顯就比較潔白，唔會有瘀青。燒完之後嘅雞翼脹卜卜，表皮有少少焦糖化，但依然保持咗裡面嘅水分和嫩度。肉質好好，雞翼冇調味過，最食得出原汁原味，唔會有好像平時係香港食雞翼個種雪藏味。跟住到大虎蝦，燒真係要燒幾耐，上下左右每面至少四分鐘，尤其個頭好難熟，唔識燒可以請教店

每週在港的時間不多，每次翻到香港，都很珍惜跟摯愛到處搵食嘅時光今日突然想吃燒肉，在openrice搜尋了一下，結果來到了這家餐廳很少寫食評的我，今次實在不吐不快點了- 蕃茄沙律- 飛驒牛A5肩頸肉(4 pcs.)- 美國Prime厚切牛小排- 薄切牛脷- 鹽燒烏賊- 蕃茄沙律蕃茄不算很鮮甜，調味亦很普通，不過不失- 飛驒牛A5肩頸肉(4 pcs.)附相片及對話內容如下，大家自行判斷侍應上菜，來了一碟牛角切(牛肉粒)問左了三次呢碟真係飛驒牛肩肉?係啊…Menu寫4片喎係啊，而家改左切粒嗯，老實講，平時出去食燒肉或刺身，我係絕對唔會點角切或者角煮㗎邊邊碎碎切出黎嘅下欄野，點會好食?知唔個咩係商品說明條例啊？呢個做法已經過左界啦- 美國Prime厚切牛小排肉味很淡，新種安格斯嗎？- 薄切牛脷一般- 鹽燒烏賊全晚嘅亮點味道很鮮除左食物之外:- 牛肉解凍程度不足店員過來介紹“正確”燒肉方法我即刻截住佢:啲肉未解凍，仲係硬㗎，點燒?我地嘅爐火力比較猛，所以係唔需要完全解凍㗎真係好野，咁都諗到/講得出，不過我真係唔buy- 燒爐故障火會自動熄滅，前後3次，燒肉變炆肉跟店員反映，然後佢咁同我講:唔好意

提及「和牛」，不少人第一諗到嘅便是神戶牛。但對於閱牛無數嘅老饕們嚟講，神戶牛都只係具代表性嘅和牛之一。不過，其實仲有好多隻品種香港人可能唔係太熟悉，但都係頂級和牛，飛驒牛就係其中一隻啦。今日同個朋友食飯，兩個人都好耐冇見，決定食豪少少，一於揀咗佐敦呢間專食飛驒牛嘅和匠日式燒肉。舖頭唔係好大，入到去有個木櫃，掛住一塊飛驒牛指定店嘅布，隔離放住竹鶴、山崎等酒。唔，如果一邊食燒肉，一邊飲Whisky都幾正！掙扎過後，我地選擇咗飛驒牛$1088嘅套餐，有一份7oz A5飛驒牛西冷，美國Prime牛角切，深海老虎大蝦同日本阿波尾雞翼。呢個套餐都算抵，淨係呢個A5西冷其實都已經價值$800，加多$300蚊多咁多嘢，點都叫套餐。係和匠食燒肉店員會俾你三隻醬，最左係麻醬，適合點雞肉；中間係燒汁，適合點牛肉；而最右係柚子醋，適合點豬肉。連醬汁都咁講究，睇得出食肆備材好認真。作為牛魔王，自然係先進攻牛肉，先試美國牛角切，店員會教我地應該點樣燒最好。牛角切要用快炒的方式，炒到每一面都帶焦黃。我試了一塊點了燒汁的，燒汁偏甜，所以牛肉的味道有一點被遮蓋了。另一塊我就原汁原味乜都唔加。美國牛味濃，肉質爽，個人唔建

同honey plan好俾個驚喜表妹，因為今次佢考試成績突飛猛進，所以請去食番餐獎勵下佢，我哋就去佢就讀嘅女子中學接佢放學，之後就行去附近間和匠日式燒肉店，若搭地鐵喺佐敦B2出口行幾分鐘就到,十分就腳。之前我同honey都嚟食過，覺得呢間啲食材夠新鮮，品質一流又價錢合理，重有好多唔同種類嘅食物，平貴都有，任君選擇。店內佈置簡單實際，牆壁上掛咗幾塊黑板，都係介紹合時扺食嘅食物。先嚟一個牛油炒雜菜，我最欣賞啲雜菜抄得好嫩滑、爽脆同好有鑊氣，呢味最抵食只係52元👍美國prime牛角切睇落夠光澤滋潤，燒完之後點些燒汁，入口時唔止肉質鮮嫩仲好甘香。帆立貝有黑松露蒜茸牛油舖上面，好肥大又新鮮，燒完拌混一齊食的確另有一番風味😋表妹就鐘意食香蔥拉麵，加5塊大元就可飲埋地獄湯，唔會太辣，麪質煙煙靭靭，話好有口感。海膽炒飯有啲魚子鋪上面，入面有帶子同海膽一齊炒，一啲都唔覺油膩，材料十足，夠曬鮮味，飲埋杯mango mocktails 就夠晒滿足原來呢度午市定食好抵，下次我哋再同表妹嚟試吓先👍😋

去伊利沙伯醫院探完病後，搭ven仔落返去佐敦，係ven仔總站附近的長樂街有間和匠日式燒肉店，門口裝飾好特別、好有日本feel。於是我們嘅晚餐就係呢間日式燒肉店，入面鋪位雖然唔係好大，但座位都好鬆動唔會感覺到逼夾。店內有多款poster介紹食材資料和營養，例如有「日本第一雞」的亞波尾雞、日本一飛驒牛同和牛等等，都係呢間店舖嘅主打食材。我哋個頭盤係日本安曇沙律，菜好新鮮又爽脆，有幾件日式豆腐，仲有好多粟米粒，𡁻落重好有口感,係一味健康菜式。磯煑鮑魚好厚肉，入口感覺夠淋滑，仲有中華海帶沙律伴碟，味道一流😋美國prime牛小排、上碟見肉片雪花均勻又新鮮，燒完後再點燒汁，入口感覺味道甘香鮮甜。豚豬楠肉一層肥一層瘦，層次分明，燒熟後點柚子醋汁又好夾，入口充滿油脂芳香又Juicy。店員介紹話呢個燒烤爐唔係普通嘅烤爐，內面有五塊陶磁片組成的，所以燒出來的食物唔會黑，只要猛火燒到肉質變色,才再反轉燒另一邊, 反反覆覆一兩次就差不多可以吃，今次好彩店員悉❤指教下才知道這個竅門，怎樣才燒得剛熟,又唔會黏底👍👏🏻呢餐唔止食得豐富仲上咗一堂寶貴燒烤班😀😀

朋友又有好介紹，好，又去試下。今日去到佐敦這間燒肉店，在地鐵站附近，非常方便。食店地方寬敞，佈置唔錯，坐得舒適。服務方面，侍應態度良好，介紹食物都好專業，又好有耐性教我哋燒食物的技巧，手勢好好。食物方面，好多選擇，沙律、燒物、海鮮、炸物、拉麵等，都有得揀。磯煮鮑魚:味道少少甜，爽口，加埋伴碟的沙律一齊食，有口感。日本産帆立貝:帆立貝夠大隻，加埋蒜蓉同牛油一齊燒，味道鮮美。日式豆腐沙律:豆腐有質感，加埋醋同麻醬，好開胃。雜錦天婦羅:炸得香口鬆脆。海膽稻庭烏冬:海膽鮮甜，連烏冬食，美味有口感。到主角燒物美國手小排有質感，美國牛角切好有肉味，豚腩肉肉嫩多汁，加上侍應的專業教導，味道一流。直得回味！

今日上左一課日燒教學，唔識燒就真係浪費，燒每款食物都有專人介紹同示範，有得食又有得玩！我地兩個人叫左九樣食物，食完飽到誇張。前菜先叫左豆腐沙律同磯煮鮑魚，食完沙律好開胃，再食鮑魚好入味，凍凍地又軟又甜。之後肉類叫左飛驒牛A5西冷、美國Prime牛角切、日本國產帆立貝(黑松露蒜蓉牛油)、日本產阿波尾雞腿肉、黑豚腩肉同埋牛油炒雜菜。燒肉嘅次序由淡到濃，先食豬肉>雞肉>普通牛肉>靚牛肉，師傅話燒得好肉係唔會黏係網上面，豚肉油脂豐盛，燒完之後呈粉紅色，大部分油份已經迫晒出黎，食落去仲有小小香口。雞肉就無咩味，配埋個醬反而令到個味提升左好神奇。牛肉係我至愛，兩款牛肉都好鍾意，比較鍾意牛角切，因為一粒粒好咬口。當然飛驒牛都唔簡單，一口有鹽一口無鹽，牛香十足，好滑溜！最後叫左碗和匠海神稻庭手打烏冬，海鮮份量好豐富！

呢幾日落雨落到好勁，咁岩係佐敦做完野，落雨落到返唔到屋企，唯有去食埋晚飯先回家。同個同事搵到呢間日式燒肉，慢慢輕鬆食啦，落雨唔洗急住走。入面算多位，燒烤爐張張桌都有！一黎就叫左個前菜鮑魚先，肉質嫩口滑溜！之後再叫左個飛驒牛餐，但今次老細話冇雞翼，傳咗個豬肉俾我哋，咁我哋又冇乜所謂嘅，照食啦緊係！真係唔好講笑，望到啲生嘅嘢食已經好想食！一開始就先食咗啲牛肉粒同豬肉先，肉質真係唔錯！之後就梗係食呢個飛驒牛啦，A5會比一般牛肉油脂分布較多，所以我鍾意嘅食法就係燒來啲，等啲油脂可以有溶化嘅感覺，食落口更加食得出牛肉嘅油香！但係我個同事就鍾意食生啲啦，所以各有各食法！而呢一舊A5飛唐樓當然冇令我地失望啦！油脂分布比例好唔錯!我自己真係好鍾意食蝦啦，所以大廈對我來講絕對無法抗拒！最後再叫咗個海膽炒飯，成餐搞店哂！燒下等下食下傾下，都幾舒服呢到！

我其實都幾鍾意食燒肉，成日都鍾意自己燒，琴日去到和匠，聽佢地教我每樣點燒法，感覺好似上左一課燒肉堂。佢地d staff真係台台都認真解說，睇得出好為食同埋對燒肉好有熱誠！日本燒肉係要食肉嘅原汁原味，豬肉要配柚子汁、雞肉要配胡麻醬、牛肉要配燒汁/鹽。如果配錯汁，肉嘅味道真係會減弱... （唔信你試下，唔好意思太多理論😂）根據我點嘅菜單，推薦飛驒牛A5西冷、美國Prime牛角切，如果唔怕肥可以叫豬豚肉！燒飛驒牛個時記得要5成熟，先食一口原味，下一口配鹽，d肉食落軟熟，油份係口內徘徊...牛角粒嘅牛味都好出，燒佢時要快燒外面嘅表層，立時鎖住肉汁，再輕輕燒多一陣食得，諗起都記得好好味！佢個日本國產帆立貝都好值得一提，上菜時帆立貝上有mix埋左嘅黑松露蒜蓉加一粒牛油，放係燒爐上睇住佢水滾，同舊牛油慢慢溶，感覺好治癒，食埋落口度黑松露同蒜蓉味唔會出到搶左舊帆立貝嘅味，再加上淡淡牛油香，如果個時輕輕加少少鹽就仲正！整睇黎講成餐食得好舒服亦感到滿意，下次食燒肉會再黎

喺香港食日式燒肉 yakiniku 多數既食店都係喺港島區，九龍區都有但確實比較少。我同朋友約左喺九龍區食晚飯亦想食日式燒肉，所以就揀左佐敦呢間［和匠日式燒肉店］嚟試下先。喺港鐵站B2出口直行轉左再前行就到，位置旺中帶靜，店內環境企理，平日晚上食到中段亦都差不多滿座。店內除左有沙律，揚物，燒物，飯，湯同烏冬之外，當然就有燒牛/羊/豬/海鮮等既選擇。燒既肉類同海鮮除左可以單點之外，亦都有套餐可以選擇，感覺上更加抵。磯燒鮑魚 ($98/2隻) ，鮑魚質感都算幾爽彈。叫左個$1088 既2人套餐，將雞翼轉左做豚肉。當中包括有大蝦，豚肉同美國PRIME牛角切以及主角日本岐阜縣A5 飛驒牛西冷，大約有700g。飛驒牛一向都係好受歡迎，見到套餐有得食當然就要叫啦。美國PRIME牛角切，肉質軟腍，咬落充滿肉汁，唔錯。燒大蝦，蝦肉厚身，質感爽口。燒豚肉，燒至脆身亦保留到一點肉汁。日本岐阜縣A5 飛驒牛西冷，肉質鬆軟，A5和牛當然充滿住豐富既油脂，所以食落唔使點咀嚼已經感受到油脂既甘香。最後同朋友叫多碟海膽炒飯 ($108) 作結，加上三文魚籽，炒飯亦能炒得粒粒分明。

日本菜一向係我最愛食嘅菜式，今日又去試間新嘅，係佐敦叫和匠。入去到好有本高級嘅餐廳氣氛，地方大又整潔乾淨，食物種類都好多，有磯燒海鮮，又有燒靚牛，烏冬等，好多元化。點了磯燒鮑魚，吾錯，好香，但又一點都吾un，而且價錢吾貴，$98就有兩隻，好食。再嚟食左美國prime牛小排，都幾正，吾錯，牛好靚，脂肪分佈好平均，當然價錢都好合理，$138兩人食算好夠食。另外，海膽冷稻庭手打烏冬，呢個好抵，先$88，因為估吾到佢真係好大舊海膽，而且好好味，好新鮮，烏冬都好正，彈牙，冷食好涼快。最後飲返杯mocktail非常享受丫。

見門面係日式燒烤店，咁就同朋友入去食囉，我哋order咗店員推介嘅A5飛驒和牛燒烤套餐，叫咗啲前菜、雪場蟹、燒青魚、燉蛋與炸蝦天婦羅。1.前菜嘅魚乾，啲味淡和質地硬，2.我覺得最唔抵嘅就係A5飛驒和牛套餐$10xx，佢俾我哋嗰啲肯定唔係飛驒和牛，A幾就唔好講啦，食落去啲味似澳洲和牛多啲，因為我隔一段日子就會去相熟的日本料理餐廳食和牛，咁嗰間餐廳每一次開件牛肉，都唔拆包裝攞出嚟俾我哋睇嘅，咁個包裝度寫到明邊度嘅牛肉、A幾！（我間相熟嘅店食份A4 , 嗰陣和牛獨有嘅味道不知濃過和匠幾多）3.服務員就唔係幾得，個餐碟擺滿左佢哋唔會主動過嚟幫你換咗個碟要你主動叫佢先會同你換。

之前去食得多比較多韓國放題燒烤。 所以今次想高級一點，同太太去撐枱腳，享受一下日式嘅燒肉宴。揀咗一間比較就腳嘅，附近有街位就已經可以泊到車。揀咗一間在太太工作嘅地點附近佐敦，和匠日式燒肉😍😍呢度有好多唔同嘅套餐，不過因為我哋嘗試唔同嘅嘢，所以我哋自已點，全部都係我哋嘅至愛。前菜揀咗八爪魚粒，粒粒新鮮嘅八爪魚魷魚粒，依家係辣嘅味道亦都唔會太過辣，又爽口又有少少芥辣味，正😍👍🏻日本帶子，大大粒，呢度師傅特別配製的，用牛油，黑松露醬，加上蒜蓉嘅香味。食落去特別香。美國牛小排，非常新鮮，唔會有一點雪味，肉質方面，少許肥肉，令肉質更加有口感。牛角切，之前喺其他地方都食過覺得牛角切，覺得會好肥。 但係呢度嘅牛角切，完全唔同，咬落去非常嫩滑，肉汁亦都好鮮。豬腩肉，呢個真係非常之好食，因鹽燒嘅關係，唔會感覺到太過濃味，肉質一啲都唔會黐牙，✌🏻😘😘😘😍👍🏻海膽炒飯，呢個係我老婆嘅最愛，香濃嘅海膽味，加埋有三文魚子，食到點可以停口啊。😂😍