和匠日式燒肉店

營業中

休息中

今日同朋友有要事要到佐敦一趟，順便一齊食埋午餐。本身都冇咩念頭，一上OpenRice見到呢間和將日式燒肉評語好似唔錯，就決定一試！午市定食都幾抵食！因為我哋特別想食燒肉，就決定叫燒肉定食。美國prime頂級牛小排定食，一黎到已經俾佢雪花分布得非常平均嘅牛肉吸引住，一食落口係又香又濃嘅和牛味，入口即溶，超爽！朋友叫嘅美國prime牛角切，我一直覺得牛柳粒特別難燒，同埋會好’un’，點知佢入口即溶嘅感覺一啲都唔輸畀prime牛小排！真心推介食牛唔夠喉，我哋特別加左豬肉五花腩，又係肥瘦分布均勻，好味日式蒸蛋竟然可以揀海膽日式蒸蛋！海膽大大片，一啲都唔吝嗇，超正仲有燒大元貝，蒜蓉醬加埋牛油一齊燒，非常香口

見食評咁好，lunch過去食下，原先叫左個美國prime牛小排8塊，都幾期待佢地啲靚牛既。一入去都指明係食燒肉定食，後生仔待應都即刻拎餐牌比我睇，等左陣上餐，見女待應放低碟牛，嘩，咁正既（見圖），之後背後果個男勞嘈待應（應該係店長啦）即刻大聲咁話，切到咁厚，明明話普通prime牛小排，我一聽到都唔敢落手拎起塊肉，之洗個女待應過黎拎返碟肉入去，再要我等返我既普通prime牛小排出黎，當然我個飯就要白等，明明拎出黎時係熱熱既，都算做人唔好貪心，人地上錯餐，咪照等返自己塊牛，之後到埋單，後生仔拎左錢去收錢，個阿姐待應就即刻迫埋黎收碟，好心啦～成1330成個場都冇哂客，得返我一個，仲洗鬼迫埋黎收碟咩，之後我都尷尬起身得找數，點知，依個時候，個勞嘈待應就話個後生仔待應，話人地望左你幾次，都仲未找到錢比我，唉，其實係你地個阿姐待應迫埋黎，我先起身者，唔關佢找錢慢既事，總之，間野既牛係靚，但員工同埋服務態度就似足茶記，明明裝修好好地，但又被勞嘈待應破壞哂，我估只要換左一啲冇心做好日式燒肉餐廳既人，換返啲細心既待應，間野應該有得救既。

燒肉質素唔錯，唔算太貴，但因為服務勁差，一定唔會再番黎！當日因為朋友生日，所以一早係openrice book 左位，咁openrice得兩個時段揀就係6點半同8點半，之後覺得8點半太晏，打過去睇下可唔可以早少少，唔可以都無所謂，最後餐廳都可以改為8點，當日早上來電double confirm 8點 booking，咁就咁confirm, 過左幾分鐘再打黎confirm 8點半booking，正當我諗住解釋個booking double左，電話果位人兄竟然唔比我解釋，淨係不斷重覆8點半8點半8點半，係8點半，openrice 8點半，完全唔會想比人講野,會唔會係咁既態度。之後當日去到餐廳，落完一次單，之後再落單，友人諗住知會一聲再落單，待應竟然好似兇我地咁講＂你講呀，我記得架喇！＂最後到我地埋單果時，叫我地對單，又係當我地聾咁＂對單呀對單呀對單呀！＂，我知重要野要重覆3次，但張單都係我地手，唔洗係咁講架喎！我地全程態度無差過，又唔係無消費，都無遲到，都無減人數，又唔係有折黎食，唔知點解要咁受氣，野食再好味都唔會再黎！講番d野食，牛幾好味，其他無乜特別，海膽炒飯d海膽麻麻，炒飯入面無海

好友話不如去食下日式烤肉店，我梗係無問題，啱晒我心意，喜歡日式燒肉店，小店就更加有個人特色，選擇了佐敦呢間旺中帶靜嘅優質燒肉店，幾時都話有時食得太過清淡，未必會對身體好，唔係食得過多咁就最適中，所以都係忍唔住去食下肉。當然要約埋班好友去食咁先至最開心，餐牌除提供不同嘅肉外，仲有其他日式料理食物選擇，點好咗嘢食再飲番杯啤酒，就開始品嚐美食時候。磯煮鮑魚肉質入口好軟綿，係口中食到陣陣香濃醬汁好入味。其後有豚腩肉(鹽燒），腩肉肉質好肥美，放係爐燒已見油脂分泌出來，真係未食先興奮，燒至金黃色就可以，食落夠香脆肉味濃郁，加上係鹽燒所以就咁食已經最正斗。食完豚肉再來係focus 牛肉就已經有飛驒牛、日產和牛同美國Prime 牛三個選擇，唔少人都食美國Prime牛小猅，我貪佢油脂分佈平均，燒完滿嘴脂香但唔會有油膩感，肉汁豐富又有牛肉香。肉質鮮嫩肥瘦適中，不用燒太熟會變得冇咁好食，啱啱好就可以，入口肉質滑溜好香甜食得滋味。美食何止是呢D？！輪到有日本國產帆立貝（黑松露蒜蓉牛油燒），帆立貝size 大隻，表層舖上黑松露蒜蓉牛油，係爐度慢慢燒已聞到香濃黑松味道，等帆立貝兩邊變色又可以繼續品嚐，肉質鮮甜多汁

好耐之前，食過一次，隔左咁耐都仲好記得隻味道好好食，一於番食。前菜，豆腐沙律，豆腐好滑，菜又夠爽口。鮑魚彈牙，有鮮味，唔難咬開，味道剛剛好。牛油雜菇好好味，牛油味重，菇既種類又夠多。3款肉分別係prime 牛角切，prime牛小排，鹽燒豚腩肉。牛角切，牛味濃，大細岩岩好，火又夠旺。牛小排7成熟岩岩好，牛味岩岩好，容易熟，岩曬我心急既人。腩肉燒完迫曬d油出黎，唔借好肥，豚味又夠濃，一讚。超大隻蝦，蝦肉爽甜，燒完後更野味，蝦膏又夠多。海膽炒飯必食之選，飯夠一粒粒，加左蘿白碎更有口感，海膽勁鮮甜又更多。

近排想日心引起，好想吃日式燒肉，又比我想起佢，這裡之前都食過，尋味就係今晚嘅主題，先點了杯Asahi$30 嘆一下先，夠晒清涼，為一陣間燒烤時打定底！燒肉當然要有最喜歡嘅牛，美國Prime牛角切$168，同埋個美國Prime 牛小排$138，呢兩種一厚一薄完全有唔同嘅口感！看見店員將牛角切放了一堆在鐵板上後要不停煎，要不停攪，最利害之處久不久店員再轉一轉塊鐵板，咁個火就夠晒均勻咁將鐵板上嘅厚身牛角切煎熟，而且重唔會過晒火或半生熟出現！入口肉質嫩滑多汁，重好軟熟肥美！而個美國Prime 牛小排，脂肪分佈均勻，放在鐵板上燒一陣再反轉燒一陣，啲牛脂就在鐵板上出現，當然反轉時就用返塊牛小排吸回啦！入口夠晒肥美軟熟！加多份日本國產帆立貝$88，大大隻上面放了黑松露蒜蓉牛油，放在鐵板上燒待帆立貝轉色時就可以反轉再燒另一面，而個黑松露蒜蓉牛油就容化在其中，個黑松露香味好香添！入口肉質爽口彈牙夠晒鮮味！最後加埋個蒲燒鰻魚飯$98，蒲燒鰻魚肥美，啖啖肉，真係好美味，原全可以一止想日嘅情緒！飯身軟熟加埋蒲燒鰻魚汁同鰻魚一同入口，鰻魚嘅肥美同煙韌嘅飯身就好有口感啦！大滿足！食飽又要努力工作！

今日難得準時放工，因為有一個同事 last day, 我哋決定約埋一齊食餐燒肉，係公司講嘢冇咁方便嘛！一於盡數心中情，希望大家以後仲有機會再聚啦！Resign 左嘅同事最得閑，上網見到呢間日式燒肉幾正，Book定位一齊食。坐低飲支波子汽水順返條氣，我最愛的蜜桃香味我最近要食少啲牛肉，所以轉食豚肉，豬腩肉 $80 一碟確實吸引，鹽燒 可以食到豬本身嘅原汁原味Pork Belly 脂肪一層又一層，燒起上嚟，油香滿溢。再來點左一客 日本安曇野豆腐沙律 $62，Japanese tofu 果然係名不虛傳！又香又滑，加埋胡麻醬 香味更上一層樓。當晚店長推介海鮮也不錯，日本個產 帆立貝 $88 有兩大隻，差不多有手掌咁大，配合黑松露蒜蓉牛油燒，真係好味道到不得了。啖啖肉的帆立貝 ，鮮甜肉厚，非常美味。最後加1個海膽炒飯 $108，品嚐到美味又滿足的一餐日式。燒肉

肉對我來講真係每日都要必須吃，如果冇食肉果日總會覺得唔夠飽肚心情有D燥或者係自己心理問題，而我就比較喜歡自己一邊燒住一邊吃，皆因可以控制到肉質嘅成熟程度，食落會特別滿足，就係早排去咗佐敦開飯食我至愛嘅肉，而食肆位於長樂街一間主打食日式烤肉店當然唔至有肉食咁簡單，仲有其他不同特色美食提供，我梗係唔會錯過每款食物慢慢品嚐一下，先來係日本安曇野豆腐沙律（胡麻醬），食到豆腐質感夠晒香滑，而其他蔬菜食落都非常清新，配埋胡麻醬汁食會特別開胃，再來係磯煮飽魚（2隻），用咗醬汁同昆布等配料慢火去炆，肉質食落鮮嫩彈牙，又會食到濃郁的湯汁裹住鮑魚口感十足終於到我至愛嘅肉出場，有美國prime牛小排，牛小排脂肪細嫩分佈每處色澤光亮，放係火爐上輕輕每邊各自燒到變色以可以食用，未食已見油脂分泌出來，真係要快D感受味道如何，入口肉質鮮嫩之餘肉汁夠香甜，就咁食已好惹味，又何以點埋醬汁又得另一款都係美國prime 牛角切，不過要燒耐小小，肉質因比較厚身同大粒，食落啖啖肉口感更飽滿肉味更香濃夠晒滿足食完一輪美味嘅肉，當然唔少得食番碗蒲燒鰻魚飯，鰻魚燒得火喉十足外脆內軟，食到鰻魚肉質嫩滑又肥美已值得票價真係又不知不覺品嚐

本身自己好鍾意食日本烤肉，所以趁住一個特別嘅日子，就上網搵香港好味嘅烤肉。睇到排位第一又最多好評就係呢間和匠，就諗住去試吓啦。我哋book咗6:45，當其時鋪頭都未係好多人，所以覺得冷氣好凍，可能因為冇吸油煙機，所以想除咗陣味，但係幫助不大成間鋪都係充滿烤肉味。另外因為係烤肉枱，所以張枱較大，娈相枱同枱之間嘅櫈好迫，簡直背對背咁滯。餐牌裏便有好幾個餐，我哋冇選擇到最貴嘅$1088和牛餐，反而叫咗$588嘅「牛魔王」，再加埋佢出名嘅日本雞脾肉，原隻茄子，薄切牛舌，同埋3支細樽裝啤酒，埋單$980。原本諗住回味一下日本烤肉嘅感覺，但總括嚟講佢嘅感覺都有啲似日本嘅烤肉既，不過就係個d係日本食大概＄200位港紙嘅質素囉。感覺好油膩，未食完個牛魔王都已經覺得成肚油好肥膩，服務質素又唔係特別好，除咗一位男士落單之外，另外兩位妹妹仔都似係學生part-time，一啲都唔熟手連加茶都冇，廚房出餐又慢。最失望係得店外一個洗手間，仲要超細同普通茶記冇分別，又冇其他烤肉店配置，例如牙籤牙線滅臭製等等，呢個濕粒粒嘅廁所真係扣晒分囉。其實店長如果真係想做到日本烤肉店嘅感覺，就應該好好投資喺員工同食物身上，提高總

第二次黎和匠啦，食物水準依然好高，店員態度都好親切，先叫左個沙律清下腸胃先，鬼叫一陣食d咁油膩既野，沙律菜好新鮮，撈埋麻醬、栗米、豆腐一齊食，即刻覺得個人fresh左呢碟都好開胃，事關d芥末都幾勁下，開頭幾啖d芥末仲未黎料，之後愈食愈辣，建議多人分享，但d八爪魚幾好咬，唔錯雜菇有陣陣既黑松露味黎到今晚既主角啦有7塊豚肉，揀鹽燒係因為店員話冇咁易燶，燒完已經有味，咩都唔使加我最掛住既牛肉，呢款真係超正，我既至愛店員非常好，親身係我面前教我點燒先好食，原來識得燒真係可以好食好多，呢個係七成熟，肉汁鎖住係肉入面，好juicy呀帶子上面有邪惡既牛油同黑松露醬燒完之後係幾咁金黃色成舊海膽係上面好足料，仲有唔少細粒既帶子

雖然今日收工遲左，但男朋友就話同我撐枱腳到和匠食日式燒烤，上次d食物已經覺得好好，好滿意，有得食肥妹仔就開心番晒。蕃茄沙律開胃的蕃茄配上新鮮的沙律，簡簡單單但也是最絕配芥辣八爪魚粒 辣辣的芥末味，十分刺激，作為餐前小食很不錯美國 prime牛角切 經過之前既經驗，今次已經掌握得比上次好，快炒封肉汁再烤至微焦，當然店員也不時來提點厚切 美國 prime牛小排 小排跟牛角切口感覺實不同，帶有油脂令口腔充斥著牛的香氣豚腩肉 鹽燒經過燒烤後，那油脂已逼了出來，反而吃到的是豚肉的味道來深海老虎大蝦 很期待的大蝦，要花多點耐性，但絕對值得，蝦肉彈牙爽口，而重點是大大隻，啖啖蝦肉味道確滋味鰻魚炒飯鰻魚切粒口內充滿了鰻魚，而雖然炒飯算較濕但都是鰻魚汁，反而好好送飯，令人一口接一口

今次又到位於佐敦既「和匠日式燒肉店」，店舖裝修得好有日本風格。除左燒肉外，餐牌上選擇其實都多，有沙律、珍味、豬/牛/羊/雞、海鮮、菜揚物、炸物、和食、燒物、串燒、湯、拉麵 ，手打烏冬，炒飯都應有盡有，但黎到燒肉店無理由唔食燒肉掛等燒肉期間，店員提供一碟三款味道的醬汁，柚子汁、燒肉汁同埋芝麻醬，店員建議我地食燒肉時點燒肉汁會更好。很有咬口的芥末八爪魚刺身，好大碗，好抵食。豆腐沙律配芝麻醬香蒜黑松露牛油焗雜菌未開始燒，就咁睇都已經覺得好好味PRIME牛小扒很嫩同肉汁超多，基本上不沾醬汁已經好好吃！油份適中，不會很膩！PRIME牛角切食落煙韌有口感，正！豚腩肉（鹽燒）入口油脂四溢，充滿甘香！另外我地仲點左個黑松露蒜蓉牛油燒帆立貝，黑松露同蒜蓉味道唔會太出搶晒帆立貝D 鮮味。值得一讚燒肉嘅抽風系統會直接將燒肉時嘅煙下排至抽氣系統，不會煙霧彌漫。海膽炒飯用料十足，啖啖炒飯都食到海膽味。最後飲品就稍為有D 失色啦(Melon soda/cucumber soda)，味道再濃返D 就好。

老友一直擔心身體有毛病，今日係QE見完醫生，報告都算幾靚，大家心情即刻輕鬆晒。於是約咗佢食餐好嘅慶祝一下！知道佐敦附近有一間日式燒肉店，聽聞質素相當之高，所以決定今日高級啲食日式燒肉，韓式放題燒肉留返下一次。呢間日式燒肉重點係服務好，知道我地鍾意食牛，店員好好推介左幾樣食物俾我哋。店員仲好細心，不時會主動教我地點樣燒先係最好食，見到我哋論論盡盡，仲幫我地燒靚先上碟比我地添！前菜：和式豆腐沙律、磯燒鮑魚而家先知燒兩片牛肉，係咁講究嘅！但食落質素真係冇得頂！仲有燒緬甸巨蝦，隻蝦啖啖肉，重點係，疑似老闆嘅男士過嚟幫我地燒，好講究咁將隻蝦轉左六個pose！真係超爽口彈牙，仲好香蝦膏味！最後叫咗一份海膽炒飯作結，海膽好鮮味，炒飯裏面嘅海鮮料都好正！

有好一段時間無黎食，時隔咁耐，依然咁好食！除左呢到裝潢夠哂日本風，食物都好似日本咁高質！嘿嘿叫左兩牛一豚肉，分別是美國prime牛小排，牛角切，鹽燒豚腩肉。呢到個爐非常讚！大火ＢＵＴ唔易燒燶，嘿嘿油花好靚！脂肪分佈平均色澤鮮明！而且厚度剛好入口相當嫰滑，每邊燒一陣已經食得，濃牛味！嘿嘿prime牛角切，肉粒厚切又大粒，每４邊燒一燒口感豐滿！入口肉汁係滲出來，非常唔錯，估唔到仲濃牛味過牛小排！嘿嘿鹽燒豚腩肉，望落以為好肥，但係燒到逼哂Ｄ多餘油脂出黎口感好正！小小脆，加左用鹽調左味，更加好味！嘿嘿深海老虎大蝦，成個手掌咁大，肉質非常厚實爽彈！連個蝦頭都有肉，唔洗點醬已經鮮味十足，嘿嘿不得不提這個海膽炒飯，就咁食個海膽極鮮甜，１點兒都不苦！飯粒分明，真係很不錯！！嘿嘿鮑魚肉質軟腍兼有咬口，仲非常入味！前菜日式豆腐，沙律菜好新鮮，豆腐夠哂滑

完成了公司的大project, 今晚決定要大破慳囊，吃我最愛的日式燒肉。牛魔王的我點了prime牛小排和牛角切，兩者皆很美味，又嫩口又有豐富的肉汁，喜愛吃牛的朋友絕不能錯過。由於朋友喜歡吃豚腩肉，一向不喜歡肥肉的我也不得不奉陪，但驚喜的是，豚腩肉經燒烤後一點肥膩感也沒有。海鮮方面，點了特大緬甸老虎蝦，果然不虛，確實很大隻，蝦的香味四溢，肉質爽口。另外，還點了凍食的磯煮鮑魚及黑松露焗雜菌，同樣水準一流。除了食物叫人難忘外，專業的服務態度更加值得讚賞，感到自己儼如上賓段，而且店員不時會提點我們燒肉時的要訣，有時更動手替我們燒哩!一頓飯，嚐到美味、專業、驚喜，很滿足啊！