和匠日式燒肉店

營業中

休息中

親愛的話感想食燒肉好耐，但我遲遲不肯答應，因為唔想自己燒，難得呢期見親愛的為我付出咁多，決定奬勵下hahaha，一齊去和匠吃午餐，親自燒靚肉俾佢嘆下。餐廳日式燒肉風格，我地兩個排排坐肩貼肩，很溫馨呢⋯⋯豆腐沙律豆腐新鮮清甜，蔬菜清新爽脆，令人食慾大開。我點左鹽燒豚腩肉餐腩肉肥瘦相間，燒完後一口吃下，油香四溢，肉味香濃，令人齒頰留香。餐配有白飯同茶碗蒸，蛋味香濃，味道濃郁。最難忘係個湯有滿滿的昆布和一大塊油豆卜，非常喜歡呢個湯料的份量。再點一份牛角切一口咬下，濃濃的肉汁令口腔充滿了肉香，口感煙韌，牛肉味濃，細細嘴嚼，品嚐牛肉的肉香，可口怡人。波子汽水喝了蘋果味和桃味的波子汽水，每口的味道都令我回憶起自己小時候最愛喝的就是波子汽水，令人回味無窮。

朋友話好耐無食過燒肉，我又好心動，記起之前有間成日經過，但又好想試嘅烤肉小店，於是同朋友約咗喺呢度開餐。芥辣八爪魚淨係用咗八爪魚腳，夾埋夾脆嘅醃菜同芥辣味，口感好好，愈食愈上癮。韓風泡菜除咗就咁食，店員教我哋可以配埋燒肉食，會另有一番滋味，試咗堅係唔錯，同燒肉出奇地夾。溫室蕃茄沙律配油醋汁，所以食落好清新，食肉之餘，都要食吓啲蔬菜平衡吓。有3款日式醬汁跟埋嚟點燒肉食，原味以外嘅選擇，芝麻醬我會點豚肉，燒汁就點牛肉。日本國產鹿兒島黑豚肉味較濃，雖然無豚腩肉咁肥，但都好腍。豚腩肉(鹽燒)肥瘦相間，肉質好腍滑又有油香。燒肉嘅時候店員教要開大火，當燒到啲油滲面先反轉啲肉再燒，就會有靚網紋同鎖住啲肉汁，聽完我都半信半疑，平時燒肉唔用大火都好易燒燶，點知跟住店員咁講，真係燒到火候剛好又多汁嘅燒肉，真係長知識呀!飛驒牛A5肩頸肉絕對帶起呢餐嘅高潮，大火燒完，外表香脆，內裡 juicy 有肉味，啲肉直頭嫩到唔駛，滿口牛油香，但又唔會好膩，一食就知係高質和牛，好幸福呀! 特大緬甸虎蝦係店員推介，一嚟到見到差唔多成隻手臂咁粗，真係大得誇張，個爐都僅僅夠放2隻，店員教我哋平放燒完兩面之後，就要棟起嚟燒，食

又到一年一度嘅週年晚飯，經常去食一啲西餐，今次想改變下去食日式燒肉。想搵一間環境坐得比較舒服點價錢有又抵食。所以揀咗一間喺佐敦嘅和匠日式燒肉。之前去開既燒肉店，都係以散叫為主，好少有一系列嘅自選套餐。鍾意食日本牛，美國牛，都有唔同嘅套餐俾我地揀。價錢亦都相當抵，我哋叫咗幾樣唔同嘅牛，美國牛小排，美國🇺🇸牛仔粒，呢個牛小排肉質都好柔嫩，配上自製嘅醬汁，食到唔停得口。我哋最後叫咗兩份先夠食。牛仔粒，如果鍾意食比較有口感嘅。呢個一定要食，咬落去好有口感，肉汁爆曬出嚟😍😍😍😘 好好好好味。仲有豚肉，係我最喜歡嘅五花腩部位，🐷🐷🐷清清地要個黑松露嘅炒雜菌😍😘當日有日本嘅元大貝做緊推廣，我哋叫咗兩隻試吓，牛油味十足，仲有黑松露。心到融埋。唔夠飽叫埋個海膽炒飯，炒飯好特別，有三文魚子配搭，海膽配上三文魚子。可以講係最佳配搭。香噴噴🐷🤤

今晚去左食日本野，天氣最近好熱，食日本野就最岩啦，呢間和匠都算吾錯，又多野食。我地比較早到所以都吾洗等位，點左日本產帆立貝， 鹽燒豚腩肉，牛油炒雜菜， 海膽冷讚岐手打烏冬。先講下帆立貝，大大粒，脹卜卜嘅，佢落左牛油，蒜，黑松露醬，令成粒帆立貝更香更鮮味，當然佢原本嘅帆立貝質素都好好又大粒又鮮甜，好正，熱辣辣入口，太美味啦。食下燒肉，點了豚腩，自己燒，自問燒得吾錯，哈哈，佢有肥有瘦，仲有少少豬皮，燒到香脆又吾老就最好食，吾錯吾錯。和牛粒同美國prime牛小排，肉嫩非常，多汁肉香，過足牛癮。食左燒肉，點返d菜健康d，點左 牛油炒雜菜， 估唔到咁大碟，份量好多，炒得好香，有椰菜，洋蔥，紅蘿蔔等等，感覺健康。最後點左海膽冷讚岐手打烏冬，簡單就是美，因為佢都放左吾少海膽，仲要好新鮮，價錢先80幾蚊，烏冬已經好食又清涼又有咬口，食晒成餐，食埋呢個感覺好好，飽哂。好有自家小店feel, 食物質素高，無油煙味，抽風設備良好，可以放鬆靜靜地嘆燒肉嘅地方。

今日天氣炎熱辣辣同朋友去左九龍公園度跑步,跑完10公里辛苦到爆...要去食返餐好獎勵自己..去左佐敦和匠日式燒肉店食返餐好既入到去店員安排好位置我地就開始點餐牌我地點左韓國泡菜,芥辣八爪魚粒,溫室蕃茄沙律,特大緬甸虎蝦,飛驒牛A5肩頸肉,日本國產鹿兒島黑豚,豚腩肉,海膽炒飯準備好個位開餐環境都唔錯,唔會好迫韓國泡菜--就咁食又得,如果燒完D肉夾埋黎食都好好味,完全係兩個唔同既感覺,同埋係出奇地夾芥辣八爪魚粒--個咬口幾好,好鮮味..好似之前在韓國食生八瓜魚既口感咁樣溫室蕃茄沙律--幾FRESH既感覺,味道都唔錯配合埋燒肉特大緬甸虎蝦--一個字大呀,未燒個陣望到都覺得正呀..慢慢燒跟住店員教我地燒佢要背面點燒先會熟晒咬口一流,實肉彈牙到震,真係超級好食..必食呀個口感同一般既蝦係完全唔同飛驒牛A5肩頸肉---真係香到傻,入口即溶呀,個牛既肉同脂肪比例真係一絕..A5真係A5,牛香味完全在口入面慢慢流住日本國產鹿兒島黑豚--好香豚肉味,而個口感都幾好豚腩肉--肥瘦適中又香口海膽炒飯--成個飯都好香口,好足料,勁多蝦肉燒個陣其實係有技巧,一開始店員就悉心教我地,真係覺得我以前咁多年都係唔識燒

今日朋友約去位於佐敦橫街的日式燒肉店, 裡面氣氛平常去慣放題式燒烤店, 好唔同, 店舖細細, 坐位唔算多, 但坐得都OK舒服, 可以慢慢食。我哋睇咗餐牌先ORDER咗美國PRIME牛小排、美國PRIME牛角切、豚腩肉(鹽燒)和日本產帆立貝, 磯煮鮑魚, 沙律, 雜錦天婦羅和海膽冷稻庭手打烏冬等等, 真係好多選擇, 唔只燒肉咁簡單。而最先到係一客兩隻大大隻磯煮鮑魚, 肉質鮮嫩、醬汁濃郁。然後就是今的主角美國PRIME牛小排、美國PRIME牛角切、豚腩肉(鹽燒)和日本產立貝(配牛油、蒜蓉、黑松露醬)。店員仲細心先教我哋燒烤竅門, 點燒得惹味D, 好似豚腩肉燒好後再重複快燒令表面金黃帶小小焦入口脆脆, 加上本身的肉味感覺好好。牛小排的燒法, 基本上跟豚肉差唔多, 只係唔使燒咁耐, 保留肉汁, 入口就更美味。而牛角切因切成粒狀所以入口牛味更重。最後再燒帆立貝, 牛油受熱後連蒜蓉、黑松露醬一齊煮, 食落都又幾惹味。係燒烤其間其他食物都陸陸上, 包括日本安曇野豆腐沙律(胡麻醬), 豆腐入口滑不溜口, 沙律菜亦好新鮮; 而雜錦天婦羅的分量都唔少, 炸蝦就有3隻, 粉漿適中, 就算放耐咗都仲脆脆哋;

電話失而復得 心情大好 要食返餐好野慶祝一下黎到佐敦呢間位於街尾既日式燒肉店 門口以木為主題 很是吸引店入邊坐位舒適 夠曬寛落先黎個豆腐沙律 份量都幾多蔬菜新鮮爽口 加上芝麻醬同凍滑豆腐非常開胃 為一陣精彩既繞肉做好準備打頭陣係 燒腩肉(鹽燒)腩肉油脂分布平均 有層次 樣子已經夠晒吸引一上菜 店員已經即刻從旁教我地要點樣燒啲肉先至係最好食燒完嘅腩肉又香口又脆 食到停唔到口😋美國prime 牛小排花紋好靚燒完之後 軟滑有口感 又有牛味 實在好味美國prime 牛角切牛肉粒 一啖一粒 香口又唔韌 櫻花海老元貝炒飯呢個都要大讚飯一上枱已經陣陣飄香飯炒到一粒粒 香口又野味

［正宗夠火喉 品質更一流］當一直以為燒肉是要慢慢燒時，原來猛火燒出來的肉質更是一流。今次和匠令我對燒肉有了新的認識。店舖位置於佐敦地鐵站一出，向前行再轉左就到正正因為在小街，位置方便得黎又感覺旺中帶靜。門口已經有擺出餐牌，二話不說就與友人入左去。因為有做了功課，加上想食燒肉很久，所以一黎就叫了開胃的沙拉和Asahi啤酒，絕對要啤一啤切好的鮑魚，煙韌爽口牛小排肉質厚實，一看紋路便知是值得，鬆軟之餘亦富質感，刀功一流，大小適中。店員也很nice，有專業的技術指導，教我們燒肉要在猛火中快速翻動，在逼出血水的同時，鎖緊肉汁。食燒肉食到，到最後，可以在肉上燒出網紋，完全由自己掌握技巧後燒出來，並不似以前燒烤般怕痴底或焦黑了用黑松露蒜蓉牛油燒的大大粒帆立貝，因為有黑松露和牛油，帆立貝的鮮味在燒烤中，肉汁更加鮮美。鹽燒加厚切，絶對沒辦法停下來看出師傅的刀工很好，厚度剛好，無論是燒時或食時，大小很適合女生黑豚肉的脂肪位，放在爐上輕輕一燒，很快熟透，而牛小排亦微脆及油脂分佈平均，絕對齒頰留香。最後，來一盤烏冬和炒野菜來清一清烏冬煙韌有口感，賣相也出眾，加上海膽，很有滿足感。雜菜中有椰菜、紅蘿蔔絲、青椒絲

自從在日本食過日燒後就好耐冇食過，今次有友人帶我去食呢間位於佐敦的日燒，真係食過返尋味！係長樂街發現一間門面裝修較為日系既燒肉餐廳， 剛好岩哂呢個寒冷天氣下入內食餐暖笠笠既燒肉做晚餐餐廳牌上既選擇都好多客人可選擇要套餐或者散叫；沙律、珍味、豬/牛/羊/雞、海鮮、菜揚物、炸物、和食、燒物、串燒、湯、拉麵/手打烏冬、炒飯等都應有盡有。加了少少白醋同埋芝麻醬，豆腐質感很嫩，作為前菜開很開胃燒得夠火喉凍食既磯煮鮑魚, 味道甜甜地, 略帶點煙韌爽口; 伴碟有蟹籽中華沙律, 增加口感層次。黑松露蒜容牛油燒要慢慢燒，仲要兩邊都燒得平均喔！店員服務很好，指點下, 先把表面快速於網上滾動,與其他店相比，這間是用猛火，為要鎖住肉汁, 出奇地沒有根連帶, 而且肉質滋味, 有微微血同少少牛脂於口中滲出，齒頰留香。烏冬厚實而且有彈性，再浸喺特別的醬油中，味道真係冇得頂第一次食燒肉唔會痴底或者燒焦，反之正宗而實在的爐溫，令沒有像其他店那樣抺上大量油防止痴底, 完全靠技巧，令我們自己都可以燒出多汁又實在的燒肉。加上店員細心地詳情講解，令我們這一餐飯獲益不少，也學到不同肉類既燒烤技巧。最後，用一杯Asahi 黎結束

週末同女友出油尖旺拍拖， 太耐冇去日本食燒肉啦決定喺香港搵間食上OpenRice見到有呢一間燒肉店，評價好似幾好咁呢度都好主打一啲比較出名嘅日本肉，例如四國既阿波尾🐔限定食品定食選舉都好多，價錢都唔算貴小食拉麵都有多款選擇極品...豆腐沙律，同個芝麻醬簡直係絕配充滿雪花嘅牛肉粒開動！海膽蒸蛋，不得了呀地獄湯底拉麵...雖然係燒肉店，不過都好有拉麵店既水準我既最愛...牛肉雪花均勻，未燒已經知好好食帆立貝都好大隻㗎

日式燒肉向來是我喜好的食物, 因為日燒的食物多半會首選食材好,因為真的是直接影響到口感跟味道。雖說我還未吃遍全港九新界的燒肉店,但沒三十家都最少過二十家,這間”和匠”是我無意中挑到的, 哈幸好她帶給了我驚喜。她主打的是牛肉,而且都是有標明美國的Prime,究竟Prime是什麼呢?相信很多人都跟我有同一個疑問嘛,問完之下才知道原來是美國的品質標準,凡是達到這準則的牛肉都是上等級數的牛肉才可以叫Prime。聽到立即就點了Prime級的牛小排與牛角切,口感一流,軟硬適中,且有濃濃牛肉鮮,光是看圖也知道此肉不簡單哈。牛的”雪花”部位非常均衡,用肉眼也知級數絕對不低的上等牛肉嘿嘿。大飽口福。然後呢, 這間店的豬肉也是肥美肥美又不會很膩, 好吃。再吃了豆腐沙律,清爽的疏菜配上豆味足的豆腐, 大大的滿足幫助消化。點了個牛油炒高麗菜, 雖說牛油炒但不會感覺很油, 高麗菜挺清甜。飽魚很新鮮, 味道鮮甜又入味, 好吃哦。最後吃拉麵是很飽了, 湯底很重味道, 愛吃濃湯的人可吃。這間最讚的就是牛肉, 真的吃過不忘好想再吃多次燒牛肉～

加班放工，十分疲累， 途經佐敦，自由覓食。 突然在某一角落見到一家食店， 看一看門外的餐牌，原來是食燒肉的， 由於感到十分肚餓，於是決定試一試。看看食店的餐牌， 款式較為集中， 主要有各類小食、沙律、燒肉、海鮮、飯麵等等。先試一試【 芥辣八爪魚粒 - $48】。這個與平時吃的沒有什麼大分別，不過不失，可以接受。再來試一試【美國Prime牛小排 - $138】。牛小排肉質嫩滑，燒起來快速熟透，入口肉質飽滿， 醮點燒汁，美味倍增。然後再來一試【豚腩肉 (味噌) - $80】。吃過那麼多豚肉，這次的豚肉感覺十分特別，吃起來十分美味，雖然有一些肥膏，但是吃起來的口感竟然是爽口，十分奇妙。最後試一試【海膽炒飯 - $108】 海膽味十分突出，加上有一些帶子伴著炒飯， 吃起來很有嚼勁， 米飯粒粒分明，不錯。【Mango Mocktail - $28】最後點了一杯飲品， 為我在忙碌的工作後，享用了一頓美味的晚餐而飲杯。

出差辛苦了好幾天想食個好的慰籍一下辛苦的生活—————我要吃好吃的肉！所以來到這了哈。講究原汁原味無醬汗醃料遮蓋的燒肉～我來了！餐廳環境不錯雖是燒肉但不會覺得很重味或煙多。挺明亮寬敞的。吃肉前先來個沙律—日本安曇野豆腐沙律（胡麻醬）$62芝麻醬挺多，豆腐跟一般街買街吃的有點不同。質感厚實卻有點軟身，豆味也重，送在沙律裡既不會易爛又增加了口感的層次感。磯煮鮑魚（2隻）$98肉質厚身彈牙，醬汁已滲透鮑魚裡但不會很濃烈把鮑魚本身的味蓋住。挺鮮不錯。美國prime牛小排$138肉質絕不硬身，燒過好很嫩滑多汁～肉的肥瘦絕對適中好美味美國prime牛角切$168可以看肥油花棒棒的分佈剛好（心），然後燒後咬下時會覺得口感厚實卻又肉質鮮嫩又多肉汁。超正豚腩肉（鹽燒）$80肥同樣都是肥瘦適中，燒後又不會覺得油膩利用了鹽燒感覺帶出了肥本身的鮮甜味。其實以上不加醬汁都已很好吃。牛油炒雜菜$52份量不少的高麗菜，菜很鮮甜還不錯。牛肉稻庭手打鳥冬（地獄湯底）$85湯底味道濃厚，烏冬很滑身不會酸的滿足。然然後牛肉片挺多很飽肚。Passion fruit mocktail$28梳打水不會很甜還挺解渴～這間的燒肉很不

今日約咗朋友食燒肉，有人介紹過呢間幾好食，所以就去咗試下啦！待應介紹呢個係有300度高溫嘅爐，所以要小心會受傷，幾細心亦都有介紹醬汁，有麻醬、燒肉汁、柚子汁，去過其他燒肉店都成日無人介紹，要自己試，呢度雖然店子細細，但服務好過好多有名嘅店舖👍食燒肉唔飲酒，就梗係要叫返兩杯有氣嘅mocktail啦！密桃同蜜瓜味”日本安曇野豆腐沙律”清香嘅豆味，加埋醬汁同沙律菜、粟米又夠甜，一流”介辣八爪魚粒”唔同出面嘅八爪魚粒，呢度除咗介辣之外，仲加咗啲細細粒嘅配料一齊醃，多咗一份清新嘅味道“鹽燒豬腩肉”豬腩肉係我覺得食咁多次燒肉覺得最好食嘅一次，食落口唔覺肥膩，食多幾塊都得，待應仲會教埋你點燒，去到幾時反轉，幾時食得，仲會介紹呢款肉配合柚子汁食最好，一一細心講解，服務態度非常好”日本國產帆立貝”帆立貝新鮮，夠爽口，夠甜，配埋黑松露同牛油，鮮上加香”香蒜牛油松露焗雜菌”好香蒜同黑松露嘅香味，食落仲有牛油係口中嘅香味，咸度又調節得剛剛好，待應又會過嚟同我哋講，擺係爐燒到脹起就食得”美國prime牛小排”睇下佢嘅雪花😋未食已經流口水，首先，待應都一樣會行過嚟燒同講解一次俾我哋知，應該點燒，燒一面去到有少少血