初鮨 (已結業)

悠閒星期五，適逢見到有新開業既日本餐廳，同朋友一齊黎食個omakase！除左一般午市定食，仲有三款omakase可選擇，同朋友分別揀左一個套餐～海鮮漬物冷盤既螺類配上微酸既醬汁，口感清新開胃
wasabi沙律wasabi比例岩岩好，沙律清爽之餘唔會套嗆鼻茶碗蒸表面好似湯羮咁，入邊有蟹、蝦、香菇等食材，味道清香鮮甜口感順滑，超讚！特選刺身師傅整左伊佐木>中拖羅>赤貝連皮既伊佐木，魚味最濃；中拖羅油脂均衡，入口即溶；赤貝爽脆，充滿貝類既鮮甜活北寄貝第一次食，比起熟既更鮮甜，而且師傅冒wasabi同醬油比例岩岩好，令鮮味更突出!金目鯛配炸紫酥葉碎金目鯛本身魚味夠濃夠甜，加上炸紫酥葉，多左一陣油炸既香味醬油漬赤身我覺得呢度既醬油係一大賣點! 味道調配得岩岩好牡丹蝦配蝦膏、牡丹花瓣牡丹蝦本身都夠哂鮮甜，加上蝦膏真係鮮上加鮮! 而且加左牡丹花瓣，多左恭花香味，非常特別!吞拿魚面頰肉質感非常特別，入口似食緊牛肉，肉質較紮實有咬勁仲有非常鮮甜嘅海膽！味噌湯非常多配料，調味恰到好處，整個湯都好甜，有微微回甘既感覺薑味雪糕薑味突出唔太辣，食完仲想再食

幾個月冇食omakase喇上openrice睇下有咩好介紹見到公司附近新開左一間好似都幾吸引就搵日lunch嚟試下先午餐有3種價錢嘅omakase選擇我揀左380嗰款梅有前菜 茶碗蒸 刺身3款 10貫壽司 湯 甜品前菜有芥末沙律同海鮮漬海鮮漬有鮑魚同貝類 酸酸地好開胃茶碗蒸 非常嫩滑特選刺身- 牛鰍 海螺 中拖羅牛鰍味道較淡 肉質爽口海螺鮮甜爽脆中拖羅油份都幾重手握壽司10貫深海池魚金目鯛帆立貝 配黑松露醬赤身牡丹蝦 配海膽赤貝大拖羅炙燒左口魚邊炙燒吞拿魚面頰肉根室馬糞海膽全部食材都非常新鮮又有質素味道由淡到濃 師傅為每件壽司都做左適合嘅調味又會每件都介紹番全程都食得好舒服 慢慢食師傅又會傾下計最後嘅甜品係薑味雪糕真係好重薑味 幾特別Lunch價錢非常抵食除左omakase 仲有幾款set下次要嚟試下其他野先

難得同朋友一聚，今日有相約朋友去食好西，朋友一向都係美食控，他介紹了這間廚師發板日本菜，而且是新開張的，就特意去試一試午餐。這個午餐真的很吸引又很豐富呢，而且估唔到Lunch的Omakase係咁抵食，「初」最貴都只是$680一位，已經有哂前菜、茶碗蒸、特選刺身、手握壽司、手卷、迷你蟹肉丼、湯及甜品，非常豐富呢，我就叫了一份。由於朋友不太喜歡食生食物，不過如果lunch午餐食唔到魚生，都仲有好多選擇㗎，當中已煮熟的丼飯就吸引咗佢，牛魔王嘅佢就啱食啦其後好快就先來一份豐富的前菜，包括有和風沙律🥗、水八爪、茶碗蒸，個茶碗蒸仲有好多黑松露及蟹肉絲，食落去更加香濃。刺身方面有三款包括，真雕白身魚、池魚及中拖羅，池魚細細件好鮮甜，點少少豉油食更加滋味。壽司方面，師傅預先將壽司加入醬油，所以就咁一件放落口就已經好好味，當中包括有頭抽魚、赤貝、面頭放咗薑蔥的小池魚、金目雕、比較爽口的深海池魚、燒過更香以及配以柚子海鹽的帆立貝、好多蝦籽蝦膏的日本甜蝦、北海道馬糞海膽及蔥吞拿魚腩手卷，食完呢八款壽司以及手卷，已經接近飽肚了。最後有一碗好足料的麵豉湯濕一濕口，唔夠幾啖就飲晒。最後有好滿足嘅甜品 - 薑汁雪糕

難得閑日放假，就同女朋友試吓中午嘅omakase。朋友試過d野食唔錯，環境幾好，就book 左位試下。大約一點到餐廳，環境好好，因為係二十一樓，望出去景觀好開陽。同女朋友試咗唔同嘅set，我試左”梅” 呢個set. 包左八件壽司，三件刺身首先頭盤就係茶碗蒸，入口好細滑，一淡滑入口，入面唔係用出面用既蟹柳，而係用蟹肉，蛋吸收晒蟹肉既鮮甜。三件刺身分別有赤貝同埋中拖羅。三件都好新鮮，赤貝鮮甜爽口，中拖羅魚香夠，魚油脂豐富，非常甘香，入口即溶。金目鯛: 配上紫蘇葉絲，好襯，唔會搶過金目鯛的味。深海池魚: 肉質細緻,爽口帶少少油份，味道甜美帆立貝：肉身好厚比平時食到既厚，味道鮮甜爽口，新鮮貨。海膽手卷： 傳統日式手卷做法，紫菜唔會好似出面咁林晒，食嗰陣仲好挺身，海膽唔苦，冇明礬味，新鮮嘅海膽就係鮮甜，成個口都係果陣香味留係口到。食晒壽司就有麵豉湯，材料都幾多，最後就到甜品既雪吧。埋單總共大約700幾800，性價比唔錯，比平時地舖俾多少少但就有多D嘅環境，食物享受，起碼唔使同人迫，可以再encore。

< 初鮨 > 📍旺角最近旺角有新開咗間 Omakase 午市都係$280起 性價比好高🥰🍣 Omakase 櫻 $280 / 位呢個set有前菜、茶碗蒸、壽司、凍湯同甜品😍 好抵食😆🥗前菜·凍湯·茶碗蒸店員先上前菜同沙律🥗 沙律加咗芥末汁好開胃 茶碗蒸好特別 呢個加咗芡汁 有好多蟹肉 蛋好滑溜 唔錯😆😆🍣 壽司壽司分別試咗深海池魚、真鯛、黑松露帆立貝、金目鯛、甜蝦、炙燒呑拿魚面頰肉同炙燒腦天🐟 深海池魚 肉質爽口 加咗少少醋好開胃😆 真鯛加咗薑絲辟去腥味 薑味又唔會蓋過魚本身嘅鮮味 唔錯🤣 黑松露帆立貝好鮮甜 加埋黑松露增加層次👍🏻 甜蝦兩大隻 好鮮甜 配埋海膽好鮮味🥰 跟住係炙燒呑拿魚面頰肉 入口即溶 充滿魚香😛 炙燒過嘅腦天 魚油出晒嚟 啖啖魚油 加埋蔥絲好惹味😋 壓軸嘅係蔥拖羅蓉手卷😋 紫菜好脆 拖羅蓉加咗芝麻 份量好多 食到底仲有魚蓉 必試🥰🍮甜品最後食埋薑味雪糕🍦薑味濃郁但唔辣 個味好似薑汁撞奶😋

好日都唔會食一次Omakase，朋友話請客咁一定要去試吓啦！呢間位於旺角Ladder Dundas 21樓既初鮨，一出𨋢就喺間餐廳，空間感幾大。我叫左一個櫻套餐，前菜有甘草北寄貝，沙律和茶碗蒸。其中茶碗蒸，口感超滑又不失蛋香，配埋香菇同蟹肉，簡直想叫多一碗！八件壽司分別係深海池魚，金目鯛，活北寄貝，赤貝，甜蝦，赤身，中拖羅，帆立貝。第一件嘅深海池魚，魚滑，魚油多到流出黎。師傅用火燒金目鯛既表面，魚肉被燒香加表面熟入面少少生，口感一流！活北寄貝咬落去好爽清甜，口感極具層次！甜蝦食材超級新鮮，甜蝦既蝦子蝦膏入口初時爽口，入口即溶 ，三種野混合埋一齊簡直人間美食。赤身有少少酸味，同豉油味結合 魚味係嘴入面停留好耐，揮之不去。師傅將中拖羅嘅表面燒一燒，再加一啲芝麻喺表面，魚入口即溶，入口個時魚油滴緊，回味無窮！帆立貝亦都好鮮甜濃郁。吞拿魚腩蓉手卷，入口即溶，紫菜爽，咬落去sharp sharp 聲，魚同飯嘅比例啱啱好。最後奉送上薑味雪糕蜜瓜啫喱，鍾意薑味嘅朋友一定要試吓！最後都要讚一讚位師傅，會為你詳細解答壽司嘅問題，員工亦很有禮貌，不時為我哋加添綠茶。

Lunch 去咗旺角嘆一下午市Omakase💗依家日本料理係最近新開的，性價比好高，店裡有唔夠10個座位👉🏻想去食記得要訂位啊💗午市有3款Omakase Set選擇，我嗰日嗰個係「梅」（$380），有前菜、茶碗蒸丶特選刺身3貫、手握壽司8件、湯同甜品💗都非常豐富。是日前菜有醒胃嘅胡麻海鮮同埋好新鮮嘅芥末醬汁沙律，我好鍾意個茶碗蒸💗蒸蛋非常嫩滑，夾著很多一絲絲的蟹肉👍🏼多了一份鮮味。之後來了刺身，賣相很精緻喔💗 當天3款刺身：鯛魚丶笠子丶蝦，都非常之鮮甜🥳然後睇住大廚逐件逐件壽司喺你面前手握出來💗真係視覺和味覺的雙重享受！當日廚師為我發辦嘅壽司有深海池魚丶赤身丶金目鯛丶北寄貝丶北海道帆立貝丶牡丹蝦丶腦天丶海膽💗其實每一件我都好鍾意，全部都好新鮮。很喜歡牡丹蝦壽司，蝦入口爽彈，上面伴有蟹膏和蟹籽，鮮上加鮮👍🏼我也超喜歡腦天壽司💗師傅說腦天即是吞拿魚的後尾枕，每條魚只有2小塊，是很珍貴的部位👍🏼 微微燒過的腦天入口即溶，上面的炸蔥絲好香口喔～最後一件是海膽🤤見到滿到就快漏出嚟🤤真的超開心💗海膽來自北海道根室，一整件放入口，滿口鮮甜回甘～然後來一客麵豉湯，服務生為我準備一杯綠茶來解解膩，最後來

朋友介紹咗我去旺角一間新開冇耐omakase，話喺銅鑼灣質素旺角價錢，即刻book咗位去試☺️ 我就試左梅 ($380)-🥢頭盤: 茶碗蒸，沙律配Wasabi汁，甘草帆立貝🥢刺身:伊佐目比殼鮨赤身🍣壽司:深海池魚金目鯛白象拔蚌赤貝牧丹蝦中拖羅北海道小川海膽軍艦帆立貝壽司🥄湯品:麵豉湯🍨甜品:薑味雪糕同蜜瓜啫喱-頭盤呢個茶碗蒸絕對係呢間鋪嘅名物！好重蛋香而且好嫩滑！啖啖都好正🤩然後刺身有三款，三款各有三件，好新鮮好鮮甜，就算係吞拿魚入面最普通嘅赤身，都做到入口半溶既口感我呢個餐壽司有八件，師傅會等你食完一件再接一件，所以件件都保證新鮮！金目鯛壽司上面炸過嘅紫蘇葉，原來可以同魚生咁夾，好特別！牧丹蝦壽司上面有蝦膏，原本蝦肉已經好爽口鮮甜，加埋蝦膏味道更加濃郁～另外中拖羅入邊有塊紫蘇葉，中和啲油膩感，入口即溶得黎都好回味。最後介紹埋呢件北海道小川海膽軍艦，除咗日本同埋啲價錢偏貴嘅日本餐廳之外，都好少食到咁好味嘅海膽☺️ 超新鮮又唔腥，一啖食哂係好滿足！

呢排好想食omakaese 知道放假即刻book lunch黎食下先 好食先再試Dinner set 估唔到真係有驚喜👏我地一人叫左一款 我就試下最平果款 $280 櫻 套餐 包沙律、前菜、8件手握壽司、手卷、湯同甜品 其實都好豐富朋友叫左$380 梅 套餐 唔同既係 比我多兩件sushi 同埋拖羅蓉手卷變左海膽小卷前菜有牛蒡絲配蘿蔔絲 有小小麻油香氣沙律🥗好fresh 配上小小沙律汁好開胃茶碗蒸好好味😋熱辣辣岩岩蒸好 一食落去個感覺好甜好滑 底部既蟹肉係真蟹肉 都好實 唔怪得咁甜 值得一讚 用料唔會馬虎 8貫壽司 有好多魚類都係我從未食過既新嚐試黑松露帶子壽司鯛魚壽司小肌配烏魚子 醋漬過既 對味覺既沖擊係咁多件壽司入面最重味既 醋將小肌既甜味帶左出黎 食落味道有小小似鯖魚 比鯖魚再甜d 甜蝦配蝦籽同蝦膏甜蝦好飽滿好甜 配上濃香既蝦膏蝦籽 個鼻腔都有種蝦膏既香炸紫蘇葉配金目鯛紫蘇葉好加分 魚既油脂分布岩岩好 肉質Q嫩 好鮮甜👍深海池魚 肉質表面好滑溜 有d似墨魚咬落去肉質又幾爽口，重油脂味中拖羅入口即溶 魚油感豐富 最後食個蒜香吞拿魚蓉手卷 好滿足 食完呢8件壽司 覺得呢間

今日朋友帶我去食Omakase，原來旺角都有高質omakase！餐廳仲係位於高層21樓，光線好充足，窗口望出去都幾開揚餐廳有午市套餐供應，另外仲有omakase！omakase有櫻、梅、初三款！今次我地試左櫻！佢包括左前菜、壽司、手卷、湯同甜品茶碗蒸 - 個蛋好香好滑，面料豐富壽司有以下呢幾款真鯛 - 配少少薑，味道豐富深海池魚 - 魚味香濃金目鯛 - 配上炸過既紫蘇葉，除咗魚香味之外仲多一層紫蘇葉既香氣活北極貝 - 好鮮甜，口感滑又爽烏賊 - 入口好滑，上面配左少少辣粉中拖羅 - 上面加左柚子胡椒鹽，入口即溶，多咗一層柚子香同輕微辣味海膽昆布漬 - 大大舊既海膽鮮味無比吞拿魚蓉手卷 - 最鍾意就係卜卜脆既紫菜，吞拿魚蓉好香好好味最後就係味噌湯湯同埋柚子雪芭，好滿足既一餐

今日試了一間新開業個多月的Omakase, 本來只諗住貪旺角就腳，對食物沒有太大期望的，誰知。。。有驚喜 !🤩😋其實，一直覺得Omakase係一個廚師憑着食物去細說的一個故事，故事因人(廚師)的經歷不同，際遇不同，季節不同，地点不同。。。結局都會不一樣。正如就算材料完全相同，但分別由兩個不同的廚師"發辦"，味道.....都可能會完全不同。不過，始終都係食鮮食 ; 所以，不時不食肯定沒錯。簡單來說，今晚所食到的，由鮮味配撘👍，出菜次序，菜色設計👍👍，到伴碟的細節及貼心的服務👍👍👍，各樣都相當滿意。直接可以嫓美中環中高級的水準🤩雖然未必算很平，但一定貨真價實，物有所值。😉除地点就腳，地方亦都私隱度高，約多幾個人便好像包了場一樣。詳情自己打上去問吧。🤭最後，有圖有真相😋亦要鳴謝大廚的用心介紹及Pet姐的窩心招待我兩個老闆，否則，我便冇啖好食了😂😂

第一次食omakase 💕店員同廚師都好細心又有禮貌👍今次食係因為生日所以甜品加上生日快樂字句每樣食物都會認真介紹（連點寫都會教埋😂）所有野都好新鮮 環境乾淨清潔

朋友知道我好鍾意食壽司🍣，亦對壽司質素頗有要求，耐不耐就會介紹一啲佢認為好嘅壽司店俾我，佢最近介紹過呢間新開嘅樓上店，呢日我想食壽司🍣，就專登去試吓😆叫咗$280嘅「桜🌸，包括 前菜、茶碗蒸、手握壽司（8件）、手卷、湯、甜品」😋廚師用心炮製每一件壽司🍣，睇得到亦食得出所花嘅心思同時間：- 笠子 カサゴ / 鮋魚：肉質有少少彈牙，產於北海道一帶水域，好鮮味😋- 深海池魚 マアジ 真鯵：真鯵最當做係初夏至初秋，即係宜家呢個季節，肉質軟熟味美😋- 北海道帆立貝 ホタテがい：非常新鮮😋- 吞那魚腦天 まぐろのうてん：腦天 のうてん係吞拿魚頭頂上嘅肉，較軟滑，一條吞拿魚只有兩塊，肉質鮮甜，味道濃郁，充滿 umami😋- 甜蝦 甘いえび：蝦肉結實鮮美，蝦上邊仲放有一啲湖水綠色嘅蝦子，除咗味美😋，顏色配搭仲好靚🤩- 灸燒おおとろ：充滿油脂香味，又係滿滿嘅 umami😋，上面仲放咗炸過嘅紫蘇葉😋- 北海道根室海膽 ねむろ雲丹：根室係全日本最東邊嘅小城，亦係其中一個出優質海膽好出名嘅地方，香港好少餐廳會用根室海膽，因為來貨價比較貴😅；呢個海膽超鮮甜、少少creamy、輕身、清新，真係超正😋- 金目鯛キン

呢排好鍾意食日本菜，尤其omakase廚師發辦。同事上星期食過間餐廳，話lunch set好抵食仲有omakase，推薦我試試，今日放假一於試下。初鮨位於旺角Ladder Dundas 21樓，座位唔多但空間感十足，位同位之間唔會太迫。Lunch有刺身丼飯、烏冬等供選擇，Omakase亦有三款，選擇都幾多。先上前菜：牛蒡漬物鮮嫩味濃、沙律酸甜清新好開胃。茶碗蒸口感滑嫩，充滿濃郁蛋香，配料有香菇、彈牙蟹肉等。八件壽司深海池魚、金目雕、帆立貝、活北寄貝、針魚、牡丹蝦連蝦膏、中拖羅、北海道根室海膽。金目鯛配清香紫蘇葉，魚肉甜香Q嫩，肥而不膩；帆立貝配松露鮮甜爽口好香滑；牡丹蝦細綿帶爽，配豐腴甘香蝦膏；北海道根室海膽甘香濃郁好鮮甜。吞拿魚腩手卷油脂分布均勻，魚味極濃，肥美軟滑，充滿招牌油香，幾乎入口即溶，勁滿足。味噌湯清甜順口不死鹹。甜品為柚子雪芭，入口即融，味道清新又香甜。好友揀左溫泉玉子沖繩黑豚丼，黑豚片充滿油脂甘香，肉片份量十足，口感彈牙帶嚼勁，流心溫泉玉子拌飯一流。

日本料理向來是港人至愛的菜式之一，而礙於疫情關係，大家都已很久未能出遊東洋，對於那些新鮮又正宗的日本菜自然求「鮮」若渴，還好的是現今物流發達，身在香港地仍可食到空運到港的魚鮮，暫時望梅止渴。之前來到旺角油麻地一帶覓食，發現彌敦道近九龍行附近有一座新的商廈落成，正當好奇有甚麼新店之際，碰巧見到一間新開的Omakase日式料理店，收費尚算正常合理，遂二話不說造訪一試。位於21樓一出電梯已是餐廳內部，店內地方不算太大，裝潢簡潔別緻；一排落地玻璃窗遠眺市景亦透入了天然光，有助增強空間感。壽司吧前一列吧枱高櫈，貼近大廚讓客人可欣賞到其手藝，亦方便客人跟師傅交流，很有日本小店的風味。由於是廚師發辦的關係，Lunch Menu的選擇不算太多，除了3款不同價錢的Omakase套餐外，還有幾個不同的日式丼飯套餐，所以就算不好魚生的客人也可有其他的選擇。今次筆者選了梅($380)那款Omakase，包括前菜沙律、茶碗蒸、刺身、壽司、湯和甜品。當日的前菜是杏鮑菇金平煮，以杏鮑菇、甘荀和雲耳切絲，配上特色醬油烹煮入味，一絲絲的刀功甚為細膩，醬甜甘香而帶爽口。山葵酸汁沙律，一道傳統的西日料理前菜，沙律菜明顯經過