Steak Bar (已結業)

同男人來到銅鑼灣登龍街食街好耐無食牛一於就入左steak bar 食牛牛補充鐵質滿足一下我平常唔多食牛既女人一坐低侍應好細心咁逐一解釋餐牌上每一個餐既大概口味好讓客人揀到自己心水午餐當然入到來緊係必食吉列牛餐啦幾有氣勢餐包有沙律新鮮和風汁的仲有一粒仔麻醬凍豆腐冷盤前菜好齊全吉列牛外面吉列皮脆內里肉汁鎖住好有牛味即使燒到熟哂都唔會好硬肉質仲係好淋嫩個火仲要調教到剛剛好夠你燒哂所有牛肉餐仲有跟埋碗紫菜飯上面既紫菜木魚仲有芝麻將一碗平平無奇嘅白飯增添無限食感男人就叫左個雞扒餐試埋佢牛以外既水準果然都好出色塊雞扒比想像中大塊比餐牌上的大多小小雞肉好幼嫩不鞋口亦不肥膩雞皮好脆食埋都唔覺肥🤤仲有原來用 ‘大眾點評’ 簽到後看到有張coupon 要用 香港支付寶付費點餐滿$300 即免費送 一客芝士或者和風味紫菜薯條我地就揀左和風紫菜味是非一般shake shake 味精薯條紫菜碎都好大塊有口感的食到底條條都鋪滿和風紫菜如滿足食牛肉好想飲凍野所以就叫左零系可口可樂同柚子梳打柚子梳打甜度適中另外叫餐可加$58 轉飲紅酒

我家姐上網見到吉列牛想食，就叫我陪佢食呢間Steak Bar，地點係老銅登龍街，時代廣場轉入巷仔就係，而且中午無乜人，唔洗等！入面坐落幾舒服，靜靜地可以傾下計💬🐮吉列炸和牛扒 - $278👉🏾注意：要控制好火候，個人認為唔洗咁熟，兩邊剛剛變色就食得👉🏾入口好多肉汁🤤不過肉質就要睇你點燒！👉🏾個飯上面啲配料脆卜卜，而且味道唔錯🐮頂級板腱牛扒 - $195👉🏾五成熟，個人認為恰到好處👉🏾肉汁比吉列牛更多，配搭醬汁非常好食，牛味重🍟紫菜薯條 + 水 - $25👉🏾我哋叫嘢飲嘅話佢會跟個紫菜薯條👉🏾薯條佢係新鮮炸出嚟，熱辣辣，加埋紫菜喺上面，係一個整得唔錯嘅薯條👍🏾總括來講，價錢雖然唔平，但係配合餐廳食物同埋環境，而且服務員相當有禮貌，我哋點菜嘅時候有咩唔熟悉，係咁問，服務員都相當有耐性咁樣答我哋，所以呢個價錢都係合理嘅，值得一試！

今日喺白色情人節，唔知大家會點慶祝呢？位於銅鑼灣登龍街既一間食吉列牛既餐廳非常吸引，上次去日本無食到吉列牛，依家喺香港都可以食到喇😆—————————————————————#吉列炸牛扒 💰188一開始塊板放份量非常多🤭🤭食吉列牛既好處係生熟程度都可以自己控制，牛味好香濃，食落唔會好韌👍😋調味方面，最特別係啲鹽，沾小小就會將成個味道昇華左👍但唔洗沾任何調味已經好夠味。另外，套餐仲包一碗飯、沙拉同一舊迷你豆腐。飯面有海苔同芝麻粒，撈飯食超好食！好味指數：7/10#石燒豚肉拼盤💰105豚肉切得好薄身，肥瘦適中，豚肉要燒嘅時間會比較耐，燒個陣聽到炸炸聲好治療😂食落啖啖油香味，好正😏👍完全唔使點任何調味都好已經好好食。好味指數：8/10#午餐套餐優惠💰25每款包一杯飲品同小食。有紫菜薯條同埋蜜糖蒜香雞翼揀，飲品方面選擇都算多，今次揀咗荔枝梳打同埋Sparkling water ，估唔到sparkling water 係成樽水咁上👍兩款小食都好好食，薯條沾滿晒紫菜粉，唔洗去M記食shake shake 薯條啦～蜜糖蒜香雞翼如果再多啲蜜糖味就prefect 😆估唔到雞翼都炸到外脆內軟，肉完全唔會乾

是咁的，FD子近排生日諗住約佢去鋸扒。上網搵到呢間評分好高嘅餐廳，二話不說book檯去試試。我地各自嗌左個牛扒套餐，套餐配有前菜、沙律及含有飯素嘅飯。唔係鮮榨嘅橙汁，飲落去好普通。前菜係凍豆腐，味道淡淡地。沙律酸酸甜甜幾開胃。主菜係頂級板腱牛扒，牛扒好厚肉但好多根，把餐刀好鈍要好用力先切得開塊扒。食落牛肉味都幾濃但有少少雪味，令人失望。另外FD子係食安格斯西冷牛扒，牛扒有好大舊肥膏又好多根，令人唔係好開胃。食完成餐感覺名不符實，性價比太低又唔好食，唔值得推薦。

Steak Bar嘅吉列牛岀名好食今次終於有機會嚟到登龍街嘅分店鋪頭細細但乾淨企理👍🏻👍🏻睇睇菜單 大部分主食都係牛肉有薄切又有牛扒仲有和牛同肉眼 都幾多選擇非牛肉類嘅就只有羊架同煎魚柳每份主食套餐都包括前菜、沙律、白飯(有我最愛嘅飯素😍)..店員介紹話”板腱”係稀少部位✨每隻牛只有四份 所以限量供應板腱其實係喺牛嘅肩胛部 痴住肩胛骨油花比較多 而且肉質軟嫩雖然有筋 但只係軟筋 所以煎/燒烤會特別香我就即管試試佢！😝😝五成熟嘅板腱一上枱真係嚇親我又大又厚份量十足 成舊石頭咁😂外面好似好熟 但切開見到裡面仲係粉紅色肉質係超級超級超級腍！！😱 非常驚喜煎得到咁嘅效果真係好靠技術點醬汁就比較惹味 點蒜鹽就會食多啲牛肉本身嘅味道偏好食牛肉嘅朋友必試！！..另外仲點咗份香煎魚柳賣相同menu相差好遠😅😅由一舊厚身嘅魚變咗兩片似喺新鮮魚劏岀嚟咁而且都幾多骨 但係無可否認佢又煎得幾香 皮脆肉嫩.

作為一個牛魔王梗係唔會放過食牛牛嘅地方🤩坐底之後服務員好細心，根據牛肉嘅質感同味道作簡單介紹，我地揀左吉列炸和牛扒同頂級板腱牛扒各一set，另外加一客和風紫菜薯條。吉列炸和牛扒將牛扒放上爐烤一烤，自己烤到適合嘅熟度，我就鍾意五成熟，烤到咁上下聞到好香牛味，咬落去肉質嫩腍，和牛油香充斥住成個嘴。曾經炸過嘅外皮帶有另外一種脆脆口感同油潤香味，令整體味道更加豐富。再點上少少酸酸甜甜嘅燒汁，更加帶出牛味。頂級板腱牛扒（每日限量供應）我地點五成熟，廚師烹調牛扒熟度岩岩好，切開望上去明顯冇吉列牛咁多脂肪，口感方面比較厚實，但呢個部位嘅牛肉勝在牛味夠濃，咬落夠juicy，呢個牛點蒜鹽同燒汁都好夾好好食。每個set都跟一碗飯，上面有芝麻、小魚乾絲同紫菜碎令到個飯鮮味培增，超級好食。沙律酸酸甜甜好開胃。芝麻汁豆腐亦令人感覺到冰涼清新。和風紫菜薯條平時食呢啲薯條都會擔心唔夠味，係呢度完全唔洗擔心呢個問題，熱辣辣嘅薯條之間有好多紫菜碎，撈得好均勻，唔洗點茄汁已經好好味。食飽飽感覺好滿足，下次如果有朋友想食牛，一定會帶佢過黎試試。🤤

吉列炸牛扒喺香港都hit咗一排，但我就從未食過～ 但係唔駛去日本原來香港都有得食Steak Bar 呢間嘢聽都聽得多，因為成日喺ig見到佢嘅廣告，食都係第一次！店舖位於銅鑼灣拉麵街，都幾易搵。原來係一間好細嘅店嚟，大概只坐到30人左右。店員好主動同我哋介紹餐牌，佢哋對menu餐點都幾熟悉，而且態度幾殷勤的！我哋叫左 《吉列炸和牛扒》仲有一個係「吉列炸牛扒」，唔係和牛，唔會撈亂喔～～佢係一個set嚟，包飯同前菜仔 （豆腐）但係冇嘢飲，而且水都唔提供的，呢點就差咗少少飯係有飯素的，就咁食都已經好食，不過既然有靚牛送飯，我反而覺得加飯素係「做多咗」lol嚟到種點嘅牛喇！望落係唔錯嘅，當然就唔會期望佢有好靚嘅雪花紋啦店員指示我哋等石板燒熱到出煙先開始燒。慢慢將塊牛按個人口味燒到鍾意嘅doneness，好期待！個人係建議唔好太生。雖然話靚嘅牛生啲都冇所謂，但係呢隻牛生會韌，熟少少反而係軟棉的。和牛油香不足，但勝在口感鬆軟，完全冇筋唔韌，可以輕鬆咬開。講真喺香港都好少可以食到唔韌同冇筋嘅牛。燒下燒下送下飯，好快就食曬啲嘢～ 我覺得份量係有少少偏細的，一個女仔食完可能係剛剛好或差少少先飽。價錢方面呢

A Japanese style steak bar serving premium quality meats.Each order comes with a salad, furikake rice and appetizer.Prime Flat Iron Steak-I ordered this medium rare, and it came out a perfect cut of juicy and deliciousness. This cut of steak usually has a bit more tendons which gives it more chewiness and the stronger beef flavor.Stone Grill Beef-This comes with a stone grill to cook the raw beef yourself. The beef is definitely high quality as it was so juicy and tender. The lean to fatty porti

吉烈牛開始越來越多選擇，但我仍然揀Steak Bar質素同服務都好好，「復桌率」極高～坐低必叫吉列炸牛扒份量同肉質都一流，店員再三介紹只煎3至4秒便可食用～不過朋友始終怕太生，佢煎左成3分鐘但入口仍軟熟，仍有肉汁同油份～唔會乾憎憎，放入口外脆內軟好juicy~~~~充滿油香，相信食吉列和牛一定會更入口即溶～～附餐送上嘅凍豆腐，朋友愛不釋手，另外我地重叫左薄切牛肉～～比起炸牛，薄切牛油脂分佈更好～放上上板爐上一煎已經即刻聞到佢嘅油香～配搭燒汁可謂一絕眼見店內除左香港人，亦有唔同國籍嘅朋友～當日就有一家四口嘅韓國🇰🇷家庭，好似家常便飯咁入黎食應該經常幫襯～可見好味程度真係好高～～

周末難得和女友去銅鑼灣行街，竟遇下雨天，如此天氣，心情實在不好，唯有食餐好西，當作補償。餐廳位於登龍街。雖然是平日中午，人流卻不多，即時可進場。餐廳裝修偏向日系，森林色系的感覺，木質紋理的餐枱，和黑啡為主的餐椅；燈光柔和，感覺頗舒適！店員十分貼心，當我們就坐後，細心地向我們二人講解午餐餐牌內的各種食品，牛肉當然是主打，另外也有魚作主題的定食，製作方式則主要有兩類，一種是要自己燒，另一種由廚師製作。我們點了兩款都是要自己燒！。Set A 石燒薄切牛肉 ($178)店員迅速就把食物送到，速道之快可比快餐店，有效率！上餐時店員也十分細心，提醒我們要掌握燒的時間，要先等幾分鐘才可以開始燒肉。牛肉脂肪比例不高，主要是肌肉，但鐵板上有牛油，算是彌補了牛肉油份不足的問題，牛肉品質很好，隨着鐵板的熱力，牛肉香味隨之四溢。當然，這不是甚麼頂級和牛韓牛，但午餐來說十分滿意了。Set D 吉列炸牛扒 ($188)另一道定食是吉列炸牛扒， 都是要自己燒的，上餐時店員也十分細心，提醒我們要掌握燒的時間，要先等一分鐘才可以開始燒肉，和上一道分別是這道沒有牛油在板上。肉質頗佳，有油份，不會太肥，吉列外層也十分鬆脆，

Posted by e4eating 澳洲黑毛安格斯西冷 $258*🌕🌕🌕🌕🌑西冷叫左五成熟。塊扒好大塊，食落肉汁飽滿，唔會好韌，單食都有牛香。有蒜鹽、蒜片、燒汁作調料，我覺得燒汁偏咸，蒜片炸得有啲苦，蒜鹽配搭黎食最正！另外不得不提個飯，上面加左飯素，啲櫻花蝦同紫菜好正，令我想起爭鮮外賣丼飯，中學成日買😂。-2隻蜜糖蒜香雞翼& 飲品 +$25*隻雞翼不得了，好香口好甜，但唔會過份膩，肉質滑但唔會好柴好乾。飲品叫左蜜桃梳打水，好飲，味道唔假唔會過甜，不過唔記得叫少冰。-環境好靚，尤其係圖5呢個位，加上落雨，好有意境。*需加一服務費

-聽同事講呢間餐廳好熱門食牛🐂，所以今日約咗好朋友嚟呢度食個晏晝。 入面嘅環境好正！！ 坐得舒服，侍應講解得又清楚。Menu入面有8個Set可以選擇。 原來除咗牛🐂，仲有羊架🐏 or 香煎魚柳🐟有得揀。 第一次用呢一個石燒嚟食嘢，好期待吖🤓。Set A: 石燒薄切牛肉（$178）塊薄切牛肉🐂好淋輕輕喺個石燒到辣一辣， 聽到不停嘅滋滋聲，就知道食得啦。 Set D: 吉列炸牛扒（$188）吉列牛扒本身已經整成 3-4 成熟，就咁食都可以。 放落石燒度整成嘅吉列炸牛扒，望落個樣有啲似吉列豬扒🐽咁。套餐配有前菜（麻醬豆腐）沙律🥗飯🍚椰青水🥤（$35）另外特別鍾意呢間餐廳好嘅歌🎶，有大量Carpenters 嘅歌🎵。正‼️==========Steak Bar地址:銅鑼灣登龍街36-48號登輝大廈G/F B舖

今日落住雨，係因銅鑼灣同朋友搵緊餐廳食lunch，係Timesquare後面登龍街 見到呢間主打食牛扒嘅餐廳，外面睇落裝修好精緻，又好有日本嘅風味，所以就入咗嚟啦。 聽人講依間餐廳嘅牛真係好好食！於是我哋首先叫咗一個Set B 頂級板腱牛扒套餐。佢每一個套餐都會送沙律、飯同埋一個小食今次嘅小食係麻醬豆腐～嗰啲飯上面仲有好多紫菜芝麻，所以唔會驚食白飯好淡味，好細心。依個板腱牛扒五成熟，係餐廳侍應推介嘅。本身都擔心會太生，但係發現熟度啱啱好！好有肉汁，而且口感好好，唔會好un，一食就知係靚嘅牛然後仲叫咗一個香煎鯖魚套餐Set A 好香～個皮煎得好脆，入邊啲肉又好滑！好味道午餐時段一個套餐加$25就有一杯嘢飲同埋一個小食。所以我哋加咗$50有一杯橙汁、一杯椰青水、蜜糖雞翼小食同埋和風紫菜薯條～比想像中好食！😀薯條配牛扒一流呀！ 仲有橙汁亦都好新鮮 唔會過甜😋雖然食咗炸嘢，但飲橙汁感覺健康啲哈哈！最後埋單每人$170 牛扒都算好抵食 因為的確好高質素！推薦大家去試下。

之前係銅鑼灣返工時 成日都想食 但唔夠時間 所以今日放假特登出黎試下呢間人氣吉列炸牛店地點非常方便就係登龍街 PS 中環蘭桂坊都有分店!放假就要對自己好 享受一下! Deep Fried Wagyu Cutlet 吉列炸和牛扒 $278*採用美國和牛西冷套餐包括了沙律，麻醬豆腐及灑滿飯素的白飯吉列炸和牛扒 預先炸成半生熟的 雖然我個人對炸物沒有太瘋狂但被吉列後的和牛扒 不但不會令牛扒口感變乾 而是口感更豐富有趣和牛油脂濃郁 入口油份即熔 幸福就是這麼簡單平時食牛扒時我都會揀 medium rare 所以最後放上爐上輕輕 兩邊都熱一下 可以自由控制 非常方便!而且配上蒜鹽 醬汁 不過我個人更喜歡原汁原味更可以加配小食 但將整份吉列炸和牛扒消滅已經非常滿足Stay Tuned!XOXO!

實在不能明白， 為何會有這麼多人吃的， 還要說好味， 吃過日本的， 台灣的吉列牛專門店， 這處的實在是水準以下， 這個價錢， 會有很多其他選擇要明白， 為何吉列豬扒/吉列牛專門店， 為何會爆紅， 因為大部份專門店做的， 吃一口已得到幸福感覺， 米飯 + 吉列外皮 + 豬肉或牛肉， 本來就有微妙的化學作用， 用料就不要求其了， 這兒的米飯， 我不知來貨價多少， 但口感質素， 實在是茶餐廳般似的， 牛扒， 完全沒有牛味， 再加上吉列外皮的味道也不好， 亦好油， 或者是油溫控制不當， 成個組合都是錯， 我明白香港租貴， 但這質素， 實在難以接受反而不做吉列的頂級板建牛扒， 就有牛味， 燒的火喉亦控制得宜