Steak Bar (已結業)

Posted by e4eating 澳洲黑毛安格斯西冷 $258*🌕🌕🌕🌕🌑西冷叫左五成熟。塊扒好大塊，食落肉汁飽滿，唔會好韌，單食都有牛香。有蒜鹽、蒜片、燒汁作調料，我覺得燒汁偏咸，蒜片炸得有啲苦，蒜鹽配搭黎食最正！另外不得不提個飯，上面加左飯素，啲櫻花蝦同紫菜好正，令我想起爭鮮外賣丼飯，中學成日買😂。-2隻蜜糖蒜香雞翼& 飲品 +$25*隻雞翼不得了，好香口好甜，但唔會過份膩，肉質滑但唔會好柴好乾。飲品叫左蜜桃梳打水，好飲，味道唔假唔會過甜，不過唔記得叫少冰。-環境好靚，尤其係圖5呢個位，加上落雨，好有意境。*需加一服務費