526
42
27
餐厅: Steak Bar
优惠: 食饭都有得赚里数? 仲唔即刻订台?
星期一: HKD1 = 1里数,星期二至日: HKD2 = 1里数 (埋单前记住讲声「我要赚里数」!) 优惠受有关条款约束。
条款及细则:
  • 会员惠顾满认可消费额(最低300港元,最高10,000港元)可赚取「亚洲万里通」里数。
  • 会员在星期二至日 (星期一除外),每消费HKD2可赚1里数。
  • 会员所赚取之「亚洲万里通」里数将根据账单总金额计算,包括服务费及税项,但不包括小费。
  • 于节日期间惠顾伙伴餐厅之推广餐膳,或未能赚取「亚洲万里通」里数。请于惠顾前先向有关餐厅查询。
  • 额外「亚洲万里通」里数将于餐膳后7个工作天内存入会员账户。
须受其他「亚洲万里通」条款及细则约束
港铁铜锣湾站 B 出口, 步行约2分钟 继续阅读
所有分店 (1)
电话号码
26747688
开饭介绍
主打牛扒的日式小店,店内有多款牛肉选择,包括吉列炸牛扒、石烧薄切牛肉等,顶级板腱牛扒更是每日限量供应。 继续阅读
营业时间
今日营业
11:00 - 23:00
星期一至日
11:00 - 23:00
付款方式
Visa Master AlipayHK 支付宝 现金 OpenRice Pay
其他资料
网上订座
酒精饮料
赏订座积分
当面支付
有关奖赏计划
优惠
餐厅: Steak Bar
优惠: 星期一: HKD1 = 1里数,星期二至日: HKD2 = 1里数 (埋单前记住讲声「我要赚里数」!) 优惠受有关条款约束。
条款及细则:
  • 会员惠顾满认可消费额(最低300港元,最高10,000港元)可赚取「亚洲万里通」里数。
  • 会员在星期二至日 (星期一除外),每消费HKD2可赚1里数。
  • 会员所赚取之「亚洲万里通」里数将根据账单总金额计算,包括服务费及税项,但不包括小费。
  • 于节日期间惠顾伙伴餐厅之推广餐膳,或未能赚取「亚洲万里通」里数。请于惠顾前先向有关餐厅查询。
  • 额外「亚洲万里通」里数将于餐膳后7个工作天内存入会员账户。
须受其他「亚洲万里通」条款及细则约束
食记 (658)
等级4 2021-01-31
578 浏览
寻日中午约左朋友喺铜锣湾食lunch,佢话想食牛,就带左我去呢间Steak Bar啦。我地每人叫左一个lunch set。🥩板腱牛扒 $158牛扒每日系限量提供,牛扒嘅大小适中,都够一个人食,最重要系牛嘅质素几高。我自己钟意食生啲嘅牛扒,因为咁先可以试真啲牛本身靓唔靓,所以就叫咗五成熟。首先,上菜时,牛扒两面望落煎得几香,切开後牛肉入面仲系红红哋,系我想要嘅五成熟。每一刀切落都有大量肉汁流出嚟。我将牛扒厚切後,放入口可以感受到牛肉嘅味道好浓,牛肉好淋但唔系特登用松肉粉整到佢变淋。🐮吉列牛扒 $188讲一讲用嚟烧牛扒嘅石板先,本身有一片牛油喺板上面,咁预翻五分钟烧热,俾牛油可以完全溶咗先开始烧牛扒啦。用牛油比系普通食油会令烧出嚟嘅牛扒更香,更容易带出牛肉嘅味道。个火都几劲,食完成餐,个火都仲喺到烧紧,唔使担心食食吓嗰火会冇咗。呢块吉列牛扒比平时喺香港食到嘅更大块,食落更有满足感。牛味几重,吉列嘅炸皮亦做得好细致。每一个lunch set 都会跟埋白饭、豆腐同埋沙律。豆腐唔会一夹落去就散,食落好有豆腐味,几清新。白饭我觉得系同牛扒非常夹,尤其是餐厅落咗好多饭素,就咁食白饭都觉得好好食,个饭我觉得系set入面嘅第二主角。🥤Zero 可乐 $0叫Set 可以免费拣可乐汽水嗰啲,或者有汽矿泉水。 继续阅读
(以上食记乃用户个人意见 , 并不代表OpenRice之观点。)
我以前经过铜锣湾登龙街都好想试「Steak Bar」,但每次晚餐时段Walk in一系冇位,或者要等到九点後。其後喺另一间食吉列牛嘅餐厅食过,感觉麻麻地,就冇兴趣想再试。不过呢日朋友话想食,我就陪佢啦。星期日瞓到黄朝百晏出到去都三点🙈,呢个钟数唔太多客都好正常吧。店员们好好礼貌,问我哋之前有冇食过,再作介绍😊。餐厅面积唔大,不过座位安排都算令客人坐得舒服。餐厅出名食吉列牛就众所周知,不过其实唔食牛都有其他选择。餐厅现时仲有个特别优惠,就系买一个正价午餐,可以以半价加购第二款指定午餐,抵喎👏!吉列炸牛扒定食($188),定食套餐好丰富,有白饭、汤、豆腐小食同沙律,感觉好似传统嘅日本早餐。🥗沙律用上柚子醋,所以唔会太酸;🍚而白饭大大碗之外,上面仲落咗好多饭素,好好味,哈哈。主角吉列牛扒无论味道、造型定份量都攞满分💯!吉列牛扒超大块,可以切成十件,逐要每件都有一定份量同厚度,唔系纸咁薄。吉列皮层带有满满面包糠脆脆,脆口得嚟无热气嘅感觉。牛扒上碟时肉身仍然呈红色🥩,可能得一、两成熟。热石板上面先落一片牛油预热,随後就可以放上吉列牛扒,石板够你一次过放两件肉啦😉。由於个炉够热,基本上块牛扒双面各煎约15秒就搞掂,我个人唔锺意食太熟嘛。牛扒超好味😋,因为食到嫩嫩肉质、牛味浓味嘅牛扒,外皮亦有另一种惊喜。石烧牛舌定食(半价$60),平日食嘅牛舌多数系圆形或厚切,而呢度就类似无肥膏嘅肥牛薄切嘅模样。🐮👅牛舌份量同样好多,抵赞。牛舌质感唔韧,但牛味就未算太浓郁,可能因为薄切啦。不过整个套餐绝对系远超合格之上!牛舌又系煎好快就食得!牛肉不嬲都系又快熟,又好食,啱晒我哋呢种牛魔王🐂😈。题外话,店员话煎牛舌嘅石板要等几分钟热完,先好放肉上去。蜜糖蒜香鸡翼,🍗鸡翼有两只,卖相好吸引,因为煎至金黄色之余,上面仲淋上蜜糖汁🍯,多汁得嚟唔会腻,值得一试。和风紫菜薯条,🍟薯条份量唔少,即炸嘅薯条热辣辣加埋紫菜,好惹味。不过其实食完饭餐已经饱饱,所以大食嘅人先好嗌。饮品方面,我哋要咗蜜桃梳打🍑同姜味汽水🥤,正正常常啦。加配价$25包饮品同小食,咁样抵过单点饮品吧。总括嚟讲,呢日终於一嚐Steak Bar,佢嘅吉列牛扒好出色,完胜另一间竞争对手👍。价钱一般啦,人均消费原价应该要起码$200,不过考虑到有大件牛扒食又好似合理😝。 继续阅读
(以上食记乃用户个人意见 , 并不代表OpenRice之观点。)
等级4 2021-01-14
254 浏览
🍴 吉列炸牛扒套餐 ($188) ⭐️⭐️⭐️⭐️💫 见人人都食,当然我都唔会错过啦!套餐包左前菜、沙律同埋饭。饭会跟埋饭素,咸香得嚟好开胃。吉列牛就炸得好香脆,卖相好吸引,仲要好大块。因为有少少厚度嘅,所以每边烧廿零秒就食得,唔洗点落盐调味都已经好好食!推介! 🍴 板腱牛扒定食 ($158) ⭐️⭐️⭐️⭐️ 侍应推介嘅5成熟板腱牛扒,非常厚切,只系需要少少酱油同盐已经够味,食落肉质好嫩滑,唔会整到太熟,果然冇介绍错! 🍴 柚子梳打 ($35) + 荔枝梳打 ($35) 配和风紫菜薯条同蜜糖蒜香鸡翼 ⭐️⭐️⭐️⭐️ 而家做推广,叫饮品送细份小食。薯条上嘅紫菜份量十足,食吓牛扒再食粗薯条真系好夹。鸡翼就有蜜糖喺面,食落好脆口。 .............................. Steak Bar 地址📍: 铜锣湾登龙街36-48号登辉大厦地下B号舖 总评分: 8.4/10 .............................. 味道😋: ⭐️⭐️⭐️⭐️💫 环境👀: ⭐️⭐️⭐️⭐️ 服务👨🏻‍🍳: ⭐️⭐️⭐️⭐️ 卫生🧹: ⭐️⭐️⭐️⭐️ 抵食💰: ⭐️⭐️⭐️⭐️💫 继续阅读
(以上食记乃用户个人意见 , 并不代表OpenRice之观点。)
等级4 2020-12-28
516 浏览
登龙街嘅美食林立,听朋友讲呢度有一间日式餐厅有吉列牛食,今日过开嚟铜锣湾行完SOGO,就嚟到呢间位於登龙街嘅Steak Bar食饭。墙上有一只牛牛部位图,就知道呢度系食牛嘅专门店! Lunch set都几抵食,最紧要就系有我嘅目标—吉列牛。呢度做紧个超级优惠,只要正价叫一个午市套餐,就可以半价享用六款指定嘅定食,真系好超值!一场嚟到,梗系要试我最想食嘅吉列炸牛扒定食啦!定食都会跟埋白饭,沙律菜同埋小食(麻酱冻豆腐)。碗白饭超大碗,细食嘅女士们可以叫少饭,不过我就觉得配合美味嘅烧牛扒,我可以鲸吞成碗饭喇!😜吉列牛扒好大块,首先就系快速将表面炸得脆口,然後将佢切件上碟,牛扒做到外面脆入面就只有一成熟嘅效果。石烧炉上放上牛油,当牛油溶化之後,就表示石烧炉已经预热好,然後就由食客自行将每件牛扒逐一放上石烧炉上烧熟。套餐仲会跟一大碗白饭,上面洒上大量饭素,配合埋脆卜卜嘅吉列牛,真系好香口!另外店员推介我哋食牛板腱,系属於牛嘅膊头位置,所以比较瘦,但肉质仍然鲜嫩,而且每日限量供应,所以我哋二话不说就决定咗拣牛板腱。呢份牛扒属於比较厚身嘅部位,我哋拣咗要七成熟,切开肉质粉嫩,食落重肉味,果然冇介绍错!另外叫咗一份薯条做小食,份量超多,劲抵食!原本谂住饮绿茶就算,不过一场嚟到,都系叫返杯梳打特饮,荔枝梳打同蜜桃梳打都好味唔太甜。呢间steak bar嘅职员服务态度非常好,有礼貌而且好用心咁讲解佢哋食物嘅特色,食物质素都好高,令我犹如置身日本街头上嘅小食店入面,可以一解疫情冇得飞去旅行嘅郁结! 继续阅读
(以上食记乃用户个人意见 , 并不代表OpenRice之观点。)
等级4 2020-12-08
703 浏览
难得出一次铜锣湾,除左要食我成日都好想食既刨冰之外,仲要食牛牛!!呢间steak bar位置系时代广场附近,地铁站落车行一阵就到。lunch set选择都几多,有最多人食既牛肉,另外仲有鸡扒,鲭鱼等等。石烧牛舌定食店员有提醒要等旧石热一热先好开始烧。烧肉黎讲,我最钟意食烧牛舌!呢到既牛舌系薄切既,超香口,超弹牙有咬口。我一路影相既时候,朋友一路食我啲牛舌,最後食左我一半。。。lunch set可以加钱转薯条,佢地系用粗薯条,几好食,有加分~顶级板腱牛扒定食呢个系店家烧好再上枱。牛肉好大旧下~而且板腱黎讲,佢既肉质相对软嫩。有肉既纤维既口感,但系唔会系好鞋好乾个种。落刀感觉容易切,有少少筋,但个啲筋位系咬到食到。不过火候掌握可以更好~因为我地叫五成熟,但我感觉系再生左少少,不过我接受到,因为肉既质素都相当唔错😋热情果茶有果味有茶味,正常发挥~建议搞匀饮,因为糖水沉底~蜜糖蒜香鸡翼叫饮品送既小食~外皮香脆,沾满蜜糖,我觉得味道做得几好。而且鸡翼既肉亦唔会炸到乾哂,仲有肉汁。 继续阅读
(以上食记乃用户个人意见 , 并不代表OpenRice之观点。)