LAB EAT Restaurant & Bar (金巴利道)

营业中

休息中

為朋友慶祝生日選擇了Lab eat 餐廳,這裡環境有聖誕佈置，每個座位有小蠟燭，挺有氣氛。全店差不多坐滿客人，人氣算是很高。食物很新鮮，海膽帶子很好味，龍蝦湯和黑松露菌湯也很棒！牛肉和龍蝦主菜都很好吃，生蠔配白酒當然是絕配。甜品也要讚👍🏻

又到記念日，同情人食飯慶祝，梗系不可以太馬虎，一定要去些有情調，招呼又有禮的餐廳。朋友介紹去尖沙咀 ~ LAB EAT Restaurant & Bar。當日可能早到，未有甘多人，但7點過往人潮出現。新鮮生蠔(4隻)，海水味濃，蠔肉爽甜。也點了白酒 ~ framingham sauvignon blanc 2019，無論氣氛和食物，都提升不少。煙燻法國鵪鶉脾配檸檬蒜鹽，好食到震，小小一隻，不乾身有肉汁。瑞士熱溶流心芝士配香草烤薯及意大利煙火腿，芝士超多，鹽味比較重味。炭燒澳洲自然放牧BB 羊鞍(330克)，不羶肉嫩，配菜薯仔，露荀和番茄仔。慢烤八爪魚腳，啖啖肉，賣相可愛。綠茶芝士蛋糕，配雪葩吃，不會太膩。

男朋友生日當然要食得好啲，但基於而家大家心情都唔係幾好，所以都唔會選擇大搞，禮物、party就可免則免，不如食餐好嘅簡簡單單算~ 早前已經book左枱食飯，搵左間好有格調嘅餐廳，入面點上蠟燭，點點蠟光把酒談心。我地揀左個精選2人餐，套餐包含左頭盤至甜品。侍應先幫我地倒酒，氣泡澎湃配上迷人音樂，好浪漫嘅氣氛。Mini Moet & Chandon imperial Brut, Champagne, France 味道芳香且後勁較強烈，會愈飲愈順口，就算好似我呢啲好少飲酒嘅人黎講都唔會好重口味，好易入口。之後送上熱辣辣嘅新鮮法包，配上橄欖油食，法包外脆內軟，單單法包就好有驚喜，當香檳配上熱辣辣嘅新鮮法包，兩者味道非常夾。法國新鮮生蠔法國嘅生蠔好有名，係質素嘅保證，生蠔肥美鮮甜，肉質嫩滑，入口帶有淡淡嘅海水味，加上酸辣汁更顯惹味，味道層次豐富。日本北海道帶子刺身薄片伴蝦油蛋黃醬及海膽擺盤好高級又吸引，砌成一朵花咁，中間就放左海膽同醬汁將帶子刺身切成薄片，容易入口之餘咁就唔會令味道喧賓奪主，我會將佢加埋海膽同醬汁一齊食，咁就可以有豐富嘅口感之餘又鮮味十足，味道多層次。餐廳將醬汁打成泡沫，味道酸

今日老婆生日特登book咗間餐廳就係都幾出名嘅lab eat 呢間野係食西餐嘅，入邊個環境都幾好幾有氣氛，都幾浪漫好適合約會食飯，張枱就適中啦，唔大又唔細，都算坐得舒服嘅，咁我哋就叫咗個忌廉青口，松露帶子意大利飯，同埋一個豬安，個忌廉青口都幾大份，個忌廉汁十分之香，咁啲青口都算好大隻，個忌廉汁點埋個蒜蓉包十分之香口，再嚟就係個意大利飯，個醬汁好好龍好香，意大利飯個飯咁煮得啱啱好，唔會太硬又唔太遠，再嚟就係過豬安，煎到啱啱熟，好有肉味，啲配菜都幾好食，絕對係約會晚飯嘅好選擇

約了舊同學食晚飯聚舊，揀了這間相信應該會坐得舒服的餐廳食晚飯。上生蠔之前，餐廳送上麵包，外皮脆、裡面軟，點橄欖油、黑醋，確係幾好味。生蠔 $272侍應話生蠔來自法國，我覺得海水和蠔味都很重，法國生蠔的特式是味道有豐富的層次，初入口會嚐到鹹味，其後帶金屬味，蠔身爽滑。Gis Kessler Riesling $78侍應為我們選了一款德國白酒，食生蠔之前飲，味覺清新易入口 ，而食過生蠔後飲，味蕾對這款酒的反應似乎起了點變化，酒味不但清新還帶點甜味，配生蠔一流。蕃茄醬意大利意粉 $158意粉軟硬適中，蕃茄味濃郁。炭燒西班牙黑毛豬架 $298餐廳侍應問我們接受到七成熟嗎？我哋無問題，黑毛豬不需要煮得太熟。 切開豬扒裏面係粉紅色，肉質 ok ，通常黑毛豬 唔係煮得過熟 ，都會好食，配合啤梨醬配埋食味道更清爽；拌菜除了小蕃茄、法邊豆仲有紫薯蓉 ，紫薯蓉比較特別，其他餐廳都少有。意大利式芝士餅 $68可能我們都是愛喝酒之人😏，所以對於有酒味的甜品特別鍾情，若果酒味再重一點便更好。侍應服務態度不錯，餐廳樓底高，裝修富情調，氣氛好，食物水準高，難怪越夜越多客人，非常熱鬧

依個面包系一落order就會送一份，但我同朋友都覺得幾好味😋有淡淡紫薯味，仲有啲紫薯蓉系入面，面包又軟熟，所以我同朋友就再點多咗一份，一份20蚊多士香脆 ，有微微蒜蓉牛油香， 上面海膽份量略少， 但作為前菜份量就剛剛好，我認為整體味道還好，但我朋友認為味道不錯 ，而且我認為以這個價錢來說，價錢略貴叫左三成熟，岩岩好，有燒肉汁，鹽同芥末醬可以點，牛扒下面仲有啲蕃薯條，蕃薯條香脆微甜，吾會好似普通薯條咁滯，仲有啲沙津菜可以消滯 ，不過牛肉有少少筋，但整體吾錯。正堂味，冇咩特別，海膽同面吾系好夾，而且有啲好滯，吾推薦，但好彩叫左個水果菜 解膩

餐廳裝修頗有氣派，平日經過已心想有機會一定要來試試，早前有朋友提議尖沙咀食飯，我便順勢推薦這間我一直心儀已久的餐廳。麵包外脆，口感非常鬆軟lberico pork rack  1pc   $ 298 西班牙極品橡菓飼黑毛豬黑毛豬架外層油潤有光澤，雖然相當厚身，但就燒得剛剛好，將肉汁鎖住，十分juicy，肉質富彈性，帶點獨特橡果香味，配上酸酸甜甜的蘋果醬同吃，減低了肥膩感之餘，味道亦很清新。底下的紫薯蓉豐富了整碟菜的色彩外，甜甜的薯香味更令人忍不住一匙一匙往咀裏送。Quail leg  $138 烤鵪鶉腿煎香了的鵪鶉腿呈金黃色，甘香美味，肉質嫩滑可口，配搭上經烤過的大紅蕃茄片，上面還放上幾片蒜片，不但增添了整個菜式的可觀性，蕃茄片烤得非鮮甜，一點也不乾；以原粒橄欖及芥辣醬伴碟，鵪鶉腿無論以蕃茄或蘸上芥辣醬同吃都一樣美味。加入三色堇花作點綴，賣相清新。Spaghetti Pomodoro $158  番茄醬意大利面外表平凡，但以味道取勝，每一條意粉均沾上濃濃的番茄醬汁，意粉軟硬度適中，酸甜味道叫人胃口大開。Gis framngham sauvignon blanc $88這款白酒初段有股

尖沙咀高水準西餐廳😋朋友在尖沙咀工作 推薦食這家西餐廳😎蠔配Kessler Riesling食蠔通常都要配白酒 這款Riesling 酒精不高 偏甜 果味較重 不錯👍 蠔亦新鮮肥美👍海膽蒜茸多士這個十分推介！先淨食海膽 十分鮮甜 非常新鮮 沒有腥味 高質素👍配上蒜茸多士一齊食亦可以 甜咸的配搭👍炭燒西班牙八爪魚腳併珍寶帶子配甜羅勒醬這隻八爪魚腳很長！炭燒燒得得香 但又不會過韌👍帶子亦確實珍寶 而且鮮甜！炭燒西班牙黑毛豬配啤梨醬很厚 但燒得很好 不會過老 肉質很嫩和juicy! 配上新奇的啤梨醬和紫薯茸 頗創新的配搭🤣Framngham Sauvignon Blanc多點了兩杯配主食 這款酒精成份高一點 但很搭我的主食！意大利奶凍賣相好吸引 有點水果作點綴 奶味好濃 而且很滑 🤤

呢間lab eat restaurant and bar 係香港都有幾間分店 今次我同朋友去咗尖沙咀分店 呢間唔係大街 所以都有少少難搵 不過都依然坐滿曬人 我地就知道應該冇揀錯餐廳了😎環境夠闊落 見到隔離有成十個人都照樣坐得好鬆動👍我地首先點了四隻蠔配白酒 通常去西餐廳都會點蠔作頭盤😋這家的蠔很肥美 海水味偏重的~之後食了餐包 可以點醋跟油一齊食我們見到隔壁枱點了海膽多士 海膽份量好多 於是亦嚐一嚐！海膽超級鮮甜！份量又足所以很滿足🤤再點了一個田螺 田螺爽口鮮甜 每粒田螺底都有薯蓉 有很重的牛油香 正！主食方面 點了西班牙黑毛豬 他很特別 不是配薯蓉而是紫薯蓉 出奇的搭 豬亦燒得剛好 依然鎖住肉汁 配啤梨醬 酸酸的 挺消膩😋最後點了tiramisu 作結尾 不怕太甜 ☺️

約左朋友晚上去食飯，一向無主見既我照舊跟朋友提議去食好野。呢間餐廳位置比較格涉，餐廳整體燈光昏暗，但環境舒服。我地叫左塊A5和牛，海胆多士，青口，大蝦天使麵？！唔記得係咪天使麵😅😅😅 再叫左2杯野飲。 雖說through openrice book枱有75折（好似係），但係我地叫果啲好似都無折，不過都無乜所謂啦。落左單一陣，首先上既係法包，無乜特別唔多講。之係係個青口，多士好味，啲青口份量多，而且每隻都煮得岩岩好，好好食，啲汁仲有牛油香味，本身唔係好食青口既我，都一隻接一隻停唔到。食完等左一陣，個麵同塊牛都黎喇！塊5成熟既和牛，口感味道生熟度岩岩好，唔洗點佢既汁，淨係本身既鹽同黑椒調味已經好好食！另外，以為係薯角，原來係炸甜蕃薯，好好食啊！因為和牛要趁熱食先好味，所以我地最後先食個麵。不得不讚隻蝦煮得好好食，好爽口，又唔會好熟，岩岩好熟果隻感覺。估唔到凍左都依然好味！餐廳既氛圍好好，高級既感覺。慶祝生日丫，紀念日啊果啲主題黎食，就更加有feel。😂😂😂😂😂

餐廳環境不錯， 見到有好多顧客都來慶祝生日/ 特別日子。 但枱與枱之間較密， 有機會聽到鄰座的悄悄話。😅餐前麵包好脆，熱呼呼的，有驚喜！香煎鱸魚配檸檬牛油汁少有咁厚身，魚肉香滑，同蕃茄汁好夾，露筍正，爽！但就是食唔出檸檬味，可能蕃茄蓉搶哂味。炭燒美國黑級和牛西冷10安士有芥末醬，准鹽，燒汁。好有牛味，七成熟，唔韌，好淋，正！另配上炸蕃薯條，有別於一般炸薯條🍟，脆口，有蕃薯🍠甜味。總結：可以encore, 已諗定下餐食咩喇！下次試佢地其他海鮮拼盤，另配美酒🍷，再以甜品作結😋

見呢間嘢成日咁爆，終於有機會試一試。先嚟個包包比你頂吓先，當然要加埋賣飛佛黑醋同少少油啦，包夠香軟，唔錯。兩個女食量唔多，先嚟個帶子菠菜沙律，帶子新鮮香甜，口感同味道都唔錯，菠菜都夠新鮮，係個人唔太喜歡食合桃啫跟住食法式田螺，反而呢個唔係太驚喜，一般般咁囉！主菜係番茄鱸魚，魚滑唔腥，煎得唔太熟、剛剛好，番茄茸都好香濃，整體都算好味。呢間餐廳位置不太旺，環境夠舒適，如果想靜靜哋吹吓水都係唔錯嘅選擇。

朋友我到尖沙咀的西餐廳晚餐，餐廳位於尖沙咀金巴利道！餐廳裝修頗爲精緻，望著漂亮又雄偉的水晶燈感覺像係去了歐洲古堡晚餐一樣。餐廳推介了一支白酒比我地“Framngham SB”呢支白酒味道容易入口，味道不會太濃烈而且口感順滑芬芳！很不錯。Fole Gras & Fig：鵝肝表皮很香脆味道亦十分香口。餐廳的配搭很巧妙鵝肝配上多士麵包和芒果汁，令整體的口感不會太油膩之餘帶點清新的感覺！欣賞厨師的心思。海膽黑松露意大利粉：海膽味道鮮甜，意大利粉落cream 的分量剛剛好，不會令人有種太Heavy的感覺，意粉的口感更是接近Al Dente，十分出色。最後就係餐廳的Daily Dessert Special Tiramisu！Tiramisu甜度剛剛好，咖啡酒的香味很很出！整體餐廳的質數十分出色。

這裡真係一個同致愛食飯嘅好地方！環境座位服務都十分之唔錯！今晚就朋友食飯，先點了個香煎鴨肝配焦糖無花果芒果汁，用上了新鮮無花果上面加上了焦糖，入口更新鮮甜，配上肥美厚身嘅鴨肝，完全配合，加上鴨肝煎得十分香口，一切開鴨肝內嘅油脂已經滲出，十分肥美！加埋杯新西蘭白酒入口，入口甘香，真係感覺得生活是如此是多麼的美好！主食就係手打墨汁天使麵伴香煎西班牙紅蝦配香蒜牛油汁，大大隻紅蝦放在碟中，爽口彈牙嘅蝦身伴在蝦頭，而天使麵亦十分煙韌彈牙，加上個牛油汁夠晒味道！係一個舒適嘅環境享受一餐美食真係人生一大樂事！

老婆同我後補生日，帶左我去尖沙咀食一間西餐廳，她知我比較喜歡食西餐。這間餐廳不起眼，但勝在環境寧靜，在西餐廳食飯最好之選。【法國生蠔】生蠔非常新鮮，海水味勁而帶出生蠔的鮮味，真是不錯。【龍蝦湯】每喝一口湯，龍蝦味超級濃郁，入邊還有龍蝦肉，無論味道或者口感都非常豐富。【蕃茄汁意粉伴香煎西班牙紅蝦配香蒜牛油汁】意粉有口感非常好，再配埋西班牙紅蝦超級大隻又超濃蝦味，蝦頭入邊有超多蝦膏，肉質又爽口。【自家制比利時73%黑朱古力心太軟配意大利雲哩嗱雪糕】到了甜品，我選了朱古力心太軟，我同老婆都非常喜歡食這個甜品，這個心太軟是用了比利時73%的黑朱古力，心太軟外脆内軟，一切開朱古力便流出來，流心度真不錯。再配埋雲呢拿雪糕，簡值無得頂。