LAB EAT Restaurant & Bar (金巴利道)

营业中

休息中

一年前食過呢間Lab Eat 令我難以忘懷！無論係食物，環境氣氛同服務我都比接近滿分！一年後舊地重遊，再黎幫襯睇睇係咪依然係我心水餐廳之一。睇menu先，超興奮！每樣都想試有2個包比我地食！上台時仲算暖我先黎食頭盤生蠔4隻左邊偏重口右邊偏淡味店員今次好似指示係唔太清晰到底應該由邊邊開始食，所以我地就自由發揮然後食落發現食咗重味果邊先！但其實生蠔據說好似係從淡味食到濃味比較好。另外 夾檸檬汁果個夾有點難用，唔係幾用到。個人鐘意加雞尾酒汁 食落真係好鮮食得出同出面果d好大分別我地叫咗白酒，都唔錯。配生蠔一流呢個係炭燒西班牙黑毛豬！賣相一流，有一格格嘅燒過嘅紋！聞落去有炭燒味食落去完全唔會硬而且好有肉汁。之前都有食過其他餐廳嘅黑毛豬，然後都係好硬冇肉汁呢間超水準甜品時間，意大利奶凍！賣相又再一次100分！應該女仔會好鐘意！食落好滑，入面仲有d士多啤梨，馬卡龍等等做裝飾不錯！好重奶味！感覺呢間餐廳依然做得幾好服務都係好好，會經常換碟收碟等等！食物質素依然好高質！所以好值得再黎！而且仲係我心水推介之一嘅餐廳！

一大班人慶祝生日🎂揀咗間想食好耐既西餐廳，因為想食咗呢個海膽意粉好耐係OpenRice book枱discount又唔洗等一開始叫咗個三文魚沙律，不過不失。翡翠螺好大粒而且有小小紫薯係底，主菜叫咗西冷，好好食冇咩筋，最後重點推薦海膽黑松露意大利粉同帶子薄配龍蝦汁意大利飯，好多海膽，成個汁好濃而且creamy，薄帶子都好正，龍蝦汁都好濃

好友生日,又係要出動食好西啦～網上見呢間餐廳情調唔錯,加上近我公司附近,即管試試佢~~訂了7點,6點半到餐廳,朋友又未到,但餐廳都俾我坐住等。等人最好就係叫返杯飲品啦～點左望落最安全的Mojito....嗯...味道一般啦～香檳的味道令我感覺唔到青檸同薄荷的清新。朋友黎到同我點左同一杯飲品,但佢果杯靚過我,有朵花花裝飾,感覺唔係同一個人沖的。前菜點左: 2件海膽多士,海膽份量好足,味道鮮甜,多士香脆。凱撒沙律,味道普通。白酒牛油藍青口,法國藍青口細嫩,蒜香撲鼻。無花果香煎鵝肝,煎無花果配左焦糖片,超好食,鵝肝反而變配角。主菜: 墨汁手打意粉配西班牙紅蝦。 手打意粉幼身似天使麵但有咬牙,紅蝦煎到啱啱熟,好香口。西班牙黑毛豬1件,份量好足,不過好似煎得有點熟,不過都唔會太鞋。最後我訂座時說明朋友生日希望餐廳幫忙寫字,朋友未到時我已order定一個心太軟。飯後準時送上。整體食物做得出色,服務也很貼心,雖然座位之間略微迫左d,不過香港地小,租貴。我都明白既~~最緊要朋友食得開心!!

同男朋友黎呢到慶祝週年紀念。訂左位早到係唔俾入既，我諗住高級少少既餐廳會有「對客人細心」既地方，但呢間係冇。唔俾早入到算，佢地遲俾枱我，咁我覺得就好唔啱。入面service 可接受。叫左個牛扒，帶子salad，羊胺同一杯cocktail 一杯紅酒。牛扒同羊扒雖然價錢唔貴但味道真係很一般，可能是我們要求太高？一點兒也不特別同佢個名好大分別。紅酒就真係好難飲，淡到似清水。個心太軟係我覺得整得最好既，最搞笑係佢串錯字，明明我remarks 都寫埋俾佢，其實幾失敗。個客既需要好似冇用心去做。

一年又到生日飯✨今年同男友去咗食西餐，朋友之前介紹過話呢度環境好好feel而且食物都有質素，聽佢講到好吸引，就book咗夜晚兩個人撐枱腳🥳🍽生蠔 $68/隻首先頭盤就嗌咗4隻生蠔先🤩一上枱就勁興奮，好耐冇食過咁新鮮嘅生蠔！影相先～呢晚食嘅係法國生蠔，入口先食到海水味嘅鹹鮮味，之後啲甜味慢慢咁滲出黎，呢隻我可以食一打都得！😂海膽蒜蓉多士 $78/件海膽多士好有料！鋪滿晒海膽，而且有水份唔乾身，入口即融而且勁鮮甜呀🥺配少少火箭菜食，creamy得黎帶點菜獨特嘅甘味，味道好有層次。龍蝦湯 $68龍蝦湯入面有好多龍蝦肉，係一路飲一路食到啖啖肉，個湯都濃郁但唔算太膩，有驚喜！炭燒美國黑級和牛西冷配燒肉汁 $398重點之二來了🤪係配我鍾意食嘅蕃薯條，每次食到蕃薯條就覺得成個餐升級咗😂男友切緊嘅時候，我試咗隔離個兩隻醬同粉，黃色係必備嘅蜜糖芥辣，另一個原來係黑松露粉！加埋燒汁即係total可以食到三隻味🤗好大塊扒，色水好靚，但突然醒起原來冇問我地要幾成熟，即刻切開睇下先......肉肉肉肉🥩 係好juicy嘅肉，我自己就覺得肉質煎得啱啱好，完全唔韌，牛味都好濃。男友食得生啲都話好味～手打墨汁天使麵伴

是夜陪朋友到婚紗街逛逛後，便在附近覓食，最後決定到很耐未食過的Lab Eat 。

我們先點了杯白酒relax一番，店員介紹的是Framngham Sauvignon Blanc, 很易入口，有酸酸甜甜果味，很適合女士。

.

我們點的前菜是鵝肝配無花果，鵝肝很大一塊，又厚身，兩人分享絕對足夠。鵝肝煎得兩邊微焦，而且入口嫩滑，充滿鵝獨有香氣，和脆脆的多士片形成不同口感！
食的時候加上無花果和底下芒果汁，酸酸甜甜，的確大大中和了鵝肝的膩感。


而主菜則是龍蝦尾意大利飯，上碟時的賣相已經很美很吸引，龍蝦尾很大條，鋪上金箔更顯高貴！龍蝦很易拆肉，龍蝦肉彈形爽口，有鮮味，又啖啖肉，食起來真滿足！而意大利飯煮得剛好，有咬口，又充滿龍蝦湯精華，每一口都嘗到龍蝦鮮甜味，我們對主菜都很滿意！

最後一道甜品是Panna Cotta 奶凍，沒想到也挺大杯，奶凍很滑溜，奶香味濃，上面亦有藍莓泡芙，味道一般，單是水果配奶凍已很足夠了。

整體來說，Lab Eat 環境服務到食物質素也很好，不少菜色也色香味俱全，可以再訪。

聽很多人說及網上資訊都讚這食店的食物質素，這樣就非試不可了。先來是麵包，這個比較結實，配上醋味道不錯。 店員幫我們選了一支白汽酒QT Konigsmosel Riesling，酒味道不太濃烈，而且有一陣果香味及甜味很容易入口及配合海鮮食用就最一流了。前菜先來煎日本吞拿魚配番茄莎莎，吞拿魚用上赤身位置，表面沾滿了黑白芝麻，經火槍輕輕灼熟表面很香口，肉質軟滑。牛肉他他脆片，這個不得了，生牛肉裏面混合了紫洋蔥及西班牙小酸豆， 酸豆那種獨特的酸味把牛肉他他裏面肉的纖維及油份分解帶出一種無比的鮮甜味。帶子薄切配龍蝦汁意大利飯，這個是非常令人驚喜的，他的薄切帶子是把刺身的帶子切簿鋪在飯面上，帶子切得非常薄有一點融化入飯的感覺，另外用上龍蝦汁做的意大利飯很香濃鮮美。香煎鱸魚配香草蕃茄醬，這個先要讚賞廚師的細心，因我感到鱸魚上有一種莫名其妙的甜味，這個甜味是來自把洋蔥焦化後再混入 蕃茄及生洋蔥而來的，這種調味是真實的不花巧的，而且鱸魚肉鮮味及嫩滑。甜品是綠茶撻配意大利紅豆雪糕，這個是先把撻焗好後放了一段時間再放上餡料的，所以這個撻是很脆的，因沒有餡料的倒汗水使其變軟，味道不太甜而且可口。味道: 無得輸

朋友知我喜歡吃西餐，介紹了這間西餐廳，放工後便到來。環境舒適，餐具很乾淨，服務很好，每一道菜吃過後，便會幫我們換碟。店員提議白酒Konigsmosel Riesling Germany與晚餐十分配合，白酒味道甜甜，易入口。麵包獨特。煎日本吞拿魚配蕃茄莎莎吞拿魚的表面略為煎過，外面鋪滿很香的黑椒粒。牛肉他他脆片紫洋蔥和蔥本來是味道較濃的食物，但廚師卻中和了這些味道，繼而帶出蕃茄和牛肉碎的鮮味，令裏面的材料味道很平均。帶子薄切配龍蝦汁意大利飯意大利飯的口感剛好，龍蝦汁味道突出，卻不蓋過帶子的味道。香煎鱸魚配香草番茄醬鱸魚鮮甜，外皮香脆，番茄的甜味令鱸魚更可口。半融綠茶撻配意大利紅豆雪糕像心太軟一樣，切開綠茶醬就會流出，綠茶的茶味十分濃，餅底微温脆口。吃晚餐後，感覺到廚師的用心製作菜式，侍應亦十分重視顧客的意見。

近來屋企好多事煩，所以相約朋友一起出來把酒談天。經朋友介紹這間餐廳，地點都好方便，一進入餐廳便看到一個很大的酒吧，感覺餐廳十分有格調。因為我們沒有別的想法，店員推介二人餐給我們。酒精飲品套餐是包了一支白酒（mini moet)，容易入口帶有少少甜味，整體來說十分配合整個二人套餐的菜式。餐前麵包麵包外表十分香脆，帶有芝麻味，麵包內裏十分鬆軟法國生蠔生蠔很大隻，有海水味而且係爽口嘅感覺，十分新鮮生牛肉薄切第一次在西餐廳吃生牛肉，配上香醋汁以及火箭菜，開胃的前菜法式香草牛油焗田螺香草牛油配上田螺，味道很香，放在田螺底下嘅薯蓉吸收晒所有精華龍蝦湯每一口湯都充滿着超級濃郁的龍蝦味，入邊還有很多帶子，無論味道或者口感都很豐富炭燒西班牙黑毛豬配法式煎鴨肝本身對豬有什麼特別的期待，點知一口咬落去的時候，外表脆脆的，入邊還有超多肉汁，煮得剛剛好，肉質還帶有一點爽口的感覺，配上蘋果蓉很出色。豬扒底下有一些紫薯蓉，超級香甜，完全感覺驚喜手打墨汁天使麵伴香煎西班牙紅蝦配香蒜牛油汁天使麵有口感,西班牙紅蝦超級大隻，蝦頭入邊有超多蝦膏，他肉質爽口超濃蝦味。時日甜品Tiramisu唔會太甜，質感細滑。奶凍奶味香濃，

原本同班FD去預先book其他餐廳食生日飯,但可能網絡問題錯誤改book食呢間…黎到其實整間餐廳環境氣氛都OK,食物味道都好好但可惜食物選擇唔多、服務態度質素就不予置評話說我朋友A book枱前已經向職員提及過有人生日(因為生日有85折優惠),食完成餐飯到食生日蛋糕時已經落閘停冷氣,但當時大約23:30左右,apps寫住收01:00(唔緊要…咁咪賣單囉)到賣單時只同我朋友B講HSBC信用卡有88折優惠,碌完卡俾晒錢後朋友A先發現冇俾到生日優惠85折,同返疑似男經理講, 得到回覆係:「我地已經埋左數清晒機喇喎…」朋友A回應返話book枱前已經講過有人生日兼出示埋證件俾疑似男經理睇…再回覆我地:「正常賣單前係要同我地出示返證件,不過唔緊要,我退返現金俾你地。」一間餐廳就算幾好食都好…事前又冇提及過提早收舖又趕人走、明知有顧客生日會用生日折扣優惠但將問題推返顧客身上,我真係唔會再黎食第2次完……

尖沙咀食嘢，都好多好多選擇，橫街窄巷有，通街通巷有，你去到邊幾乎想食嘅，嘢高檔中檔，平民百性嘅都有，如果想食，真係是但入去都可以搵到，今日就去到一個嘅，路邊好短嘅旮旯， 外望入邊環境唔錯，坐低我哋就叫咗兩個套餐，一個皇帝蟹腳套餐，一個炭燒美國黑級和牛西冷扒陪燒肉汁套餐，套餐冇乜特別，不過呢個就跟杯白酒， 不過朋友就叫咗個芒果魔法 。加個蘑菇湯，再加個 甜品 呢個套餐 冇得彈 比較特別，尖沙咀配酒嘅套餐，都唔算多，談心說愛，坐埋一兩個鐘頭正 ，人流都算暢旺，估唔到，用乜嘢方法隔音吸音呢，餐廳的知名度都好高喎。白酒一杯好耐冇諗過嘅白酒，竟然响呢度可以一嚐白酒情懷。芒果魔法酸甜可口，再配一啲芒果，呢杯嘢慢慢飲，真係回味回甘呀！蘑菇湯餐湯多配蘑菇湯，真係好似百搭咁，搶起食慾。皇帝蟹腳套餐皇帝蟹多數凍食，不過呢一間嘅皇帝蟹，竟然係炭燒上枱，果然驚喜之處，睇到廚師嘅用心之處，點會唔享受呢個食嘅過程呀!炭燒美國黑級和牛西冷扒配燒肉汁呢件牛扒真係好正，我而家燒汁真係好好味，食嘅時間真係可以享受慢慢的感覺。甜品芒果奶凍奶凍甜品唔係我強項，食咗就算不過入口。清一清剛才嗰啲燒汁，同皇帝蟹嘅炭燒味又有另一種感

朋友約食飯，兩個女仔決定約間靚啲餐廳去食飯。餐廳環境比較浪漫，好多情侶，我都想下次同男朋友一齊黎啊。我地兩個女仔先點一枝白酒。白酒味道好清甜，果味非常濃郁，好容易入口。酒味唔會太重。我地先食暖暖的麵包，麵粉味道突出，先暖暖胃。我地唔想食太多，叫左一個主菜share食。頂級牛排賣相好驚喜，大大件，切開肉嫩牛味非常重。五成熟中間肉色好粉嫩，入口有嚼勁。薯條即叫即炸好香脆，配上黑松露是最佳享受。甜品叫左抹茶芝士撻和Tiramisu。

今日同朋友去左尖沙咀食飯，兩個大男人學人玩浪漫，去左尖沙咀Lab eat restaurant and bar食晚餐。我地先叫左一杯白酒，入口味道好重果香，甜甜地好易入口，女仔都飲到。麵包暖暖地，配上油醋，食住等主菜。我地叫左一個頂級牛排。牛排5成熟，中間肉色粉嫩，牛味夠香濃，味道好濃郁。肉質結實唔鞋口，肥瘦適中。薯條最驚喜，即炸好香脆，配上黑松露粉超滋味。甜品叫左抹茶芝士撻，入口好重抹茶香，甘香甜度唔算高。

位於尖沙咀金巴利道Lab Eat地方感覺旺中帶靜，遠遠就望到Lab Eat大logo了。環境比較幽暗和幽靜，最啱就係情侶拍拖好去處，不過就算三五知己傾下偈都唔錯㗎，而且佈置都可有特色，原來仲發現好多明星嚟幫襯添，侍應生非常有禮貌招呼我哋，聽說呢度嘅牛幾好食，鍾意食牛嘅我梗係要食下啦！✨✨✨✨炭燒美國黑級和牛西冷配燒肉汁🐗🐗原來黑級和牛都好大塊呢！墊底仲有一條條 炸了鏡番薯甜甜地，好特別，因為通常都係用薯仔嘅。仲有一大堆沙律菜襯托好有睇頭， 當然最緊要係主角牛扒啦🐗肉汁好juicy而且唔使好心急去食添，因為通常你食到一半就要快快食驚住佢韌吖嘛，哈哈！原來可以慢慢食，重可以還切直切斜切都唔會韌，正。😁😁✨✨✨✨再來一個皇帝蟹腳套餐，賣相非常有睇頭😍配餐湯黑松露野菌忌廉湯，黑松露味濃郁，主角炭燒皇帝蟹腳二隻配蛋黃醬~~蟹腳非常大隻好多肉，而且蟹腳肉燒到好香口，同食開拾嘅凍蟹腳肉唔一樣，雖然冇嗰種清甜感，但就有嗰種香口滲入味蕾感覺呢！好滿足啖啖肉，仲有四塊細條粟米芯，粟米係炒過 嘅❤所以是一粒粒好爽好甜，還有好多沙律菜呀！是日甜品奶凍，小小甜好滑啊！餐飲是一杯白酒🍸我就鍾意飲mango mag

今年其中一餐生日飯去咗尖沙咀嘅”LAB EAT Restaurant & Bar”。由於一早已經book好位，所以去到唔駛等就有得直接入座。👍🏻(L) Virgin Mojito $68(R) Green Apple Soda $68海膽蒜蓉多士 $78@頭盤叫咗呢款海膽蒜蓉多士，好好食！海膽鋪到好厚，味道鮮甜又非常creamy！夾埋蒜蓉多士脆脆嘅口感一齊食好正！炭燒美國黑級和牛西冷10安士 $398叫咗5成熟，食落都係略嫌有些少熟得滯，🐂肉質相對會韌咗同嚡啲啲～下次如果再叫可以試生少少。另外，喺西冷下面嘅薯菜有驚喜❗️因為佢唔係平日食扒時有嘅薯條/薯角，而係炸蕃薯🍠，甜甜地幾好食～海膽黑松露意大利粉 $258去得呢類餐廳，硬係會想試吓佢啲pasta！呢款海膽黑松露意大利粉賣相吸引，黑松露獨特嘅香味未食都已經被吸引住！今次海膽放喺意粉上面，唔會好似頭盤多士咁有凍食海膽嘅感覺，但微溫少少溶嘅狀態反而更有入口即溶嘅效果，令意粉個味道變得更出色！好好味🥴瑞士傳統熱溶芝士配新薯及火腿 $168最後呢款raclette cheese雖然落單時已經有提到要時間整熱啲芝士🧀，但估唔到等到差唔多食晒先嚟