影片
更多
2019-12-04
115 浏览
男朋友生日當然要食得好啲，但基於而家大家心情都唔係幾好，所以都唔會選擇大搞，禮物、party就可免則免，不如食餐好嘅簡簡單單算~ 早前已經book左枱食飯，搵左間好有格調嘅餐廳，入面點上蠟燭，點點蠟光把酒談心。我地揀左個精選2人餐，套餐包含左頭盤至甜品。侍應先幫我地倒酒，氣泡澎湃配上迷人音樂，好浪漫嘅氣氛。Mini Moet & Chandon imperial Brut, Champagne, France 味道芳香且後勁較強烈，會愈飲愈順口，就算好似我呢啲好少飲酒嘅人黎講都唔會好重口味，好易入口。之後送上熱辣辣嘅新鮮法包，配上橄欖油食，法包外脆內軟，單單法包就好有驚喜，當香檳配上熱辣辣嘅新鮮法包，兩者味道非常夾。法國新鮮生蠔法國嘅生蠔好有名，係質素嘅保證，生蠔肥美鮮甜，肉質嫩滑，入口帶有淡淡嘅海水味，加上酸辣汁更顯惹味，味道層次豐富。日本北海道帶子刺身薄片伴蝦油蛋黃醬及海膽擺盤好高級又吸引，砌成一朵花咁，中間就放左海膽同醬汁將帶子刺身切成薄片，容易入口之餘咁就唔會令味道喧賓奪主，我會將佢加埋海膽同醬汁一齊食，咁就可以有豐富嘅口感之餘又鮮味十足，味道多層次。餐廳將醬汁打成泡沫，味道酸
我地揀左個精選2人餐，套餐包含左頭盤至甜品。侍應先幫我地倒酒，氣泡澎湃配上迷人音樂，好浪漫嘅氣氛。
Mini Moet & Chandon imperial Brut, Champagne, France
味道芳香且後勁較強烈，會愈飲愈順口，就算好似我呢啲好少飲酒嘅人黎講都唔會好重口味，好易入口。
之後送上熱辣辣嘅新鮮法包，配上橄欖油食，法包外脆內軟，單單法包就好有驚喜，當香檳配上熱辣辣嘅新鮮法包，兩者味道非常夾。
法國新鮮生蠔
法國嘅生蠔好有名，係質素嘅保證，生蠔肥美鮮甜，肉質嫩滑，入口帶有淡淡嘅海水味，加上酸辣汁更顯惹味，味道層次豐富。
日本北海道帶子刺身薄片伴蝦油蛋黃醬及海膽
擺盤好高級又吸引，砌成一朵花咁，中間就放左海膽同醬汁
將帶子刺身切成薄片，容易入口之餘咁就唔會令味道喧賓奪主，我會將佢加埋海膽同醬汁一齊食，咁就可以有豐富嘅口感之餘又鮮味十足，味道多層次。
餐廳將醬汁打成泡沫，味道酸酸甜甜，好開胃，係一道唔錯嘅前菜。西斑牙伊比利亞48個月風乾火腿伴哈蜜瓜
parma ham配哈蜜瓜係一道非常經典嘅前菜，佢地係最佳嘅絕配。哈蜜瓜好香甜，加上鹹香味濃郁嘅parma ham，一鹹一甜嘅配搭好夾。配上火箭菜沙律帶有好濃嘅芝蔴香味，絕不遜色。
套餐中包括左兩款餐湯，味道係令我地相當驚喜
干邑龍蝦湯
呢個係我男朋友飲，但我都有飲到少少可以分享一下個味道，呢碗湯龍蝦味非常濃郁，口感仲好滑溜，好仲有大大舊龍蝦肉可以食。
黑松露菌泡沫濃湯
我就飲左呢款，湯入面有黑松露菌粒粒,廚師將黑松露菌打成蓉再煮，所以黑松露菌味十分之香濃
仲有將黑松露切片，所以入口都會食到一片片黑松露，無論口感定味道都係非常高質。
到左重頭戲嘅部分，主菜total都有兩款，分別係炭燒澳洲M5和牛小排同炭燒澳洲M5和牛小排。
炭燒澳洲M5和牛小排
黎高級餐廳食晚餐，對要求都會高少少，除左味道要好食之外，擺盤都好重要，可以引起食慾，好好享受眼前嘅美食，而呢到嘅擺盤都係一大讚點之一，將澳洲M5和牛小排切成三小塊加一大件，牛小排下面以大啡菇襯托，配菜有焗馬鈴薯、蕃茄仔等，廚師將M5和牛小排煎成5成熟，做到外層甘香內裡肉嫩嘅效果，肉質彈嫩厚實，單單和牛小排嘅味道已經好充足，所以醬汁調味唔會過於濃烈，咁就可以做到突出和牛小排嘅鮮味之餘又唔會喧賓奪主。而焗馬鈴薯入口即溶，口感香滑，焗蕃茄仔非常香甜多汁。
芝士焗澳洲龍蝦伴意大利黑魚子片
食龍蝦最怕就係要起肉食，一唔小心儀態盡失，好彩呢到事先已幫客人起肉，咁就可以食得方便，唔會好狼狽，可以盡情大大啖咁食。
龍蝦肉質非常彈牙飽滿，味道鮮美香甜，醬料中添加香辣調味，味道層次豐富，有啲意想不到，而底下舖滿香辣嘅藜麥，非常惹味。
時日甜品：Tiramisu伴雲尼拿雪糕
Tiramisu蛋糕鬆軟，有好香濃嘅咖啡味，甜味適中，甘香不膩，cream仲好香滑，加埋雲尼拿雪糕相輔相成，入口即溶。
總括黎講大時大節係到食野個氣氛都唔錯而且啲侍應好nice，食得好開心又滿足，男朋友都好開心，今次慶祝生日嘅驚喜大成功
张贴
