LAB EAT Restaurant & Bar (金巴利道)

营业中

休息中

慶祝朋友從日本歸來，她說在日本吃了太多澱粉質，要在香港吃返夠本的海鮮和肉類，於是三個人一起到這裡吃大杯酒大塊肉的盛宴。店的位置在很僻靜的金巴利道盡頭，無論店內店外都很有情調和氣氛。生蠔好像幾抵食，但女孩子可能不太喜歡生蠔的質感於是點了海鮮拼盤。點菜過程就省略吧接下來有太多美食要分享。碰個杯先。這款白酒不太甜，喝下去也很順喉。海鮮拼盤，看到後面那瓶水嗎，是用來對比大小的。餅乾？原來是用來配魚子醬的。店員說配生蠔味道也很夾。馬上試一試這個配搭。魚子醬的鹹香把生蠔的鮮味進一步吊起來，順滑的口感夾雜著魚子醬的粒粒口感也變得更有層次，果然是好推薦。其他的海鮮都非常不錯，翡翠螺一拉就成條出來，龍蝦的肉汁豐富，十分清甜。貝殼類全都爽口彈牙。吃高級的西餐要視乎菜式配不同的酒，於是有了這杯紅酒。要配什麼菜式就先賣個關子。去到哪裡都要吃黑松露菌料理的筆者。飯上黑色的一點點不是提子乾，而是濃郁大份的黑松露醬。黑松露菌料理真的吃得很多，但有這麼大pat直接歎真是第一次。這是全晚的大佬，斧頭扒，筆者特意把手放上去對比。份量自然不用說，味道也很鮮嫩，肉質軟淋，表面烤得香脆，加上不同的醬料和配菜，一邊聊天一邊慢慢吃

這天和朋友相約一同於尖沙咀吃飯，餐廳位於尖沙咀的東部，距離附近地鐵站， 路程約需十分鐘左右 ，還算合理之內。 雖然尖沙咀還是一個高危的地方，但餐廳位於 的位置 ，還算隱蔽，相信是安全的選擇。裝潢方面，以黑色為主調 ，配搭充滿節日氣氛的聖誕裝飾，別具風格，加上柔和的背景音樂，令人更為愉快。餐廳主打多國菜， 我們先選擇了兩杯白酒作為餐前細卓一番， 慢慢享受酒精和環境的舒適。 白酒的最佳配搭定必是 海鮮， 我們也選擇了 煮青口， 分量十足，加上青口鮮味濃，口感佳， 配搭白酒果然是最佳選擇。

拍拖四周年紀念，男朋友特登訂左呢間網上口碑非常好嘅西餐廳慶祝，結果令我非常滿意鍾意食生蠔嘅我特登叫咗法國生蠔四隻，入口非常creamy,仲有淡淡的海水味，係屬於質素相當高嘅生蠔另外一人點了一杯白酒，配上生蠔產生奇妙嘅化學作用意大利西西里島番茄醬意粉配熟成番茄和芝士，呢個意粉真係好好好好好食，蕃茄味非常濃郁而且非常新鮮絕對唔係罐頭茄醬嘅味道，配上味道強烈嘅芝士簡直係完美最後叫咗熱情果蛋糕及雪糕，熱情果味道非常濃郁，蛋糕亦都非常香甜，為一個完美嘅西餐畫上句號

同朋友慶祝升職就當然要去找間氣氛好又高格調既餐廳啦~點菜全交由朋友負責選擇困難症患者表示全部看起來都好吸引好想食!餐包上桌時還是暖的，麵包外脆內軟!非常香和好食!要慶祝當然要點些白酒來慶祝W SeafoodPlatter & Caviar 海鮮拼盤伴意大利黑魚子醬上桌時我們都有點驚呆了，超級大盤的!! 而且海鮮獨有的鮮味撲鼻而來!生蠔、龍蝦、鮑魚、螺肉全部都非常新鮮，沒有腥味。口感極好，海鮮控的友人食得非常滿足。這螺肉的SIZE真的超巨大，令人非常滿足WWW這龍蝦肉真的非常鮮味，啖啖肉~Pan Fried Foie Gras 玉桂脆煎法國鴨肝 配紅酒蘋果蓉，無花果，分子黑加侖子魚子入口先是淡淡玉桂香，法國鴨肝煎得外脆內軟，入口即融，跟紅酒蘋果蓉和無花果非常匹配!一口鴨肝的膩感被清新的果香完美中和了!!讓人欲罷不能，不是朋友制止我的話真想再來一碟。PorciniRisotto 黑松露牛肝菌意大利飯用料極足，意大利飯軟硬適中，每一口都有極香的黑松露和牛肝菌，還要加上罪惡的芝士薄片，滿足感和罪惡感滿分。U.S.Tomahawak 美國一級肉眼斧頭牛排 我第一次見到那麼巨型的斧頭牛排，不愧是3

門面的裝飾很漂亮，充滿著聖誕的氣氛。還有很可愛的聖誕老人掛在門前。進店後，店員很友善地招呼我們。也親切地向我們推介和詳細地解釋食法。海鮮拼盤真的冇得輸。樣樣都鮮甜肥美！我們幾個都食得不亦樂乎。反而我覺得他們提供的餅太重蒜香，蓋過了美味的魚子醬的味道。喜歡黑松露的人有福了。份量多到啖啖都係黑松露！我才疏學淺，第一次聽店員介紹斧頭扒時一頭霧水。原來個份量大到有斧頭的尺寸。不要以為只得個‘大’字來形容，肉也非常高質。入味之餘又容易入口！眾多菜式之中，我最愛是個肝。每一份伴碟和調味醬也非常夾，美妙地突顯出肝的肥美。下次來絕對會Encore! 甜品來的時候，其實我們已經很飽。幸好酸酸甜甜都幾醒胃，我們都食到八成。質素不錯。大時大節可以考慮來吃！

這天跟好友來到一間很有情調的餐廳，品嚐了一頓非常美味的西式晚餐！冬天的行裝特別多，這裡的店員會主動提供掛物的小勾子，非常體貼！麵包是溫熱、薄脆的，簡單地沾一點醋便很好！細滑且濃稠的黑松露蘑菇湯，上面還有黑松露片，感覺特別矜貴！前菜是玉桂脆煎法國鴨肝配紅酒蘋果蓉、無花果及分子黑加侖子魚子。鴨肝不及鵝肝罕有，但是其實鴨肝同樣肥美可口。鴨肝煎封了表面，外頭向焦香，裡頭細滑綿密。一個人品嘗整份鴨肝會比較油膩，我覺得兩個人分享，每人吃小點點滿足一下味蕾就好了。這道菜的配菜是味道帶酸的蘋果蓉，可以解解鴨肝的膩，配合起來非常美味！主菜同樣是家禽類。法國春雞味道非常棒，外皮不是脆的，但皮很乾身。整隻雞都沒有多餘的油脂，雞肉肉質仍能保持嫩滑，因此吃著我覺得這道菜是健康的美味！最後的一道菜是甜品-金箔果栗子老伴青雪芭。甜品上面有一片大大的金箔，視覺上加分不少！我覺得這個甜品每一層的味道比較簡單，把芒果栗子卷及青檸雪芭一口同時品嘗，味道層次更豐富，整道甜品變得更美味！

今日返完玫瑰堂，想近近地喺附近食餐好嘅！經過玫瑰堂後面見到有一間佈置好有聖誕氣氛嘅西餐廳，見到餐廳裏有好多人，感覺上應該不錯，就決定試一試！我哋兩個人叫咗一開始叫左個沙律同兩杯白酒，皇帝蟹沙律好特別，皇帝蟹肉一啲都唔小，而且仲食到佢嘅海水鹹味！我好鍾意去嗰熱情果汁酸酸甜甜，好好味！配合沙律係絕配！當然唔少得係個蜜糖味嘅合桃好好味！西班牙紅蝦意粉蝦好大隻，而且仲煎得好香好香，一上枱已經俾佢的香味深深吸引住，意粉軟硬適中，配上佢嘅自家製汁好好味😋黑毛豬黑毛豬好厚而且好淋身，唔知佢係咪用慢煮鍋整好再煎，煮得恰到好處！除咗主角黑毛豬好味之外，仲好欣賞佢嘅配菜，佢嘅配菜有紫薯蓉，紫薯蓉好好味，大愛！紫薯蓉食多啲都唔會肥，簡直係女性嘅恩物，最重要係佢煮得好好味。仲有蘆筍雖然唔係太多，但都好好味好爽口嘅！黑松露芥茉醬好香！金箔蘋果酥甜品我哋就叫咗一個蘋果酥配雪糕，蘋果酥嘅蘋果蓉唔太甜，恰到好處，配上佢嘅鬆化酥餅好味。我好欣賞佢嘅紅豆雪糕，我哋影相影左好耐，但佢都唔溶！但你唔好以為佢好硬喎，佢係入口即溶，嗰種感覺太正啦！總括，所有嘅前菜、主菜、意粉同甜品都好好味，而且好值得一讚嘅就係佢哋好用心佈置每一

上星期朋友生日，為咗幫佢慶生就搵吓尖沙咀有咩餐廳適合，見到呢間餐廳口碑非常唔錯於是乎就決定一試頭盤先來煙燻法國鵪鶉脾，肉質非常嫩滑，而且充滿鵪鶉味道，保留原本食材香味美國西冷！非常非常極級推薦！肉味濃郁，另外廚師控制火候十足，剛剛好五成熟，做到外脆內嫩的口感，配上特製燒汁，是一道非常頂級的牛扒最後安排了甜品給我朋友，分別是熱情果蛋糕和是日精選手做雪糕，都屬於高級的甜食，熱情果蛋糕的餅底充滿熱情果香及果肉，另外新鮮雪糕亦充滿水果味道，推介

今晚約左個同事同佢食餐farewell飯, 係尖沙咀行完街就去左lab eat食, 之前一直都想試下呢間西餐, 好似食物質素相當唔錯! 餐廳近尖東果頭, 不過搵左一陣先搵到, 入面唔算大, 2個人被安排坐4人枱, 都坐得幾舒服!我地叫左幾樣野share, 前菜叫左海膽toast, 海膽好好好鮮甜, 仲有2大片! 個多士脆得黎唔硬, 成個口感都好好, 又滑又脆咁, 超大推!龍蝦湯好濃味, 唔會太咸, 好好飲!!主菜想推介法國春雞釀飯, 隻雞既調味好好, 入面既飯好特別好有口感, 唔識形容, 同埋份量好多, 夠2個人食架啦!!另外梗係食埋甜品, 成個藝術品咁, 芒果栗子mousse+青檸sorbet, 有甜有酸所以唔會太漏, 好滿足呀!

聖誕將近，外國朋友回港度假，要我發板吃什麼，想了想帶他來到Lab eat。    一排無黎，這裏熱鬧依然。門口更已放了聖誕樹！先點了這裏的招牌海膽多士，大大塊海膽鋪在烤得香脆的海膽上，鮮味和香脆合二為一，海膽夠多，所以口感大滿足。   食完多士，再飲一啖濃郁龍蝦湯，讓口腔鮮味更徹底。   接著的春雞脾前來了杯kessler riesling。淡黃色的它帶香甜，順滑易入口，很得我心！在亮晶晶的酒杯的襯托下更晶瑩透亮。感覺葡萄美酒夜光杯。    法式鵪鶉脾一客竟有六隻，每隻都皮脆肉嫩，帶點封乾滋味，番茄中和了油感，送白酒剛好！    主菜前多點了一杯紅酒，用嚟襯菜式。番茄意大利粉的質地軟硬適中，加上酸酸甜甜的茄蓉，開胃清新。    羊架有3大塊，每件皆肉厚，五成熟做得恰到好處，切開仍見嫩紅。配上自家調配的薄荷醬，更顯出其羊味！我最愛這種薄荷淺著少許羊羶的滋味。紅肉伴紅酒剛好！   甜品是抹茶芝士蛋糕，切了棵聖誕樹出黎。一旁放上了馬卡龍和青檸雪葩。   芝士蛋糕芝味其濃，扎扎實實的有2大件，足二人食有餘。馬卡龍不太甜，雪葩微酸帶甜，清味蕾一流！ 呢度己經

朋友生日，選擇左依一間餐廳，諗住靜靜地傾吓計。餐廳光線暗暗的，環境都幾有情調。一坐下不久，侍應便送上之餐包，暖暖的，脆脆的，點醋和橄欖油一齊食，好好味。頭盤點左煙三文魚凱撒沙律，有4片煙三文魚，分量正常，有脆嘅煙肉片，味道不錯。主菜方面就點左西班牙黑毛豬配紫薯蓉，首先黑毛豬好juicy, 一d都唔乾，特別配了紫薯蓉，好有驚喜，味道好濃。最後，點了朱古力心太軟配雪糕，上枱時候熱辣辣，朱古力湧出黎，同雪糕一齊食，非常美味! 朋友生日，仲可以幫你在碟上寫字

同太太既一週年記念，決定搵間好少少既西餐廳。見到呢間都好多好COMMENT，而且岩BUDGET，所以就黎試下。黎到後發現餐牌同網上睇已經少許不同，原來佢定期會轉MENU，唔會令食客每次黎都係同一樣既食物!十分抵讚!餐廳早已佈置很多聖誕飾品，播的歌亦主要以聖誕歌為主，亦見到好多情侶黎呢度食。我地一坐低重猶豫緊既時候，店員就黎介紹左少少菜式比我地，期間我地無舉過手，店員如此細心的服務實在抵讚!煙燻法國鵪鶉脾配檸檬蒜鹽無乜地方有鵪鶉提供，今次一於試下!肉味濃郁，十分嫩滑，不過就咸左少少，因為我無連埋下面既蕃茄一齊食，因為我唔食蕃茄。如果一齊食廳舍會亦個味更出同無咁咸!西班牙極品橡果飼黑毛豬配紫薯蓉，露荀及黑松露芥末醬相當厚肉!但係烤得岩岩好，時間掌握得非常好，如此厚的肉整出來全熟之餘中間的肉仍然保留少量既紅色，十分好食，鎖住晒肉汁係入面，好好味。西班牙紅蝦意粉超級大頭蝦，但肉質嫩滑，蝦頭極多膏，蝦膏香濃鮮甜，意粉軟硬適中，處理時間掌握亦十分好，配以洋蔥，將蝦既味道進一步揮發出黎!太太重叫左杯白酒，不過我就無飲，所以無影到相。太太對於呢間西餐廳十分滿意，服務員的反應迅速並且禮貌很好，兩人加埋食

到了LabEat 食生日飯，兩個人叫左2個海膽多士、一塊400安士牛扒、一個皇帝蟹腳greece salad。味道整體很好，海膽多士材料十足，值得推介。而沙律要$188 份量有d 太少、蟹肉都不算很多，係有小小失望。反而牛扒價錢雖貴，但份量都幾多。叫左三個，都已經好飽。環境都舒適。至於飲品，我地叫左兩個cocktail，味道很好，特別果個有cranberry、lime、pineapple mixed vodka的那個，但我忘了那個名字😂

上網見到食評不錯，咁就訂位同朋友慶祝生日，我哋掛住shopping, 遲咗成1.5hr去到， 地方都易玩，好彩去到都仲有位，地方係窄d，附近既枱全部都係女仔，所以冇乜所謂 牛油果合桃布冧蟹肉沙律- 好好味，合桃超脆， 沙律菜亦新鮮😋 燒鵪鶉髀- 啲肉好嫩口，味道剛剛好 黑松露海膽意粉- 賣相都幾好，調味剛剛好，海膽新鮮燒黑毛豬-肉質剛剛好，唔會有騷味 綠茶馬卡龍蛋糕- 不會太甜整體不錯，價錢合理， 只係枱與枱之間比較密，服務不錯！ 值得再去！

好滿意既一餐生日飯，一入到去都幾熱鬧下，全部枱full哂，可能就未必岩想兩個人靜靜地浪漫下既人喇因為枱與枱之間都比較近，有些少迫。（亦可能係星期五既關係，果日比較多人）地點都方便，好易搵。但我都係好滿意間餐廳，係openrice book位仲有75折，好抵食。🤩首先講下個蘑菇湯，好出色，係我最喜歡比較creamy 既質地，每一啖都充滿住蘑菇，絕對唔係坊間‘希nel nel’既湯。意大利飯唔會太軟唔會太硬，剛剛好，最重要係有我最愛既黑松露，食材絕對有誠意👍🏻唔會偷工減料。仲有個黑毛豬，因為太香既關係，已經俾我切開左先🙊唔記得影相，食食下唯有補影番啦😂😂黑毛豬內裡好juicy 😋個面烤得剛剛好，食落去好香，再配番紫薯蓉👍🏻 飲品不過不失啦，呢杯飲落好fresh，唔錯。呢杯就真係一般，太甜喇🙈🙈同埋唔夠凍。仲有個心太軟，實在太好味喇🤗一切開，d朱古力流哂出黎🥰比較係偏黑朱古力同牛奶朱古力既中間，唔會話係好甜，甜到漏果種，超喜歡❤️這間餐廳，一定會再黎幫襯。