LAB EAT Restaurant & Bar (金巴利道)

营业中

休息中

#🍎👧🏽星期五嘅尖沙咀 冇訂枱又想搵間好少少嘅餐廳食飯都唔容易😌 呢間餐廳位於金巴利道嘅盡頭 喺上次介紹嘅#榴槤樂園 對面 見評價唔錯 walk-in又有位就一於試吓 (後悔點解冇睇清楚menu🙍🏽‍♀️)🔹Passion Fruit Sling🍹 ($68)🔹Pineapple juice ($48)呢度只有收費嘅水提供 所以隨便點咗兩杯飲品share😌 杯mocktail好香Passion fruit味 但飲品整體偏甜前菜嘅麵包外脆內軟 不過每人得一片🤪🔹海膽多士<3件> ($224)🔹煙燻法國鵪鶉脾🍗($158)海膽多士好好食🤤 雖然偏貴但海膽真係幾新鮮 而且超級厚!!! 大啖咬落去好幸福的感覺😍 呢個配搭令成件事冇咁單調👍🏼鵪鶉脾望落好似好乾 但食落肉質嫩滑😋好香煙燻味🔹荷蘭彩色車厘茄水牛芝士沙律🥗($138)水牛芝士沙律 一上枱嗰下呆咗😵...(一人份量???) 但味道非常豐富 有水牛芝士的質感 車厘茄的酸甜 芝士脆片嘅咸香 加埋琥珀合桃嘅甜 係好食嘅 但呢個份量實在太貴了☹️🔹溫泉蛋卡邦尼扁意粉🍳 ($168)🔹西班牙紅蝦意粉🦐($268)卡邦尼意粉隻溫泉蛋 原

想搵間有格調既餐廳輕鬆一下，網上見到餐廳做緊推廣優惠，一於去嘆反個意大利全餐，我同朋友先點左兩杯Framngham白酒 ，此酒來自紐西蘭，口感酸甜中帶有果香味道，質感比較中性，我地仲叫左個Alaskan Crab Meat Salad (牛油果蟹肉沙律)，沙律用好多唔同配料組合而成，有烤過既蘋果、牛油果、車厘茄、合桃仁仲有隻巨型蟹鉗肉，賣相相當吸引，餐廳配左柚子醋同烤檸檬比我地自行攪拌，我地再加埋枱面上既橄欖油、黑醋混合調味，沙律份量好大碟，食完都有點飽。我地想再叫D野食傾下計，所以點左個黑松露忌廉湯同芝士卡邦尼意大利麵。Black Truffle Mushroom Soup (黑松露忌廉湯), 好香，飲落好結身好多菇既蓉，餐廳仲配置埋兩片新鮮暖笠笠既餐包比我地，餐包咬落去外層sharp sharp聲好脆口，中間層軟棉棉，超好味。Linguine Carbonara (芝士卡邦尼意大利麵)，麵上面是鮮刨芝士片加上炒過的鮮菇粒，芝味濃郁。餐廳環境闊落，氣氛寧靜，好適合情侶或朋友傾計談心。

今日去lab eat享受返fine dine😚😚一入去已經好鍾意個佈置，一邊啲燈好靚，好柔和又未至於太黑，而且個餐包係超級新鮮 熱辣辣咁送上尼，加少少橄欖油，好好味！海膽多士！超級無敵邪惡但極級好味，慢慢食落去，成口都係海膽嘅鮮味，真係非常滿足！至於青口！好好味個汁，唔係一般罐頭開出尼嘅感覺，感覺用海鮮熬左好耐嘅湯底，所以已經好香，青口一夾就食到，完全唔會食到沙🥰🥰好完美，岩哂勁中意食海鮮嘅我地！食過前菜後，就換上另一杯酒- 今次係西班牙紅酒，係dry,亦都係特地叫尼for食牛扒，好配搭西冷，同埋medium rare真係岩岩好個質感好好，建議唔使點任何汁，可以試返個原味去享受下最真實嘅牛味題外話，話說我將一個好細好細嘅紙袋仔放左係枱到，我地都唔為意，但佢地係上appetiser 嘅時候已經主動問需唔需要俾個勾勾我地掛住個袋仔，超級細心嘅舉動！尖沙咀真係有好多好野食！唔行到最入去搵真啲真係好易走寶～尼到真係好適合fine dining , 或者celebration , 氣氛好好，佈置亦都好靚！

行到入尼尖沙咀食好野！門口超級decent!首先真係特別要讚下佢地係好好好服務，會較岩時間過尼幫你換碟，唔會一直係係後面等，俾到好大壓力你咁烤鵪鶉腳都燒得好香，外皮係脆卜卜，唔會係overcooked個種，入面嘅鵪鶉肉都好滑，唔會老哂，配菜嘅蕃茄，加左調味同橄欖非常夾，同balance返食肉嘅油再加埋杯白酒，岩哂女仔飲，好香，我唔算好識飲😅😅都係聽介紹揀，淨係識分好唔好味，尼種會令我想繼續飲同埋唔會飲得辛苦嘅酒！Tiramisu choco tart有果仁，有啲coffee jelly , 啲nuts smoked/炒香過，好香, balance返中間cream係膩嘅感覺，overall尼講唔會太甜嘅，淡淡地咁，岩哂怕肥嘅一族，兩個人share就岩岩好呀，一個人食可能會多啲罪惡感，啲朱古力唔太苦亦唔太甜，係正餐過後嘅另一個滿足！

𝐋𝐚𝐛 𝐞𝐚𝐭 𝐨𝐫 𝐋𝐞𝐭’𝐬 𝐞𝐚𝐭 ?➿Lab Eat is a interesting experimental restaurant with a unique experience that you won’t get at any other places. They are the western fine dining restaurant located in the heart of Tst and the other one at Mong Kok. Lab eat serves a range of delicious foods from salads to steaks and a wide range of beverages 🍷 The restaurant is warm with amazing painting throughout the place. I would say this is definitely a nice place for gatherings with family and friends🙈❤️➿Started with

結婚周年老公book咗 TsT Lab eat，好久之前食過故地重遊，環境依舊浪漫 🌹微暗氣氛，喝上一杯更令人陶醉💕專業的西餐廳每一道菜都為我們換碟和餐具，確保每一碟菜都能試到真正的美味🤤🤤Pan Fired foie Gras 作為頭盤真係非常適合，鵝肝煎得照向佢哋自家製配料和無花果，開胃得來，又甘香😍😍龍蝦湯和黑松露蘑菇湯好有誠意，熱辣辣，秋天我想一口熱湯，特別暖☺️還有很多小龍蝦呢，黑松露香也非常濃郁，十分足料，裝飾仲好靚添😍😍澳洲BB羊架，一上枱賣相非常吸引，外面焦香，裏面還是粉紅色，大廚火候拿捏得剛好，而且羊味好濃郁啊🤤🤤海膽配上黑松露原來是這麼match ,這款意粉正融合兩者加上忌廉，每一口都好香濃，口感很好👍Sweet moment 當然要食返個甜品啦！😌😌我們都係朱古力控，意大利忌廉芝士朱古力撻 超好味😋口感獨特，加上唔同嘅配料，真係好睇又好食🥰🥰非常滿意呀！為我哋嘅結婚周年錦上添花，下年再嚟🤣

難得今日同老婆都早收， 接老婆收工 撐下枱腳先！掛住lab eat 今晚就食你啦 🤣餐廳氣氛有情調 ，真係好適合情侶嚟呀 😍😍店員服務好好天，而且防疫👍👍首先點返杯白酒 ，食住自家製麵包 邊飲邊傾 🤭staff好細心，幫我哋一開二👍你只法國白酒，好甜好有果香，超適合女士 ！老婆表示很喜歡💕兩款湯 黑松露蘑菇濃湯、干邑龍蝦湯 各有特色 👍黑松露蘑菇比較濃稠 ，蘑菇味十分香濃 龍蝦湯真材實料 好多龍蝦肉呀😍😍頭盤點了鴨肝配無花果，賣相非常吸引 🥳🥳而且配搭非好，夾住無花果一齊食 ，帶出甘香，減低油膩感外表焦香👍我哋最愛黑松露、海膽 ！海膽黑松露忌廉意粉就滿足曬我哋啦 🤩🤩大大粒海膽 擺在 意粉🍝上面一齊食，口感真係一流 🤤🤤澳洲bb羊架 ，選用了bb羊，所以肉質特別嫩滑，外皮焦香，鎖住肉汁，仲好靚添 🤩🤩甜品也超有驚喜 配搭好特別睇得廚師嘅用心 ，充滿朱古力和其他配料，口感特別，非常配搭 ，有驚喜 😍😍水準依然keep得很好 👍尖沙咀區西餐嚟講是我們的首選😎

餐廳氣氛營造得不錯, 昏暗的大環境, 配上每張桌上的小蠟燭, 很適合一邊小酌一邊談心。一個大大的酒吧就位於店中央, 看著林林總總的酒類, 令平常不好酒的我都忍不住點了一杯來應景。餐包, 外脆內軟還帶點微暖, 再沾上油醋汁, 非常醒胃。黑松露蘑菇湯, 口感濃稠還夾雜著蘑菇碎粒, 濃厚的黑松露味道, 香氣充滿口腔。西班牙橡果飼黑毛豬, 擺盤很漂亮, 肉肉很厚切。神奇地, 外層的邊邊位置烤到帶點焦脆, 但內裡的肉仍舊保持粉紅柔軟。Tiramisu朱古力撻, 裡面的朱古力的種類都好幾種, 甜度和口感都不一樣, 中間承載著的Tiramisu柔軟順滑。總的來說, 氣氛好, 食物佳, 是個有情調的西餐廳, 而且服務很不錯, 反正我是很久沒遇到過還會為客人拉椅子協助入座的服務生了, 抵讚。

跟友好在尖沙咀逛街，因為時間尚早，晚上6時多就有點餓，見到這間西餐廳在角落但被它的光亮招牌吸引了，walkin不用等，量過體溫就入座了，內在環境有點昏暗，感覺挺浪漫的，侍應很細心準備口罩袋放在枱面給我們備用，我們看了看餐牌，這裡的餐食都挺特別，所以我們叫了些自己愛好的來試試看，前菜有脆脆的法國麵包，沾上橄欖油加黑醋，味道很夾很好味，餐湯點了蘑菇濃湯，濃郁的蘑菇在口腔內久久不散，煙燻法國鵪鶉腿，非常特別濃厚煙燻包著外脆內軟的腿， 牛肝菌黑松露意大利飯，意想不到有芝士的拉絲，黑松露跟牛肝菌重疊的味道太大對比，味道跟口感都難以形容，是美味的。再配一杯餐酒為白酒，味道更出眾。估不到隨意吃也有驚喜

男友經openrice book左7點入座，去到安排左個近門口既位置。座位分佈似茶記，仲要連膠板都冇。同隔離對情侶一隻手既距離都冇問下安排入座個位職員可唔可以安排另一個位俾我哋，可惜被拒絕。見隔離情侶賣單走人，我哋再問可否安排坐佢哋個位，再加上查問中間位會否安排安人入座。職員回覆會！坐得近但有膠板都會接受，隔咗d口水飛沫傳播。但乜都冇就真心接受唔到，所以決定走！一心諗住黃店，又想慶祝生日，見餐廳有75折，所以決定去。真心失望。價錢貴，服務態度一般，連防疫意識都差到咁，絕對唔抵！PS.是日確診數字70宗。

今日難得二人世界, 一於搵返間有情調嘅餐廳食燭光晚餐先！上網見到呢間餐廳啲平價唔錯, 係openrice 訂座仲有discount㖭, 即刻要去試下啦！餐廳裝修環境高級地方寬敞, 主打fine dining, 我哋就點咗個二人晚餐。先嚟頭盤 生蠔、麵包加香檳。Dooriel No.1生蠔 1號size 120~150g, 蠔肉肥美嫩滑 鮮甜爽口, 加少少檸檬汁就更加鮮味！Mini Moet & Chandon法國香檳, 氣泡係喺酒瓶中發酵出嚟, 體積較小晶瑩剔透, 飲起嚟 特別細緻柔順！前菜有 漬有機蕃茄、芝麻吞拿魚卷和生牛肉他他 ！話梅蜜糖漬有機蕃茄用話梅蜜糖調味浸泡, 冰鎮上碟口感清涼清甜！輕煎芝麻吞拿魚卷外皮微微煎香, 肉質軟熟嫩滑鮮甜！意式生牛肉他他牛肉半肥瘦油脂甘香, 幼滑細緻有肉味, 配薄切脆包嚟食, 真係好夾！北海道粟米濃湯食到啖啖粟米蓉和粟米鬚水嘅清甜, 充滿天然味道, 感覺清潤！炭燒澳洲M5牛柳脂肪較少, 肉質細嫩鮮甜, 外層炭燒坑紋 焦香撲鼻, 內裏呈粉紅色, 七成熟啱啱好！芒果蛋糕可以話係一個甜品拼盤, 朱古力和拖肥糖伴碟, 主角栗子蓉芒果蛋糕, 特別之處係用咗

好多朋友試過Lab Eat嘅fine dining, 都讚不絕口。今次慕名而來, 試下佢嘅set dinner for two！Moet & Chandon 200mlLVMH名物 啱曬二人世界小酌嘅迷你法國香檳, 甜甜地易入口！頭盤Dooriel No.1 Oyster 厚身肥大, 爽脆清甜, 海水味較淡。前菜話梅蜜糖漬有機蕃茄 冰甜帶淡淡話梅味, 酸甜醒胃！輕煎芝麻吞拿魚卷 芝麻味突出,輕煎吞拿魚半生熟, 特別嫩滑！意式生牛肉他他 油脂甘香, 加入鵪鶉蛋 突顯肉質幼滑細膩！湯馬賽海鮮湯 龍蝦味濃郁, 加鮮忌廉更加幼滑, 中間放上一隻青口, 連視覺都滿足埋！主菜龍蝦海鮮意大利飯 拆殼龍蝦肉鮮甜爽口彈牙, 仲有青口和大蜆, 意大利飯分別用上墨汁和海鮮湯汁烹燴煮, 一次試到雙重味道！甜品芒果蛋糕 有朱古力、拖肥糖、芒果蛋糕栗子蓉夾心, 下面是檸檬雪葩。芒果味清甜, 蛋糕輕盈包裏著 啖啖濃郁栗子蓉, 甜在心頭！

當日即興突然之間好想食生蠔同埋鵝肝同埋牛扒，喺OpenRice見到呢間餐廳晚餐做緊全單八八折，就嚟試吓，入到嚟店員話海鮮類唔計八八折，唔緊要啦試吓生蠔先，生蠔30幾蚊一隻價錢都OK，叫咗兩隻款，兩隻款嘅生蠔味道都唔錯好鮮甜而且都好乾淨，之後我哋仲叫咗鵝肝，不過鵝肝就唔係好夠熱但係都係外脆內軟的，最後再叫咗牛扒，牛扒好Juice好好味同埋都好大塊，另外我哋叫咗個沙律唔記得影相，兩個人埋單$1000左右價錢都抵食嘅，牛扒真係好好味下一次會再嚟

其實我自己好少係OpenRice 打Review, 但由於食完真係頂住頂住條氣唔順, 所以得閒就上黎打下Review。早兩日係呢一間餐廳Book 左個Outdoor既Table, 一去到其實環境都還好既, 幾Chilled, 我自己食飯飲野都鐘意坐下Outdoor。但啲職員真係麻麻地, 落單落幾杯咖啡啫, Latte同Cappuccino又撈亂, 凍同熱又撈亂。我想講其實你記性唔係幾好既話, 你用紙抄低啦, 唔好亂落單....野食其實還好, 記得個意粉都幾好食。但係, 埋單果下有啲意外, 係異常地貴。我地果日五個人, 叫咗一碟意粉、一份牛排、每人幾隻蠔, 我地連酒都無叫, 埋單竟然要人均$500, 我地係完全唔飽既狀態離開。錢其實唔係問題, 而係值唔值。人均$500, 其實去北京道1號Book海景餐廳都係差唔多價錢, 啲野食可能仲好食啲。價錢我覺得貴咗啲都算喇, 最大最大問題係衞生。我見到一隻食指咁大既蟑螂爬黎爬去, 仲要係唔同枱之間爬黎爬去完全唔驚人。雖然話就話坐Outdoor有時難免控制昆蟲爬黎爬去, 但問題係見到真係好唔開胃。啲職員又好似習以為常咁, 踩死咗佢就算, 執都無執到隻

呢晚黎到位於尖沙咀既LAB EAT~ 佢個位置係韓國街再入~估唔到呢個位都有咁高質既西餐! 我地事前BOOK左位既關係好快都可以入座~ 入到去其實都好full~ 接近全滿! 所以記住book 位~ 冇去去旅行, D 旅行基金就拎黎食豪DD! 餐廳既燈光比較暗, 令人可以係個好RELAX 既狀態~所以我都叫左cocktail! 我叫左杯purple rain-blaster~ 呢杯cocktail 好得意, 入面有vodka, 而杯上個泡泡店員係用枝槍仔打出黎! 真係好得意! 打完卡影完靚相就督穿個泡泡咁去飲!! 呢杯紫色咁靚既cocktail係荔枝味, 極已入口~ 岩哂女仔! 我地叫左個前菜係french quail leg~ 呢隻法國鵪鶉脾當然係比較細隻, 有名你叫hahaha 當前菜食一流! 而個調味都真係好唔錯, 個皮夠哂香脆! 食完一隻接一隻! 配埋蓄茄同火箭菜食真係一流! 跟住就係重頭戲US waygu sirloin~ 呢塊西冷有好香既燒烤咪,油脂分佈平均! 簡直一流! 最後我地仲叫左個mango chestnut cake, 以香濃栗子蛋糕作結! 滿足既一晚!!!