影片
更多
2020-11-17
275 浏览
其實我自己好少係OpenRice 打Review, 但由於食完真係頂住頂住條氣唔順, 所以得閒就上黎打下Review。早兩日係呢一間餐廳Book 左個Outdoor既Table, 一去到其實環境都還好既, 幾Chilled, 我自己食飯飲野都鐘意坐下Outdoor。但啲職員真係麻麻地, 落單落幾杯咖啡啫, Latte同Cappuccino又撈亂, 凍同熱又撈亂。我想講其實你記性唔係幾好既話, 你用紙抄低啦, 唔好亂落單....野食其實還好, 記得個意粉都幾好食。但係, 埋單果下有啲意外, 係異常地貴。我地果日五個人, 叫咗一碟意粉、一份牛排、每人幾隻蠔, 我地連酒都無叫, 埋單竟然要人均$500, 我地係完全唔飽既狀態離開。錢其實唔係問題, 而係值唔值。人均$500, 其實去北京道1號Book海景餐廳都係差唔多價錢, 啲野食可能仲好食啲。價錢我覺得貴咗啲都算喇, 最大最大問題係衞生。我見到一隻食指咁大既蟑螂爬黎爬去, 仲要係唔同枱之間爬黎爬去完全唔驚人。雖然話就話坐Outdoor有時難免控制昆蟲爬黎爬去, 但問題係見到真係好唔開胃。啲職員又好似習以為常咁, 踩死咗佢就算, 執都無執到隻
早兩日係呢一間餐廳Book 左個Outdoor既Table, 一去到其實環境都還好既, 幾Chilled, 我自己食飯飲野都鐘意坐下Outdoor。
但啲職員真係麻麻地, 落單落幾杯咖啡啫, Latte同Cappuccino又撈亂, 凍同熱又撈亂。我想講其實你記性唔係幾好既話, 你用紙抄低啦, 唔好亂落單....
野食其實還好, 記得個意粉都幾好食。但係, 埋單果下有啲意外, 係異常地貴。我地果日五個人, 叫咗一碟意粉、一份牛排、每人幾隻蠔, 我地連酒都無叫, 埋單竟然要人均$500, 我地係完全唔飽既狀態離開。錢其實唔係問題, 而係值唔值。人均$500, 其實去北京道1號Book海景餐廳都係差唔多價錢, 啲野食可能仲好食啲。
價錢我覺得貴咗啲都算喇, 最大最大問題係衞生。我見到一隻食指咁大既蟑螂爬黎爬去, 仲要係唔同枱之間爬黎爬去完全唔驚人。雖然話就話坐Outdoor有時難免控制昆蟲爬黎爬去, 但問題係見到真係好唔開胃。啲職員又好似習以為常咁, 踩死咗佢就算, 執都無執到隻蟑螂屍體, 由得佢係度, 實在非常嘔心。唯一慶幸既係我只係同朋友去食, 假如帶個女伴去既話, 諗住食一餐開開心心既Fine Dinning, 比佢見到隻咁大隻既蟑螂應該會嚇死佢。
總括而言, 性價比太低。就算真係請我去再食我都唔會再食, 我會諗起當日蟑螂爬黎爬去既情況。。。
张贴