LAB EAT Restaurant & Bar (金巴利道)

营业中

休息中

好唔容易, 終於可以放鬆心情出街食晚飯, 當然要搵一間值得好好享受既。知道尖沙咀lee間Lab Eat restaurant & bar 環境同食物都好唔錯。 今次終於有機會黎食。一黎到, 環境同服務真係好周到, 侍應解釋得好清楚。點餐後都會有餐前飽。 佢地用既法包都幾特別, 唔係一般厚實個種, 而係好鬆脆既口感。 非常好味。今次推介lee支白酒比我地, 紐西蘭幾清爽既白酒, 同今晚既食物幾配。首先黎既前菜, 法式焗田螺。 攞盤好靚, 想唔到紫薯片配綠色薯蓉幾靚, 食落都好搭。 一個唔小心就會食晒。 只係田螺味道就濃左d. 不過都好唔錯。主菜之一, 海膽黑松露芝士意粉, 睇落以為會好膩好飽, 但冇諗過咁既配搭超好食。 海膽夠新鮮, 加上黑松露同意粉完全有提鮮既效果。然後係黑毛豬扒。 煮得熟成剛剛好。 肉質夠嫰夠juicy. 好難得咁好味。最後甜品係粟米意大利雪糕配雲朵蛋糕。 一上枱已聞到超香粟米味。 雲朵蛋糕好似棉花糖咁好味。今晚真係享受到久違既晚餐美味。

好朋友生日，我搵到一間好有情調和氣氛的LAB EAT Restaurant & Bar為她慶生，位於尖沙咀金巴利道，旺中帶靜，餐廳內的柔和燈光和音樂令人淘醉，創意的食物令人回味，朋友一定喜歡！餐包煙靭，不需添加任何油或醋都很好味.Pink Perfume:用伏特加、番石榴果汁、萊姆汁、雪碧等調配的cocktail,上枱時還做了創意，店員用槍打出一個.球狀物體在杯上，當球狀物體爆開就飄出了輕煙，像仙境一樣，細意品嚐下，有蕃石榴味也帶有酒香味。香煎頂級法國鵝肝：最能體現鵝肝的鮮美滋味就是將鵝肝厚切，利用鍋內極高的溫度快速干煎，表面焦黃濃香，金黃香脆，內部卻有柔滑的口感。 意大利西西里島蕃茄意粉，意粉每條都掛滿香濃的蕃茄醬汁，添加一些芝士片和香草，不用加任何肉類都很惹味！甜品Tiramisu，餐廳每度菜式都經過精心擺設，這甜品也不例外，擺放得像圖美麗的圖華。Tiramisu 是一種著名的義大利式蛋糕，口感細膩飽滿，是一道老少皆宜的甜點。

今晚收工約左friend去咗尖沙咀搵食佢專登揀左一間高級西餐廳食fine dining遠離尖沙咀市中心既煩囂喺金巴利道 旺中帶靜既感覺一去到已經被門口落地玻璃窗既星星燈吸引好有情調睇緊menu既時候 先來麵包麵包香脆 自己再加左黑醋橄欖油 有唔同既感覺Starter要左scallop carpaccio以為starter都會份量比較少冇諗過呢個誠意滿滿 完全out of expectation用日式既做法 將scallop切成薄片Scallop同海膽都非常新鮮上面仲有三文魚籽食起嚟口感好豐富雖然每一樣野都有佢哋自己各自既味道但mix起嚟一齊食 又神奇地有種唔同既化學反應 好surprise伴碟仲有好靚既花 原來係食用花黎 好貼心主菜要左澳洲M5和牛肉眼400g份量非常多 足夠兩個人share肉質嫩紅 食起嚟好鮮嫩牛肉汁都鎖左喺肉裡面 食既時候感覺juicy牛本身肉味都已夠香濃 配上海鹽同芥末醬味道更昇華Side dish仲有薯角同蕃茄非常滿足飲品我要左mocktail濃郁既菠蘿味 飲起嚟感覺好refresh聽bartender 講呢款係自家製 用左古早既做法 唔錯！不得不讚呢到服務非常

今晚吃了一頓精彩的晚餐，除了有美味的食物外，食物的presentation亦相當吸引，可以說是視覺味覺大滿足！這間餐廳就是位於尖沙咀金巴利道的Lab Eat。這裏的Blaster Cocktail是必試之選，亦是大家一定會拍照的飲品。泡泡爆開的時候生果香氣四散， 十分有趣！頭盤點了兩款生蠔，鮮甜肥美。流心芝士沙律——即場在食客面前把熱溶的芝士混入沙律中，啖啖濃郁的芝士配以沙律菜和幾款ham，感覺很豐富滿足。頭盤還點了煎鵝肝，賣相精緻有心思，上枱時鵝肝香氣四溢，急不及待要試試。主菜Wagyu rib eye，只能用「嘩」一聲來形容，因為真是很．大．塊！五成熟剛剛好，煎香的外表鎖住了肉汁，咬落很juicy。結尾的甜品又是令人視覺味覺大滿足之作！名字雖然叫做cappuccino gelato，但盤上還有幾款小巧的甜品襯托。酸酸甜甜的草莓乾、黑芝麻朱古力、麥芽糖果仁，混入咖啡雪糕中，美味至極！

我一直都鍾意食西餐，今日就嚟咗尖沙咀呢間超級多人推介嘅西餐店，佢嘅價位都算高架，所以我對佢嘅質素都幾有要求。叫咗佢個二人套餐，入面都幾多嘢食嘅，有我鍾意食嘅生蠔，好新鮮，仲每人都分到幾隻，呢個價錢都唔錯呀。叫咗一個粟米湯一個龍蝦湯兩個都係好濃味嘅。而且每一個湯都係點麵包好正。因為好夾！ 之後叫咗個澳洲牛柳同埋龍蝦意大利飯。龍蝦都鮮味，而且飯唔會太冧，岩哂我。至於個牛肉呢，就做到五成熟，肉汁豐富。甜品係心太軟，好香朱古力味，啱晒我依個Chocolate lover!最後配返支香檳就圓滿結束呢個美味之旅啦。

一行三個人，共點了三道菜，各有特色，味道都不錯。1. 海膽黑松露意粉。本身我係海膽和黑松露fans , 更覺黑松露醬和忌廉混和特別香。海膽夠大隻啖啖「肉」，又夠新鮮，一碟一共兩隻海膽，由於size大又厚，所以都算夠。即使海洋味道偏濃可能令致有疑似腥味的錯覺，但其實係海膽中類似蛋白質的味道充滿口腔，拌著意粉吃一流。2. 龍蝦risotto。龍蝦超新鮮，又爽又甜，又係啖啖肉，risotto非常之香。3. 豬脾竟然軟冧冧！平時我麻麻豬肉，都覺得很好！除開一人三百幾，朋友也來搵個舒適環境吹水，都ok la

今個月我生日，好朋友特意請我去尖沙咀Lab Eat Restaurants and bar,餐廳燈光柔和，極具羅曼蒂克氣氛，座位寬敞舒適，所有美食以至特別調製自家雞尾酒都好有創意，是個聚會的好地方！入座後送上自家製麵包，外脆內軟，好味！日本拖羅蓉海膽杯：拖羅是日本刺身中的極品，是取自吞拿魚近腩位的位置，故肉質更為肥美。魚蓉幼細香滑，軟綿綿的口感加上脂香特別鮮甜美味！海膽色澤鮮艷，味道濃厚甘甜，入口即化，三文魚籽是魚籽中的極品，魚卵晶瑩剔透，顏色鮮艷，入口會滲出點點甜香，另外添加金箔更顯菜式名貴！炭燒威爾斯皇室羊架：羊架擺放得很精緻，粉紅色的羊肉味道出眾，不帶羶味卻保留羊肉獨有的鮮嫩，分佈均勻的脂肪與羊肉充滿香氣，放進口中是豐盈的肉汁。Purple Rain Blaster:提子味嘅Cocktail。侍應將打氣槍放近杯邊打出一個白色球型覆蓋飲品面上，不久球型物體就爆破，會散發出陣陣輕煙，好有心思的設計，令整杯飲品生色不少，味帶甜和淡淡的酒味。

本身係想試下餐廳既海膽菜式，可惜當日無哂海膽無得試😔雖然係有D 失望，但係食完今餐之後，我係覺得餐廳既服務&水準都好好👍🏻所以會繼續幫襯 期待下次試到海膽菜式🥴瑞士熱溶流心芝士配香草烤薯及意大利煙火腿侍應會先上一盤配菜有薯仔、三色椒、火箭菜及煙火腿，之後會將一大舊熱溶芝士淋係配菜上面， Raclette Cheese 軟身易溶，味道帶有淡淡的乳香 ，鹹香不膩配埋烤薯同火腿食真係一流🤤龍蝦湯眼見桌前橙紅色的龍蝦湯，香味俱佳，龍蝦湯鮮味濃郁，仲有大大粒龍蝦肉係湯到🤤高質落order嗰陣侍應好好，問我地洗唔洗分開兩碗湯上，服務一流👍🏻新鮮生蠔生蠔口感脆爽，食落清甜，有一陣陣淡淡既海水味，餘韻久久不散。如果各位唔鐘意太鹹味，依款try得過😎60天熟成西班牙加尼西亞肉眼牛扒($598)我地嗌咗Medium，煎得岩岩好而且好香，肉眼扒油脂分佈豐富，肉質也相當嫩滑。

很久沒有來Lab eat食晚飯了，今天晚上跟朋友慶祝，所以便選了這個地方!點餐後店員為我們送上麵包，麵包點上黑醋和橄欖油，很開胃!跟朋友慶祝所以先點了杯白酒。Nobody's Hero Sauvignon Blanc，呢款白酒味道較Fresh，帶有果味，容易入口，適合女士飲用!海膽多士，海膽肥美又鮮甜，口感creamy，味道濃郁，再配上紫蘇葉和多士，口感豐富!28天熟成西班牙黑毛豬鞍，豬鞍都幾大塊而且厚身，由於是熟成的，豬肉的味道會較濃，肉質鬆軟又juicy，如再點上黃芥末味道都較出!豬鞍亦配上少量瓜菜和薯角作裝飾，擺款得體又美味!北海道粟米雪糕及海綿蛋糕，雪糕有香濃的的粟米味，食落很清新，而且外型還真的像粟米，還在外層火炙過，所以帶有火炙的味道!而海綿蛋糕味道不會很濃，連同雪糕一齊食令味蕾有多種口感!

終於都開番晚市堂食，要約朋友好好出去食個晚餐。去左尖沙咀一間幾有情調既餐廳，叫左個2人餐，仲叫左支香檳黎慶賀一下。清新的香檳豐有果香氣息，好易入口，餐前飲配頭盤真係好唔錯!頭盤非常開胃，麵包加爽甜沙津仲有牛油果卷。牛油果卷上仲有切粒蕃茄，酸酸甜甜食落好清爽。黑松露蘑菇濃湯比較濃稠，質感比較厚卻順滑可口，滑潤度好足夠。松露同蘑菇味道好出。red prawn pasta 紅蝦鮮甜，肉質嫩滑多汁，仲有黑松露同海膽，大大塊海膽撈落意粉上面一齊食，令意粉口感份外豐富，又帶咸香味，呢個配搭真係令人覺得驚喜。色香味俱全。最喜出望外的朱古力甜品拼盤，分別有心太軟，朱古力蛋糕，朱古力雪米糍。鐘意食朱古力的真係唔可以錯過。由熱至凍既甜品都有。心太軟外層朱古力帶少少苦澀味，中和流心既朱古力醬又唔會太甜。朱古力雪米糍，外層係軟綿綿嘅朱古力，被朱古力包住嘅係香甜嘅雪糕。今餐真係食得又豐富又滿足。

堂食終於開返, 決定要食返餐好既揀間有氣氛既餐廳獎勵下自己叫左個2人set頭盤有生蠔大大隻又夠新鮮落少少檸檬汁已經夠晒正再配埋香檳完全忘記晒返工既煩惱頭盤仲有八爪魚刺身擺盤夠晒有心意八爪魚刺身又夠大塊又厚口感一流不得不提呢個牛油果海藻露筍卷味道獨特出面都好難搵到餐湯有2個牛肝菌湯味道香濃南瓜蟹肉湯夠鮮甜可以share一齊飲就滿足晒你既口味主角有鴨胸同鴨肝鴨胸煎得啱啱好突出到鴨味又唔會太韌西班牙紅蝦意粉都十分出色紅蝦大到嚇親我, 食落又夠晒鮮甜配埋件cake同埋vanilla雪糕做甜品簡直係一個完美既晚餐

辛苦做野有時真係要好好獎勵自己食好野，上網見到呢個西餐廳咁多good comments所以決定要去試下慰勞下自己。入到餐廳見到餐廳裝修咁靚心情都好晒！野食野飲選擇都幾多，選擇困難struggle 左一輪決定要試下佢嘅set dinner for two。一開始上左一支法國嘅champagne，細細支適合兩個人chill下傾下計去到我地都好鐘意嘅生蠔！好吸引！大大隻好肥美，海水味唔算係勁濃但食得出夠新鮮！每人2隻真係唔係幾夠喉麵包外面香脆，內裡鬆軟慢煮八爪魚拼埋青瓜口感令口感有對比，好清新嘅配搭。牛油果海藻鮮露荀口感好神奇，外面軟綿綿似麵包，第一次試到呢種口感牛肝菌湯非常出色，味道香濃，口感creamy，忍唔住一啖又一啖南瓜湯口感都好thick好creamy，不過覺得稍稍甜左D，唔係好似單純南瓜嘅甜味輕煎法國鴨胸同鴨肝係朋友嘅最愛。鴨胸唔係煮至全熟，質感嫩滑，鴨味香濃，一食入口即刻湧出黎。不過對於唔太鐘意食鴨嘅我黎講有D太強烈，點一點隔離嘅mustard會岩我食D。不得不讚呢個鴨胸幾有驚喜，口感肥美得黎唔膩口，配埋脆皮就perfect!西班牙紅蝦及海膽意粉配魚子醬好食！紅蝦爽口彈牙，蝦味

終於都解禁，可以食dinner la!為慶祝周年紀念日，專登搵咗間食物好吸引既餐廳🍴今次就後到尖沙咀搵食🤭，地點雖然唔係中心但人流都絡繹不絕，咁就證明呢間餐廳既質素啦🥰🔹餐前麵包歐式麥包🥐每人麵會有一塊餐前麵包，麥味豐富，落埋黑醋橄欖油，就增加左另一種層次感。鍾意食麵包嘅朋友唔可以錯過啊！🔸頭盤牛油果海藻及鮮露筍🥑睇完menu其實都唔知係乜，原來係用露筍包住牛油果蓉同海藻，汁酸酸甜甜再加埋蕃茄碎，非常開胃。餐湯🔹慢煮西班牙八爪魚及火箭菜好fusion嘅感覺，醃製嘅八爪魚，爽口又有帶嚟淡淡酸味，有說不出嘅感覺，配上火箭菜，當中嘅苦味又中和到酸味，令人食過返尋味而配上三文魚子，每一個口感都好特別，甜酸苦鹹都有齊啊🔸南瓜湯及鮮蟹肉南瓜湯非常香甜軟滑，正當滿口甜味有點過份嘅時候食左啖蟹肉竟然充滿海水咸味一下子中和返南瓜嘅味🔹西班牙紅蝦海膽意粉配魚子醬🍝齋聽名都覺知道豪華！西班牙紅蝦鮮味就係人都知，廚師就將隻蝦最精華嘅頭膏做汁，結果每條意粉都係到濃濃嘅蝦味，蝦身輕輕煎一煎大約7成熟，肉質都有驚喜，缺點都係一隻唔夠喉！海膽亦新鮮甘口，加埋魚子醬少少咸鮮味令成個意粉層次豐富。

好耐無出街食晚飯，所以今晚決定係好嘢調劑下，咁就揀左間有酒飲嘅餐廳嘞。我哋就叫左個2人餐貪佢乜都有又抵食。🍾Moet Chandon Champaign 餐前飲係香檳，大路名牌貨水準有保證，氣泡爽口食嘢先飲就啱晒。頭盤🦪🦪法國生蠔味道輕甜，無金屬味，新鮮爽口，海水味唔重。🥣牛肝菌湯一嚟到已經滿滿嘅菌香味，湯身非常滑溜，每啖都係菇嘅精華。🦆輕煎法國鴨胸及香煎鴨肝鴨肝外脆內軟，缺點係太細舊唔夠喉！鴨胸煎到接近medium rare，無諗過鴨都可以咁生食，點知食落去非常軟糯，一啲都無鴨騷味，不過略嫌調味唔太夠，多少少咸味可以帶返啲鮮味。值得一提係擺盤好靚。🍨甜品檸檬雪芭配蘋果果凍及蛋白餅甜品有我最愛嘅雪芭，酸酸凍凍解膩一流，蘋果果凍充滿果肉，勁滿足。

The water here is very special ~ it is distilled water 💦 first time to see this 👍🏻Before dinner, you will given crispy pieces of bread 🥖 ～ eat with vinegar and cooking oil ，食少少都很開胃🥳Starter: quail leg~ very nice to eat with tomatoes 🍅 love the taste with pepper 😋yummy ，配上胡椒很好食👍🏻My favorite wine ~ Riesling 🥂 enjoy Tomato soup with very fresh crab 🦀 inside~ seafood soup can say, the taste is very strong👍🏻added large amount of tomato ，One of the main course: Carbonara ~ much sauce and the size is bi