LAB EAT Restaurant & Bar (金巴利道)

营业中

休息中

尖沙咀高質西餐廳，環境很好，有好大盞水晶燈。最適合情侶浪漫一番，示愛紀念日求婚就更加romantic!海鮮盤好新鮮，有龍蝦鮑魚青口等等，好有驚喜。其他食物整體質素都高，值得一去！

前排聽到同事講起呢間西式餐廳LAB EAT Restaurant & Bar，所以一放工就同朋友黎輕鬆下，食下野飲下酒傾計。- 生蠔唔食生蠔嘅我唯有交比朋友去食喇，朋友食完之後大讚新鮮同甜美，而且擠埋檸檬汁一齊品嚐，令味道更加清新美味。- 輕煎半熟北海道帶子配菠菜蓉帶子嘅生熟程度拿捏得好好，亦可以保持住帶子本身嘅鮮甜嫩質，同三文魚籽非常搭配，唔會搶左大家嘅口感。- 煙燻意大利沙甸魚及香醋魚籽沙甸魚粒、蕃茄粒等嘅食物用左脆片裝起，令到食嘅時候可以連埋脆片一齊放入口中，全部加埋嘅味道酸酸甜甜，非常適合係主食之前食，好開胃呀～- 二人晚餐仲有好多其他食物（牛菌湯、澳洲A5和牛牛柳及法國鵝肝）等緊你地去食架。

LAB EAT Restaurant & Bar位於尖沙咀金巴利道，可以算是間隱世的高級西餐，沒有海景，也沒有打卡的裝修，單純用食物去令你留下深刻的印象。二人晚餐的菜色都非常符合我倆的口味，就點二人晚餐吧。Mocktail Hopeful菠蘿造型的杯好特別，這杯是以薄荷葉、菠蘿汁以及乳酪做成的飲品，酸酸甜甜的，感覺好清新。餐前麵包新鮮烘製而且入口鬆軟的麵包。法國生蠔這款生蠔體積比較大，而且海水味道較濃，非常喜歡。煙燻意大利沙甸魚及香醋魚子好特別的配搭，而且口感豐富。輕煎半熟北海道帶子配菠菜茸帶子煮得剛剛好，外層金黃，內層質感軟綿。三文魚子為這道菜帶來一點鹹香，再配上口感幼滑的菠菜茸，作為一道開胃前菜的確非常合適。法式洋蔥湯非常足料的洋蔥湯，配上一塊厚芝士，在香港並不常見的湯品。澳洲M5和牛牛柳及法國鴨肝五成熟的和牛牛柳入面仍然是粉紅色，肉質彈牙，充滿油香，煎得剛剛好。而鴨肝Opera 蛋糕配雲呢拿雪糕蛋糕層次分明，味道豐富，再加上雪糕，為這餐畫上一個完美句號。

今日同家姐去咗食好野呢間舖裝修得好decent 同grand幾靚 好高級嘅感覺 好啱週年紀念/生日黎食呀一入到去坐低無耐員工就來介紹推介食物 好貼心我地兩個人 都order咗好多食物呀 咁我就講吓我食咗乜啦先畀咗個飽我地橙色嘅 似乎係蕃茄香草飽 有油醋自己落 口感硬硬地 幾香香草味 唔知有冇得任添 但我地叫咗好多食物 所以冇問前菜係白酒煮青口份量係500g 當然係計埋殼嘅重量啦但都好多好多 入口辣辣地 有酒香 啲青口好滑 唔會老/靭/鞋 好抵讚 真係白酒汁都呷咗幾啖👍🏼根住就係湯我飲嘅係蕃茄龍蝦湯講真我就飲唔到蕃茄味但龍蝦味就好重好濃 超好飲！飲落佢仲有一點點渣咁 好稠好稠 肯定係熬咗好耐 我自己就超鍾意❤️ 係必叫嘅湯！主菜我係食鯛魚柳 側邊配有三個小炸物兜上面裝住魚子醬 有兩件 份量一啲都唔少 好有趣嘅係佢魚皮上面黐住好多一粒粒好脆嘅嘢 望落好似魚鱗咁 但我估應該唔係 咬落硬硬地 又同個魚幾夾架喎魚柳本身味道略為清淡 但配返啲魚子醬鹹鹹地又成功叼起番成個味喎👍🏼👍🏼平時好怕魚子醬會腥嘅我 一啲都食唔到腥味👍🏼👍🏼最後我仲嗌左一杯野叫做薰衣草味道似汽水 🥤

好耐冇出過嚟食fine done,之前揸車經過見到呢間餐廳好似好靚，就決定今日嚟試吓！一入到去，啲Staff態度好好，會對我地介紹有咩食！食物質素都非常高，我地叫咗一個前菜，一個煮食同埋一個甜品！1. 海膽多士兩件海膽真係唔敢亂叫，唔新鮮唔單止會好難食，仲會肚屙添！呢個海膽一上到黎，已經比佢個顏色驚艷咗，望落去就知好新鮮！加埋個最多士口感好豐富，海膽味好濃郁，海膽嘅油香係多士上面，一食落口海膽味就覆蓋左成個口，仲有回香！2.黑松露意大利飯配舞茸菇去意大利餐廳，最鍾意叫黑松露飯或者意粉，今次揀咗risotto,黑松露同埋舞茸菇雙重夾擊味蕾，想成個飯又香又creamy! 3. 意大利咖啡雪糕及焦糖榛子以為雪糕只係普通雪糕，點知上到嚟個presentation超級靚，個盤上面每一樣野都係可以食嘅，盆栽仔係朱古力整，榛子就好似一個麥芽糖棒咁，咬落超級有驚喜！最好食係意大利雪糕，放喺咖啡杯上面，裝飾到好似一杯cappuccino

之前一路都好想試下lab eat見新一年，俾自己一個理由去食下好野先🤪入去餐廳整體感覺都比較優雅浪漫天花好多黃色吊燈 枱與枱之間都有足夠距離 座位舒適裝修上都花左唔少心思一埋位侍應好快就幫我地開支水同埋枱上已有醋同橄欖油仲有個小蠟燭增加情調我同朋友點左個二人晚餐點餐後先送上餐包，可以點下醋同橄欖油～生蠔來自法國Plaisir充滿海水味同埋好新鮮！題外話擠檸檬既夾好方便唔會整到成手檸檬汁～輕煎半熟北海道帶子配菠菜蓉生熟程度剛好，仍然保持到帶子既鮮味👍🏻帶子好軟熟，同三文魚子既口感帶出左對比菠菜蓉都好好味👍🏻 整體呢道前菜好清新煙燻意大利沙甸魚及香醋魚籽用左脆片裝起曬啲材料，口感上亦多個層次👍🏻沙甸魚粒、蕃茄粒、洋蔥粒、魚籽加埋一齊酸酸甜甜好開胃特別想提沙甸魚粒既煙燻味道好出隨晚餐送上白酒和紅酒法式洋蔥湯洋蔥切得非常幼細以及份量十足，所以出味較好，整個湯味道好濃郁！湯上亦有芝士，整個湯十分豐富～西班牙紅蝦及海膽意粉配奧西特拉鱘魚子醬呢個主菜充滿海鮮風味，紅蝦好大隻多肉，蝦肉十分爽口海膽亦好新鮮，而且份量十足，可以連埋意粉啖啖都有海膽入口鱘魚子醬將整個主菜大大提鮮個人覺得意粉煮得較軟身，如可

餐廳地點旺中帶靜，在鬧市中又為客人提供寧靜在餐廳可以感到好舒適 環境舒服與友人叫二人餐，份量適中但價錢略貴，菜式十分豐富帶子大大粒，十分爽口味道有鮮味生蠔🦪新鮮，美味有海水味，鮮味十足生蠔大細適中大蝦意粉🍝蝦有手掌大，十分鮮甜而海膽大，鮮味見海膽份量好多，好有驚喜和牛有點熟及硬，下次可以叫再生d保能肉汁甜品有杏仁糊味，味道不太甜口感好清新埋單$1579，但味道尚可可以一試拍拖👫紀念日到餐廳食飯就好好feel la

今日係尖沙咀放工, 專登book左呢間想食好耐既Lab Eat! 😽之前食過旺角個間，今次係第一次試tst ! 餐廳位於韓國街附近～餐廳裝修幾靚, 不過位置唔太顯眼, 有興趣試既朋友要睇清楚點搵呀~😼簡單叫左幾款最多人推介既菜式嚟試吓😍⭐️首先有海膽多士 $158/2塊: 師傅好唔客氣咁放左2大舊海膽係面, 非常飽滿, 食落去好新鮮, 本人最怕食海膽會食到好重海水味🤭, 但呢間餐廳處理得好好, 完全唔會覺得好苦有異味⭐️芝士控必叫！當然仲叫左招牌Raclette cheese $218: 一上菜, 師傅會將岩岩燒溶過既芝士即時淋上面, 侍應都問我地洗唔洗影下相拍下video咁, 同埋建議我地盡快食用, 因為芝士凍左就無流心效果, 幾貼心！所以我都影左相去見証呢個時刻😌上面有D凍肉盤, 熟蕃茄, 薯仔, 仲有好多火箭菜墊底添呀! 將D凍肉, 薯仔, 包埋D芝士一齊食, 真係好好味好滿足, 成個口腔都充滿左芝士既香味, 非常濃郁。如果前面覺得食得好滯, 亦可以食下D火箭菜中和返D飽膩感!～～食到呢到已經有8成飽🤭.. 食埋個甜品就岩岩好呢⭐️冷凍榛子果仁凍批及拖肥蜂蜜窩$138: 呢個凍批好多層

上網睇呢間餐廳好多好評咁，就入左黎試吓。一開頭有麵包附上，個麵包外脆內軟，非常易入口，再配埋個橄欖油一齊食，真係幾match!嗌左杯野飲Holiday $78: 好fresh好順口，飲落去唔會覺得好甜，細細杯咁，好好飲。特色卡邦尼扁意粉$258: 好重卡邦尼汁，每一條意粉都掛上醬汁，食落去豐富得黎，又唔會覺得好漏好膩，亦都有少少嘅煙肉粒，連埋一齊食好有𡁻口。焗智利白鱈魚柳 $398: 魚皮輕輕煎過，金黃色好脆口，平時唔食魚皮嘅我都忍唔住食晒添呀而魚肉嘅質感亦都好新鮮，溶雪溶得好好，連埋啲檸檬汁一齊食，令鱈魚嘅鮮味更加提升到層次！另外用左薏米墊底，前面食得太飽，可以食下呢啲中和下飽膩感。而蔬菜亦都用左長條形西蘭花+紅蘿蔔，輕輕燒過嘅紅蘿蔔，食落去更為鮮甜，而西蘭花亦都較為特色，因為平時出面啲西蘭花唔會有咁嘅形狀，覺得新奇得黎，亦好好味另外亦嗌左支蒸餾水$48So far, 雖然價錢屬中上，但呢間餐廳嘅質素對得住價錢，有興趣中意食西餐嘅朋友要試呢間！位置可能比較夾攝少少，但遠少少都不妨要試吓

聖誕前夕都比我食到一間質素非常高嘅餐廳 就等我講吓嗰日我認為最好食嘅幾道菜式啦！煙燻意大利沙甸魚及香醋魚籽口感唔錯 沙甸魚屬於比較濕嘅狀態 但係都唔會影響佢嘅味道 魚籽嘅味道都好出洋蔥湯 睇落去可能賣相冇咁好 但飲落去完全係另外一回事 麵包加入去之後口感好特別 唔會好淋西班牙紅蝦及海膽意粉配oscietra Caviar紅蝦處理得唔錯 唔會過熟或者太生 有少少入口即溶嘅口感 海膽鮮甜而且配埋意粉食都幾夾嗰日都有食到生蠔等等 唔記得咗影相但係非常鮮甜 仲要係即食即開生蠔 海水味都重 而佢哋嘅甜品都唔錯 打卡一流

聖誕節前夕 同屋企人慶祝節日 揀咗呢一間係尖沙咀附近嘅西式餐廳 無論係環境定係食物質素都非常好生蠔海水味重 鮮甜 口感都唔錯 配搭埋白酒好夾 全部都好肥美輕煎半熟北海道帶子配菠菜蓉成個配搭都好好 帶子好滑身 食得出好新鮮 而菠菜蓉烹調得好滑好香 好用心嘅一道菜牛菌湯賣相非常之好 無論係佢嘅擺盤定係器皿 都配搭得好好 牛菌湯好香濃 菌味好突出澳洲M5和牛牛柳及法國鴨肝和牛真係入口即溶 脂肪比例完美 鎖住晒啲肉汁 鴨肝烹調得唔錯 大細啱啱好最後仲有個甜品 成餐飯都好有驚喜 味道都唔普通

在此，我強烈建議大家book 呢間餐廳之前睇左呢篇食評先，我唔希望大家中左伏之後先上泥打負評，好似我咁....其實我宜家轆兩轆都見到之前D負評有講到我遇到嘅問題。唉其實個open rice account 都無用好耐，真係頂唔順先email 攞返個PW ，入泥打返個食評，見到好多標題都俾人用左...咩"希望愈大，失望愈大"，咩"300幾多like點泥"本來考到車諗住慶祝下，見到Open Rice 有75% 折扣就book 左位，點知1800hr去到餐廳1個食客都無?! 然後被安排左去坐收銀隔離。。。諗住叫D Signature 嘅菜式食下， HAHAHA !!  SORRY!! 你open rice 個折扣 90%商品不適用，唉頂硬上，同條女入左泥又費事走泥走去轉餐廳，明知俾人昆左入泥，最尾叫左: 黑毛豬(過熟啦唉)，生蠔，鵝肝(超細份，外面又淋茲茲)唉，其實本身mark up 哂再做優惠，最過份係大部份優惠都--做!唔!到!!!!強烈建議openrice blacklist 左呢間餐廳嘅discount 設定去!!!!跟本上取巧!!!!侍應全部hea 底，菜式全部無介紹.....生蠔

今日去咗尖沙咀行街之後想同朋友食好啲，就推薦左一間環境好靚嘢食都好特別嘅高質西餐廳👍🏻😍首先店員服務態度都非常貼心👍🏻而且裝修有個好靚嘅水晶燈❤️‍🔥佢哋嘅嘢食種類都好多咁我哋就叫左一個前菜兩個湯再加一個主食同埋意粉🤩😚海膽吐司 見到佢有海膽吐司已經好想食覺得好吸引，嚟到嘅時候見到佢嘅海膽都好肥美，而且份量都大🤤連埋脆脆嘅吐司一齊食個口感非常豐富，而且海膽本身都非常鮮甜🥰味道非常配👍🏻牛肝菌湯蕃茄蟹肉湯見到隔離枱飲啲湯都好吸引我哋每人叫咗一款湯嚟試吓，佢哋個牛肝菌湯非常之creamy，而且好濃牛肝菌嘅味道😚蕃茄蟹肉湯亦都好濃郁，飲到蕃茄味再加蟹肉味🤤熱溶法國流心芝士 依個留心芝士上網見到佢係即刻切啲芝士落配料，見到片就決定要叫依個試吓🤩配料有火腿蕃茄薯仔等等，再加埋即溶嘅芝士落去非常香口🤤 10分推介Lat Eat Carbonara依個意粉個顏色非常吸引，食落口味道都好驚喜，有濃郁嘅芝士味，淡淡的黑松露味，但係食落去唔會覺得好膩，個意粉調味平衡得好好👍🏻M5和牛肉眼扒都係見到人哋嘅相所以個特別叫咗一個主食！見到佢嘅肉眼扒非常大塊而且佢哋烤出嚟嘅紋都好靚☺️切落去肉質都非常嫩滑，而且好有牛

今晚約左朋友去尖沙咀食野想搵個地方靜靜地坐得舒服嘅吹下水聽聞Lab Eat幾次評價都唔錯於是早一晚係openrice book定兩位就唔洗等happy Friday都八成滿加一兩枱reserved 好彩有留位啫我哋早左幾個字到咁啱有張二人枱淨 都好彩唔洗等由入座到落單幾位店員都好親切 雖然細細間 但服務係中高檔次嘅殷勤講開細細間 但佢哋放枱算疏落 同隔離枱距離好舒服 好有私人空間 好適合談心二人餐嘅main course都係單嗌較貴嘅菜式 所以叫餐係幾抵食 有齊前菜主菜甜品飲品等但我哋胃口較細所以冇叫餐 散叫左兩份main兩杯cocktail鮮茄意粉醬汁濃度剛好 同pasta texture配合剛好鮮茄但唔會酸 用甜用得唔突出 食落順滑易入口 應該人人都啱食另一份係鱈魚 焗本來怕會乾但肉汁保持得都夠 比起煎當然冇咁juicy但就唔會油膩 所以都係好好嘅tradeoff反而啲配菜會有啲油 吸曬魚油嘅關係澱粉配嘅係類似洋薏米嘅飯 幾特別個人好鍾意❤️cocktail garden真係沖得好正 正到想翻焯哈哈 賣相就平淡另一杯shrangrila就正常啦 但賣相超一流 調番轉

慶祝結婚週年紀念第二擊 - 高質西餐Lab eat 以前已吃過，覺得質數高，今次特意再來慶祝。 先來杯Framngham Sauvignon白酒， 夠凍清甜，配海鮮頭盤合適。 新鮮生蠔 Dooriel 和 Synonyme ，鮮甜嫩滑，個人比較喜歡Dooriel， 海水味重點，鮮一點。 黑松露焗法國田螺 - 首先賣相一流，黑松露和田螺很夾，再配菠菜薯蓉和紫薯片，增加層次感。 意大利西西里島蕃茄意粉 - 醬汁充滿著每一條意粉，再灑上pamersan cheese，簡單得來味道一絕。 炭燒威爾斯皇室羊扒 - 羊扒煮得很好，外脆內軟，還很juicy，一點也不羶，裡面還是pink colour。再來一杯Marques Rioja 紅酒match 羊扒，一口羊扒一口酒，一樂也。 意大利咖啡雪糕及焦糖榛子 - 整個presentation 很漂亮，用raspberry 乾點綴，小盆栽整盆可以吃，盆是朱古力，泥是黑芝麻，上面是食用花。 服務很好，非常愉快的一餐。