羅望子大蝦柚子沙律 非常開胃嘅一道菜式，柚子嘅酸甜同埋好多汁，大蝦非常彈牙，呢個沙律值得一試。 黑松露墨魚蝦多士 非常邪惡嘅多士，但係食完之後一定會好滿足，上面嘅黑松露醬好香，墨魚蝦非常彈牙，上面嘅蔬菜沙律亦都可以解到多士嘅油膩感 天天燒雞 嚟到呢間餐廳梗係要食佢哋嘅雞啦，肉質都好嫩滑燒雞外皮燒得啱啱好，亦都非常適合配一碗雞油飯，性價比都幾高。 手打香水檸檬 新加波原味豆腐花加美祿 而家好盛行嘅香水檸檬呢度都有，味道同出面嘅差唔多，但係勝在呢度夠大杯！而豆腐花加美祿呢個組合真係好好食，當係甜品簡直一流

疫情前返深圳嘅時候有食過烤魚 但到而家呢已經好一段時間冇食啦 嗰日經過西環見到開咗烤魚舖 就決定約朋友去試一試😋 Menu上面有各式各樣重口味嘅菜式 一次過滿足哂我重口味既胃口！😆 首先主打一定係條魚 我地叫左沙巴龍躉 果然如佢menu所寫 肉質緊實彈滑 而味道我地揀左經典香辣烤魚 熱辣辣既時候食都幾辣 另外條魚冇跟任何配菜 如果想食就要另外加~ 我地就加左紅薯粉~ 小食方面我地叫左雞軟骨、燒茄子同埋卜卜蜆😆 全部都好味同好食😋 飲品方面我地叫左鮮果茶同埋西柚茶 有驚喜地兩杯都有滿滿既鮮果 而且賣相幾靚😆 不過朋友就話鮮果個杯幾甜 如果有興趣飲既就問下佢有冇得少甜啦！ 最後餐廳有自助甜品 個日就有冰粉同紅豆沙同菊花茶 冇理解錯應該係免費既 因為飽得濟我地淨係飲左菊花茶🤣 菊花茶好淡味 建議叫生果茶飲😎 不過見到冰粉有好多配料 好似幾正😙 如果大家想食魚或者重口味既一餐不妨一試😎

每次經過中環呢一間拉麵店都好想入去試吓，嗰日見到佢哋有款檸檬口味嘅拉麵，吸引到我衝咗入去食。完全冇諗過呢一碗檸檬炙燒雞叉燒拉麵咁好食，檸檬嘅酸味依然保留，但係同拉麵同埋叉燒好夾，成碗拉麵都幾開胃，但係亦都保留咗本身拉麵嘅風味。叉燒好厚身同埋入味，亦都煮得好淋身。 羽根燒餃子 見到隔籬枱有人食緊餃子，所以自己都叫咗一碟嚟食，係我最鍾意嘅日本餃子，食落去塊餃子皮好薄，亦都鎖住晒啲肉汁，食落唔會好Heavy。 沙拉唐揚炸雞 炸雞唔係每一間舖頭都可以整得咁好食，呢間餐廳除咗份量多之外，每一嚿炸雞嘅皮都炸得啱啱好，好脆但唔會好油。

本身見到朋友去食呢間餐廳嘅招牌山珍氣鍋雞，但係下午茶時段去好似冇咗呢個選擇，反而比我食到佢哋更加好食嘅！ 皮蛋嘶嘶雞飯 嘶嘶係形容緊食完之後嗰種辣，之後自己會發出嘅聲音，我自己本身都唔食得辣，但係覺得佢哋嘅辣都幾符合香港人嘅口味。佢嘅皮蛋加加埋埋應該有一隻咁多，而雞肉全部好滑身，皮同肉之間仲有層啫喱，配飯一流，我幾乎食晒成碗飯 涼拌海蜇 原味 涼拌海蜇有得揀原味同辣味，佢哋嘅海蜇煙靭爽口，涼拌完之後唔會好鹹，都幾開胃。 召通醬雞翼3隻 呢一款雞翼應該係我記憶中食過最好食嘅雞翼之一，佢哋嘅醃製醬料好惹味，自己食三隻完全唔夠喉，啲肉亦得醃得好入味。

銅鑼灣呢一間任食嘅火鍋餐廳，一開始可以食雞煲，雞煲嘅質素好高，味道唔會好鹹，啲雞肉都好滑身，好惹味好開胃！而A餐套餐一開始就會有好豐富嘅海鮮拼盤，個人認為佢嘅聖子同生蠔都好值得食，而佢嘅大蝦都好大隻好新鮮。 丸類方面一啲都唔馬虎，包括咗手工韭餃、手工鮮蝦雲吞、手工麻辣牛肉餃、手打香茜鲮魚丸、手打梅菜工豬肉丸等等，覺得佢嘅麻辣牛肉餃好好食，encore咗好多粒！ 而呢度嘅小食都好好食，芝士墨魚多士、泰式鳳爪、流沙黃金蝦等等，全部都好高質素好似單點咁！ 而呢度最最大嘅當然係佢哋嘅安格斯牛肉，包括咗安格斯牛胸腹、安格斯牛肩肉眼，亦都有黑毛豬梅頭、紐西蘭羊卷肉。肉質好新鮮，同埋都幾厚切，麻辣湯底非常惹味，辣到都好適合香港人口味！

香蔥吞拿魚腩卷 壽司飯用左赤醋，醋味唔會太過出，同吞拿魚嘅辛鮮味啱啱好，唔會太搶個味道。 黑門令蟹味噌甲羅燒 餐廳嘅招牌茶式黎！每次去日本必食嘅甲羅燒，我哋唔夠餅乾仲可以叫待應添多幾塊呀🤣🤣 雞軟骨 份量多，炸得啱啱好，唔會太咸太油膩。 炸蓮藕片 炸片比較薄身，配上調味粉，會令人想一啖接一啖咁食！ 三文魚腩片 三文魚加州反卷 呢度嘅刺身壽司都新鮮，厚切，尤其加州反卷都好值得叫黎食 秋刀魚刺身 魚骨可加$38煮成豆腐魚湯 呢個強烈推薦要加錢煮成豆腐魚湯，湯好鮮甜，食完咁多生冷野要暖返個胃！

最近揾到一間好正嘅新式冰室，啲食物真係好吸引！佢哋嘅瑞士汁雞翼煮得好入味，見到隔離枱每個人都有嗌，應該係招牌黎。 原隻蔥油雞一上枱好震撼，隻雞好大份啲雞肉好嫩，蔥油嘅香味又好突出，配飯食一流！ 炸海鮮芝士豆腐好似普通魚蛋咁，但配埋我碗炒蛋配蕃茄麵，成餐飯即刻好滿足！滑蛋炒得鬆軟，麵條煮得夠彈牙，配埋啲酸酸甜甜嘅蕃茄湯底，冰室做到呢個質素真係好掂 滑蛋叉燒飯係我朋友食的，但係我自己都忍唔住食左佢幾啖，啲蛋炒得勁滑身，叉燒份量都好多，佢碗飯真係好抵食

Waffle meals with slow cooked chicken breast with honey mustard sauce plue stir fried mushrooms with black truffle 呢度嘅waffle絕對好值得食，厚身外脆內軟，冇諗過都可以度正餐咁食！慢煮嘅雞胸肉，經過長時間嘅烹煮，肉質變得極為柔軟多汁。當你一刀切開雞胸肉時，嗰嚿汁水就會流出嚟，令人口水直流。雞肉本身帶有淡淡嘅鮮味，同埋吸收咗慢煮過程中其他調味料嘅香氣，味道更加豐富。蜜芥醬嘅甜味同雞肉嘅鮮味好配合，令味道更加層次豐富。再配埋黑松露炒蘑菇，成個餐都好豐富！ Sesame lattee 黑芝麻拿鐵牛奶偏重，但係都飲得出佢一粒粒嘅黑芝麻，都唔錯！

佢哋嘅自助律吧每人加$38就食到，佢地新鮮嘅沙律菜，配有幾款唔同嘅醬汁，仲有幾款芝士、甜品、炸物等等，淨係食出面嘅野都已經飽哂！ 香煎牛柳拼巴黎牛油大虎蝦 牛柳煎得啱啱好，肉質軟嫩多汁。大虎蝦嘅蝦肉飽滿，配上牛油，真係無得頂，而且虎蝦本身都好大隻，同朋友兩個人share都得！ 再嚟就係帶子鮮蝦忌廉闊條麵啦，呢個絕對係絕配，鮮蝦同帶子都好大隻好新鮮，闊條麵煮得啱啱好，唔好太淋太硬身，呢個真係值得嗌黎食！ 飲品方面，我哋叫咗意大利凍鮮奶咖啡同凍白桃梳打。凍鮮奶咖啡嘅咖啡味香濃，配上鮮奶，甜而不膩。白桃梳打唔好太甜，都幾解膩。

呢間咖啡店裝潢真係非常有特色同創意！我今日同朋友食左佢哋嘅幾款食物同飲品，真係好驚艷。首先，我點咗個Smoked Salmon Egg Benedict Croissant。佢嘅麵包好鬆軟，有少少酥脆，非常適合配上醃製過嘅煙燻三文魚同流心蛋。我食咗一啖，口感好豐富，鮮嫩嘅三文魚同埋蛋液搭配得恰到好處。 而佢哋嘅Avocado Scrambled Eggs Croissant, avocada 切得好靚，而且生熟程度啱啱好，伴隨煮得啱啱好嘅炒蛋，口感豐富！avocado同炒蛋嘅組合，令味道更加層次分明，係一個非常健康同美味嘅選擇。 飲品方面，我地叫咗個Lime Soda同埋一杯Matcha Latte。Lime Soda非常清新，有淡淡嘅青檸香氣，加上微微嘅氣泡感，好解渴。至於Matcha Latte，係我個人非常鐘意嘅一款飲品。佢地使用嘅抹茶粉非常細緻，入口滑順，茶香濃郁而且唔會太甜，完美地平衡咗抹茶同牛奶嘅味道。