LA FAMILLE

营业中

休息中

今年三月運動創傷入廠做手術，好朋友有心買咗La famille兩件餅黎探病，超感動！伯爵茶味較淡，我個人較喜歡柚子。蛋糕鬆軟，忌廉又香滑，當然仲有超可愛造型啦。

La Famille 係香港各區開到成巷成市，以用高身玻璃罩住嘅戚風蛋榚聞名，賣相非常精緻，每次行過店鋪都好吸引，但係因為價錢比一般餅店貴，所以都唔係太捨得買黎食，今日趁住朋友生日，打算買黎試下。因為到達店鋪嘅時候已經係傍晚八點，所以剩返嘅選擇唔多，我最後揀左「皇牌士多啤梨」同埋「榛果咖啡朱古力」。皇牌士多啤梨： 戚風蛋糕質感柔軟有彈性， 配埋忌廉，入口相當幼滑 ，毫無油膩感。蛋榚面嘅士多啤梨亦都好鮮甜，真係令人一啖一啖咁食過不停。    榛果咖啡朱古力：咖啡味香濃嘅戚風蛋糕，入口軟綿綿，切開後裡面仲夾住好多朱古力mousse, 配埋面頭唔同類型嘅朱古力，整體口感唔錯。店員係包蛋榚俾我嘅時候都有向我介紹佢地公司自家製嘅花茶，選擇唔多，只有四款，分別係「朱古力紅茶」，「春果花茶」，「日本和茶」同埋「玫瑰紅茶」。兩款花茶都相當解渴，「玫瑰紅茶」非常清香，玫瑰花嘅味道並無蓋過茶味！除此之外，「春果花茶」亦都有好香濃嘅水果味。La Famille 嘅「戚風蛋榚」無論係賣相定係味道都簡直係名不虛傳，雖然價錢係比一般餅店貴，但係間唔中買黎享受下，都係值得嘅。

人人說甜品是屬於第二個胃，事實又係咪呢？係既如果不膩的話，雪糕Sorbet梗係得啦，但食飽整件Cheesecake真係唔太好～但有咩甜品食極都唔會令大家太Over，真心Happy Ending!對於我，答案是Chiffon Cake，輕盈鬆軟，淡甜芳香，作為飯後點晴一絕！但老實說好食的ChiffonCake不多，還記得日式戚風(Chiffon)未盛行時，大家定義ChiffonCake等於雪芳蛋糕！但今天因為此間店的出現，完全改變了戚風蛋糕的形象！記得佢第一間係大坑開，我已經慕名而去，它的伯爵茶戚風已令我一試難忘。時至今日恭喜它連開數店，開發多款口味，讓一眾甜咀兒有福了！而我今次便買了3款蛋糕。宇治抹茶口味：蛋糕質感一如以往，鬆軟又芳香，輕盈而豐富。口味淡甜帶住漸濃的抹茶甘味，搭上蛋糕頂的抹茶忌廉，茶味更出更顯著！一口忌廉一口蛋糕，滑、鬆、香，層次非常豐富！炭燒咖啡口味：別看它口味普通，它咖啡的濃郁是無與倫比，濃香又有啡的甘苦，加上咖啡巧克力，更是強化佢的味道，但咀嚼下甜味又會沖淡的苦味，真像飲咖啡的感覺！伯爵茶口味：我的最愛！像有數十茶包濃縮在蛋糕中，聞落已有茶香，吃下更是滿滿茶味！茶

之前經過已經好想試，但次次食飽無機會。今日正好趕住睇戲，買左黎開心share。買左北海道忌廉芝士同伯恩茶巴伐利亞賣相好掂，花花好靚，水果新鮮，啫喱清清地，連平時麻麻地慕思既我都覺得打得好幼滑，食完都唔會飽飽濟濟咁，乾花好精美，仲帶有花香tim。伯爵菜味茶香幾好，忌廉芝士款芝味就不太濃。食後感：因為旦糕同啫喱個樣太靚喇，價錢定位唔算好高。P. S.店子細細，雖然無得堂食，唔可以歎下下午茶，不過買返公司或者屋企食都係幾唔錯既甜美一刻呢！

好幾次去朗豪坊都俾呢間蛋糕店吸引鋪頭位置正正係地鐡穿入商場口既第一間十分易揾今次咁岩gathering有位朋友仔今個月生日一於買個小蛋糕一齊食下小蛋糕味道款式非常多 而且外觀都好吸晴細細個勁cute 有d款更加岩晒打卡影相黑洞我買左2款小蛋糕第一款伯爵茶朱古力蛋糕黑洞貪心仔吾甘於淨食伯爵茶味 所以揀左個mix海綿蛋糕兩色分明 淺啡色係伯爵茶味 深啡色係朱古力入口第一啖伯爵茶味較出 食真d有小小朱古力香味面頭伯爵茶味cream配合得非常好有茶味中和朱古力味 蛋糕食落吾太甜膩而且糕身十分鬆軟第二款法國玫瑰粉紅色一大朵玫瑰既裝飾 岩晒港女自拍玫瑰蛋糕入口十分清香 玫瑰香味完全吾假最正係蛋糕內部有大量好重奶味既忌廉對黑洞黎講d cream加左好多分全部吸入一點都吾晒朋友仔大家都好中意食呢個蛋糕$5/60一件cp值都好高特別岩人小小但又想食蛋糕又怕食吾晒既人黑洞打算下次買個番屋企自己食

生日月的某天與兩位好姊妹在尖沙咀晚餐，用餐後其中一位美女拿出了La Famille的小蛋糕，原來要給我們兩位過氣壽星一人一個。-礙於已吃飽兼餐廳有切餅費，決定帶回家慢慢品嚐。（所以並沒有吃到後面strawberry那款，估計是穩陣好味之選)French Rose Chiffon Cake外表已經好吸晴，大路女生愛的粉色系，中間還有朵玫瑰。chiffon cake好軟好綿密，帶著淡淡玫瑰香氣，口感好有彈力。raspberry點綴賣相之餘讓蛋糕甜中帶酸，不致太膩，中間的玫瑰竟然不是糖製而是威化，可惜軟掉兼無味，裝飾用。朱古力牌品質不佳，也只是裝飾用。蛋糕裡面反而有驚喜，cream奶味好香濃，正。一查之下發現店家標榜的是食材質素；無添加以及獨特製法，看來很懂得做食得講究的現代人生意。健康甜品來說，算得上出色了，有機會再買其他味道試試。-值得一提的是連紙盒都精緻可愛，提著在街上走動頗優雅，好適合送禮哈哈。

朋友生日，大家特意送上她喜愛的英國伯爵茶旦糕。她是伯爵茶狂，由讀書時代已開始，至今仍然冇改變。La Famille 是法國西式糕點店，當你行過朗豪坊商場時，你一定被它吸引，蛋糕像食物，又漂亮得像擺設 或是藝術品。今天吃的是 Whole Chiffon Cake Menu 裏最吸晴的一款 Earl Grey Tea Chiffon Cake，哈哈，my favourite too. 以外形而言，可以講是超靚，整個蛋糕像被漂亮的雲石包裹著，上面擺放着不同的寶石般，有黑的(藍梅) 紅的(紅桑子) 金的(內裏是白朱古力)，非常悅目搶眼。內涵更加好吃到不得了，戚風蛋糕最大的特色是植物油取代奶油，這使蛋糕更濕潤，口感柔軟，細緻，有如絲一般感覺。有伯爵茶獨特香味的蛋糕 加上有伯爵茶的忌廉，兩者融為一體，味道很清新，沒有一點油膩的感覺。如能配上一杯伯爵茶就更 perfect 。

七•一對於我呢 d 小市民來講，最大的得著就係多一日紅假。下午跟他打完羽毛球，夜晚就行街街，行過呢間蛋糕店，見到好多好精美的蛋糕，身體就好像被吸引了。原來最近新出了 Petit Cake，口味仲要有唔少，我們每人選了一款帶回家。很喜歡包裝盒簡約的設計，很容易被打開。我們選了 雙重朱古力 和 炭燒咖啡 兩款口味。底部用膠紙固定，攜帶時不會移位，返到屋企仲係完好的。雙重朱古力外面是軟綿綿的朱古力海綿蛋糕，而裡面是幼滑的朱古力 cream，同時體驗兩種不同濃度的朱古力，肯定是朱古力粉絲不能錯過。炭燒咖啡一咬海綿蛋糕，濃濃的咖啡味好像飄出來咁，配埋裡面的 cream 更能突顯咖啡的味道，是充滿整個口腔的。

在中環返工時喺IFC都已經成日見到呢間舖頭，但估唔到今日因為要去朋友的housewarming而幫襯佢！這舖頭位於旺角朗豪坊basement，由旺角地鐵站出口行過去非常就腳，唔駛一分鐘就到，非常易搵。La Famille 十分講究食物質素，絕對唔會添加任何化學香料及色素，配合獨有製作手法，來突顯蛋糕的Q潤口感和原材料的美味！這個戚風蛋糕切件禮盒裝有六件蛋糕，分別為「完熟香蕉朱古力」、「英國伯爵茶」、「法國香檳士多啤梨」、「香濃開心果」、「濃厚雙重朱古力」及「日本柚子」。完熟香蕉朱古力：甜甜的香蕉cross over濃濃朱古力這個idea非常之夾，絕對係不可不試之選！香濃開心果：開心果完完全全咁佈滿晒喺蛋糕既表面，每一啖咬落去都食到，十分有口感！日本柚子：柚子有一種清新的感覺，fresh得黎有一種好獨特的pure感覺！法國香檳士多啤梨：Cut Cake賣相一流，士多啤梨的感覺唔太濃烈，但反而更加可以帶出蛋糕清新的感覺，值得推介！下次有機會一定要試埋非常出名的Cliffon Cake！

今日路過朗豪坊又心思思買黎食！面對咁多味道實在又選擇困難症發作本身都想試吓伯爵茶朱古力咖啡等味道，但由於諗住買返屋企，亞媽都可以食，所以就唯有買佢最 like 嘅栗子 雖然見到係黑糖栗子（$54）本身麻麻地黑糖味道， 但眼見只剩兩件，可能幾好味道賣相個個味都好似唔同，今次呢個係有隻朱古力蝴蝶，好靚個蛋糕真係又靚又好味中間嘅忌廉真係重點！超滑超香，但又唔會太 lou 太甜個蛋糕亦有夾雜栗子，口感豐富 蛋糕上面裝飾嘅栗子蓉，又係超滑超美味亞媽都試好味道一定一定會再試其他味！

平時媽咪生日都會買蛋糕俾佢同佢一齊慶祝，但係人越大，就發現生日蛋糕可以買得更加好，唔使去啲普通西餅店買啲普通嘅蛋糕。朗豪坊嘅一間La Famille分店就啱晒啦。提早已經預訂，還可以額外加朱古力牌寫返生日嗰位嘅名字，我哋就咁寫Mum。去到攞蛋糕，成個程序都非常之快，而且店員都會俾我哋睇一睇核對下個蛋糕啲資料啱唔啱，例如選擇嘅品種同埋寫嘅名稱。莓莓恩澤（稀少糖）$400 一磅攞到返屋企都已經夜晚，雪多一陣食埋晚飯就可以食。有埋蠟燭同埋蛋糕刀，如果需要買餐具套裝就需要另外再加錢㗎啦。莓莓總共有三款架，草莓，桑莓同埋藍色嘅桑莓～～等等小小酸酸地，真係好開胃，而且夠晒健康養顏，女性最啱，所以如果講價錢來講呢個蛋糕都算係呢間蛋糕店最高級嘅一款！裏面嘅蛋糕都好鬆化，見到個顏色其實唔會太濃，唔會特別添加好多色素。特別我哋第一日食即刻食，仲有啲cream真係好特別，入口即溶係基本，仲要好軟綿綿，食咗都唔會覺得好heavy！甜味適中，冇出面嗰啲咁甜，啱晒想食甜品但係又唔想食得太over嘅人。同埋個朱古力牌調味都好適中，個朱古力味都唔錯架，都算係幾高級。作為一個生日蛋糕，都算係幾正！不過我就建議唔好買太大

呢間店開多左分店，旺角都有就好方便，因為朗豪坊呢層好多蛋糕店，真係眼花繚亂，不過呢次係一心一意想試戚風蛋糕既。一黎到見到咁多款真係唔知揀邊款好，每個小蛋糕都有玻璃罩蓋住，好似花咁靚。因為考慮到會食完飯先食蛋糕，驚過飽，所以都唔想揀濃味既，而fresh d既當然揀水果味。今次試左日本柚子口味，個淺黃色既外表好吸引，好似好fresh，食落去真係有dd柚子，而且入面個cream係唔膩，好好味，朋友兩個人做飯後甜品食真係岩岩好，如果多人就可以買多幾款試下喇

今日坐地鐵黎朗豪坊行街，一出地鐵就見到呢間蛋糕店深深吸引著！😻不得不停步欣賞😸難底引誘下，我揀左2個試下，分別係英國伯爵茶 ☕️同 法國玫瑰🌹全部都非常精緻果然內外兼備，不單貌相吸引，內裡亦不負眾望👍🏻蛋糕 色彩斑斕，法國玫瑰蛋糕上的粉紅小花真的好可愛，經店員介紹原來朵花係可食用，類似威化餅嘅質地，食落帶點杏仁味，非常不錯！蛋糕鬆軟可口，cream完全唔會好膩，細細個用來慶祝朋友生日或者買來當飯後甜品都非常之適合！😄⭐️店員妹妹非常有禮，熱情介紹，值得稱讚，令顧客購買過程都好舒服。

話說我同CHICKEN差唔多時間生日，相差時間都係3日，所以好多時候都會一齊慶祝，但未到正日，已經諗定今年既蛋糕目標！因為大家都多野做，諗住提早少少慶祝，所以我地就率先揀左蛋糕先XD今次目標係位於朗豪坊最底層既—La Famille，以前已經經過好多次，今次終於一嚐所願～戚風蛋糕好多口味都要額外預訂，現場未必有齊咁多隻味，就咁睇個櫥窗已經好吸引XD我地訂既係日本柚子芝士味，有馬卡龍同花花做裝飾，影相超靚！打開盒後已聞到淡淡既柚子香，令人忍唔住就想咬一啖！除左外型靚靚，估唔到味道都好驚喜！食落去係超清香既柚子味，creamy口感非常細滑，中間夾左層軟綿綿既蛋糕，芝士味未話好濃，但成個感覺就係清新、柔軟！呢個味道可以話食極都唔覺膩，因為食完一件會仲想切多件xd食過之後好想再試下其他口味，蛋糕雖偏貴但係貴得值得！owo

Best Friend今個月生日，除左生日飯，少不免既就係生日蛋糕我呢位朋友，獨愛海綿同戚風蛋糕，鍾意鬆軟、濕潤既實在感生日，當然就係大哂架拉，作為忠實好友既我，就默默根據以上線索搜羅蛋糕la famille係戚風界名氣都幾大，口碑都唔錯有著鬆軟同濕潤既口感，is what I searching for~本身想要皇牌士多啤梨，但見到莓莓恩澤，用既係稀少糖，岩哂把口話減緊肥既朋友以紅作為主色，粒粒雜莓又砌到咁可愛白色Cream好順滑咁包圍整個蛋糕，少女心也是滿滿的仲加左個大生日牌，因為個design睇落幾high class又夠大氣影夠靚相，終於食得生果都好新鮮，係士多啤梨酸左D蛋糕既核心內圍同外圍都充滿Cream中間就係戚風蛋糕，口感真心鬆軟，CREAM質感輕盈，但味道濃郁，就算CREAM比例較重，食完一整件都唔覺膩重，連平時唔鍾意海綿蛋糕既另一個朋友都讚而CREAM既甜味，我同朋友都不約而同咁覺得似蜜糖，食到最後都好似蜜糖咁，甜而不膩，幾特別既嘗試鍾意食戚風蛋糕又或者海綿蛋糕既朋友仔，絕對可以一試