LA FAMILLE

营业中

休息中

網上訂了一份伯爵茶蛋糕。 我特別喜歡那種佛手柑的香味，因此對他情有獨鍾。伯爵茶控不論是對伯爵茶朱古力，還是真正的伯爵茶也是非常講究的。網上點了一份比較有名氣的La Famille ， 是法國甜點的品牌。Earl Grey Tea Chiffon Cake英國伯爵茶 賣相非常吸睛，工工整整。 上面一顆顆珍珠般的是白朱古力，味道甜甜的；還有幾顆朱古力米脆，令我最深刻印象的是半球體上面的鮮士多啤梨果肉粒，一口吃掉，士多啤梨融入朱古力的味道，清新又可口。講到蛋糕，蛋糕的忌廉份量比較多，反而海綿蛋糕較小，能夠做到creamy的效果，是女生的最愛＞＿＜ 每一口蛋糕滿滿是伯爵茶忌廉，令人吃得非常亢奮和滿足，食唔停口。喜歡吃伯爵茶朋友定必不能錯過， 還可以加上生日牌，送比朋友，作為生日蛋糕一流。

話咁快又一年過去，踏入生日月朋友好有心，買咗個蛋糕同我慶祝小小地，做飯後甜品啱啱好第一次試呢間嘅蛋糕，朋友話佢一開始係大坑Search黎寫食評，發覺都有幾間分店蛋糕係柚子味道，cream都係柚子味，好fresh蛋糕好spongy!配上輕盈嘅cream,食落仲有d絲絲嘅柚子幾好味不過朋友食中士多啤梨，話超酸😂

今個星期工作非常順利，加上我死黨生日，當日玩得非常愉快，心情靚靚好開心，還有一個驚喜，在同事介紹下到La Famille餅店定生日蛋糕給我死黨，品質非常出色，所以要同大家分享下。蛋糕款式選擇頗多，外型時尚，不落俗套，走在潮流尖端，跟別家傳統的不一樣，在芸芸款式裏，我揀選咗一款北海道檸檬芝士蛋糕。正宗日本原材料，北海道產地奶品優質係人都知，奶味 特別香濃，雞蛋同樣高質素，蛋味馥郁芬芳。檸檬嘅幽幽香氣，清爽怡人，軟滑芝士濃郁芳香。多種氣味混合得宜，令你個鼻蕾極之享受，當你放進嘴裏，多種味道湧進你的口腔，香味配合得非常細膩，各種香氣像是分工似的，每一樣你都能夠清晰地感受到，甜味非常到位，不過火，口感柔蜜鬆化，軟綿綿，質感幼滑香甜。我死黨不知幾受落，讚口不絕，見到朋友開心，我就更加開心，希望你哋都感受到就好了。

朋友生日，得2個人又唔想買咁大個蛋糕，行過見到呢度有mini cake賣，賣相又唔錯，決定買反個同朋友慶祝😝揀了草莓乳酪味戚風蛋糕，鮮紅嘅草莓加上白雪雪乳酪cream同粉粉戚風蛋糕，好靚好夢幻嘅組合😝草莓好甜好多汁，切開蛋糕裡面係滿滿的乳酪，唔係好甜果隻，加埋好fresh嘅草莓食好夾💖唯獨係可能雪耐左，蛋糕表層乾左少少😿不過咁嘅價錢，朋友食得又開心，抵啦！

之前朋友送買嘅生日蛋糕🎂係我想試好耐嘅la famille戚風蛋糕😍呢款蛋糕上有唔少cream，啱哂我😂蛋糕面仲有一堆蘋果味啫喱🍎(應該係蘋果味😂我已經有啲唔太記得個味😂)招牌戚風蛋糕果然好鬆軟，焙茶味嘅戚風蛋糕都幾好食。我就鐘意每啖蛋糕都沾到cream咁食🤤.呢個蛋糕細細個，真係一個人都可以ko一個😛不過今次我地係食完晚飯之後食，三個人share一個、淺嚐吓都ok🙆🏻‍♀️整體都唔錯，但平時唔會專登自己去買嚟食🤣

母親節諗唔到送咩禮物，可以試吓送啲實際啲可以食得落肚嘅，咁就唔怕送完之後放埋一邊咁浪費啦。喺Facebook見到La Famille 推出母親節蛋糕，要提早三日預訂，適逢下星期媽媽有其他約會，就提早同佢慶祝母親節。原來呢一間蛋糕店總共有三間分店，分別係旺角、紅磡以及中環，可以揀選一間比較方便自己嘅領取地點。母親節蛋糕主要有1.0LB/1.5LBJapanese Yuzu Chiffon Cake 日本柚子(母親節版) HK$400 / 1.0LB（15cm）話明係母親節，成個蛋糕主要顏色都係粉紅色。表面有好多唔同嘅裝飾，包括日本士多啤梨、紅桑子、藍莓等。還有一些可以吃的糖餅組成的牌及玫瑰花形狀的餅。切落去之後發現主力嘅cream係中間，旁邊嘅蛋糕睇落平平無奇，實際食落去入口非常鬆化，而且夾雜很清新的蛋香味道。最特別的是一開始我會以為柚子的味道非常濃烈有可能搶過蛋糕的香味，原來柚子夾在鬆化的蛋糕之間，吃下去是不會特別有水份的質感，反而是清新的柚子香。中間的cream也不得不提，雖然奶味香濃但是不膩口，吃下去味道香質感夠鬆化，最適合怕肥的香港女生和女士。外面嘅粉紅色cream食落去都係比較

温馨滿愛的母親節將至，在這個特別的日子裏，我特意在網上預訂了一個法國玫瑰蛋糕，並到朗豪坊La Famille取。 玻璃櫥窗放滿了各式各樣精緻的蛋糕，賣相非常吸引，但當然，一磅的蛋糕是需要預早預定的，否則便會摸門釘唷～～會附送一個雪袋和一把切餅刀，很貼心，就算搭長途車番去都唔怕啦！開箱了～Rose Chiffon Cake 法國玫瑰(母親節版)HK$ 400/1.0LB (15cm)是一款粉紅色圓型忌廉蛋糕，面頭有兩顆大草莓，味道甜甜的； 還有紅桑梅做襯托 ，超美的說！！母親節版有"Mom"的白朱古力牌。整個感覺是愛心粉粉的，正代表對媽媽的愛。吃下去帶有每一啖食落去都帶有玫瑰味，四周的玫瑰花瓣更加強了玫瑰的味道。而海綿蛋糕夠軟熟之餘亦非常有口感。這個Rose Chiffon Cake 法國玫瑰令媽媽很滿意。要慶祝母親節，除左食飯，同媽媽一起分享這款蛋糕就是最好了，一邊拍照，一邊說說兒時的一堆蠢事。。。正所謂「世上只有媽媽好」，各位孝順的仔女行動啦！

提早慶祝母親節飲茶，決定買個小蛋糕大家慶祝下。一出朗豪坊地鐵站就見到呢間店。好多阿媽對花唔抗拒，冇鮮花就買呢個玫瑰戚風蛋糕俾媽媽們。如果個玻璃蓋可以送埋就好，特別啲😂😂每個盛惠 $54， 對比同層蛋糕，算平～下面蛋糕close up. 一直以為戚風蛋糕普通雪芳蛋糕，但呢款有淡淡玫瑰花味，連cream 都有，而非普通水果蛋糕果種死甜，好特別，長者都好岩食。(但舊玫瑰花就中看不中吃，有少少不完美)下次有機會試下伯爵茶，焙茶同柚子先得。

睇圖先都知我comment啲咩 , 右圖係網上我訂原個日本烤甜蕃薯戚風蛋糕時既圖片，左就係我實際去收貨時既蛋糕。我諗除左依間公司既職員，唔會有人覺得依兩個蛋糕係同一個蛋糕！！我聽聞話依間蛋糕用靚材料又幾好食，突登上網訂佢既原個1磅蛋糕送比友人生日。我根據網站既指示要拎蛋糕前幾日已經上網預訂蛋糕兼full payment $320。( 1鎊蛋糕$310兼一個無名既生日牌$10.)依個價錢唔係特別貴但都唔係平，好多比佢好食好多知名好多既餅店都係差不多既價錢。其實價錢都唔係重點，好食值得既我都ok，特登訂黎都係想送個好食又靚既蛋糕比友人。滿心歡喜去拎蛋糕嗰日就係惡夢開始。首先一去到店員就同我講無花果「唔當造」所以裝飾用左士多啤梨代替無花果，點知我再睇個蛋糕，真係呆左，同上網時訂既完全唔同。當時我再問店員依個係咪同一個蛋糕，會唔會搞錯左？？佢地堅稱無，仲同我講因爲我訂得一磅，要多個一磅蛋糕先會有網上既圖既樣！咩話，訂多過一磅？先唔講佢轉士多啤梨唔通知客戶，士多啤梨都唔係人人會食！再講佢網上落單時完全無講過要求客人訂多過一磅蛋糕先會有如圖片一樣既蛋糕！？(我相信大家見到幅圖，都會覺得任何一間麵包

今日放工心思思想食下cake，就係openrice搵下旺角附近邊度有d特色蛋糕可以食。咁就搵到呢間係朗豪坊，旺角c3出口就已經見到，非常方便。咁係廚窗見到有好多唔同款式嘅蛋糕可供選擇，咁每個都有個蓋蓋住，好乾淨。除左一d少cake可以揀之外，亦都可以叫一磅以上嘅蛋糕。咁最後我地就揀左2件蛋糕，一個係椰子芒果，另一個係提拉米蘇。店員都好好提醒我如果當日食唔洗，只要放番入雪櫃就可以食番。椰子芒果賣相好靚，一打開個盒，有好香嘅椰子味。佢仲有椰絲鋪左係外層，原來椰子配芒果係咁夾ge！提拉米蘇亦都好靚，唔捨得食。提拉米蘇味道好濃，食落完全不覺得肥脷，而中間心有提拉米蘇嘅cream，好好食。依款蛋糕有好重傢椰子味，好有童年傢感覺！而椰子芒果亦都好正，因為芒果唔酸，配埋個蛋糕同埋d cream好有幸福嘅感覺，下次一定會再叫呢個味。我諗住下次朋友生日係度訂birthday cake 因爲佢傢蛋糕真係值得一試再試！

旺角地鐵 直到朗豪坊 地庫的這一層有很多蛋糕店， 環顧四周，都是 La Famille 的蛋糕櫃最吸引。 雖然櫃內全都是戚風蛋糕， 卻有一種整體性，加上保持蛋糕濕潤的玻璃罩 及深啡色的裝修 ， 帶來高貴的感覺 🤩 視覺上非常吸引 😎作為生日蛋糕， 五十幾蚊 價錢十分相宜 😚 選了士多啤梨及香蕉朱古力戚風蛋糕 ～戚風蛋糕質感柔軟有彈性， 配上忌廉口感幼滑 😘  ～ 蛋糕內只有忌廉 沒有添加甚麼果醬及配料 ，店家很有自信，吃的就是戚風蛋糕原料的味道！ 😀 可惜香蕉朱古力戚風味道淡 ， 草莓戚風更淡 😆 是飢詩囗味重吧～是漂亮 但太相似， 是高質的威風 但不太有特色， 是價格相宜 但沒再買的理由～ 香港人很善忘，都喜歡新鮮的話題😚，La Famille 店子都在黃金地段，應該實力雄厚吧～ 希望租金不會將他們擊倒～ 💪🏻💪🏻飢point : 7 /10#hungermarch #飢詩 #非飢詩

※本文以用餐當日的環境、服務和食物質素為準，口味亦因人而異，文章只作參考之用。-已經第四次購買La Famille的戚風蛋糕了，但今次係第一次分享。不過最喜歡都係大坑分店有得堂食，仲記得個時周末特登過去食，坐在店外的一張小圓枱細味戚風蛋糕寧舍悠閒寫意。可惜此情不在，大坑店已結業，隨之而來係在各大商場插旗，隨時隨地想食戚風蛋糕都方便很多！今次去左朗豪坊地下分店，整層的店鋪大部份都係賣糖果、朱古力和蛋糕甜品，身為甜品控如我真係覺得成層樓都好邪惡！La Famille店靠近地鐵站出口，一出就見到，店子只是一個小鋪位，只做外賣不設堂食。蛋糕櫃內放了滿滿的迷你戚風蛋糕，色彩繽紛，口味眾多，周不時會推出新口味迎合不同客人喜好。每件蛋糕都用左玻璃罩蓋著，感覺衛生之餘，賣相也增添了幾分高貴。除左主打迷你戚風蛋糕，仲有售賣原個戚風蛋糕，外觀同樣精緻，價錢因不同磅數而定。la famille時不時都會推出新口味，今次推出左四款新口味，包括「椰子芒果」、「意式咖啡」、「蘋果京都焙茶」和「香橙朱古力碎」，小妹對後兩款都頗有興趣，感覺都是好食的配搭。外賣的話會有簡潔白色的紙盒和紙袋包裝。香橙朱古力碎 $60賣相

迷你戚風La Famille 旺角亞皆老街8號朗豪坊商場B2層1A號舖 戚風蛋糕是個模有中間柱，烘出來就變成中間有個空洞，在外國是家常小點心因易做嘛La famille 把戚風裝飾得好靚即時變高級，食完飯坐地鐵見到好靚，定價配合了精緻外表通常40來元起跳，忍唔住買兩個返屋企做宵夜。味太多我好多心，見有新口味點了個 蘋果京都.個蛋糕好多細細空氣泡食入喝喝感好軟綿綿架，其果汁做成了蛋糕面上的jelly，焙茶味幾出好香醇整體好refresh 開心果味有碎開心果仁在蛋糕中超香濃，咬到果仁碎口感層次分明，中心擠了白滑濃厚的忌廉同放上士多啤梨片，再加塊印有店名的朱古力片 包裝精美送人自用都得，一見到美美蛋糕已把芳心取去。有迷你外更有正常大小可作生日蛋糕，收到那個一定開心死。我拎返屋企連平日唔好甜架屋企人都讚靚同好味

今日行去地鐵見到黃埔有既玻璃小蛋糕，有新味道，就買兩個返去食。真係小玻璃內有五顏六色小蛋糕，好可愛。依加仲有大少少既蛋糕。相中蘋果京都焙茶味。香檳士多啤梨味，外形少少粉紅色，好多小cream。cream幾奶味，唔會太甜。上面既士多啤梨酸酸的，幾開胃。蛋糕首先食落士多啤梨味重d，唔係藥水味。但之後就有香檳係鼻香一香，幾清新感。蘋果京都焙茶味，依加好食啲。勁濃焙茶味，不會甘味重。蘋果味似蜜糖味咁！但中間好多cream，少點就好，無咁肥呀。調色影一影好靚呀。

大地回春啦！👍萬象更新了！👍令我們心情同樣地好呀！😁恰恰在Fa Famile蛋糕🍰旺角朗豪坊店前路過，一眼就看到那色彩繽紛，琳琅滿目兼有極為精美包裝設計的蛋糕🎂🍰🍰在眼前亮著的，😁👍😁太吸引啦！😜😁😁听著店員的介紹，原有口味的有:柚子士多啤梨士多啤梨乳酪玫瑰玫瑰紅桑莓伯爵茶開心果提拉米蘇抹茶雙重朱古力黑森林香檳士多啤梨*新口味*🆕有:椰子芒果意式咖啡橙朱蘋果京都焙茶我來了個原有的味道之一的😁開心果蛋糕🍰青緑色的甜品蛋糕，那是開心果😁特色呵！此己有開心果😁的香味，嚐到甜，香，美的蛋糕，再另加上新鮮的士多啤梨那味儿的，味蕾體驗啦！那口感好不爽快的啦！😁👍😁再來嚐個新口味之一的😊椰子芒果蛋糕🍰同是色彩鮮豔奪目的蛋糕🍰，黄黄色色的像是芒果在眼前耀眼奪目的😜漂來陣陣椰子及芒果的果香味，同是甜，美兼清香的，要是蛋糕🍰更稍有松軟感的，那應更加棒的呵！👍😊👍