Essence

营业中

休息中

今日同fd慶祝生日, 由於大家想去東涌outlet買野, 於是揀左呢度食buffet.食buffet 最緊要梗係新鮮啦, 佢既魚生又新鮮又肥美又厚, 仲有唔少海鮮:藍青口,翡翠螺等, 加上羊架, 意粉, 芝士 同大量甜品, 真係好豐富既一餐! 以呢個價真係好抵!另外為左紀念呢次生日飯, 希望openrice會登出黎, 因為想順便同fan fan講多次: happy birthday!!!

因為時間關係遲咗9分鐘, 職員已經打電話俾我話再過5分鐘就唔hold我張枱, 幸好當時正行到Timberland outlet門外, 職員還教我怎樣行會較快到達到達後發現門口有一班羣眾聚集, 唔怪得職員咁緊張, 原來這班是waiting list內的客人。個場好滿人, 還要很多是5-6人甚至更多人一圍檯, 非常嘈吵, 嘈吵過喺茶樓飲茶。 我眼見有一班為數十多人的正在慶生,他們大唱Happy Birthday song, 斜對面就有班8位的壯年男女食客, 他們大聲地說說、笑笑、互搶食物, 右後方就有兩枱各6人的內地購物狂, 他們用高八度的聲音來傾談, 還有很多很多熱鬧場面。 Buffet由6:30pm開始, 我見到旁邊那枱7:30pm便買單走人, 聽到男對女說:「呢度嘢又唔好食, 又嘈, 下次都唔嚟~ 都係食甜品好過。」女就答:「咁你食番$190補數。」後來陸續有客買單, 但又陸續有新客入。出去拿食物, 周圍都好多人, 左排行右排行去拿同一款食物, 都講不出那行才是真的隊, 那行是打尖隊, 所以根本無位可以影相, 所以我決定唔寫食評(再加上嘈到無心情食嘢)。我覺得食物種類少了很多,

fd生日飯>3<,一行5人又去東涌喱間食buffet呀,因為喱到既環境同食物都幾唔錯,於是又來了,雖然之前都介紹過下,不過喱次因為有dc之下冇咁蒙......再食多次了~!5個人既位,本身坐梳化位的,不過早就比人book晒了~!第一時間又食三文魚,平時食buffet都食好多三文魚,不過喱次就少左,因為想試下其他野,加上好少細食左呀@@"~!三文魚:新鮮又肥美,仲要好厚幾大塊~!吞拿魚:唔多新鮮呀,有點乾~!藍青口:都好新鮮呀,肉質彈牙,咸味又唔重~!翡翠螺:好大粒既螺呀,食落幾鮮甜又唔韌,仲要幾爽口,唔錯呀,不過有少少沙........!燒三文魚:平時唔會食熟既三文魚呀,因為覺得好鞋同腥腥地,不過喱次既完全唔同,食落肉質唔鞋之餘仲要有少少滑,亦帶點鮮味,真係唔錯呀有驚喜~!蕃茄水牛芝士:芝士係冇乜味的~!薯仔沙律:普通既水準~!扒茄子:賣相好似類,食落韌韌地幾古怪....好難食@@"~!忌廉薯仔:唔知點解係擺係中菜果邊的,喱個好好味呀,忌廉味濃郁,個味同薯仔又好夾~!羊架:喱到既出名貨,之前食過真係幾好味,so必食,喱次切得好厚呀,如果切薄點會正d,食落肉質鮮嫩又好多肉

- 一進去，台上已放了兩杯水。小心望清楚，所有台(不理有人無人)都已放了水...即是說你無法知道你飲落肚的水已放了多久......- 沙律款式選擇算多...有個叫芝士香腸之類的沙律，是一大舊原粒芝士MIXED香腸...超溜，難以入口!!- 湯有中湯和西湯...客人裝湯裝瀉弄污了台，整晚都沒有人清理!!- 熟食選擇極少且感覺肥膩為主。- 刺身有四種，數量多，份量適中，但不夠新鮮!!!- 甜品款式亦少，芝士cake 芝味太over, 鮮果撻餅底硬...。唯一推薦即製的pancake,但配料少得可憐- 時令水果只有菠蘿和西瓜兩種後記:與我同行的好友吃過此餐後，凌晨腸胃炎入了急症。

6月4日（星期五）黃昏，相約同事們合共八人一起約埋去東涌諾富特酒店吃自助餐，這裡的食物由黃昏六點半開始供應至晚上九點半，之後仲可以坐到佢地打佯，即是大約10點左右，自由度都算唔錯。先說環境，空氣調節適中，不會像趕客般寒冷，坐位則分三種，圓形梳化椅與方形梳化椅，以及靠牆邊的長梳化，我是坐方形梳化椅的，感覺還算舒服！服務方面，尚算ｏｋ，在門口有服務員帶位；服務員收回客人用過的碟算快回正題，一開始每人都有一杯清水，凍的！問題來了, 之後就不見有服務員來替我添水了，水很貴嗎？這裡是東涌，不是沙漠吧！？免費飲品只有茶、咖啡及熱水，全部都是熱的，可以自己加檸檬、奶精同糖。另一大問題，首先飲品選擇方面不足，很過份！從未試過食自助餐飲品選擇得咁少，都算數！仲要選擇係全熱的！？聽聞如果是星期一至四，用Open rice的Coupon可以換到一杯免費的薄荷特飲，雖然當天是星期五，但我們當天很幸運地，能品味這一款特飲，原因是託同事的褔，Lucky！ 這杯簿荷特飲味道不錯，由於有一位同事甩底，一位唔舒服的關係，我和另一位同事就很樂意地代他們飲埋呢杯特飲了。如果沒有呢２杯特飲，我給他們的飲品評分120%唔合格，

聽就聽得多,今次都係第1次黎。自助晚餐,$198, 對比出面其他自助晚餐, 呢到真係平哦。因為返工關係, 未能準時6點半入坐。我地入坐時已經7點半啦, 個刻已經超多人, d 位好迫, 仲好嘈tim, 感覺去左food court食野咁。出去拎野食都好多人, 要同人迫既, 唔鍾意呀!野食方面, 都多款既, 但d 質素普通。壽司/刺身得三文魚, 吞拿魚, 鮪魚, 但個樣唔新鮮既。冷盤有沙律, 田螺, 青口, ok既。湯麵, 有幾款麵俾你揀, 但料只得芝士丸同魚腐俾你揀, 佢話其他無晒啦哦, 7點幾已經無晒, 會唔會早左d呢。意大利粉, 見人地d墨魚汁麵好似好味咁, 點知出到去又話無晒, 得返螺絲粉同天使麵,有白汁同蕃茄汁俾你揀, 我揀左蕃茄汁螺絲粉, 個樣炒得ok,但食落d 汁好酸, 失敗。熱盤,完全唔吸引, 咖哩牛/豬, 照燒雞, 炒雜菜, 炒麵/飯..甜品, 木康布甸/tiramisu最好食, 其他俾人整到爛晒, 好核突.個到既窩夫同班戟最好味, 配雪糕就最正啦, 不過雪糕得芒果/士多啤梨/朱力味。飲品: 檸茶/檸水/ 咖啡飲你沖。總括: 得個平字。

第N次黎食..每次都不同精采..今次就覺得甜品比之前少左啲..但勝在茶咖仕飲..其他都保持到..

早排同屋企去食, 大家都係第1次, 經朋友介紹話好好食, 不過都係有點兒失望.....一開始都知道係冇生蠔食, 但朋友說食物種類多..但其實多就真係唔算 (可能本人對d熟食冇咩興趣), 但都有d款式幾好食!!值得推介ge 首先係個洋蔥湯, 好cream 好正(配料: 各式ge包都好鬆軟, 好好食) !!! 仲有係燒羊架, 食左3轉; 另外魚生真係不停供應.... 款式都較其他酒店多.... 仲有就係即煮的各種意粉, 但就手快有手慢冇囉如果一家大細黎食都唔錯ge, 因為價錢平, 同埋有商場, 行完去食buffet.... 消磨到成日

正所謂一分錢一分貨, 這句話絕對不錯 在東涌這酒店的buffet餐廳, 人是比市區的少, 價錢比市區的也平宜, 而二百元一位的自助餐, 可以期望的是'零', 所以沒有失望食物一般, 熱盤選擇很少, 一些炒飯, 炒麵,炒菜少不得, 味道不突出, 較為可讚的是無限量供應的刺身, 眼見其他枱一大碟的拿回來, 三文魚, 吞拿魚及八爪魚刺身的確是絕不吝嗇地供應, 外面buffet枱是一個個刺身山, 很難得呢! 刺身質數都不錯, 三文魚肥美沒有怪味, 基本上很好吃, 其他幾款卷物一般, 我根本沒有拿回來吃.. 沙律及冷盤選擇亦不很多, 一個中湯, 一個西湯, 加上兩藍沒有暖著的凍麵包, 有點遜色呢 carving的燒牛肉很好吃, 肉質及味道令人滿意, 還有羊架都不錯; 另有即炒意粉, 蕃茄汁及白汁, 六種意粉以供選擇, 師傅很健談, 很有心的向客人提議 另一邊是即滾中式湯麵, 配料不多, 平平無奇, 熱食還有燒味, 但都是一般水準呢 甜品選擇算是足夠, 但沒什麼突出或特別美味, 有即做waffle/薄餅, 客人可以配上雪糕或水果服務不過不失, 職員算有效率, 亦很願意完成

之前試過佢$188 dinner buffet, 今次試$138 lunch buffet, 以為食物選擇會少左, 點知唔係, 原來同dinner一樣雜菜湯: 好夠雜菜, 好開胃; 有機菜沙律: 車厘茄唔清甜, 有少少失望; salmon同cold cut不過不失主菜: curry beef好好味;泰式雞好滑, 好有水準; 羊架唔"蘇"; 鴨胸好林; 但炒面太硬, 食面粉咁, 唔好食....西冷牛, 羊都好惹味; 炒飯好dry, 自己唔太喜歡, 焗薯好清甜sashimi: salmon from norway; tuna from vietnam; anyway, 都唔錯pasta個茄汁好夠多, 亦好惹味; mushroom亦都夠多, 又入味甜品: jelly太硬, 杯裝pudding好"水", 蛋糕等等一般啦....chocolate mousse最好味有白朱古力噴泉, 點棉花糖, 好好味...面包pudding好香...

lunch on mon-thu $128 fri-sun $138機場員工終於有折, 九折都好過無o個 日係平日去食 buffet lunch. 個場都算多人.沙律 bar 唔錯, 次次都食兩碟.刺身得三款, 唔係好好食; 壽司得太卷, 玉子等, 又係唔好食我中意食羊, 食了三片烤羊, 算值回票價.即煮意粉, 中式粉, 試過唔特別, 次無食.一向唔係好中意食 hot dish, 今次都無乜點食. 唯獨有個咖喱羊不錯, 但食了一次想 encore都無左．甜品好似差左少少無法啦, 無加價, 食物質素係差少少架喇.

元旦邊到食都貴，諗起Essence之前Book極Book唔到，於事2星期前打電話試吓，真係Book到! 食物好一般，屬不合格水準，冇話邊種食物特別好食，全晚算燒羊為一絕~ 但咁平嘅價錢，喺元旦日，應該唔可以有乜要求! 最奇係之前好多人話煮意大利麵好食，簡直另我莫明奇妙，難食到嘔

好耐之前同屋企人去食.一早book左..去到唔多洗等..好快有位可能午餐時間多人.但人手夠..食完好快會收拾碗碟魚生好正,好新鮮.有專人切..好多人排隊拎..但師父好快手.好多食品選擇,飲品都係.尤其係甜品,,haha可能個人比較喜歡甜品.好多選擇味道不錯....有機會會去多次

縱有多少的不太稱心，只要當中能找到一點火花、一些價值，以往的付出，絕對不是枉然。自己也是有點沒心肝，在這大部份的時日裡，樂在與各方「網中人」交往，無形卻忽略了很多重要的人仕，除父母之外，還有一班曾渡過中學生涯的舊同窗，趁還有些許回憶，那就不要愛得太遲，立時相約已成家立室的好友共晉一餐，至於地點與吃甚麼，已經不太重要了。由於舊友住在青衣，加上在機場工作，所以也知道會是偏向新界西或離島的區域，結果在其介紹之下，去了平時少到的東薈城，附近開設的諾富特酒店，內裡Essence餐廳的自助晚餐，價格來說十分相宜，議定約每人廿百元的一餐，整體來說不算甚高的水準，某些部份倒是弄得不錯。先來例牌的冷盤，刺身共有四款，分別有三文魚腩、章紅魚、八爪魚和赤身等，供應量是充足的，來貨質素中規中矩，沒吃著不潔的跡象已屬萬幸，切得厚薄適中，當然沒期望見到精細的刀功。壽司倒是有點強差人意了，還是停留在飯糰上加塊魚的程度，雪凍了的飯糰，出來的口感也是流於「死實」，內裡也沒有加上wasabi，配上兩款卷物，總算聊勝於無。沒有生蠔之下，也有翡翠螺和藍貝兩款，前者尚算新鮮，只是同時也吃著一點沙，藍貝來得細隻，吃後的印象也來得

上個月我們兩夫婦帶囝囝與外母一同去吃自助餐,地點在諾富特東薈城酒店Essence餐廳位於東涌是遠了一些,不過價錢算經濟,所以平日入座率都超過九成,幸好我們早訂位,被安排的位置頗舒適.先來一碟冷盤,一小杯的是蟹肉甜酒果凍配鱒魚子,賣相晶瑩剔透, 但味道只是一般.魚生鮮味一般.羊排肥了一點今餐最驚喜的食物,是出自即煮意粉檔攤意粉有三款選擇, 醬汁可選白汁或茄汁,墨汁意粉夠彈牙,白汁亦好味,亦可選意大利蟹肉雲吞,餡料味道鮮美.甜品方面有燕窩蛋撻, 各款蛋糕等...