Essence

营业中

休息中

很少選自助餐,通常不太好吃. 上個月剛去了the market吃了一次.味道很好,只是座位太密,對於488的費用,是有點不好.剛好因為到東涌買東西,訂了位試試它的自助晚餐.因為NOVOTEL的關系,以為會有水準.想不到的是,大部份食物只具形態,不具應有味道.水準比不上茶餐廳.羊架是比較好的,可惜弄了個全熟.有些更OVERCOCKED.甜品只布泡芙好,其他都不是味道,NEWYORK芝士更是完全失敗,到底餐廳的工作人都不食西餅?以248元+10%的收費,當然不會有期望,但是水準之低無出其右.主食不多,不會換主食,食來食去都是同一款式,長台是用來排隊的,很浪費地方.便宜的食材,都可以弄到好好味,請問仔們到底知不知道.

Lunch buffet is a good choice for families and large parties. Be sure to make a reservation on weekends or during prime hours as the restaurant gets insanely crowded. The food selection is excellent for the most part (pasta/noodle station, hot food of mostly Chinese dishes, seafood area with smoked salmon, sushi and sashimi). The salad/cold food bar could use a bit of work as about half of the cold foods were meat-heavy, with limited choices for vegetarians.Dessert was just okay, nothing spec

一如以住，龍年的大年初一也是與兔年的一樣，在「Novotel」的「Essence」吃自助餐開年。細心與昨年比較，有了以下發現：1. 一年前，蒲飛收 $148 +10%，一年後收$158 +10%，通貨膨脹逹 +6.7%。但願今年加人工有 +6.7%，否則就等於減了人工 -6.7%。2. 食物大致上是差不多，本人第一碟吃的都是「檸檬三文魚」，證明朕用情專一。冷盤沒有了翡翠螺，有點黯然。刺身類都是有三文魚，吞拿魚，𩶘魚，味道一般，勝在樣樣俱全。3. 本少爺一年前不嗜羊，現在則非常喜愛羊扒。人大了，也重口味了。即煮意粉點了白汁煮墨魚汁麵，熱辣辣，也很不錯吃。印度烤雞依然好吃。不變的，還有跟遠房親戚那份「話不投機」的曖昧感覺。「Essence」，蛇年再見。

週末的一天, 決定大嶼山自由行慶祝岳母大人生日, 遊玩一番後就返東涌食自助餐去到已經七點半了, 不用等位, 雖然所餘時間無多, 都照食啦之前都聽好多人講過去東涌食自助餐是不錯而又便宜的, 所以都期望會有一定的水準入到去, 好大部份圍住裝修緊, 但都接受到衛生情況既又係先試吓冷盤先, 好大盤三文魚, 吞拿魚, 鱲魚, 八爪魚刺身全部切好大大盤放晒出嚟, 雖然食落都無乜特別, 都唔敢食咁多即切的有燒牛扒同埋羊架, 牛扒就不過不失, 兩者比較我會較喜歡羊架其他的選擇還有羊肶肉, 泰式燒雞, 兩者的味道還可以, 好在仲有少少汁, 如果唔係就乾都爆至於餘下的熟食還有約十款可以選擇, 種類唔會好多, 味道是可以的, 都夠填飽個肚甜品類亦有多款選擇, 蛋糕, 雪糕, 朱古力噴泉等...一般你需要的也能滿足到你整體係算一般, 價錢始終唔算高嘛...

同家人一場入到來東涌,就去食下午自助餐,呢間出名抵食,抱著一試無妨既心能,就試食!場內環境都算不錯,但有些座位就比較迫,而且枱比較細,我地一家人安排坐卡位,位置算不錯食物款式以每位128來講都算多,不過部份食物唔會再REFILL,如:螺肉,墨汁意粉,另外,PANCAKE 亦唔係長時間供應,早入去食反而食唔到,師傅話晏先有~魚生有三文魚,立魚,吞拿魚剌身,寿司就有蛋,太卷,三文魚,全部都不錯!!甜品種類都算係多,不過都係無REFILL, 所以一開始多人既時候,好多人就開始掃甜品,我地亦都唔例外,因為其他都已經無乜選擇,除非係好鍾意食魚生,咁就不停可以REFILL,甜品我就推介木糠布丁,正!!!好滑,唔會太甜,其次係咖啡蛋糕,其餘就真係普通

好早就去到等，因為分單問題所以等左幾分鐘。入到去已經好興奮！因為好似幾好食，個場都算大同埋幾”闊落”。首先食個前菜，沙律～有羅馬生菜但可惜無麵包粒所以揀左羅馬生菜配鴨胸肉青瓜沙律，味道非常之好食刺身得幾款，唔多！有海魚、三文魚、吞拿魚～三文魚唔錯，有Ｄ魚味吞拿魚一般，雪藏味重海魚隻味麻麻地，我唔係咁鐘意左下既煙三文魚好好味！encall左幾轉右下既火腿都好好味！再吃小小水果清清腸胃～只有菠蘿＆西瓜．味道清甜而不溜！大愛清完口就食甜品雪糕只有最原始既三款味，有專人不比你～另外佢個即煎ｐａｎｃａｋｅ都好正！！窩夫更佳！外脆內軟，正！飲品選擇唔多，大多為熱飲．是日湯係清補涼同埋羅宋湯，我飲既係清補涼，幾好味唔錯另外服務都好好，多多要求都無ｓａｙ　ｎｏ，收碟同埋添水速度都好快！ｇｏｏｄ！

講環境，真的不錯，坐得舒服。而且侍應服務佳，很快速及主動收碗碟。刺身有4款，而且每款也是任攞，供應源源不絕，好新鮮！熱食種類不太多，也不太吸引。多春魚味道不錯，但始終不夠脆。炒意粉，有白汁同茄汁，嘩，茄汁真材實料，好多蕃茄。而且仲有多款粉供選擇，個人較喜歡墨魚麵或菠菜麵。抵讚嘅係，負責煮意粉的姐姐，好有熱誠、有禮貌。唔似有d自助餐的食肆，輪排攞嘢食，仲要受人白眼。甜品好似有好多款，但唔太好食，完全提唔起食慾。好彩都有格仔餅同煎班㦸。價錢的確抵，但由於食物不算十分出色、令人回味，下次也不會特意搭車入東涌食囉！

月前已跟一眾友好約定10.1黃金周末聚餐…酒店另外間Olea餐廳o既地中海式brunch buffet就試過幾次, 水準吾錯!!...Essence就未黎過, 做o既係大路港式自助餐, 即中西日東南亞乜都有o既所謂國際美食!!...價錢亦相當大眾化…成人$138每位, 供應時間由中午12點到下午2點半…好似一”開場”…就見到一邊food counter有人龍出現?!...乜來呀?!...原來燒牛肉, 壽司剌身, 即烹意粉, 海鮮類都嚮哩邊…拍住隔離又有另一條小人龍, 就係即烚中式粉麵, 有菜呀, 肉丸, 燒味果D…一見龍就冇心機去排…朋友仔去輪左碟剌身返黎, 切到大大小小參差厚薄不齊, 胃口大減…朋友話新鮮度係OK的, 只係把刀吾夠利吧?!...嘻!!...好友又為我爭到兩件燒鴨…但較乾身肉韌, 一般!!Salad bar裏面覺得最好味係美國薯仔沙律…次選係煙鴨胸沙律…另外有椰菜絲沙律, 青瓜沙律, 中華沙律, 雜肉沙律, 酸酸甜o既泰式芋絲沙律…同較少人鍾意o既紅菜頭沙律等!!...蕃茄螺絲粉D質感同味道都吾得!!...盤生菜就望落吾夠乾爽, 洗水未清!! 仲有車厘茄…沙拉油約有三款

妹子生日在即，同小毛前往大嶼山渡假外，都要出返市區覓食~我們二小口出東薈城逛逛街，好久未曾嘗試這些悠閒的日子喇，襯這幾天的假期一定要好好放鬆自己，雖然平時妹子都沒有什麼大壓力要面對..經過Essence見到有自助餐食，而且價錢又不算昂貴，於是乎決定晚餐在內解決，可惜初初入內卻大爆旺場，經理見狀問我們介唔介意等多一陣？有些客人致電留座，若果他們不到的話，便將座位讓給我們。咁見時間都不算太晚，便等等吧！於是我們去別的商店行下先喇~大約差不多八時，我們決定放棄的時候，終於電話到話有位，我們餓到暈暈地喇！安排我們坐好不夠兩秒，便即刻起身拿食物，轉一圈看看！食物種類也不算多，樣樣拿點一起食~冷盤方面，都只是拿了些日式八爪魚，沙律椰菜花，粒粒車厘茄，酸青瓜，日式海帶..酸青瓜挺好食，酸酸甜甜咁~另外妹子拿了一碗忌廉湯暖暖胃，因為店內的冷氣真的非常地凍~有點兒失望竟然自助餐沒有多款煎炸食物供應，平時最愛吃油炸食物的妹子，行了一圈只發現炸魷魚圈，而且還要是不好吃的！一般壽司剌身及凍海鮮俱齊備，但只試了翡翠螺，三文魚顏色看上不太新鮮，所以沒有試到~即席燒烤分別有羊架及肉眼扒，因妹子已經戒牛肉了，所以試了

話說星期六晚同家人一齊食buffet, 一入去就爆滿!!!!!! 第一樣o野就係食Sushi, o的飯好硬,o的料都麻麻地,又冇味....跟住食凍肉,沙律都ok...好啦,到正餐lar! 我認為至好食就係咖哩雞，干燒伊面同即叫即整的湯面唔好味嘅就有羊架，牛等等而甜品呢，大部份都OK但係因為有咗雪花冰所以冇咗雪糕! OMG!!!好彩o的冰都ok, 不過當天係椰子味,Not my flavour!我鍾意食朱古力布丁, puff, pancake, waffle 都ok.明明以為ok但很難食的donut 竟然又硬,質感又唔好...生果種類都算多lar!Service不錯! 環境都ok!美中不足的是太太太嘈 and 夾夾不乾淨!價錢都合理總結來說, OK!

今日老婆生日大日子,梗係試下新野啦早一個星期已經BOOK定位,一去到...嘩!!勁多人等緊入去囉...好彩BOOK左,同佢講BOOK左位講埋訂位NO.入得~!第一轉梗係攞我地最鍾意食既刺身同冷盤喇食落好新鮮!!藍青口好甜跟手飲個蕃茄忌廉湯....極之濃既蕃茄味!!一心想食翡翠螺,但係..唔見有既?問侍應原來已經無左LU....見刺身咁新鮮好味,想出去攞多轉,點知見到長長既人龍排左陣先攞到最後,食埋生果同甜品,生果無咩特別,而甜品就少款左D但都好好味依咁既價錢黎講,OK架喇!!食得過

大約數年前開始，大年初一的團拜改做自助餐形式，氣氛熱鬧之餘亦相對較輕鬆。是日選址的酒店食物質素不俗，價錢亦相宜，值得介紹給喜歡吃自助餐的朋友們！昨夜的團年飯好像還未消化，加上一大清早未瞓醒。。。怱怱逗過利是後，先隨便吃些頭盤吧。沙律冷盤約有十數款，本少爺獨挑選了煙三文魚；並配上自家獨特吃法 - 搭上數片三文，食時厚切並伴以少許檸檬肉連片及新鮮生菜，口感酸軟肥美之餘亦不失爽口。個人同胃口即刻醒哂！一般壽司剌身及凍海鮮俱齊備，我只試了翡翠螺及藍青口；兩者均甜美肉厚，亦很新鮮。肉類選擇有烤羊架及肉眼。由於本少爺不嗜羊，一於試牛啦！特意邀請廚師切取中心部份，肉質非常鮮嫩，配上烤蔬菜及 gravy sauce，賣相及食味均不賴。酒店一角落為粉麵區，中式西式自由配搭，並由廚師即席煮理。是日試了 carbonara (此乃二人份量)，食味濃郁。酒店之另一賣店為咖哩菜式。咖哩雜菜及巴基斯坦咖哩牛肉，配上即烤薄餅及嫩荳芽，不錯不錯。其他熱盤約有十數款；甜品則有朱古力噴泉，蛋糕及雪糕之類，standard 的都齊備。重點來了。請問如此質素的brunch 在公眾假期會收幾錢一位？答案是：小童 $108，大人

預定於6:30pm到Essence吃自助餐，可是之前的活動超時，所以臨時致電改為7:00pm。我們準時到達，尚有不少座位，或許因為閒日的關係，入座率約九成。我們吃了很多，其中有～湯：西湯很獨特，有薄荷的味道，但我更喜歡青紅蘿蔔豬骨湯，真材實料，有不少青蘿蔔、紅蘿蔔，比自家煲的濃味。刺身：三文魚、吞拿魚都非常肥美。不用排隊等師傅切，大大碟任取，最令人欣賞的是添加速度快，當刺身快將見底時，旁邊的師傅會馬上再切些來添滿，好！冷盤：青口味道尚可，但凍蟹真的太細小，吃時極花時間和功夫，肉質卻只屬一般。就我觀察所得，凍蟹的確比較少人取用。烤肉：根據OpenRice的自助餐情報，Essence提供的是「烤迷迭香羊排配松子薄荷提子乾」，事實我只拿到普通的烤羊，卻沒看到松子薄荷提子乾。至於那片牛肉，看似五成熟，可惜入口仍然太硬了。燒秋刀魚：大大條任君選擇，適合擅於「舌累」魚骨的人。燒味：在燈光照射下看似不錯。微溫的白切雞很滑，的確美味，但是紅腸太乾，叉燒不夠肥，味道普通。其他熱薰：炒飯、炒麵都頗佳，最令我喜出望外的是印度炒雜菜，又辣又開胃，正！意粉：由於即叫即煮，所以排隊等候的時間較長。有不少選擇，如菠

慶祝生日來到東薈城側這間諾富特酒店食自助餐，其實一年前慶祝同一個人生日也來過，總括而言，發覺這裡提供的菜式真的沒有什麼變化。甜品還是這些，湯又是這些，還是有咖喱和泰式燒雞，一年前同一年後都一樣的，只是有個多添了的，就是台式棉花冰，即點即造，很切合這個大熱天時。這個季節自助餐的主題是海鮮，有青口真的太好了，但那些凍蟹，太細隻了，剝起來的功夫也抵不過裡面的肉，所以食到尾聲那盆蟹還是滿滿的。甜品特別要介紹這個朱古力泡芙，一口一粒咬下去裡頭的忌廉就擠壓出來，口感很好。蔬菜那幾盆也做的很好，這次很不客氣的盛了滿滿的一大碟菜回桌，好似牛啃草那樣食回這幾天忽略了的膳食纖維。湯品仍是康乃馨肉骨茶（沒圖），肉骨茶小弟還喝了數碗，雖然藥材味也真的不怎夠，但聊勝於無啦！論價錢，這酒店提供的自助餐在香港真的沒有對手的。二百元左右就成交，那裡找？論人流，我來過這裡三次，一次比一次滿場，今次去看見的人流真的非常飽滿。如果想體驗一下到酒店食自助晚餐的話，來這間也不妨～只是可能要隔幾年再來才看到些新意思喔。

其實良久前已經吃過了,不太多好吃的..不過還是不過不失=D好處:-環境良好-衛生整潔-服務生態度很讚-食物不過不失壞處-太遠-食物選擇不多-沒有任食雪糕><推介美食:白汁波菜麵(可以自行選擇麵、料及汁)泡芙><真的是一絕..值得一試芒果雪花冰用料不錯..很重芒果味=)