Essence

营业中

休息中

Sweetheart finished his exam at Tung Chung so we have reserved a table at Essence where we could start our dinner early without waiting. Make sure you book the table at least 1 day in advance.PresentationHonestly, it’s “all you can eat” buffet, with a very reasonable price (Just $248), for people who like to eat a lot, like lots of variety, don't like to dress up(!), the presentation of food is the least thing they might look for..It was a Saturday night, it was not as crowded as I expected. We

其實都無諗過會差成咁，選用的食材真係Cold dish: 三文魚刺身有骨的，沙律菜好'水'一夾起滴水仲要切到手掌咁大，很忙嗎？切都唔切！crouton 也不是crouton, 想點？Main dish: 尚算較好的一環：秋刀魚，鴨胸，即煮意粉，粉面，炒飯炒面炒薯仔ˊ_>ˋ牛柳柴皮咁，鎮江骨無味，咖喱什菜很糊。Dessert: 個人很注重甜品但，唉。失敗中的失敗! 點解要用膠杯？仲要係爆裂的，我明好便宜但有失身份，賣相不好。食味更加不好。Caramel pudding開粉的嗎？不能接受。tiramisu 出水的；西瓜&哈蜜瓜係快熟到爛的貨色；然後最不能接受竟然用罐頭菠蘿&桃！可以接受的是new York cheese,cake passion fruit yogurt cake, banana cake. 引起話題仲有臨cut buffet, 2、3款cake 會堆同一碟。強調：係堆！可想像到有多麼的丟臉！個杏仁糊仲好笑！一patpat! 食品選擇不多，從食材的質素選擇&擺盤來看，壞了酒店品牌：（

呢間洒店嘅buffet真係大件夾抵食, 夜晚嘅buffet加一之後, 都係二百幾蚊左右,真係抵過出面好多buffet.包括機場嗰邊啲酒店呢到啲甜品真係愈來愈有水準, 但係的熟餸就無咁好味啦.但係呢間洒店嘅即場煮意粉就真係好好味.可以選擇白汁或紅汁,但白汁好食啲, 仲有好多麵款揸,款款都好食.最好食係墨汁麵.但過來食就比較遠, 但如果嚟問呢到(東涌)呢間buffet,可以不防試下!!! <3 <3 <3

最近去東涌行開街, 發現這裡商場的大堂自助晚餐要排隊入內, 好似幾受歡迎晒喎, 於是乎同太座相約到此一遊, 某個10月的星期六晚上, 比入場時間早一點到果然又是要排條短龍入內的, 我們被帶到二人枱座下感覺枱面幾闊落下, 空間感足夠, 儘管客人不少但也完全唔覺得迫夾, 食物方面應該有的都有, 品質當然不能說最好的但也不能說中下價嘢,三文魚厚切非常, 還有好少見自助餐會出的罐頭海螺片, 味道是加了味的, 雖然賣相唔太靚但口感味道OK喎,另外一種白身魚肉刺身則麻麻地, 主菜則首推烤羊架, 大件頭之餘肉質甘香,比同場的燒牛肉贏幾條街, 中式廚房的雞睇落都可以一試, 好唔客氣地攞隻脾吔下先,皮爽肉滑,點雞嘅薑茸都好味適中, 雖然雞骨滲血紅色,其實雞肉係緊緊熟,燒鴨都有試過但雞較優, 而熱盤中今次好Lucky地睇住條蒸魚出場, 即攞果然效果係最好,魚肉滑嫩配魚醬油絕配! 其他熱盤都可以一試, 雖沒有什麼名貴食材但完全值得多試幾款, 冷盤沙律都算款式多,豬耳同茄子比較少有的這裡都有, 飽就只有一種, 牛油用法國總統牌都屬於自己喜歡的嗰種, 蛋糕甜品雖多但真的唔太吸引, 尤其個賣相最唔掂, 好Old

每年都會泥一次Essence食自肪餐，因為真係好好食，食材新鮮。今次食中午，因為我遲到，職員都會打俾我，幫我改時間，但都繼續留返個位俾我。入到去即刻開始搵野食，不過都發現，平日的時間都幾多人食自助餐喎。冷盆好好食，有冷麵，有每次我泥食自助餐都會食的德國薯仔沙律，好濃的薯仔味，有一個青瓜香桃腸仔，整體上夾得好好。之後進軍青口，凍蟹，魚生，鮑片，真係好新鮮，不過今次無翡翠螺，好失望，因為真係想食翡翠螺而泥。熱的食物有好多，白汁焗雞皇，個雞好滑，而燒汁雞扒吸收哂燒汁，正。炸墨魚圈，好硬。炒飯炒麵，味道一般，媽媽煮得仲好食。有秋刀魚，好鮮味，好多肉。燒賣味道一般，仲有雞包仔，冬菇味好香。仲有咖哩等等‥‥‥甜品好多款，最好食都係泡芙，同埋朱古力布甸，好濃朱古力味，仲有木槺布甸，芝士餅，朱古力噴泉。窩夫熱哄哄，加上奶同士多啤梨汁，正。仲有朱古力、芒果雪糕，味道一般。下次都係食晚飯好d，感覺上似多d野食，同埋會多人d，氣氛又會好d。服務員收碟好快，見無水又會好快加水，環境好靚，而且價錢都平，值得推介。

今天花得咁豪，係因為我們一班同學想為榮升媽媽的前班主任慶祝！大家諗過度過，和聽過其他人的口碑，知道這間的自助廳平得來又好高質素，所以山長水遠都走到東涌開餐。鬼咩，我o地係貧苦學生o黎o架！其實我都唔知今次係幫襯「冰極之夏自助晚餐」or not? 因為門口有兩個大宣傳板。一個是藍白色的「冰極之夏自助晚餐」(講真個藍色咬冰咀唇好嚇人！ )，另一個褐紅色的牌是自助晚餐的價錢。我好肯定是收這個褐紅色牌上的價錢 (HK$218加一) 我們六點十五分到達，要等15分鐘才被安排進場，現場已經有不少人排隊了。嘩，為食自助餐而排一條長龍出來，印象中只有以前舊美麗華商場地庫的 Todai 才有這種「魅力」呢！因為人數眾多，我們被安排到偏廳。這裡有約五至六排長桌，每長桌可以坐超過十二人。這晚偏廳也爆滿，有不少是一個個大家族的親朋戚友，到來食自助廳的。偏廳雖然不近食物counter但勝在可以自成一角，大聲一點傾談和嬉戲都不會騷擾到別人。而大廳多數是二人﹑四至六人桌，外邊有落地玻璃，在斜陽收檔收可以看到夜景，而且場內的燈光柔和，以紅色大吊燈籠最為搶眼，地方闊落。要講美食啦。首先是刺身壽司類。這裡有很多個「駐場師

聽聞Essence出左tea buffet，平時食lunch buffet就食得多…今次就打算試下tea buffet….一入到去就見到好多人拎食物，有點心、冷麵、沙律、各式各樣的甜品、但係最估唔到有炒飯，中式粉麵同三款粥，依d飽肚的食品都應有盡有….最特別的係見到有個廚娘炒日式海鮮烏冬….笑容可親....... 烏冬味道都幾好而且海鮮都幾多都幾新鮮….如果你中意食沙律，尤其是鮮果沙律，我諗依度絕對滿足到你…因為真係有好大盤鮮果沙律。以118蚊的價錢，食到酒店質素的食物都叫做幾抵，不過款式就少d。員工態度都不俗，不過有時收碟太快….但係Essence依間野真係太多人….排隊拎野食都要等幾分鐘

當天星期六又對飯餐了無頭緒，老公忽然想到東涌 Novotel 酒店推出才兩星期的 Tea Buffet，抱著新意的念頭試試 Essence 的出品吧，儘管 Dinner Buffet 不是那樣的吸引我們，常去的反而是酒店另一 Outlet - Ole 的 Sunday Brunch。已記不清上一次享用 Tea Buffet 是什麼時候，應當是我倆的黃金舊事，那時我倆是Tea Buffet 常客，不單享用應有的美食，相熟的侍應還不時為我們送上廚房的特製食物，小則春卷、大則羊架，每每吃得我們抱腹而歸，跟著便甜甜大睡直至第二天清晨，現在肯定無復當年勇了！Essence 門前放置了宣傳的 Stand，以頭帶粉紅小花的蛋糕作招牌。在餐廳內走了一圈，食物種類不算多，冷的有沙律蔬果、三文治、日本冷麵；熱的有雞肉串、咖喱角、蝦多士，西湯、麵包、粥品、炒飯麵等、甜品按比例也算不少，有各式糕點、即製格仔餅、Pan Cake 及 Chocolate Fondue 等。老公試了一點 Soba，味道還可以，但麵條則過份軟腍了。有三款三文治，試了蛋沙律，夾有爽脆的青瓜及生菜，唯蛋沙律份量不足，較為乏味。咖喱角及蝦

Novotel Citigate in Tung Chung is famous for the cheaper buffet dinner for higher end hotels in HK. I decided to give it a try after frequent visits to Langham Place and Mandarin's buffet. True to its price, you do get what you paid for. There's nothing much to clamor about the selection and taste. It's a basic buffet without the high end choices (ie: oysters, crab legs, etc). The problem lies not with the food, because you are indeed paying a fraction of what other buffet places charge. I

周時聽人講Novotel好抵食, 尋晚終於有機會一試, 點知同期望既有分別.......冷盤唔太多選擇, 大多數係已mix好既沙律....味道唔好.....栗米, 麵包粒呢D基本野都欠奉, 另外, 只有青口同凍蝦連翡翠螺都無.....壽司盤黎黎去去都係三文魚, 墨魚同鮑魚刺身, 壽司就只得蘿蔔卷同小量其他款色, 總括而言選擇小. 湯類有中湯同周打魚湯, 個周打魚湯咩料都無....失望!熱盤有燒牛肉及羊架，燒牛肉唔夠腍。羊架無味。勃然骨D肉乾到飛起. 其他熱盤有雜菜、炒米粉、燒秋刀魚等，無乜特別。個人口味問題, 覺得最好食就係個白汁芝士薯仔. 另有即叫即整車仔麵, 但眼見送菜選擇很小, 我去既時候只得番墨魚丸同牙菜2樣可揀......意粉檔老公話味道一盤, 勝在即整罷了. 最多選擇反而係甜品, 相對而言可接受. 小朋友亦高興因為有朱古力噴泉及pancake.

週未首次到東涌諾富特東薈城酒店吃自助餐，因地點實在有些遠，定價進取(低)一點也是生存之道，$218+10%一位，晚市自助餐來說不算貴。或許因這原因，人客實在多，縱使已訂座，還是被安排坐得「親蜜」一點。沙律吧有數款冷盤如火腿、通粉、車厘茄等等，主要菜蔬則只見一款生菜，不是貴價貨，普普通通吧！冷盤有凍海鮮及刺身壽司。凍海鮮有海蝦及青口，都算新鮮。刺身有三文魚、油甘魚、八爪魚及鮑片。切功賣相一般，堆堆砌砌而成，最好吃是鮑片，其他刺身鮮甜度只算合格。壽司無吃過，因賣相實在不甚吸引。熱盤有燒牛肉及羊架，燒牛肉肉香不錯，但不夠軟腍多汁。羊架無乜味。其他熱盤有雜菜、炒米粉、燒魚、咖哩羊扒等等，無乜特別。另有車仔麵檔及意粉檔，即叫即整，以自助餐來說，可選配料實在少。甜品款式相對較多，有pancake、雪糕、朱古力噴泉、各式甜品杯及蛋糕。各款甜品杯味道不算吸引，相對上蛋糕較佳。

媽媽朋友成日都提東涌novotel既自助餐十分抵食,又多野食!見佢講左咁多次，諗住早三日到打去book位,當做母親節飯啦~可能我book星期一關係，平日應該冇咩人掛，所以有位唔洗留位! book 左6:30，早左10分鐘到，門口都係得幾個人等緊，.職員話要過多5分鐘後先安排入座.咁我地一家4口加埋我bb 五個人咪係門口外的梳化坐下佢地安排我地坐入面的圓弧形梳化椅(爸爸同妹妹勁開心,容易睇住我個仔嘛,好舒服!!!)行一轉冷盤，幾款沙律同沙律菜妹妹通常都會去拎甜品先，有好款小杯既甜品，唔大杯份量好好，亦唔算太甜!冇生蠔、冇蟹腳唔緊要,因為我地都唔係好食的.有翡翠螺同三文魚刺身(成盆自己夾的~爽呀)爸爸媽媽都很愛!有原條整熟左既三文魚嘩~煮到岩岩好!即煮麵，有白汁/茄汁, 分兩個鑊去煮，我揀左墨魚麵配茄汁!排隊拎燒羊架同牛肉，爸爸妹妹至愛羊架可惜佢地只係食左兩件，因為已經食飽晒個肚冇位裝!紅茶任飲，自助形式去拎!食食下其實原來都坐滿人，不過地方唔迫，好多人行黎行去都覺得仲有好多位!~~~~不過咁平又多款野食,爆滿都正常既!食飽離開門口行幾步，格黎間bar仲有人唱歌添，情調幾好!

由朋友口中得知東涌novotel既自助餐十分抵食不過好多人book….所以早兩個星期就打去book位，順便提早慶祝爸爸節….我地book 左6:30…但早左15分鐘到…已經有很多人係門口開始排隊….職員都早5分鐘比我地入座…一入去..我地急不及待主攻冷盤….有蓮藕沙律、紅菜頭沙律同好多款唔同既沙律菜….仲有我鍾意既翡翠螺同三文魚刺身…..沙律菜同三文魚都好新鮮，雖然翡翠螺有少少沙，不過真係好鮮甜食完冷盤，我同爸爸即刻去排隊拎燒羊架同牛肉，由於我唔係好食生既的肉…就同廚師要左件全熟既牛….食落去有少少乾…不過冇計鬼叫我唔食生肉…而亞爸要左兩件羊架，不過同廚師request 生d，佢話好好食唔太”蘇”，而且由於唔係全熟，外面少少脆裡面就腍…又食即煮意粉…有白汁同番茄汁…一個汁就用一個爐煮…咁又幾好..煮得快好多…仲有原條三文魚….忌廉薯仔(好好味)…燒雞等等…..好多款呀抖一陣/…我同亞妹亞媽就去拎甜品….依度有好多一杯杯小杯既甜品比我地揀….可以比我地試多幾款….不過略為甜….我最中意都係個pancake….可以加個雪糕球包住食…自己再加toppings!!!!正呀~~~以$218蚊價錢

山長水遠由九龍入大嶼山的昂平市集, 夜晚順道去Novotel 的自助餐食返餐, 因為3-4年前食過幾好, 今次返返黎諗住重溫一返book左6:30, 諗住早d到, 6:00已經去到門口, 點知都已經人馬雜雜...好多人呀抱住極期待既心情入去, 入到去竟被編入房入面, 不過唔緊要啦, 我已經急不及待出去拎野食, 格局上同以前不惶多讓, 出去先拎冷盤...點知...冷盤原來已經係全場最好食既野食啦...但翡翠螺係有沙家熱盤的, 意粉只有兩種汁, 分兩個鑊去煮, 而且都無見佢洗過, 但味道只可以叫做食得落...但其他的...如羊呀, 牛呀, 飯呀, 小菜類呀...全都唔得甜品係多選擇的...不過, 除左部朱古力噴泉外, 其他都全部唔得, 包括雪糕, 竟然仲差過雀巢的, 真係唔知道佢係邊道入貨...唉!應該唔會再去啦

自助餐雖然好多人, 但餐廳擺檯的分佈很好, 唔會覺得擠迫, 而且檯與檯之間有空間感, 有privacy. 樓底又高. 仲有圓檯選擇, 最適合一班朋友傾偈. 以呢個價錢食物種類算好多, 甜品選擇又多, 不錯!沙律好新鮮, 賣相幾好, 但有幾款沙律都重覆用左車厘茄做材料, 欠缺新意. 刺身選擇不多但質素都唔錯. 有幾款中式頭盤都好味, 例如雞翼尖和蓮藕沙律. 海鮮選擇較少, 只有青口, 翡翠螺和煙三文魚, 是較弱的一環, 但價錢咁平, 都算係咁.好 surprise 各款熱盤的味道都唔錯, 炸蝦丸彈牙, 煮三文魚夠滑, 栗子炆雞的栗子夠甜. 即煮菠菜意大利粉配忌廉汁好味, 唔會大腍, 都做到 al dante. 甜品選擇多, 賣相都OK, 蛋糕比杯裝甜品出色, 個人比較喜歡熱情果mousse cake, 黑森林蛋糕, 木槺布甸等. Pancake亦煎得幾好. Buffet 本身價錢不貴, 食多幾件魚生都可以回本. Serve 我地果檯個waitress笑容幾好, 收碟快, 有效率. 食物 refill 又快, 服務唔錯. 最正係價錢超平, 假期都只係$218真係好鬼抵食.