Essence

营业中

休息中

已經好久冇在這裡寫食評, 因為自己有BLOG. 但係今次都係不吐不快. 所以在這裡講比大家知. 兩三日後才返自己BLOG詳細寫. 今次因為不用錢, 有四位免費自助餐, 所以就山長水遠由香港仔來這裡食. 好唔講咁多一路睇相片一路講. 這裡話18:30食到21:30. 我哋一行四人有老有細18:10到, 問接待處的侍應生幾時入得. 佢話18:25才有人帶入座位. 吓, 咁咪要係度企15分鐘. 冇嘢呀. 最衰係不用錢, 想走都唔得. 就係咁, 未食就罰企咗15分鐘. 入到去, 好在早訂位(因為30號到期), 所以有卡位坐. 不過攞嘢食就遠咗些. 坐咗一陣出去搵嘢食, 唉...處處都好多人排隊. 今期主打食蟹, 點知D蟹細隻到咁樣的點食呀. 重要係冇鮮味, 冇蟹味, D肉淋的...之後去排意粉和麵, 冇錯, 要食這些平時不會食的嘢, 因為不用排隊, 這個好大碗, 但只得三樣餸, 生菜(夠青綠), 魚旦(好死實), 肉丸(這個OK), D麵一般, D湯就比開水好少少囉.這個白汁墨魚麵叫最好, 但係都係料少, 只得磨菇和煙肉這些平價配料. 燒羊架和牛肉是這裡公認最好食的物品, 但係佢比六國差不

突登山長水遠去坐十個字車程到呢個酒店食自助餐, 聽同事講好早前食過, 話唔錯. 又話果陣好多人去食, 訂位都要預早訂先有位.但當天去食, 所見到的款式不多, 味道亦差. 相都無心機影.所謂的特式"蟹", 炒的, 冷盤的都是細細隻, 細都可以接受但味道竟然無味. 真是失望.燒牛肉 - 一般.壽司 - 飯太林, 味道亦不很好.日式炸物 - 這個實在太差, 厚厚的硬硬一層炸粉包住少少的冬菇或黃椒. 食到滿口油.沙律 - 少款, 連最常有的粟米都無. 什菜亦好像沒見到.甜品 - 相信算最好的是雪糕了, 不知什麼牌子. 蛋糕都還可以.總括來說, 評分100分的話, 我只能給60分. 但服務方面, 真是要講講, 通常酒店到差不多時間會走來通知客人. 但呢間無. 到將近十時, 因無人理會, 我們就繼續傾談.中途想再加添飲品, 但竟然連水機都關了. 慢慢地, 燈也熄左一半. 真好笑, 如要客人離場, 請通知~~~~.雖然價錢很便宜, 但水準起碼都要合格才行.

因為爸爸生日,所以我地一家四口元朗去東涌NOVOTEL食LUNCH BUFFET,多年前,NOVOTEL要成2個月前BOOK位先有得食,不過近呢2年水準都大大下降,而且好多時即日BOOK位都有得呢!是日為星期日,所以都全場爆滿,其實個個環境就真係一般,好嘈,而家好多都係住東涌既一家大細黎食,怕嘈既,呢度一定唔岩你!一黎我就睇下刺身有咩食,三文魚我至愛,但食落都只屬普通,食唔到個陣鮮味><青口同翡翠螺,得個凍字,完全冇味,唔食都可以......SUSHI我冇咩食,因為個樣唔靚,但我見佢三文魚補得好快,讚!咁多年黎,水準保持得最好既係佢即煮個面,初時我想揀蕃茄汁+蕃茄面,但係比個大廚笑,佢推介我試下佢個白汁啦,平時我唔鐘意食白汁,因為有D地方整得好難食,同埋好似用罐頭溝咁,不過呢度一食就知唔係溝出黎既......另外再拼埋佢個羊架,正呀!其他熟食我都冇食過,一黎個樣唔吸引,二黎突然間有班南亞裔人士堆晒係個度,所以我都唔迫過去~最後,我就去左甜品區,所坦白講,佢呢度D甜品完全唔囉掂,好多都溶晒,而且D味道好怪,冇樣好食,最好食咪係佢D生果囉......總括黎講,我地4個人食左

雖然吃不得幾多，不過久不久就會打自助餐的主意，今次選擇了Essence，感覺不錯。如果你愛魚生刺身，或者會有點失望。當中只覺三文魚較好。甜品也非其主打，只有幾款給你選擇。幸好還有即製pancake及waffle，感覺不致太差。沙律選擇則幾豐富，而且新鮮，已引人吃了兩三輪。烤羊肉是另一令人讚好的食物，嫩滑肥美。還要讚一讚即煮的新鮮意粉。選了忌廉磨菇煙肉配闊麵，再加大量芝士。相當香，而麵甚軟滑。更難得可以自己動手，在咖啡機上按掣即磨咖啡，相當滿意了。

Book左位下星期六大班人12.30黎, 未入門口已經見好多人嚮裏面排隊等羅野食....入到去人聲頂沸. 好在卡位尚算舒適, 不過張檯太高. 以$128呢個價錢, 算好多野食下, 亦解釋左點解甘多人黎食. 頭盤: 試左佢所有魚生(得三款), 吞拿魚好唔得. 三文唔錯. 意粉沙律怪味. Cold cut 幾好. 熱盤: 唔算多. 但有即整粉麵同pasta. 雞好肥, 揀好耐先find到件瘦, 但汁好肉都滑. 鵝都好食. 咖哩菜算Ok. 但完全唔辣. 不過d野唔係幾夠熱. 同檯話即煮意粉都好食. 甜品: 小泡芙好味. 即整的mini-waffle加雪糕亦好正. 生果ok. d cake同moose 就麻麻. Service都ok. 收碟收得快. 但似乎由於太多人, d野好似唔係幾refill得切. 總結: 呢個價錢甘多野揀係幾抵食. 但唔好expect甘多. 唔係樣樣好味, 同埋真係好多人...

今天心情非常欠佳 一欠佳便想吃東西來舒壓, 忽然想吃煙三文魚 拿拿林上OP找自助餐, 可能太突然(還有2小時便是dinner buffet 時間)所以間間hotel 都Full House。最後只好硬着頭皮打去這酒店, 問明有冇位, 有冇煙三文魚, 咦......兩樣都有！ Okay, book 咗！ 跟住call 丈夫叫佢放工後去東涌(懶神祕)安頓好d細路就向東涌出發......心想: $188及加一, 今次做大嶼山美食, 大嶼山有什麽傳统食物?? 之前在電話內的waitress說是有海鮮(蝦、螺、花甲、青口)及茶果, 那麽即是傳统食物是海鮮及茶果在東涌mtr和丈夫會合後便拉他到酒店, 他面有難色 甫坐下, 見到很多枱都有OP優惠劵送的特色飲品, 最衰屋企部printer壞鬼咗 首先搶攻刺身檯, 因為唔搶就什麽也沒有(可想而知有幾多人), 哇靠！ 今次d 三文魚、吞拿魚、魚立 魚、八爪魚又厚又肥美, 海鮮有蝦、螺、水蟹、青口但並沒有花甲, 蝦最大隻最甜而且有很多羔, 可惜螺、水蟹、青口太差, 無味道, 重雪味, 螺有砂但得個大字, 水蟹、青口非常細跟着拿熱盤, 有羊脾肉、

昂平360開張以來也從未試搭這次一家大細與一班親朋戚友特意搭搭看順道試試東薈城酒店的buffet2星期前打電話book位時已知晚餐已full看來東涌的地勢偏遠並沒影響它的人氣曾打數次電話改人數接待的都很有禮貌用餐前一天更打電話來提醒和firm booking食物方面, 一開始先拿冷盤. 三文魚刺身是正常水準, 新鮮, 油脂分均匀. 螺很大的一粒, 肉新鮮爽甜, 沒海水腥. 青口算是蠻大塊, 新鮮, 青口邊沒很un很痴牙, 但味偏淡. 冷麵, 麵爽滑, 但冷麵汁過咸, 應該是自調而不是買現成的. 椰菜花車厘茄燈籠椒沙律, 歐式香草橄欖油調味拿捏得好, 蔬菜沒有很油淋淋, 椰菜花爽, 車厘茄甜, 燈籠椒脆, 味道新鮮. 豆沙律, 不知名綠色豆與香草洋蔥混在一起, 很香, 豆口感像硬身麵豉, 有趣的一樣沙律. 扒茄子沙律, 茄子燒過, 因為不是煮的所以口感較硬較爽, 喜歡吃淋身的可能會不喜歡這個, 但我個人比較喜歡這種有嚼口的, 加上淡淡的調味又是另一款有趣的沙律.之後已忍不住拿甜品.Waffle, 有人要先整, 所以熱辣辣好新鮮好脆, 本身唔太甜, 有蛋味. 自己落了士多啤梨果jam, 芒

我選擇去呢到食,是因為有朋友稱讚話好食,所以嚟試一試!但去過後覺得食物一般,沒有想像中的好,食物選擇少,連生蠔, 長腳蟹都冇得食, 但有羊架,海螺, 小蟹件,青口,蝦,三文魚,吞拿魚,八爪魚,朱古力噴泉, 車仔麵(只有魚皮角同魚旦),...... 飲品仲只得咖啡同檸檬茶,咁你話仲點叫我再一次去食呢?價錢不算貴,環境不錯,我哋2大2細,食了$717.2,用餐是時間6:30 - 9:30 P.M.價錢： 星期一至五: 成人 $188 / 小童 $138星期六、日及公眾假期: 成人 $198 / 小童 $148

朋友突然話想食buffet, 搵下有無d平平地, 又抵食既我只可以搵到呢間酒店式既buffet其實我好耐好耐佢o岩o岩開業時食過, 覺得無問題架但今次去到 (其實遲左好多, 8pm先到)打黎訂位時, 佢都話無近食物bar既檯, 都無問題去到....好似街市咁嘈, d野都幾亂唔係即時有張吉檯比我地, 要企起一邊等waiter執好張檯先囉 開始食喇....um...望落去, 真係唔多野食咁雖然唔會話無哂, 但唔吸引囉d刺身切得好求其, 厚切, 三角型都有...奇境haha平時我唔會食粉麵, 實在無乜選擇下...一於試下只得牛丸同生菜2款, 朋友話最好食竟然係呢d生菜同牛丸呢我都食左一粒, 又真係唔錯喎我自己叫左個即煮意粉, 蕃茄醬頗酸, 麻麻地甜品賣相都麻麻地, tiramisu同木糠布甸尚可接受唔會再有下次waiter清潔得太慢, 環境真係好似去左茶樓隔離檯果一家人, 果位bb食野食到周圍係, 地下超多垃圾...救命...係酒店嘛?我諗呢度只o岩一家大細同埋d自由行內地人士黎囉

今天是平日，金水和同事一起去吃lunch buffet。之前也吃過這間的dinner buffet，知道沒有什麼好吃，故這次吃lunch bufet，亦沒有什麼期望。所以一來就先去吃甜品。但也沒有什麼特別好吃的款式，都是普普通通不過不失。之後吃熱食也沒有什麼好吃，就算是他們的即叫即煮的意粉也不算好吃。反而沙律就不錯吃，金水也吃了不少。基本上來說，如果大家只是想找個地方吃吃東西，聊聊天的話也還可以。如果想吃好吃的東西就不用選這裡了。

因為係比較平同比較近我home既自助餐!~so,其實我一家人幾個月都會去一次不過佢d食物種類不算多~但係都幾好食既~最鍾意佢地既牛油薯仔同d 甜品不過三文魚就要排隊拎la~~其實都值得去試試既~個到既環境其實都幾relax=]

七週年紀念日，好想食buffet，又想平平地，見咁耐無嚟essence，一早卜定位。東涌咁比較遠，依然都係全場爆滿，可能又臨近母親節，好多都係同媽媽婆婆一家大細的，好嘈好嘈，而且好多人，哩個環境食飯真係幾辛苦。第一碟當然係至愛的煙三文魚，依舊好味，可惜其他熱盤真係麻麻，無乜好選擇，係個魚柳好少少，八爪魚丸難食之後轉攻甜品，以前食過兩次d甜品都幾ok的，但哩次真係完全唔掂，無一款吸引，無個裝cake，全陪細細件，而且唔好味，連以前多人讚的木糠布甸都差咗，tiramisu又係唔好食，好失望，係個燕窩蛋撻&雪糕窩夫叫做好少少...d食物唔吸引已經無乜心機，仲要嘈到死，食飽唔想坐多陣，即埋單走人。好後悔唔搵間靜靜地浪漫的餐廳慶祝，紀念日都係唔好食buffet喇...

繼上次黎食過之後...一直都覺得依度d buffet抵食而且可以比我地成班嘩鬼傾計今次為慶祝4&5月既babies生日...我地成班poly既舊同學又聚首一堂..當然梗係有jetso先坐成個鐘車入黎食...就係cherry有$100元cash voucher 上次食飯送..我地今次可以用呀...呵呵...我地今次7:30先齊人入座....聽聞今次係做"嚐嶼味"....我地心諗...即係咩呀....原來係做大嶼山食品...有個忌廉花膠湯...個味同忌廉湯冇咩分別...不過"結"身小小...又唔似係少水結身...問個侍應有冇問題...佢話因為加左花膠所以係咁...仲話比我聽黃黃地的粒狀就係花膠粒...原來係咁...不過我都覺得係忌廉湯之後梗係食羊架啦...上次食左少少覺得幾正...雖然唔係好食羊但係都拎左2件細黎食...之後見到有小丸子...即刻勁興奮(都唔知點解，有正餐唔食食小食)..師傅一路整一路介紹話有海膽呀個小丸子..我眼都突埋..邊度有呀...師傅話混左入個漿個度.橙色一點點就係喇...我心諗..又係既188仲要比原舊海膽你..比你都唔信..有你都唔夠膽食(都唔知咩海膽黎)...

母親生日,便和她到了這裡吃自助餐,.......款式萛多,四種剌身,十多種甜品,生蠔,螺,燒味,susie....羊架及牛排,熱食,沙律亦有即煮意粉及湯粉其中羊架及意粉最好吃,甜品就麻麻,.....水準差.....唔好味但整體來說,以這價錢,萛超值

I went to Essence to celebrate my wife's birthday and I say I would never go there again. 嚐「嶼」味自助晚餐 is just a deceiving slogan. Beware!!!!!!!While some dinners were impolite and never queued up.Please note that,Essence claims that they will serve 花蟹、花甲、河蝦、海螺，回本海鮮之選，簡單以魚湯烚熟，保留鮮味 - 没有的紅酒蝦膏燴琵琶骨 - 肉是梅花膠雞茸忌廉湯 - 没有花膠, thick 忌廉湯, 很差 瑤柱海鮮高湯浸海鱸魚 - 没有的海膽章魚燒 - 没有 海膽的傳統茶果 - 没有的