影片
更多
2011-06-08
64 浏览
6月4日（星期五）黃昏，相約同事們合共八人一起約埋去東涌諾富特酒店吃自助餐，這裡的食物由黃昏六點半開始供應至晚上九點半，之後仲可以坐到佢地打佯，即是大約10點左右，自由度都算唔錯。先說環境，空氣調節適中，不會像趕客般寒冷，坐位則分三種，圓形梳化椅與方形梳化椅，以及靠牆邊的長梳化，我是坐方形梳化椅的，感覺還算舒服！服務方面，尚算ｏｋ，在門口有服務員帶位；服務員收回客人用過的碟算快回正題，一開始每人都有一杯清水，凍的！問題來了, 之後就不見有服務員來替我添水了，水很貴嗎？這裡是東涌，不是沙漠吧！？免費飲品只有茶、咖啡及熱水，全部都是熱的，可以自己加檸檬、奶精同糖。另一大問題，首先飲品選擇方面不足，很過份！從未試過食自助餐飲品選擇得咁少，都算數！仲要選擇係全熱的！？聽聞如果是星期一至四，用Open rice的Coupon可以換到一杯免費的薄荷特飲，雖然當天是星期五，但我們當天很幸運地，能品味這一款特飲，原因是託同事的褔，Lucky！ 這杯簿荷特飲味道不錯，由於有一位同事甩底，一位唔舒服的關係，我和另一位同事就很樂意地代他們飲埋呢杯特飲了。如果沒有呢２杯特飲，我給他們的飲品評分120%唔合格，
這裡的食物由黃昏六點半開始供應至晚上九點半，之後仲可以坐到佢地打佯，
即是大約10點左右，自由度都算唔錯。
先說環境，空氣調節適中，不會像趕客般寒冷，坐位則分三種，
圓形梳化椅與方形梳化椅，以及靠牆邊的長梳化，我是坐方形梳化椅的，感覺還算舒服！
服務方面，尚算ｏｋ，在門口有服務員帶位；服務員收回客人用過的碟算快
回正題，一開始每人都有一杯清水，凍的！
問題來了, 之後就不見有服務員來替我添水了，
水很貴嗎？這裡是東涌，不是沙漠吧！？
免費飲品只有茶、咖啡及熱水，全部都是熱的，可以自己加檸檬、奶精同糖。
另一大問題，首先飲品選擇方面不足，很過份！
從未試過食自助餐飲品選擇得咁少，都算數！
仲要選擇係全熱的！？
聽聞如果是星期一至四，用Open rice的Coupon可以換到一杯免費的薄荷特飲，
雖然當天是星期五，但我們當天很幸運地，能品味這一款特飲，原因是託同事的褔，Lucky！
這杯簿荷特飲味道不錯，由於有一位同事甩底，一位唔舒服的關係，我和另一位同事就很樂意地代他們飲埋呢杯特飲了。
如果沒有呢２杯特飲，我給他們的飲品評分120%唔合格，
無他，夏天天氣熱，飲品又全是熱的，想熱死人咩！？咁都仲想客人俾高分，真係燒壞腦至會俾！
開餐了，湯有兩種，海底椰清湯同忌廉湯，個清湯不錯，有味道，
但唔知點解很少人飲，可能係因為前菜有餐包的關係，多數人都係配忌廉湯！
個湯樣在下面張牛肉相才見到（唔記得獨立影=_=lll）
前菜我要了清湯、沙律、餐包、一片燶咗的茄子和相中看不到的中華沙律（即係綠色的海草條，食日本定食時會有的那種）。
老實講，前菜真係唔覺得有什麼特別，唯一想說的是那片茄子，
夾的時候已經見到焦紋，食落茄味…或者說燶味甚濃！不好吃！
除非你自認冒險家，勇於嘗試新嘢又樂意面對失敗之作，否則唔推薦你食。
跟住試下食同事推介好好味的翡翠螺，試了數隻，味道不錯，
所以又再添吃，前後食左十五隻，美中不足是有少少沙，醬汁的選擇也少。
魚生方面，都算新鮮，就是款式少得可憐，幾乎一隻手都數得晒！壽司的選擇自然也是一樣少，壽司飯唔會散，不錯！
奇怪地款蟹柳壽司每次出現就很快消失了，碰了數次運氣才拿到，明明味道也不怎麼樣，為何會如此受歡迎呢！？
素葷熟食方面，沒有蝦沒有蟹，只有例牌，包括魚（燒全條三文魚）、雞、鴨、叉燒、咖喱什菜、焗芝士薯蓉、炒雞柳等，仲有咖喱飯同埋炒麵，
上面講的真係幾例牌，同出面食小菜的飯館、燒味店差唔多，但係叉燒同個炒麵又真係ＯＫ，
不過諗深一層，我嚟東涌食自助餐，應該係食平時很少食的一類東西，
唔係食炒粉麵飯油雞燒味，點解依家會變左食呢Ｄ？
我開始懷疑自己喺咪去錯目的地，定係出現傳聞中的集體幻覺，將東涌大排檔當作酒店自助餐廳...
這裡還有燒牛肉和燒羊架，看來不錯，所以我們也試了，可是燒牛肉中間位置實在太生，滴緊血的，寫包單一成熟都無，我自問是受不了，所以“紅肉”的部份就放棄了；
至於羊架呢，好韌，真係刀都据唔開咁韌，訓練手力必選之作？
同事跟塊羊架搏鬥咗10秒之後就放棄，都唔知係好彩定唔好彩，佢無一開始就咬落去，唔係後果就…
下面這個是磨菇忌廉炒寛條麵，味道都ｏｋ，麵有咬口，忌廉味濃。
主菜滿足不了我，唯有向甜品埋手。最上面係芒果同士多啤利味雪糕球，左邊開始係熱辣辣的窩夫配香草及士多啤利果醬，
跟住有綠茶小蛋糕、無小麧粉的香橙味小蛋糕等、各式鮮果及賣相和味道都不怎麼樣的芒果布甸。
士多啤利小杯甜品很多人要，最終得以清貨，不過我覺得其實味度一般
餐飲自己斟，開始有種身處自助茶餐廳的幻覺，最後我選了咖啡，原因係我已經有點“馨”，唔想再熱“檸”水。
總括而言，$198這個價錢吃這樣的自助餐，只能算是勉強可以接受。
滿分１００分我最多只會給５５分，可能係我要求高，但山長水遠去吃這樣的自助餐，
我情願選擇價錢相同，位處諾士佛台的某酒店自助餐，最起碼那裡有蟹和蠔吃，
所以相信這裡是我第一次亦是最後一次來了。
张贴
