Cubus 28 (已易手) 新餐厅

今日午飯與同事到開平道一號的Cubus 28試一試。餐廳面積頗大，裝修時尚簡約，座位非常寬敞，兼之居高臨下，盡覽城中景色，確係享受一頓悠閒午膳的好地方。我們挑的是行政套餐，除了主菜外，還有自助沙律吧配餐湯、特色點心和果汁任飲。夏日炎炎，先來杯橙汁解解渴。除橙汁外，還有番茄汁、紅莓汁及菠蘿汁等不同選擇。自助沙律吧備有各式各樣的餐包、沙律菜、cold cut、水果、pancake等任君挑選，而且refill的速度也夠快。餐湯是粟米忌廉湯，非常香滑。兩款點心熱辣辣上枱，黑珍珠海膽燒賣，燒賣內的豬肉及蝦肉比例均匀，爽口彈牙，而一小抹海膽更發揮畫龍點睛之效，令味道層次更豐富。竹炭金箔蝦餃，精緻貴氣，可口鮮美。主菜上場，香煎西斑牙伊利比亞豬架配芥末汁 $248，賣相吸引，豬架經過微煎已經鎖住肉汁，所以入口唔會嚡，肉質爽滑，配上芥茉汁，份外滋味。香煎澳洲盲鰽配新鮮蕃茄沙沙汁$268，外皮煎得惹味香口，內裡魚肉嫩滑，與微辣的蕃茄沙沙汁伴食，風味獨特，最佳配搭。這裏的環境、食物、服務都有相當質素，想喺銅鑼灣享受一頓高質午飯，Cubus 28不啻是個好選擇。

今晚黎到一間好有格調餐廳-貳捌 (Cubus28)位處27 28樓，位處高樓，坐窗口位，一邊可以飽覽海景、另一邊又望到香港大球場，好正！店員推介Set dinner，格價屬中上，但菜式夠創新，fusion口味。 除左晚餐，餐廳亦提供飲品。晚餐：手斯法國鵪鶉海膽汁海蜇海蜇件有海膽汁，爽口入味，海蜇外圍有炸春卷皮，混埋一齊食，口感好特別。花膠螺頭片波士頓龍蝦湯龍蝦湯味道夠濃郁，仲有龍蝦肉&花膠&螺片食，真係不惜功本。蟲草花黑松露野菌湯好新穎西湯，內有蟲草花，又好味又可以補補身。香煎黑毛豬伊比利亞黑毛豬鞍豬鞍煎到有條理 肉身仍是粉嫩色，有咬口。盆曬生抽乾炒安格斯牛河火喉十足，食唔停口，牛肉炒到夠爽口。配埋秘製辣椒醬，全碟食得一乾二淨。三文魚子鳳眼餃一款精緻點心，蝦肉真係新鮮製造，夠爽口，仲加上三文魚子，好味！火焰橙酒法式焦糖燉蛋店員一上甜品已經吸睛，再燉蛋上淋火焰，令人好興奮。甜品有少少酒味，同燉蛋味道好配！

早幾天帶媽媽吃英式下午茶慶祝母親節，當然還未夠，昨晚趁著sogo感謝祭大減價，帶媽媽去買禮物，然後再吃母親節晚飯，這樣母親節的慶祝才完滿。去年生日與閨蜜來過cubus 28吃生日飯，覺得cubus 28的fusion菜挺有驚喜，我也想媽媽有個難忘的母親節晚餐，故今年選擇去cubus 28慶祝母親節。前菜手撕法國鵪鶉伴海膽汁海蜇經已大放異彩，爽彈的海蜇吸飽濃濃的海膽汁，手撕法國鵪鶉肉嫩到不很，混搭胡麻醬，十分開胃，連同海蜇和手撕鵪鶉肉旁的脆脆品味，口感味道多變。花膠螺頭片波士頓龍蝦湯一看便知多濃稠，整碟波士頓龍蝦湯鮮美極致，充斥龍蝦和螺頭片香味，使味蕾推上至頂峰，亦感受到cubus 28在烹調上的認真，我一滴也不剩喝光光。蟲草花黑松露野菌湯其新穎組合，令媽媽驚艷萬分。沒想到西式的黑松露配搭中式的蟲草花完全沒有違和感，清幽的黑松露遇上甘香的蟲草花香氣撲鼻，湯頭柔順，再融合野菌的鮮味，使人全身滋養起來。三文魚籽鳳眼餃光亮皮薄，尤其是雪白的原味和碧綠的菠菜餃皮，隱約可見內裡蝦肉餡料。三文魚籽的點綴令鳳眼餃形態更精緻玲瓏，鹹鮮可口，三文魚籽下的蝦仁爽口彈牙，贏得媽媽的歡心。牛油果川味辣子雞滿盆辣

Lady talk , 今日同朋友到銅鑼灣， 見呢到環境好靚就簡左呢到手dinner 呢到有3層（其中一層天台），地方好大。我地簡左2人套餐～😍首先，前菜簡左手撕法國鵪鶉伴海膽汁海蜇海蜇吸收哂濃濃海膽汁，喜歡食海膽既一定會好like❤️❤️還有炸了些雲吞皮， match埋一齊食😝Soup:花膠螺片波士頓龍蝦湯將靚靚補身食材煮再加攪拌， 飲湯時食哂食料又可吸收哂精華😍❤️❤️蟲草花黑松露野菌湯好香濃黑松露味👍🏻👍🏻香煎西班牙伊比利亞黑毛豬鞍因為黑毛豬主要食堅果， 所以煮後肉色都會比較粉紅， 食落還好多肉汁🐷日本青芥末生菜盞配海鮮材料種類多， 有帶子，蝦，松子，翠肉瓜， 黃紅椒三文魚子鳳眼餃餃外皮分別有菠菜，竹炭及原味又靚，蝦又彈牙，好新鮮最後，我最愛既甜品火焰橙酒法式焦糖燉蛋焦糖燉蛋上菜時會即時點上火， 等火燒完橙酒味會更香濃，散發出來❤️當然環境要配美酒🍷Cocktail- Gin&Tea由Earl Grey+ Gin+honey +blackberry （$98）外觀-用茶杯呢點已經好特別， 覺得飲緊茶， 而唔係飲緊酒😂😂飲落甜甜地又帶茶味及果味🍷👍🏻另外由職員介紹飲左杯house wine

今日同男朋友撐枱腳佢帶咗我來呢間好似酒吧嘅餐廳而且位於整幢大廈嘅頂樓，好有情調睇睇個menu先 （$628／位）「前菜：櫻花蝦乾避風塘茄子」個樣炸到好似椒鹽豆腐咁的確，同椒鹽豆腐個皮一樣咁脆入面嘅茄子保留咗少少硬度食落去幾有口感「前菜：手撕法國鵪鶉伴海膽汁海哲」極盡奢華嘅一味前菜本身都非常喜歡食海哲加埋海膽汁更加美味「湯羹：花膠螺片頭波士頓龍蝦湯」差唔多每一羹都有龍蝦肉用上花膠同螺片頭去熬製，好鮮味「主菜：牛油果川味辣子雞」鍾意食辣嘅朋友一定要試下呢個每舊雞都好嫩滑，啖啖肉麻辣味做得幾出色，好惹味「主菜：盆曬生抽乾炒安格斯牛河」安格斯牛真係唔同啲牛肉味好濃，肉質嫩滑加上熱辣辣炒出來，一個字，正！「點心：黑松露素餃」 點少得我最愛嘅黑松露賣相精緻，皮薄餡靚「甜品：火焰橙酒法式焦糖燉蛋」所謂嘅火焰就係侍應會係你面前點火記得拎定相機影相啦～火熄咗之後表面嘅焦糖就會變到好似湖面嘅冰一樣咁脆個燉蛋好creamy，甜度適中總括而言，餐廳環境同食物質素都屬於中上水平必定會再次光顧～

Located at the top floor of Cubus building, this new Asian-accented restaurant strikes an elegant tone with its industrial style deco. The contemporary restaurant offers a good mash-up tasting menu that offers handcrafted fusion cuisine with locally sourced ingredients. Hand shredded quail with jellyfish on sea urchin sauce – This luxurious delicacy combined both the unique chewy texture of Jellyfish and the full-bodied sea urchin flavor. American lobster soup with fish maw sliced sea conch – A

提早母親節快樂飯💖搵食艱難，不過辛苦搵來自在食🤭今個星期就提早慶祝咗母親節，帶媽媽去咗銅鑼灣一間樓上好高級嘅酒吧餐廳享用西餐。老實講，價錢真係唔平，但一啲都唔會唔捨得，畢竟媽媽多年嚟嘅照顧，同埋自己有能力請屋企人食飯係幸福嘅❤️. 餐廳畀我嘅感覺係地方雖小，但係五臟俱全。底層有酒吧，中層有餐廳，頂樓就係天台嘅位置，好天嘅時候喺嗰度唱飲，別有一番風味。.食物價錢雖然平，但感覺物超所值。由小食前菜到主菜甜品，每一款都充滿驚喜，當中我一定要介紹嘅係鳳眼餃👍皮薄晶瑩，裏面嘅蝦彈牙爽口， 而且蒸籠仲印上咗餐廳嘅標誌。另外🦞龍蝦湯香濃而不鹹，調味啱啱好🌟.安格斯牛乾炒牛河咁奢侈，都係第一次食，確實唔係啤水牛肉，充滿牛嘅濃郁同埋口感❤️ 炒牛河都唔會特別油同埋咸。.清清地嘅中式薑汁蒸糕成為咗完美嘅晚餐落幕，甜而不漏，清潔味蕾係最好嘅選擇👍

恩平道的cubus大廈，是美食集中地，今晚有空便來試試中西合併的cubus28。除了28樓之外，頂樓都屬於餐廳，不過由於下雨，所以未能坐在頂樓進餐。今晚要了品嚐菜單，每位$628。前菜手撕法國鵪𪂹伴海膽汁海蜇，脆片伴著海蜇和鵪𪂹，味道帶點微辣和一絲腐乳味，中西合璧的第一道菜。花膠螺頭片波士頓龍蝦湯，這個混合湯，龍蝦味道香醇，不過比純龍蝦多了一種味道，就是喝到花膠螺頭的甜味，這個設計果然不俗。蟲草花黑松露野菌湯，黑松露野菌味道香醇，以蟲草花來配搭，又是另一種滋味。香煎西班牙伊比利亞黑毛豬鞍，外脆內軟，帶點焦香味，豬鞍肉質爽口又鮮甜。盆囇生抽乾安格斯牛河，用中式炒法，鑊氣十足，加上安格斯牛的牛味濃郁，醬油的香氣，又是另一番風味。竹碳甘筍汁黑毛豬鹹水角，從表面看來，不似傳統的鹹水角，反而像南瓜🎃，不過吃落，外皮香脆煙靭，饀料味道卻是正宗鹹水角的味道，舊酒新瓶，感覺又不一樣。金箔紅酒烏梅山楂糕，金箔的矜貴，烏梅山楂的甜酸，加在一起為今晚美食，畫上完美句號。

聽友人介紹喺銅鑼灣有間餐廳嘅fusion菜好好食，襯住Happy friday約友人試下。餐廳嘅中心位置其實係廚房，可以睇住廚師即時烹調食物，但油煙有啲大，抽氣系統有待改善。叫左個人頭計嘅set，頭盤係意大利黑醋養生雲耳拌綠意瓜，酸酸地嘅雲耳配上清新青瓜，特別配搭。湯係花膠螺頭片波士頓龍蝦湯，龍蝦味濃郁，螺頭片有咬口。另一個係蟲草花黑松露野菌湯，入口滑溜，菇味好香濃。主菜先上嘅係香煎西班牙伊比利亞黑毛豬鞍，肉質鬆軟而多汁，本身煎得好香唔使點醬都好好食。而日本青芥末生菜海鮮盞賣相幾得意，生菜好大塊當碗裝住啲海鮮。海鮮盞芥末味好重，蝦肉好彈牙，瑤柱口感較韌，整體嚟講都唔錯。點心係三文魚籽鳳眼餃，餡肉爽口彈牙，中日合壁。甜品係焦糖燉蛋，上菜時侍應淋上橙酒再點火。上層係燒得香脆嘅焦糖，而底層燉蛋芬香濃郁味道唔錯。

5月既第一日實係要食返餐好，同4月糧尾講聲拜拜😂👋🏻餐廳既格局好特別，有個半開放式既廚房，可以欣賞到廚師既英姿，另外，原來樓上都仲有得坐，真係好好奇係點👅好中意餐廳既碟係雲石款🧡最特別就係刀叉隔離仲有對筷子🥢 中西合璧🌟呢一個係今晚既Menu，每款都好特別好想試🤩先黎既就係呢個Appetiser - 手撕法國鵪鶉伴海膽汁海蜇👇🏻味道一流，好有驚喜，同女朋友爭住食😂食完前菜之後，就到湯🍵我同女朋友分別揀唔同款既湯share先係蟲草花黑松露野菌湯，飲落似係平時飲既野菌湯，飲飲下就慢慢滲出d蟲草花既味，feel到好足料👍🏻另一款就係花膠螺片頭波士頓龍蝦湯，個人係比較喜歡呢一款多d，龍蝦味超重，一個字 - 正！之後就到主菜啦，呢個係牛油果川味辣子雞，都係我全晚最愛之一，雞炒得好滑，估唔辣辣地既牛油果又幾好食😋香煎黑毛豬鞍真係睇得出廚師既功夫，肉質好軟腍，有脂肪既部位仲有入口即溶嘅感覺，絕無欺場👍🏻最後就以呢個火焰燈酒法式焦糖燉蛋作為今晚既句號，濃濃嘅酒香配上每一啖柔滑嘅燉蛋，真係好邪惡啊！不過如果唔鍾意酒香嘅就建議揀另外一款，因為呢款甜品嘅酒味的確有啲濃郁😚今晚可以話係集美景，美食同呃like

是晚到訪位於銅鑼灣Lee Garden area 的（Cubus 28），位於頂層28/F，連天台全層，和友人點選了Set menu for 2, $628 per person.外望維港西九龍一帶，燈光相互輝映，chill and adorable。原條長沉木吧枱，突顯貴氣。手撕法國鵪鶉伴海膽汁海蜇，三種層次，海蜇硬朗爽甜，配合海膽汁鮮香；手撕鵪鶉肉齒甲留香，肉質如絲般柔韌；透薄脆片清脆，大方得體。花膠螺頭片波士頓龍蝦湯，中西融合，相當fusion，味道竟然夾得出奇。花膠龍蝦均屬濃稠派系，一口湯勾出兩種鮮味，不相沖，乃餐廳得意之作。三文魚籽鳳眼餃，白、黑、綠三色，吸引眼球，映入眼簾。餡料三款皆一樣，鳳尾蝦打至起膠，餡皮透徹亮澤，味道清甜帶微黏性。香煎西班牙伊比利亞黑毛豬，餵飼橡果的黑毛豬油脂位充盈，但本人略嫌偏油重，夾一口薯菜一口扒肉反而會更中和。日本青芥末生菜盞，牛肉粒晶細，配合五彩蔬菜粒，口感豐富。油量控制好，沒有過份油膩感，充滿油香，青芥末作藥引，勾出鮮味。火焰橙酒法式焦糖燉蛋，橙酒苦澀，有濃烈酒味，不易入口。夾埋燉蛋食會有漿果香，雖入口苦，其後甘盡來。

坐在大玻璃窗旁，由於餐廳位於28樓，景觀不錯服務一流前菜：手撕法國伴鵪鶉海膽汁海蜇 很特別的菜式，明顯吃出海膽的味道 跟海蜇融合一體花膠螺頭片波士頓龍蝦湯 出乎意料的將中式花膠螺頭片完美配合龍蝦湯 我很怕太重的法式幹邑味。這個正合我意蟲草花黑松露野菌湯 沒有違和感 很成功的mix and match香煎西班牙伊比利亞黑毛豬 是我最喜歡的一道 黑毛豬脂肪跟肉分配剛好，油香肉軟 必點日本青芥末生菜盞（牛）比較清爽的選擇 首先生菜很脆 牛肉跟其他配料都切成丁 令我聯想到泰式的生菜包黑松露素餃 黑松露味很出眾 特別香火焰橙酒法式焦糖燉蛋 會在食客面前點火 橙酒份量不少 喜歡酒精之人定會喜歡景觀不錯服務一流，每道菜會換碟，注重食客感受，EG 主動詢問需要多一份碗碟分吃嗎？/主動添水整體經驗良好， 對得起價錢

環境5分：頂樓高級型格餐廳格調，有酒吧有窗口位，餐枱分得都幾開，私隱度高，樓面高唔會嘈，可以畀五分。衛生5分：雲石枱面有餐墊，每個course會換碟換餐具，衛生意識強，一樣畀五分。服務5分：侍應生非常殷勤，坐好即介紹點用個電子餐牌，又有心機介紹晚餐，一路食一路換碟換刀叉，非常整潔，滿分。味道5分：1)     前菜手撕法國鵪鶉伴海膽汁海蜇係凍食嘅，餸面Ｄ鵪鶉已經起肉去骨，用手撕開Ｄ肉特別幼嫩，响底果Ｄ海蜇就好爽身，圍邊Ｄ春卷皮條炸到好似薯片咁脆卜卜，真係好好味。2)     個花膠螺頭片波士頓龍蝦湯，有濃烈嘅龍蝦味，入面真係有龍蝦肉同螺頭片，真材實料，口感豐富。3)     香煎西班牙伊比亞黑毛豬鞍，把刀切落去都覺得爽，切開見到微微粉紅色就知係靚貨，所以唔使煮到全熟，厚身嘅黑毛豬鎖住左Ｄ肉汁，豬肉又鬆又爽，好食到爆！4)     盆曬生抽乾炒安格斯牛河，响高級西餐廳食乾炒牛河連個餸名都high過人，入口亦好明顯食得出係用安格斯牛肉炒，Ｄ牛肉味香，Ｄ肉又淋，最重要呢就係個牛河炒得夠乾身，一Ｄ都唔覺油。5)     三文魚籽鳳眼餃同三眼仔一樣一共有三隻鳳眼，白色係原味，黑色係竹炭味，綠食係

銅鑼灣開平道1號 Cubus是區內一幢內有多家高級食肆的商廈，位於大廈最高一層28樓的，正是這間名為 Cubus 28的酒吧餐廳。地方舒適雅致，在裡面用餐，居高臨下，近觀遠望，附近的景色盡收眼底，確是一個情調迷人的用膳好地方。這夜，我就與太太在這間環境氣氛不俗，服務到位，食物也有上佳水準的酒吧餐廳裡，品嚐了這兒 Tasting Menu（$628/位）中的數款美味菜式，大感滿意。中西日合璧的「手撕法國鵪鶉伴海膽汁海蜇」用了中式的手撕雞手法，來自法國的鵪鶉與日式的海膽汁製成這道極有fusion色彩，相當有創意的開胃前菜。這開胃前菜的鵪鶉肉雖不太多，沾滿了海膽汁的海蜇可是充滿新意，一改平日吃海蜇的慣常味道，食材與調料的配搭極之新穎，而且效果也好。以細長的薄脆條圍在碟子外圍，既能突出碟子中間高高拱起的海蜇和鵪鶉肉，作為鵪鶉肉與海蜇的配角，香口的薄脆條也能突顯出爽滑的海蜇的口感。同樣地帶有fusion色彩，加入了中式食材花膠與螺頭在裡面的「花膠螺片頭波士頓龍蝦湯」，湯中除有一小件的波士頓龍蝦肉外，還有小塊腍滑花膠與耐嚼的螺頭。這湯的味道帶點兒甜而非只喝得單一的鹹味，味道層次較豐富，感覺都不錯。

小妹成日都聽人講混血兒係靚d.. 估唔到菜式都有呢個效果.. 是晚去左Cubus o既 Cubus 28 度食下fusion 野😆呢個o既環境只會令人聯想到係酒吧/西餐廳.. 完全唔似有得食中菜😏呢碟野驟眼睇似避風塘炸豆腐.. 但其實係茄子🍆黎架😱口感脆脆的.. 但1點都唔覺油膩.. 而且份量挺多前菜黎講花膠龍蝦🦞湯.. 花膠本身冇咩咪.. 但加入濃味o既湯底度剛剛好.. 仲提升左層次..豐富左口感😬黑松露松蟲花湯松露味好很濃郁😂完呢個好似萬聖節🎃南瓜o既物體.. 其實係咸水角黎😂呢度d菜式真係估你唔到架.. 黑色同橙色味道係有少少分別.. 但小妹唔識形容.. 外皮煙煙銀銀.. 內裡咪就係咸水角o既味.. 註：是黑毛豬肉再黎黑毛豬鞍.. 好厚身.. 入面仲有肉汁.. 唔會乾爭爭.. 配埋燒汁好夾😋安格斯牛炒河.. 我見到d師傅係係鐵板上炒的.. 估唔到都有穫氣而且牛好明顯係比平時茶餐廳o既鬆軟同重味道.. 完全唔同level ar甜品係火焰焦糖燉蛋.. 真係冇欺場.. 係有火焰架.. 名圖相符.. 佢加左d橙味o既酒落去.. 味道好搶.. 食完人都醒晒最後附上menu.. 請自行對號入