Cubus 28 (已易手) 新餐厅

上星期四同女朋友去到銅鑼灣呢一個名店林立嘅街道豪一豪佢食返餐貴野。位置喺28層樓高，可以遠眺維港嘅景色，香港嘅景色真係首屈一指。淨係食個景都值我同朋友點左個二人套餐，每人$628 ，首先內阻個頭盤就係呢一個手撕法國鵪𪂹海膽汁半海蜇。鵪𪂹有啲似雞肉，海蜇爽口彈牙，本來揸咗嘅雲吞皮同埋海膽汁令到成個口感提升咗好多之後就到呢個三文魚子鳳眼餃，淨係個顏色已經攞滿分，而食落去裏面嘅餡料都好正，裏面啲蝦真係新鮮到一個點，個皮又夠煙銀彈牙，呢個餃真係冇得輸之後到呢個龍蝦湯，裏面有好大個蟹鉗，仲有好矜貴嘅花膠同螺片，係一個好好嘅中西合璧配搭，個龍蝦湯冇喺出邊飲嘅關上嘅鹹度，但係龍蝦味就好十足，呢個湯滿分之後就到主菜，上面係盤晒生抽安格斯牛河， 而下面就係伊比利亞黑毛豬安。首先係個乾炒牛河，頭抽好夠味令到成個牛河嘅味道好充足， 炒嘅時候火候亦都好久，再加上安格斯牛肉嘅鮮嫩同埋牛肉味當然令到佢同正常嘅餐廳嘅牛河有所分別。而下面嗰個黑毛豬安就非常之咁好食。如果唔講嘅話我以為自己食緊牛扒，嗰刻冇豬肉味好濃好新鮮好夠厚，仲要肥肉瘦肉均勻，食落口充滿油脂嘅感覺，但佢嘅油分剛好佔三份一。材料本身已經一流，所以輕輕煎

今日來到銅鑼灣這間樓上餐廳，用上大廈名再加上餐廳樓層28做餐廳名，環境舒適又夠大，仲有樓上酒吧㗎先點了個餐係每位計，前菜三選一揀咗手撕法國鵪鶉伴海膽汁海蜇，入口爽肥有海膽的鮮甜，幾清新開胃湯就要了蟲草花黑松露野菌湯，入口奶滑黑松露好濃，但又有野菌嘅清香主菜不得了，五選一揀咗盆曬生抽乾炒安格斯牛河，賣相跟平時食差不多，但炒得乾濕適中入口爽彈，上色均勻又有盆曬生抽鹹香，而牛肉係用安格斯牛好嫩啊點心就係三文魚籽鳳眼餃，個蝦餃做我好飽滿，外皮煙韌入面嘅餡好香好彈牙，三文魚籽帶出一點鹹香味最後個火焰橙酒法式焦糖燉蛋真係好食，燉蛋滑流香濃，橙酒即場點火把酒味迫入去，淡淡橙味帶酒香

真是浪漫的一個晚上！今晩來到位於銅鑼灣的新派餐廳，坐在 28樓上可欣賞鬧市裡醉人的夜景。我倆點的是 tasting menu，$628 一位，不包括任何飲品。雖然價錢不便宜，但氣氛、食物和服務也十分高質。頭盤是手撕法國鵪鶉伴海膽汁海蜇，海蜇爽口，手撕鵪鶉肉嫩滑，再伴上海膽汁，新穎好味。之後是花膠螺頭片波士頓龍蝦湯，龍蝦味濃郁，放了花膠和螺頭片更能增添口感。然後便是點心時間，這個三文魚籽鳳眼餃色彩繽紛，三文魚籽帶鹹香，脆卜卜口感一流，令普通的蝦餃點心便得不平凡。香煎西班牙伊比利亞黑毛豬鞍賣相吸引。黑毛豬鞍的肉汁豐富，肉質鬆化，沾上醬汁更是好吃。而底下的薯蓉配菜也帶著香濃的牛油香。盆晒生抽乾炒安格斯牛河夠鑊氣，但整體又不會覺得太油膩。材料用了安格斯牛肉更好味，肉質嫩滑，牛味濃郁，確是高質。最後以火焰橙酒法色焦糖燉蛋來結。份量不大，但嫩滑的燉蛋味道突岀，帶點橙酒香味更令味道昇華。

Lunch Set包一個主菜、一個湯、salad bar同一款點心好豐富，而且每樣既味道都唔錯今日既湯既南瓜忌廉湯好滑好濃郁，唔會覺得膩Salad bar既選擇都好多依碟係我同事嚟太健康既嘢都係唔係咁啱我然後到Fusion點心黑松露素餃黑松露味好出同好香黑珍珠海膽燒賣雖然個海膽同燒賣唔係好夾但就咁個燒賣都係好食既卡邦尼意大利粉配西班牙煙腩63°C溫泉蛋 $228依個一定要兩個人share自己食既話真係太膩個汁味道濃郁creamy，調味都好好但偏杰身，會食到濟濟地厚切美國肉眼扒配芥末籽汁 $288幾嫩滑既一塊扒個汁同塊扒都好夾依到既嘢食雖然唔係超食到嘩出嚟但係fusion得好有特色而且每次嚟都feel到侍應們好有心咁serve佢地既服務加左唔少分📍超主觀+有偏見評分 (5為最多)📝📃hunger(食物🤤/🤮): 🤤📃anger(感覺🥰/🤨): 🥰🥰🥰📋hangry(整體🤬/😟/😛/🥳/😍): 不錯喲🥳

呢排發現銅鑼灣真係好多美味肉食，昨天同fd行過見呢間樓下有個牌話搞緊個主題party, 所以就上左去，間餐廳既格局都坐得幾舒服，但上去果陣比較多人，張相影得衰衰地😅埋到位未坐低已經見佢準備哂刀太同餐巾，個design我幾鍾意，簡單但不失氣質，但因為我個人較易敏感，所以都無用到，影下算😎上菜先正個fd叫左呢個黑松露素餃，不錯，一咬黑松露的味道就釋放出黎咁，太餓既關係已經食左一隻😂裏面係不同既菇粒，個皮似越式米紙果隻咁，黏黏地，到我果個喇，登登一上枱我以為佢送錯枱，明明個樣係羊，問左下侍應確認一下，真係豬，黑毛豬成隻火雞肶咁大隻😆個肉煮得啱啱好，唔會好‘鞋’口，煎得好香口，同個汁好match, 會回購🤤

母親大人和我都是吃貨，她比較喜歡吃中餐，而我則較喜歡吃西餐，所以今次外出用膳便選擇到提供中西fusion菜的”Cubus 28”。這裏的環境非常有格調，有bar area又有開放式廚房，所以空間感也特別好!由於母親大人一向都有選擇困難症，而這晚我亦不想花太多時間去諗吃什麼，所以我們便直接選了他們的品嚐菜單。櫻花蝦乾避風塘茄子雖然我算不上是茄子的粉絲，但我卻十分喜歡吃香口的東西，所以我便在品嚐菜單上點了櫻花蝦乾避風塘茄子。茄子外層炸得香脆可口，而內層則帶點腍身，但又不會過腍而變得沒有口感。味道鹹香得來又帶點微辣，香濃又惹味，令人吃過不停!花膠螺頭片波士頓龍蝦湯我們二人都是海鮮控，所以便一同點了花膠螺頭片波士頓龍蝦湯。這湯真材實料，內裏有著不少的花膠、螺頭片和波士頓龍蝦。我們特別喜歡湯裏波士頓龍蝦，就是愛它爽口彈牙又鮮甜，配上濃郁又鮮甜的龍蝦湯在一起真的是美味不已!三文魚籽鳳眼餃色彩繽紛的鳳眼餃看上去特別吸引，鹹香的三文魚籽配上爽口彈牙又鮮甜的鳳眼餃，不論是口感還是味道都出色不已，我們就此深深愛上了它!盆曬生抽乾炒安格斯牛河每一根河粉都沾上生抽的香味，吃上去香濃美味而不過鹹，同時又非常有鑊

今日約左為食四人組黎銅鑼灣搵食，呢間我係岩岩開既時候黎過一次，覺得唔錯 !! 今日帶佢地3個又黎 CHILL 下 !! 我地上到黎坐 BAR 枱，但有夜景睇 ~~ 唔錯 !! 不過佢 FULL HSE 就冇辦法啦 !! 係高椅唔太好坐 ~~我地唔想煩就梗係叫餐啦，侍應哥哥話我地 4人前菜可以選兩款，加大份量。我地前菜叫左：手撕法國鵪鶉件海膽汁海蜇，黎到朋友呆左 ... 點解咁細碟，又話加大左 ... 大家都問加左邊，笑左一陣。開始食 ~~ 呵 !! 入口好濃海膽味，呢咪我上次都有叫覺得唔錯再 ENCORE，鵪鶉都好香，都真係好唔同雞肉 !! 加分 ~意大利黑醋茫生雲耳伴綠青瓜，呢個好開胃，份量 .. 堅細 !! 不過都 OK 既 ~ 前菜啫 !!之後到湯喇，每人一客，我叫左 花膠螺頭片波士頓龍蝦湯，入口都好濃味，有一兩件花膠，都厚身，但唔大片 !! 唔錯 ~~朋友叫左蟲草花黑松露野菌湯，好重菇味 ~~ 但我鍾意龍蝦湯多D !! 呵 ~點心，又係攪笑 ... 我地 4個人，點都應該加一隻喇掛 ?! 呢個係 三文魚籽鳳眼餃，我冇食，上次我同朋友黎，2人又係3隻，4人又係3隻...呢個問題都

景色超正，望維港景特別放鬆。店員好有禮貌介紹食物，比人一種高級餐廳的感覺。蠔set抵食又新鮮，一set六隻先90蚊。這裡是食野加clubbing好地方。下次再黎。

Cubus 28之前和朋友在這棟大廈吃過樓下的鐵板燒，發現這棟大廈餐廳選擇多。而今次去的Cubus 28正正開在整棟的28樓。這間餐廳主打中西fusion菜，環境氣氛一流，最適合和朋友談心或情侶約會。大廈外牆都以玻璃為主，相信窗邊位置可以腑視銅鑼景色。而Bar 枱設在中間，上面設有電視轉播足球，適合一班波友邊飲邊看。MENU 以平板顯示。因為怕份量太多就選擇了當中一頁的品嚐菜單再加上其他食第等等。品嚐菜單上有前菜、湯、小菜或主菜、點心及甜品。手撕法國鵪鶉伴海膽汁海蜇海蜇沾滿海膽汁，入口時海膽味濃郁及非常爽脆，，配上麻醬、鵪鶉肉絲和脆脆，口感豐富。花膠螺片頭波士頓龍蝦湯龍蝦湯味濃郁，而且有大舊軟滑花膠～蟲草花黑松露野菌湯黑松露味突出，不過蟲草花都能輕輕滲出味道。香煎西班牙伊比利亞黑毛豬鞍豬鞍超腍，既易切開又好易入口，豬鞍感覺好似牛扒，咬開帶有juice肉汁 。 配菜亦恰到好處。盆曬生抽乾炒安格斯牛河點這道原因是菜式極具玩味，因為乾炒牛河主要是港式茶餐廳菜式，好想知道師傅會如何詮釋這碟牛河。牛河上碟有辣醬附上方便提味，燈光打上河粉上閃閃反光，而碟底亦不見多餘油份，可見鑊氣不錯，入口乾爽。而

好友生日，得仔很想與好友豪一次，一嘗高級fusion中菜。之前已經做了資料搜集，得知有品嚐菜單，可以嚐到各款招牌菜。Cubus 28位處銅鑼灣開平道，地段高檔，入夜較靜。品嚐菜單有前菜、湯羹、主菜、點心及甜品，每樣選一款，應該會很飽肚。加入海膽汁的海蜇除了爽口外，尚有濃濃的海水鮮味，手撕鵪鶉點綴在海蜇上，增添了肉香感。菜式外圍放滿了薄脆，伴著海蜇食，增加脆卜卜口感。龍蝦湯有很濃的龍蝦味，花膠螺頭片名貴又煙韌彈牙。黑松露野菌湯好香黑松露味道，加上不少野菌茸及上面點綴的蟲草花，爽口又有菌類的芳香。西班牙伊比利亞黑毛豬胺比一般豬胺略肥，肉質很嫩滑。外皮燒得略略有焦香味，豬胺味道鮮甜濃郁。盆曬生抽比一般生抽更加鮮甜，河粉條條分明又上色，油量適中，不油不乾，鑊氣十足，見到白煙，用筷子夾著河粉可以感受到熱力傳到筷子上。安格斯牛肉肉質軟滑又有牛肉味，銀芽亦見爽口。咸水角用上竹碳及甘荀汁搓外皮，外型玩味十足，外皮亦十分香脆，內餡則與一般的咸水角分別不大。燉蛋上面的一層焦糖不太薄，用匙羹輕敲焦糖片聲音很清脆，燉蛋蛋味香濃。點過火後的橙酒味道依然很濃。

酒吧餐廳非常型格，有三層，一邊可望維港，談心chit-chat是一個好選擇。不要看裝潢西化，食物方面卻搞搞新意思，中西合璧，夠特色。店員推介了品嚐菜單，$628/人，包括了前菜，湯品，小菜或主菜，點心和甜品。手撕法國鵪鶉伴海膽汁海蜇手撕雞食得多，轉轉法國口味，其實對我而言，鵪鶉肉同雞肉真的差不多口感。海蜇混入了海膽汁，有少少辣度，惹味開胃。脆條也増添了層次。建議將所有材料混合一起會更豐富，更有嚼勁。松草花黑松露野菌湯淡淡的松露香又不會太搶，味道跟野菌得到平衡，濃稠而不膩。竹炭金荀汁黑毛豬咸水角造型可愛似瓜果。餡料的黑毛豬惹味香口。外層黏黏有靱性。最重要不油膩。香煎西班牙伊比利亜黑毛豬鞍一陣陣炭燒香樸鼻，肉質粉嫰軟熟。熟度剛剛好，超棒。火焰橙酒法式焦糖燉蛋橙酒慢慢在火焰中飄散，好香好誘人喔！橙酒末完全蒸發，還有微香，配合燉蛋好夾味。

外國友人黎左香港，諗起呢間fusion中菜，就想帶佢黎試下！餐廳位於開平道cubus 28樓，環境裝潢十分有格調又摩登！湯是花膠螺片頭波士頓龍蝦湯，湯底非常濃郁creamy! 好香龍蝦味，仲啖啖龍蝦肉、花膠絲同響螺片，好飲之餘又滋補！三文魚籽鳳眼餃，原來即係蝦餃再加上三文魚籽，賣相十分精緻，蝦肉爽彈再加上魚籽口感十足，皮亦唔會過厚，比平常既蝦餃更好食！手撕法國鵪鶉海膽醬拌海蜇，平時食日本野食海膽就食得多，第一次食呢種食法，將法國鵪鶉同海蜇用海膽醬先拌好，再加上脆片，海膽醬好濃厚，帶點辣辣地，十分開胃，海蜇都好爽脆呢！主菜我就簡左香煎西班牙伊比利亞黑毛豬鞍，用上黑金花紋既碟感覺好令！伴碟有薯蓉同蔬菜，薯蓉非常柔滑又香濃！豬鞍肉好厚切，外皮香脆內裡嫩滑，切開仲有好多肉汁好juicy 呢度既食物創意得黎又高質，朋友都話十分滿意呢

又嚟依到食飯啦上次食夜晚，今次就食lunchLunch set除左一個主菜之外，仲有餐湯、自助既salad bar同一個點心好豐富嗌完嘢食會先上餐湯今日係南瓜忌廉湯雖然我唔飲南瓜，但我同事飲晒兩碗我淨係試左一啖，幾滑幾濃郁Salad bar都有好多選擇然後就到點心上面係黑珍珠海膽燒賣下面就係黑松露素餃我好鐘意依到既點心，每次都有驚喜侍應仲好細心，會好主動問要唔要辣椒醬辣椒油依啲調味料黑松露素餃好足料，黑松露味都好香不過我都係鐘意食燒賣主菜卡邦尼意大利粉配西班牙煙腩63°C溫泉蛋 $228個汁好味不過依個一定要同人share個汁偏杰，所以有少少膩厚切美國肉眼扒配芥末籽汁 $288嗌左medium, 切開都幾粉嫩，食落都幾嫩滑每個餐都好豐富，食物都唔錯服務好抵讚係28樓又有景睇但可能係偏僻左啲，唔係咁多人知價錢又唔算平，所以lunchtime都唔太多人

Cubus全棟有數間高質餐廳, 但試過幾間之後都真係對佢諗諗不忘，所以今日要翻焯！環境同食物質素仍然無令我地失望。餐廳佈置講究，雲石枱碟配黑金餐具，浪漫又高雅。前菜係櫻花蝦避風塘茄子。以茄子做前菜多數為涼拌，估唔到呢個避風塘煮法咁有驚喜，皮薄脆，香口惹味。蟲草花黑松露野菌湯，花膠螺頭片龍蝦湯各有特色，足料香濃，以中式食材入饌令西湯嘅味道大大提升。竹炭咸水角賣相搞鬼突出🎃跟住就係主菜乾炒安格斯牛河! 一上枱，我地都忍唔住講左句：好香呀! 想唔到西餐廳都煮到中菜嘅鑊氣👍🏻黑毛豬胺賣相一流，厚切得黎肉質鮮嫩，油脂同肉嘅比例剛好，入口即溶，大讚！最後到甜品 - 焦糖燉蛋, 上枱前淋上橙酒，點著火機，非常ig-able，好睇又好食。總結黎講呢間餐廳就算客多左比我嘅感覺仍然十分良好

終於找到星期六的free flow brunch，立刻約朋友去試。沒想到場面那麼冷清，就當包場了吧！服務不錯，就是buffet section選擇太少，但是400百/位還有什麼要求（匯豐信用卡有9折）。海鮮類除了🦐，還算不錯。燒賣、蟹子炒蛋、炒菜心、主菜（我們全部點了肉眼扒）味道很好，性價比高。甜品不過不失。咖啡都是一早準備好的，沒有點。能來杯expresso就更好了。如果對食物要求不高，只求輕鬆把酒歡談的話，確是一個好選擇！