629 淥易搞 (已結業)

之前見依間餐廳頗有特色，以shaking food 作為賣點，於是今日就同朋友一齊去旺角黎依間餐廳試下。依間餐廳好近地鐵站，行兩三分鐘就到達。綠色既舖頭設計突出，容易搵到入面環境望落都幾新淨，檯與檯之間既空間都足夠，多為二至四人檯，有唔少卡位，啱約三五知己黎邊食邊傾計。餐廳有午餐，下午茶餐同shaking food menu，唔同時段唔同menu. 望望menu, 發現d 價錢都好平民價，唔洗加一，又唔洗好貴先有海鮮食好快就黎左個青檸醬雜錦搞搞麵加凍咖啡($78＋$3=$81)，麵系餐廳特色之一既紅菜頭麵，爽口而好有口感。雜錦有蝦、蚧柳、青口、吊桶，份量OK. 特別提一提原來青檸醬系辣既，好在我地食辣所以無問題。除辣之外，依隻醬亦帶點青檸既酸味，加埋一齊食落好清新開胃，別有風味。咖啡味道可以。我地亦叫左shaking food 試下，員工提供圍頸餐巾同手套比我地，手套並唔系平時既薄膠，用左系唔洗擔心弄污雙手員工先將海鮮同醬(我地揀左蒜蓉醬)放系袋, 然後使勁攪拌先比我地，海鮮我地叫左吊桶、基圍蝦、蜆、牛扒、雞扒，麵揀左紅菜頭麵。海鮮都好鮮味，整體黎講份量十足，惟醬味既鹹味濃左少少，較適

今日跟個同事去太子砵蘭街辦些公事，見到間餐廳個名好得意便入去試，原來可以自選海鮮、蔬菜、配料、醬汁等，店員會即時在你面前，用個透明膠袋將海鮮放曬入去，然後不斷shake shake撈到均勻後， 就可以上枱不過我們今日太趕，下次一定搵晚過嚟試。自選海鮮好豐富，有鮑魚、鮮蝦、帶子 、青口等紅燒牛魔王湯麵$50，牛肉味好濃郁，好抵食。雜錦搞搞麵$78，這麵條是用了紅菜頭榨汁再製成搞搞麵，將蝦、蜆肉、 辣椒配菜等，混埋青檸及蒜蓉醬，令到成碗攪攪麵，酸酸甜甜十分惹味七味雞中翅$18， 雞翼炸得皮脆肉嫩， 好香口，好惹味。麻辣牛展$32涼拌青瓜$18 好惹味 ，不會太辣，而且非常爽口，好醒胃。

終於星期五喇！之前上網睇見到呢間鋪頭既野食好特別，食shaking seafood，所以一直都好想試！今日一於去試 鋪頭好近地鐵站，門面顏色鮮艷，好容易就見到 午市餐牌都有好多選擇 Happy Friday 要食好啲，所以我哋兩個人都諗住食海鮮 我哋都唔算嚟得早，但係已經好快full house 順帶一提門口位置有幾個魚缸，如果嗌海鮮嘅話，師傅就會喺魚缸度攞啲新鮮嘅海鮮入去整 鮑魚搞搞麵：海鮮當然超級新鮮啦！但係冇諗過除咗有鮑魚之外，仲會有咁多隻蝦、咁多隻大蜆、墨魚仔同埋蟹柳！紅菜頭面亦都好特別，配埋酸酸辣辣嘅青檸汁，正 不過本人係嗜辣嘅朋友，如果唔食得辣嘅可以叫餐廳少辣 雜錦搞搞麵：海鮮種類繁多，有青口、蝦、大蜆、墨魚仔同埋蟹柳，份量亦超級多酥炸薯條：新鮮炸，味道質感唔錯神搖意亂（白桃特飲）&  魄蕩魂搖（鳳梨特飲）：兩杯感覺都好fresh，白桃果杯冇汽，鳳梨特飲就有汽。總括嚟講餐廳地點方便、環境舒適、食物足料好味，值得一去

行行下街肚餓見到有新開張既餐廳，係門口睇個餐牌價錢又ok，就抱住試一試既心態入去試下，點知有驚喜。入座後就開始點菜，直接係menu上寫數量就ok。我地點左基圍蝦、花甲、雞脾菇、雞翼同粟米仲有紅菜面。原本想點聖子同象拔蚌，可惜店員話已經冇再供應。唔好睇佢價錢好平，份量十足，蝦有8隻，花甲都有6隻。口味方面我地原本打算要青檸混蒜蓉，但係因爲我地點了肉類而海鮮並不多，店員建議只用蒜蓉會比較岩味，我地當然聽從專業既意見。下單後，冇幾耐店員就拎左袋我地點既食物同面係我地面前shake，蒜蓉汁完全滲入食物，相當好味，其中粟米同花甲都特別夾，雞翼係炸過，再混上蒜蓉略咸，如果有白灼既雞翼會選擇就更好，不過雞翼骨位有剪開，食用相當方便！食完袋入面既野食，再用蒜蓉汁去撈紅菜頭面食，變成重蒜汁撈面，既飽肚又好味。最後百二蚊埋單兩個人，有海鮮又有肉又有菜，價值比極高，十分推薦！

ShakeShake fries is probably very famous in Hong Kong’s McDonalds, but have you ever tried seafood in the same way of preparation? This restaurant got it all! Located just 2 mins from Prince Edward MTR station, you would find this newly opened eatery. And if I am correct, this should be one of the first places in Hong Kong to deliver such unique cooking style that has been a trend in other countries for quite a while. The restaurant manager and staff welcomed us with a big smile on their faces,

路過發現又有新開舖頭，店面綠色幾搶眼，就入去試試！入到去望望餐牌，又幾多選擇，有set lunch, 都有shake shake 海鮮，搞搞麵。見佢主打海鮮我就叫咗Shake shake 青口、薯仔、 甘筍配咖喱醬，主食就係紅菜頭麵。叫咗兩款小食：涼拌木耳同鹽蘇雞。先嚟咗小食，涼拌木耳，一開頭食落有啲辣，之後愈食愈麻，好味！鹽蘇雞就幾脆都唔太乾。等多陣主菜就上啦，啲海鮮用袋裝住，老闆拎出嚟shake 好有趣。shake完焗半分鐘就食得喇，估唔到海鮮好足料！有成4隻青口，都幾鮮甜，咖喱醬香得嚟唔辣唔油，幾好。老闆話青檸醬同海鮮最夾，下次會再試試！嘢飲除咗普通檸茶檸水，仲有幾款cocktail, 我哋唔想飲酒就特別order 咗唔加酒，都好飲總括嚟講呢間非常抵食，連朋友叫嘅set lunch 都有4隻蝦一隻青口。老闆都好nice,介紹唔同嘢食，鐘意食海鮮嘅朋友不妨試下。

Lunch經過見到店名幾得意，見佢新開就入去試下店員十分耐心介紹佢地嘅Shake Shake海鮮😋😋今次我同個friend一人揀左自己一種海鮮，兩款蔬菜，仲加埋個店員介紹佢地自家製紅菜頭麵，仲配埋佢地嘅自家製醬汁，店員將我所選嘅配料放在透明袋內不斷Shake Shake，撈到好勻均👍👍我叫了鮑魚、椰菜花、粟米配上濃濃蒜茸醬汁，將蒜茸醬汁撈埋紅菜頭麵，好香好美味😋😋而且份量十足，有4隻鮑魚、好多椰菜花，粟米都好清甜😋😋仲叫埋佢杯調配嘅鳳梨特汁，甜甜酸酸，好好味😋😋

香港嘅食肆大多數都講求創意，才可以突圍而出！今日經過太子附近，見到一間很特別嘅小店， 店員喺門外介紹，於是入去試下！呢度所有配料都係自選，包括有龍蝦，肉蟹，蟶子，鮑魚，海蝦。.魷魚及不同嘅配菜，娃娃菜，蘿蔔，冬菇，金菇菜，豆腐卜等等等等…… 總之就係你自己去揀，揀好之後就選一種配料醬汁，店員會即場喺你面前shaking shaking 感覺就好似 "麥當當" 嘅薯條配上特別嘅調味，都幾過癮！店員放低膠手套及一條圍巾，方便你好似食 "肯雞雞" 一樣咁自在，體貼到驚醬汁整污糟你嘅衣服，抵讚！我哋叫了不同的海鮮，試下麻辣味道，所有海鮮都好新鮮！ 一份鮑魚有四大隻，都只係78蚊一份海蝦有八大隻，都只係32蚊 配上法包，法包亦都好有水準夠熱夠脆！仲有一定要試下個 "紅燒牛魔王湯麵"，呢個湯麵係紅菜頭湯麵！ 喺出面都比較少有得食，而且麵質柔軟，很滑口！牛展及牛筋，用料上乘，而且炆得很淋很入味！湯底亦十分之清甜，仲有菜心，紅蘿蔔…… 這個湯麵真係可以一再encore！

地點交通便利，裝修好有特式，服務員亦十分親切而且仲會介紹不同的美食，其中有送上新的小食俾客人試食，我個人不太食得麻辣所以不太鐘意，但心意幾好。除左主菜外 鹽酥雞 蔥油餅都一定要試

海鮮夠新鮮，價錢合理，醬汁多選擇 特別推介青檸汁配搭海鮮一流👍👍👍 或者茄辣醬汁配大蝦又係食到舐舐脷， 啲醬汁仲可以配埋煎餅同法包索曬啲醬汁好好味！老闆仲好有耐性介紹點配搭食最好👏👏👏！仲有老闆介紹個紅菜頭麵外面未見過！口感煙韌好好味！另外小食都好有水準，鹽酥雞同炸薯角成班朋友都話要食多轉！聽老闆講仲有牛肉麵推介湯底一流，不過今次飽得滯下次再試過！💪 爭啲唔記得仲有麻辣小龍蝦又係推介之選！😍😍😍

咁啱星期六去開太子砵蘭街，想揾餐廳食dinner，行下行下見到呢間餐廳幾得意，有shakeshake嘅食物，見好似幾好玩，於是就同朋友入咗去試試佢！佢有好多款海鮮，肉類同蔬菜(有唔同嘅茹類)選擇，配搭做shakeshake! 我同朋友叫咗鮑魚、青口、基圍蝦、吊桶，一個全海鮮shakeshake。係職員推介下叫咗個青檸汁去shake！點知好有驚喜！啲海鮮好好好新鮮，食得出西貢海鮮嘅新鮮！一份青口有四隻，好大隻！一份鮑魚都有四隻，好好好鮮！個汁有辣椒又有香料，同海鮮個味幾夾不過都幾辣，絕對辣過x仔小辣試咗佢嘅士多啤梨同鳳梨特調cocktail, 好好飲！！好易入口，配啲海鮮一流啊佢個牛魔王台灣麵都okay, 牛筋牛腩都啱啱好，唔會太淋，都唔錯。因為覺得佢啲海鮮好正，我同朋友再encore咗佢個shakeshake, 試埋龍蝦、菜心、娃娃菜同蒜蓉汁… 蒜蓉都好香同龍蝦好夾，唔食得辣嘅應該會好鍾意！值得一提佢個 紅菜頭麵好爽身，有職員同我哋介紹嗰陣話原來係佢哋自家製嘅！ 環境方面，幾舒服，有輕快音樂，幾適合一班朋友嚟食，飲杯嘢吹下水總括嚟講，食品質素幾高，飲品都唔錯，份量好足，價錢合理，鍾意食

太子站一帶好多嘢食，今日就嚟到依間新開嘅食海鮮嘅鋪頭試吓。店內嘅環境舒適而且光線充足，裝修都好新潮。餐牌係一張好大張嘅紙，上面寫滿各種嘅美食。海鮮類嘅選擇都好多啊，而我今次就試食咗鮑魚同埋基圍蝦~ 餐牌上面都解釋咗呢個店名嘅來源。原來係店主嘅愛人係6月29號出世嘅所以就用咗呢個諧音作為店名，相當深情😂😂😂我哋叫咗涼拌青瓜作為前菜，青瓜醃得非常之爽口，而且又夠酸同夠辣🤤配合紅椒非常之鮮甜。再加上芝麻作為調味料，好香好開胃🤤之後叫咗一個牛魔王面。個名非常之有趣，😂原來佢係因為有牛展同埋牛筋，所以特別啲叫做牛魔王面。特別欣賞牛根，真係又諗又入味，但又唔會太濃太重口味，味道恰到好處值得一提嘅係佢嘅湯底非常之鮮甜，而又好重嘅牛味，就咁當湯飲都好好飲。同時蘿蔔索晒啲汁，非常入味，一定要食。老闆尤其是同我地講，原來佢哋嘅面係由紅菜頭嘅汁整成嘅，所以特別健康，而且又用凍水洗，所以特別爽口彈牙。個人都幾認同啲面真係特別彈牙嘅所以都好推介大家試啊然後就到shake shake海鮮啦！我哋就只係揀咗基圍蝦同埋鮑魚，所以老闆冇比手套我哋用啦！值得一讚嘅就係佢嘅汁真係非常入味，而呢度嘅青檸汁好似冬陰公汁咁樣，個

太子的新餐廳,綠色的招牌很顯眼,餐廳主打新鮮海鮮,門口有魚缸,下午時間,餐廳坐滿了人,店員很繁忙,lunch menu有很多選擇,有飯有麵,我不喜歡吃飯,所以點了牛扒鮮茄薯仔米線,雜錦搞搞麵店員很快手, 野食很快送到,牛扒鮮茄薯仔米線的蕃茄大隻又新鮮,湯底紅卜卜,蕃茄味十足,牛扒是整個碗的大小,薯仔很林,米線滑嘟嘟,雜錦搞搞麵香噴噴,是泰國香料,有香茅蒜容味,自家製紅菜頭麵沒有紅菜頭味,但感覺很健康,最初沒有拌勻所以沒有味道,混合了底下的蒜容後味道馬上提升,有5隻新鮮蝦,2隻青口,2隻蜆,2條蟹柳,非常足料,吃完很滿足!

呢度嘅海鮮新食法又幾得意喎，餐廳會將啲海鮮放入一個袋𥚃面，之後加入醬汁(有青檸醬丶麻辣醬丶茄辣醬比你揀)，我就揀左青檸醬，跟著不斷搖個袋，啲醬汁自自然然就會同啲海鮮撈埋一齊，之後就可以打開個袋開餐了，其實個袋一打開已經聞到好香，海鮮(自由選擇配搭，我哋就食左蟹丶基圍蝦丶青口丶大蜆)本身已經夠鮮甜，而家＂搖＂匀左啲青檸醬汁之後，啲海鮮就加入有少少微辣嘅感覺，夠哂醒胃，估唔到佢哋仲比埋圍裙同膠手套，咁就可以放心開餐，唔驚會比啲醬汁彈中。見到餐牌有紅菜頭麵，之前未見過亦未食過，梗係要食番碗，上枱時見到啲麵嘅顏色同平時食嘅冇乜分別，以為攪錯左，老闆話呢啲就係佢地自家製嘅紅菜頭麵，一煮熟就放入凍水中，所以麵條又滑又有彈性，食完呢碗雜錦攪攪麵：好多海鮮撈埋啲紅菜頭麵，感覺自己好似健康左。