629 淥易搞 (已結業)

喺太子地鐵站附近發現咗一間七月先開嘅新餐廳，個名有啲特別，叫做「淥易搞」😂唔講以為好似一啲好粗魯嘅說話，細看之下原來係店舖老闆嘅愛人喺6月29日生日，餐廳個名係為咗用生日個諧音而改！真夠有心思。餐廳係主打shake shake 海鮮，啱晒同行朋友嘅口味。除咗海鮮之外，入邊仲有好多唔同嘅小食。叫咗麻辣豬耳，食落去勁度十足。又香又麻，好刺激！是日推薦嘅竟然有鮑魚，就叫一份試吓。到主角出場，店入邊有海報介紹食法。我地叫左基圍蝦、鮑魚、大蜆、帶子、豆卜、金菇、薯仔點左店員推介嘅青檸醬。酸酸地，又帶點辣味，不知幾開胃。海鮮類都好新鮮！火喉啱啱好，鮑魚彈牙一客有4隻，唔使爭！另外配料一點也不遜色，因為豆卜同薯仔吸收晒啲汁！真係好惹味！最後點了蔥油餅和紅菜頭麵，唔擔心唔夠飽，蔥油餅唔係好熱有啲失望，紅菜頭面冇湯，所以黐埋一餅。不過見16蚊都可以一試！整體來講，海鮮配料嘅價錢都係經濟實惠！店入邊亦都有唔少貴價嘅海鮮，就好似波士頓龍蝦、長腳蟹等等！豐儉由人，呢一份對食材的認真和烹調方法嘅心思係值得推介。

海鮮一路都係小弟喜好，最重要都係要新鮮新鮮新鮮！除左日本魚生同埋蒸氣鍋之外，今次有位老友介紹呢間淥易搞將會幾岩我食（個名我一開始以為係食餃子，原來有段故）於是約埋老婆仔一齊黎嘗一嘗鮮。坐上檯就有一對手套同埋防汁口水堅，另外檯面有張教學係點樣用Shake Shake既方法食佢地既海鮮，呢個方法用緊食著薯條就有經驗，海鮮真係未曾見過，真係幾特別。海鮮方面，我兩揀左半隻波士頓龍蝦、桂花蚌、基圍蝦、大蜆、吊筒，由於老婆唔食辣所以叫蒜味醬試下。一上檯就係一包蒸好既海鮮連醬放入由店員姐姐幫手shake下，打開個袋咁用手食果種感覺都幾滋味。不過我覺得有少少辣味既醬應該會更加帶鮮刺激下胃口。龍蝦、大蜆同桂花蚌都係真心推薦唔可以miss!除左海鮮袋，我地汁都唔冇浪費叫左個紅菜頭麵去撈汁堅好食。另外鹽酥雞同杯飲品魄蕩魂搖大大杯兩人share都唔錯。

同朋友叫個清湯海鮮什錦和番茄海鮮什錦，小量麵和蜆甜蝦青口蟹柳各2隻。除了蝦鮮D外，其他一D鮮味也冇，中一次蕉冇下次。餐廳環境污蔑，洗手間又細又污，餐廳內又有異味。真心不用試

同朋友做完運動，見到附近有間裝修十分精緻小店，一於試一試！店子主打海鮮，而且並非一般清蒸或者椒鹽製作，竟然係shake shake! 薯條就shake得多，shake海鮮真係未見過！見鄰桌都食得津津有味，可惜今次太夜食不下海鮮，下次一定要試牛扒蕃茄薯仔米線（$50），蕃茄湯底十分濃厚，令每條米線都能沾滿甜甜酸酸的蕃茄汁，而且湯底完全不油，十分健康，讚紅燒牛展湯麵（$52），湯底肉味濃郁，帶點麻香，牛展十分厚切，而且炆得軟，有水準。配上紅羅白吸盡湯汁，差不多湯都清！鹽酥雞（$20）亦屬必點之選，炸得香脆可口，配上椒鹽，極有台式風味麻辣豬耳（$22）十分大碟，而且麻中帶香，令人食不停口蔥油餅（$16）煎得香口，亦可一試下次一定要試shake海鮮！

「淥易搞」是一間主打海鮮美饌的餐廳，另備有一系列台式美食。店名看來有點奇怪，從餐牌得知此名源於店主另一半的生日日期 6 月 29 日 (即「629」)。至於其英文名，則與將海鮮放入袋搖製的處理手法有關。 午膳時段普遍有較大的限制，餐廳在餐單安排上也作出相應調整，沒有任何「shake shake」之選。 小編要了一客「活帶子海鮮喇沙米線」，不計帶子還有青口、海蝦、墨魚及蟹柳等海鮮。相比之下青口鮮味最濃，海蝦緊隨其後。帶子煮得比較熟，口感略韌，味道偏淡。蟹柳選材亦一般。喇沙湯頭方面，小編覺得幾好味，連帶吸滿湯汁的豆卜也變得吸引。至於米線本身，則煮得略腍，好壞與否視乎個人口味。淺嚐了一口台式肉燥，肉燥製作幼細，味道合預期，只是伴上的花生有點硬。「淥易搞」店名奇異，背後藏著一個浪漫的故事。午市造訪，未能細味招牌 shake-shake 海鮮製作，只能吃了一碗性價比合理的海鮮喇沙米線。有機會再來 shake 一 shake，搞一搞！

之前同朋友聚會幫襯過629嘅晚餐時段 已經試咗佢哋餐廳最主打嘅手搖海鮮 印像都幾令我深刻 而且價錢 一啲都唔貴今日同男朋友睇完戲返屋企途中又經過629 打算食啲嘢先返屋企見門口嘅menu選擇都幾多 最緊要係價錢實惠 下午茶餐最平20蚊咋 我有冇眼花呀!男朋友叫咗個 午餐: 雞扒喇沙米線$42未食已經聞到好香椰奶味 當然要品嚐個湯底先啦 有驚喜喎湯底入口非常順滑 好濃沃嘅椰香味道 帶點微辣 非常惹味塊雞扒表面兩邊煎到脆卜卜 中間勁juicy 夠大塊 啖啖肉配料嘅豆卜原來先係精髓 吸收曬湯底嘅精華 入曬未 一放入口有爆汁嘅效果一般喇沙係配油麵或者米粉 餐廳選用咗港人鍾意嘅米線作為麵底 效果同樣出色另外我就叫咗個 牛扒蕃茄米線$42塊牛扒成塊面咁大 太誇張了吧牛扒唔算好淋 係比較有咬口嗰種 但係又唔會硬到咬唔開 冇咩脂肪 有肉味個湯底就好似家庭式嘅蕃茄薯仔湯 材料包括大量肉絲，薯仔及番茄蓉……個湯底比較傑身 好濃郁同樣係配米線 米線滑捋捋 軟硬度適中 而且份量仲好多添可樂$15送冰底 & 凍檸茶$19這裏嘅午市粉麵又平又抵食 最令我欣賞嘅係佢嘅湯底 喇沙湯底帶點微辣 夠惹味蕃茄湯底落足料 最

2018.10.11（星期四）收工同老公食好西～今次試新野！試下太子呢間shake shake 海鮮！一入門口就見到將會被shake的海鮮在這個水箱入面有龍蝦～有長腳蟹～店面都好闊落舒適～一家大細都好岩黎食餐牌上好貼心，附上呢個shake shake食法指示圖亦準備好圍巾同手套方便客人進食避免弄髒我們點了波士頓龍蝦（半隻）$88；桂花蚌$32；基圍蝦（8隻）$32；大蜆（6隻）$32；吊筒（4隻）$28，配上蒜蓉醬！蒜蓉汁好正仲好香牛油味！海鮮記得浸耐些醬汁索左個蒜香味去食更加正！個桂花蚌同吊筒好新鮮爽滑龍蝦真係叫半隻吳太夠蝦蜆都好好味～另外，我們點了紅菜頭麵$16 同蔥油餅$16！紅菜頭麵其實麵質好夠爽彈，但味道稍為清淡，於是老公呢個蒜怪就加左海鮮袋剩下的蒜汁調下味，估吳到又不錯喎濕口些亦充滿蒜香。另外，葱油餅亦夠煙韌可口。點了碟鹽酥雞$20，好大份👍🏼👍🏼炸得好夠香脆酥香叫左杯情侶特飲：魄盪魂搖（水蜜桃）$78，好大杯好正如果想搞搞新意思～呢間shake shake 海鮮都幾特別，海鮮夠新鮮！

平時白灼海鮮，清蒸海鮮，炒海鮮就食得多， shake shake海鮮就真係第一次食， 感覺幾得意， 又有趣淥易搞 係一間以台式料理及食海鮮嘅餐廳 價錢親民大眾今天專程係為咗食呢個shake shake海鮮而專程過來一趟的自家秘製醬汁有四種 包括青檸醬，辣茄醬，麻辣醬及蒜蓉醬 四選一食材可選海鮮類，肉類及蔬菜類隨即餐廳職員奉上圍裙及手套 穿上圍裙 戴上手套 抓緊shake shake袋封口 搖搖搖 焗30秒即可食用齊齊參與製作過程 又玩得又食得 感覺非常開心shake完之後 一打開個封口 熱煙及芳香撲鼻嘅味道馬上湧出嚟(揀咗蒜蓉醬)基圍蝦$32 /8隻青口$28 /4隻波士頓龍蝦一隻$168牛扒條$22豆卜 雞髀菇 粟米 各$10龍蝦事先斬件 蝦鉗非常巨型 肉質非常飽滿又紮實 非常鮮味覺得點基圍蝦幾好 因為吮蝦頭蝦殼嘅時候 可以吸到蒜蓉汁嘅味道 勁惹味吸汁之選 豆卜係必點嘅青口有驚喜 平時覺得青口冇咩味 但係用青口個殼畢埋啲汁連埋蒜頭辣椒一齊食 即刻變得勁濃味餐廳入面仲設置大魚缸 養住一啲活海產 不時不賣 保證客人食到最新鮮嘅食材

就到我生日既日子啦~所以有個識左好耐既朋友話請我食飯，提前慶祝我生日禁我就簡左係太子一間叫淥易搞既餐廳地點好方便，好近地鐵站門口有個海鮮檔~全部海鮮都好生猛呢度主打shake海鮮，有四款醬汁可以簡，包括青檸醬，茄辣醬，麻辣醬同蒜蓉醬同埋有d麵食類價錢唔貴，所以我地瘋狂叫！每張枱都預先準備好圍裙同手套比你，唔擔心會食到成身成手dirty曬店員會係你面前shake海鮮，跟住焗三十秒到就開餐啦~一打開就聞到好香既蒜蓉味，栗米，金菇菜同娃娃菜入曬味就連薯仔都好好味大蜆足足有六隻，隻隻都無沙青口都好大隻，好新鮮，不錯！我地仲嗌左個紅燒牛摩王湯麵（紅燒味），包括有牛根同牛展，湯底好濃郁個牛展超大件又超厚雖然餐廳係主打shake海鮮，但估唔到其他食物都好出色，值得推薦

前排上網見到有人介紹太子一間shake shake海鮮又抵又新鮮，所以今日放假就同男朋友去試下🙆🏿‍♀️餐牌上會介紹下間餐廳名叫淥易搞的原因，仲有個搞搞流程未上菜男朋友已經著左圍裙準備好一大袋shake shake我地除左叫海鮮之外，仲有雞翼同蔬菜類一入門口就見到有個養鮑魚既地方當然要叫下個鮑魚食下啦鮑魚$78/4，餐廳已經將鮑魚既內臟清除好曬，非常貼心食落好鮮好彈牙吊桶$28/4隻，平時我都好鐘意食吊桶好好味除左shake shake類，仲有d小食價錢都抵！涼拌青瓜$18青瓜下面有好多花生粒正每條青口都入曬味，仲好多蒜蓉食落就辣辣地，好醒胃開頭以為情侶套餐係叫兩杯，但望落有d奇怪，因為散叫兩杯都係$76，一問之下，原來係一杯超大杯size既搖情牽繫姐係士多啤梨特飲飲落帶點青檸同檸檬味食物好新鮮又好味，價值又抵，下次再食

原本係門口街過睇下個餐牌有咩食，有個男人走出來話有麵有新鮮龍蝦海鮮，咁我地見到個龍蝦麵有d興趣就入左去坐，有個女人侍應走埋黎就點個龍蝦湯麵，佢：「無曬龍蝦湯！」，當時心情已不太好點解無曬個男人係出面唔講！？ok咁問佢有咩，佢：「蕃茄湯」，問佢個撈面係咩汁，佢答：「叻沙囉！」我知我唔洗問你啦！好！之後叫左牛肉麵！問佢有無得另外加「送」，佢既答覆：「無架！加咩阿！」d態度係超差！我自己都做服務性行業，對所有人態度都好好！因為我知道大家既辛苦！但我既態度好得到咁既服務！真心差！今次都係我第一次係網止評價人差！

晏晝途經太子，正當個肚打緊鼓之際，遠遠就見到呢個螢光綠既門面，行到去發現原來佢係食Shake Shake 海鮮架😮咁特別就當然要試下啦餐廳當然都有提供其他野食啦，有麵有飯...豬扒鮮茄薯仔米線大大扒豬扒，個湯底勁清甜，食得出係真材實料👍🏼神搖意亂(菠蘿特飲)酸酸甜甜，消暑一流由於晏晝既關係，海鮮唔算有太多款選擇波士頓龍蝦(半隻) - $88大蜆 - $32青口- $28帶子 - $42除左海鮮仲可以加肉類同蔬菜雞肉 - $22豆卜 - $10金菇 - $12醬料都有四款選擇，揀左青檸醬微辣每樣食物都沾滿哂蒜蓉同青檸，口感清新到痺，而且辣辣地，好yummy 👅龍蝦肉超爽口🤤豆卜同金菇又出奇地夾雞肉都唔鞋口假如夜晚黎可以食到多D海鮮就正喇!!!

今日跟朋友在太子買東西，經過砵蘭街見到有間餐廳綠色招牌，店名也很特別，叫淥易搞，是台式料理/海鮮專門店，以為是台式火鍋店，原來是自選海鮮、蔬菜等食材、醬汁再放入透明袋搖勻，見很特別，就入去試一試。內裡裝修還很新，相信開業不久，侍應安排我們坐卡位，點了波士頓龍蝦 半隻 $88、大蜆 $32、青口 $28、金菇菜 $12、心弦搖動 （荔枝搖動）$38、神搖意亂（菠蘿特調）$38、香煎雞扒蕃茄湯麵 $48。等了將五分鐘，香煎雞扒蕃茄湯麵就很快上檯，雞扒煎得剛剛好，不會太鞋，湯底也很濃，讚👍🏽！海鮮大雜燴也很快到了，侍應先給我們很可愛的圍身和手套，非常細心。份量十足，醬汁超香濃，點了中辣，味道超惹味，清新，海鮮也很新鮮，滿分💯。總評：服務很好，店員詳細講解食法，食物一流

>>>淥易搞<<<名字非常有趣，引發了好奇心，而且膳食價格合理，於是入內用膳。 午市時段選擇很多。 餐牌上印有餐廳名字介紹，原來是個浪漫故事。 最終揀了龍蝦海鮮搞搞麵(HKD128)。醬料只有青檸醬，不用苦惱矣。 搞搞麵是乾撈麵，沒有湯，只用青檸醬拌匀調味。青檸醬酸中帶辣，十分醒神，份量也很足夠撈匀整個麵。海鮮不欺場喲，主角當然是半隻龍蝦，還有青口、鮮蝦、魷魚及蟹柳，相當豐富。侍應主動送上一對透明膠手套，方便拆龍蝦肉，非常細心。 龍蝦肉零舍爽甜，魷魚彈牙，鮮蝦肉質也很新鮮。麵質爽彈，恰到好處。 午餐贈送熱飲，轉凍飲加HKD3，轉特飲加HKD18。 這天好心情，讓特飲再highlight一下，點一杯心弦搖動，是杯荔枝特調，色澤與味道俱清新，加點紅肉火龍果，顏色更吸引，營養更豐富。不過，即使少冰，還是略嫌稍多。 是次消費HKD146。

一早聽聞呢到有好好味既shake shake 海鮮，但一個人黎好似食唔到太多款野，睇過餐牌，見到一個人都可以有好選擇，就黎左試新野😋😋❤️一入到去已經覺得餐廳好舒服，型格裝修下沒有太多擺設，比人有好乾淨既感覺😉貼心既店員亦一早放好餐牌卡，又有可愛的口水肩for shake shake seafood😋😋👏🏻一坐底已經聞到隔離飯香🤤🤤🤤口水都已經流緊出黎，最後響餐牌見到搞搞麵3款都好吸引，仲有手指公😚👍🏻就揀左活龍蝦搞搞麵$128,店員都推介話呢個好受歡迎😍原來係泰式風味既青檸味撈麵底，麵一上枱已經夠哂吸睛👀成隻龍蝦🦐🦐🦐仲有青口，墨魚，蝦等海鮮，真係大滿足😋😋😋