629 淥易搞 (已結業)

行行下街肚餓見到有新開張既餐廳，係門口睇個餐牌價錢又ok，就抱住試一試既心態入去試下，點知有驚喜。入座後就開始點菜，直接係menu上寫數量就ok。我地點左基圍蝦、花甲、雞脾菇、雞翼同粟米仲有紅菜面。原本想點聖子同象拔蚌，可惜店員話已經冇再供應。唔好睇佢價錢好平，份量十足，蝦有8隻，花甲都有6隻。口味方面我地原本打算要青檸混蒜蓉，但係因爲我地點了肉類而海鮮並不多，店員建議只用蒜蓉會比較岩味，我地當然聽從專業既意見。下單後，冇幾耐店員就拎左袋我地點既食物同面係我地面前shake，蒜蓉汁完全滲入食物，相當好味，其中粟米同花甲都特別夾，雞翼係炸過，再混上蒜蓉略咸，如果有白灼既雞翼會選擇就更好，不過雞翼骨位有剪開，食用相當方便！食完袋入面既野食，再用蒜蓉汁去撈紅菜頭面食，變成重蒜汁撈面，既飽肚又好味。最後百二蚊埋單兩個人，有海鮮又有肉又有菜，價值比極高，十分推薦！