629 淥易搞 (已結業)

之前曾經見過網上有其他餐廳都係用類似既方法食shake shake 海鮮，但係覺得好貴，所以一直都未有試過，直至發現呢間餐廳，心諗今次一定要響到試點餐方法很特別，用水筆直接在過左膠既餐牌上面點菜，又可以睇相，又可以大粒字d 睇清楚，不錯的服務餐牌上可供既食物種類也有很多，不過既然一心黎食shake shake 海鮮，也暫不想試其他食物。Shake shake 類有4個sauce 可以揀， 3辣1唔辣青檸同麻辣仲細分可揀微辣，中辣，特辣由於揀緊野食果陣已經嗅到隔離枱個青檸勁香勁吸引🤤🤤🤤所以已經很快就決定要青檸中辣，味的確係好好味，唔食得辣既朋友仔小心選擇，如果平時食開十小辣既朋友仔建議揀微辣/不辣既醬，因為海鮮浸浸下會越食越辣呢🤣🤣🌶🌶🌶呢到既海鮮價錢都好吸引，雖不是大大件，但以呢個價錢又咁好味絕對係超值，點下點下就點左👇🏻👇🏻鮑魚 $78肉蟹 $158大蟶子 $68牛扒條 $22金菇菜 $12雞肶菇 $10另外仲有一個勁大杯for 情侶既飲品，好彩有佢，唔係真係辣死😂😂😂心弦搖動 $78

上個月喺報紙見到呢間淥易搞嘅廣告, 個名好特別, 已經記左入腦; 佢主打 shake shake食物, 又係好特別; 仲要係公司附近, 所以心郁郁左好耐, 好想去食, 今晚終於說服到同事陪我去啦, 哈哈 我哋7點鐘到去到, 鋪頭已經坐滿咗一半客, 掂喎!間舖新開張, 簡單裝修得嚟都幾有design, OK光猛, 乾乾淨淨, 吾逼, 幾好坐. 門口放咗個大魚缸, 但係冇咩腥味, 感覺良好.枱面上有即棄手套同圍裙, 條龍蝦圍裙超得意呀, 上面隻龍蝦超可愛 “舌尖上的美食”  wow~因為同事唔係太好海鮮, 所以我哋吾 shake 海鮮, shake 左牛扒/豬扒/冬菇/娃娃菜/小棠菜. 另外叫咗個鮑魚搞搞麵, 一客雞翼, 見到隔離枱啲鹽酥雞好似好正, 我哋又忍唔住口叫咗一份~因為有菜, 我地揀左用蒜蓉醬 shake.嗯 … 都幾特別, 全部撈埋一齊, 最緊要係一滴油都無, I like it冬菇好鮮甜, 娃娃菜&小棠菜本身同蒜蓉就係絕配, 至於牛扒同豬扒…撈埋左我吾係好識分, 不過都係OK好味. 個鮑魚搞搞麵有好多配料, 3隻鮑魚/2隻青口/2隻蝦/2隻墨魚仔/2條蟹柳, 超豐富, 醬汁應

Day off 嘅夜晚去接老婆放工，佢成日話佢公司附近開咗間 shake shake food 好想去試，就今晚試埋啦。呢間 Shaking Kitchen 交通超方便喎，太子地鐵站D出口行唔使一分鐘就到。一入門口就排左幾個魚缸，龍蝦、鮑魚、蟶子、蟹 ... 樣樣都好新鮮生猛，親眼睇到, 無得呃shake shake food 原來係將烚熟嘅海鮮、肉、菜... mix 放喺個大食物袋度，連埋啲自選醬料 shake 成一袋，大家戴住手套，用手拎嚟食，又幾特別喎。老細好熱情，好好招呼，佢話今晚鮑魚、龍蝦、貴花蚌、帶子都靚，基於老婆嫌剝殼麻煩，所以最後揀左貴妃蚌、帶子同埋基圍蝦嚟 shake 下另外我哋都有叫埋佢啲小食，好抵食喎，一份煎餃、一份鹽酥雞、再加多個紅燒牛魔王湯麵，兩個人夠曬食。 shake shake 海鮮上嘅時候熱辣辣，我哋揀咗青檸汁(小辣)，味道都幾清新，主要係海鮮真係好鮮味。嘩!!! 隻貴花蚌，有手掌咁大，真係好誇張，$32/2隻， 非常抵食!! 自己去街市買都唔平得好多。因為新鮮，所以超鮮甜。 帶子都係， 好甜。基圍蝦就一般，食得出係游水蝦，但吾夠貴花蚌同帶子咁突出。食肉

返工時見到附近開左間新餐廳，所以Lunch 同同事一齊黎試下啦！香煎豬扒肉燥飯 $42先叫左個豬扒肉燥飯餐，連餐飲豬扒大塊，熱辣辣，剛煎起，表面香脆，肉都算稔，係油多左少少，但好香口！肉燥味道唔錯，唔會太咸，有必須既肉外，仲有掩菜同花生。黎到梗係要試下新野，所以叫左個Shake shake ！佢個玩法係叫六樣野(剩叫海鮮可以四樣)，再加醬汁，再將佢shake埋一齊食！而我地就叫左大蜆 六只、吊桶 四只、牛扒條、牛展、豆卜、金菇菜、蒜蓉醬。黎到時，職員會幫我地shake混，再上枱。打開果下好香蒜蓉味，勁多蒜！正！要讚一讚！呢度既海鮮超新鮮！時間控制得幾好！尤其是個吊桶，好大只，好爽口！大蜆肥美，食極都仲有甘，覺得唔止有六只。牛展等肉質都好稔。豆卜吸晒啲精華，正！如果食得辣，揀辣醬撈可能更惹味！紅菜頭麵加多左個紅菜頭麵，撈埋啲蒜蓉食，好夾！神秘小食本身唔知物，黎到先知係小龍蝦，果然夠神秘！🤣🤣不過我無食到，因為係麻辣，食唔到，但見朋友食得好滋味！Shake shake 好唔錯，推介大家一定要試！

自己本身好鍾意搵D小店去食，因為從食物中我會食到店主個份心意，當然有時都會食到D唔好食或劣質餐廳，不過今次我又幸運地食到間好野，依間舖有D似個間龍蝦嘅西餐廳，但食物同環境我都喜愛小店多D。坐低就俾埋餐牌自己揀埋嘢食，見其他客都係有一盤用膠袋袋住嘅海鮮，當然我都平平地揀咗幾款嚟試吓，除咗海鮮外連煮個個汁都可以揀，咁我就揀咗個蕃茄微辣嘅醬，貪佢夠野味仲可以叫多份簿餅嚟食，再落多份七味雞同2罐可樂。落完order就玩吓個圍裙，上面仲印埋舌尖上的美食，已經諗緊係咪真係美食要食過先知，等咗一陣雞翼就到，味道唔錯又夠熱辣辣，之後就到我揀嘅 shake shake海鮮，見侍應係我面前shake已經有一種又開心又好玩嘅感覺，之後幫我哋打開埋，香味撲鼻個汁酸酸辣辣咁好開胃，再食埋D海鮮又估唔到咁鮮甜，之後去埋單就見到佢哋自己有個缸嚟養住D海鮮，唔怪得又無沙又鮮甜

今日係世紀大颱風前夕，氣溫升至35度，又熱又乾之下，入去太子砵蘭街嘅629食晏，叫左兩碟涼拌降降溫先，木耳 $18 及青瓜 $18，至正係青瓜，雪得冰凍無比，食到成個人醒哂，非常喜歡💕如果鐘意食牛嘅吃貨，一定要叫佢哋嘅紅燒牛魔王湯麵 ，lunch $50 包埋嘢飲好抵食，厚厚嘅牛𦟌，炆到夠淋，咬落夠嫩滑，大件紅蘿蔔好甜，加上一柱雪菜，好夠未，佢哋用上紅菜頭麵，唔係道道食得到👍🏼雜錦搞搞麵 $78，新鮮嘅海鮮配合紅菜頭麵，如果無左個靈魂青檸醬，我諗我會試蟲草花玉米燉排骨湯飯，或海鮮喇沙米線，不過次次嚟，我都係會叫青檸醬搞搞麵，溫馨提示，唔食辣嘅就叫其他啦💕七味雞中翼一定要講，超抵，$18有四大隻，唔洗五蚊隻，最重要係炸得好食吖嘛😋

一直想食手搖海鮮，但又覺得貴，終於搵到呢間小店又就腳，價錢又ok,一於帶BB一齊收工拍拖食好西~小店提供手套同圍巾唔怕食得唔小心整污糟衫。我點了5款海鮮，有基圍蝦，蜆仔，貴妃蚌，聖子，鮑魚。有3種醬汁可以選，老闆力推泰式青檸，我地就試左~小辣~已經覺得好醒胃~外加蔥油餅小食~我點了杯特飲，但是很難飲，大家就不必試了。總體滿意，不過BB就嫌D海鮮過熟，我個人就覺得還不錯。

一講起主打海鮮shake shake 袋，第一時間諗起尖沙咀厚褔街嗰邊，但由於價錢問題，一直卻步。之前睇飲食雜誌，見到呢間平靚正，即係約人試一試。店面唔係好大， 但裝潢都頗新潮， 用上了綠色，襯店名。當平日晚上，唔使等位，menu 簡單一張大過膠紙兩板，用marker 劃完可洗走重用，夠環保。當日叫了5重海鮮，基圍蝦，吊桶，青口，大蜆，帶子，shake shake中辣麻辣醬。店員將各種海鮮放進袋裏，再配上醬汁，係我地面前Shake。麻辣醬配海鮮好襯，好好味，用料新鮮，大堆頭都係$162,好抵。除咗海鮮袋之外另外叫咗個豬扒龍蝦湯底，48蚊，豬扒炸到好好味，又大又鬆脆， 麵質都合我口味。七味雞翼18蚊有4隻，中size,烤得很香很juicy.飲品叫了杯蜜桃水果茶 38蚊有點貴，但好味道2個人食海鮮二百中埋到單，超值。

約朋友去太子行街，lunch time想食d特別野，見到呢間「淥易搞」幾得意，諗都唔諗就入座！入面環境企理乾淨，有卡位，吧枱位，同圓枱，枱與枱間空間大，有私人空間👍🏻配埋柔和既光線，感覺良好！午餐餐牌，粉麵飯類選擇多，總有一款啱口味！仲有張「環保」餐牌。圖文並茂，用marker圈出想食乜，揀醬汁，到時溝埋一袋。牆上亦圖教點shake😆落完單，侍應奉上膠袋、手套🧤店員會邊行埋枱，邊搖勻已點選的食物，跟住放低係一隻似「竹筲箕」的碟上。整袋食物熱辣辣，充滿蒜蓉香味。我地簡單揀了5樣餸。帶子～大大隻仲要連埋殻雞肉片～係煎過的雞扒再切件雞脾菇～大大塊有口感半隻波士頓龍蝦～大大隻，夠新鮮同彈牙😋隻鋏好有睇頭第一次食shake shake海鮮，好得意！而且全部都大大件好足料，價錢又唔貴，會帶朋友再黎食😆

唔知點解我呢張單兩份餐雞扒牛扒都咁over cooked，塊牛扒硬到一個點 。其實都係見到其他枱牛扒無煎得幾靚，薯角都好大堆，先叫呢份餐。算啦，26蚊，唔應該太多要求。

第一次食shake shake海鮮。這麼有新意，忍不住Google下。原來沿於美國南部的地道食法。估計價錢不便直，但來到這間位於太子的店，價格就親民了。店內養著生猛海鮮。看了更想吃。Menu上有搞搞流程。發現店名有雙重意思，好有愛！有圍裙、有手套，一切準備就緒。shake shake海鮮我來了！原來除了海鮮袋，還有台式料理。怪不得設計上感覺有點中西合壁。肉燥茄子，$32。和魚香茄子不同，這個肉燥和茄子分明，感覺就是煮好茄子再把肉燥加上面。所以茄子不會咸還保留了它原有的味道。肉燥超多，茄子吃完了還剩很多，若有碗飯一起吃就一流了。終於最期待的shake shake海鮮上場了。咦？怎麼是店員幫忙shake？還以為可以shake來玩玩(朋友還著好戰衣嘛)。鮑魚(4只)，$78、刀貝(3只)，$38、大蜆(6只)、青口(4只)，$28、蟹柳(4條)，$24、娃娃菜，$10、雞脾菇，$10。醬料可以選青檸醬、茄辣醬、麻辣醬和蒜茸醬。我們要了青檸醬，微辣。超惹味。酸酸辣辣，似泰式沙律那種酸辣味道。而且微辣也真的堅辣。我吃到雪雪聲。店員主動拿了杯水給我(一開始就有水的，我拿了來洗餐具)。海鮮好新鮮。鮑

同朋友係海鮮怪，同呢排想做多左gym所以食多左好多海鮮。雖然叫左呢d sauce會冇減脂效果，但始終充滿蛋白質，所以相對冇甘罪惡🤪我地叫左2袋shake shake ，1碗喇沙，1份小食，2個女仔食到肚凸🤣❤️海鮮shake shake 配青檸醬有蜆，象拔蚌，蟶子同帶子。海鮮十分鮮甜，又好大隻，尤其是係蟶子同出面相比真係大隻好多。帶子亦好肥厚。個青檸醬可以帶出鮮味，如果嫌唔夠可以自己再擠d汁落去。❤️shake shake 配蒜蓉醬呢袋有青口，蝦，娃娃菜，菜心，金針菇同雞脾菇。青口勁大隻，蝦就細隻d但都幾多隻，鮮甜度唔夠上一袋既海鮮甜但都ok。個蒜蓉醬應該有加牛油，配菜食好正好夾，但海鮮都係跟青檸會好d。金針菇如果有mit定先會加分😂勁大pat😂❤️雞扒喇沙雞扒幾厚，又好嫩滑！喇沙湯底唔算太出色，但都ok❤️鹽酥雞呢個CP值真心高，先20蚊，又勁多件，炸粉薄肉又嫩，調味唔會死咸。推薦！

今日請左假出去太子附近做野, 點知搞搞下都已經夜晚, 冇辦法啦, 叫埋女友去試試新野啦去到都幾旺場629, 睇番FCABOOK有人宣傳, 原來老闆係用佢老婆既生日做店名, 幾浪漫鋪面好鬼繽紛店內裝修都幾正入到去會有張紙比你填, 填完想食咩再叫個店員幫你搞方便又快捷 PIZAA 餅上枱仲熱辣辣, 少少脆, 冇乾憎憎, 咸味都適中, 又唔貴,幾好食終於到主角啦醬汁: 青檸汁海鮮: 半隻龍蝦, 帶子, 青口, 大蜆肉類: 雞肉片, 牛扒條青檸汁酸酸辣辣, 幾好食, 似食緊泰式野龍蝦鮮甜, 肉質唔"梅", 帶子大大隻, 肉又厚身, 都係好鮮甜好味青口鮮味, 冇咩沙, 大蜆都唔駛點講野, 總之就係正肉類.雞片唔"鞋", 幾嫩口牛扒片都幾厚身, 好有口感

今晚同朋友去左食海鮮餐，次次講親食海鮮都一定覺得好貴，今晚朋友帶路黎左太子食海鮮袋，抵食又平，非常吸引囉！先叫海鮮，之後店員會係你面前shake shake下個海鮮袋，好似食shake shake薯條咁，海鮮就會均勻甘沾上醬汁，非常有趣！我地叫左幾款海鮮，有桂花蚌、象拔蚌、基圍蝦、大蜆！好新鮮呀！本身諗住價錢平，質素應該普通，點知味道超出預期！桂花蚌和象拔蚌好爽口，入口蚌味極突出，唔乾唔韌，好爽甜！基圍蝦好爽甜彈牙，蝦肉煮得岩岩好，大蜆無沙大大隻，蜆肉夠肥美！另外我地叫左肉燥茄子，茄子吸哂肉燥汁，味道濃香！最後我地驚唔夠飽，叫左一個紅燒牛筋湯麵，牛筋爽口彈牙，膠質感好重！湯麵掛湯力高，湯底唔會太油膩！超水準平民價餐廳！下次一定會再回頭！

朋友話係太子有間叫淥易搞嘅餐廳好有意思, 推介我同 C6 去感受下, 比佢搞到我心癢癢, 就帶埋 C6 去一趟。ㄧ入店舖右手面有個兩層魚缸, 原來係自家養了各類海鮮。看完個特大餐牌, 原來主打係食海鮮, 仲要係 shake shake 下 咁。我地兩口子都點了一些海鮮, 先由大廚把各類海鮮煮熟, 加入醬汁, 放入膠袋, 職員細心地檢查膠袋有沒有損毀, 確保妥當就擺放在竹筲箕上端到客人前。搖晃後就交給客人享用。一打開膠袋, 熱騰騰的海鮮撲鼻而來, 加上我們選的蒜蓉味, 還有中式的芹菜, 簡直令人食指大動。龍蝦, 基圍蝦, 蟹柳, 帶子等都非常鮮甜, 食材絕對新鮮。值得一讚就是店舖預備了膠手套及膠圍裙, 供給客人使用, 以免弄污衣服。 原來很多客人都 order shake shake 海鮮。另外要了ㄧ碗香煎牛扒龍蝦湯麵, 湯底果然好有龍蝦味, 牛扒都算大, 食落唔靭, d 麵都好有質感, 配埋香蔥, 菜芯, 紅蘿蔔, 真係色香味皆齊吃完這ㄧ餐, 覺得都唔錯, 我亦會推介給朋友的。