629 淥易搞 (已結業)

偶爾經過，見門外餐牌價錢不貴，入內試試下午茶，點了個海鮮喇沙米線，用料絕不慳，一條蟹柳、一隻大青口、一隻墨魚仔（個身差不多有日式湯麵的勺子般大）和4隻新鮮的中蝦，包熱飲才收$36！服務員都是後生仔，挺友善可以改善的地方，就是桌上的餐具盒，紙巾放得有點亂，感覺上未夠整齊乾淨整齊，客人要在盒內搜索用具。還有就是沒有調味料，可以考慮放鹽罐和胡椒粉罐吧好！下次來要試試牛扒沙律，見鄰桌的美食，都不細份啊，才$26！

香港人喜愛吃海鮮已是不爭的事實, 近年也有蒸海鮮的食法, 而最近就發現有新開舖頭以shake shake 海鮮作招徠，那就找一個晚上來試試。飲品要了凍咖啡，飲落既香濃又滑溜, 感覺唔錯。海鮮點了大蜆、基圍蝦、青口、吊桶, 肉類點了雞肉片、牛肉片, 配上青檸醬。等了一陣, 店員就用袋裝住海鮮和肉類, 然後在客人面前shake shake, shake完焗半分鐘就食得喇，各款海鮮都好足料, 而且好鮮甜，青檸醬提升了鮮味, 兩款肉類的味道也不錯。用shake shake形式來食海鮮, 確實帶來一份新鮮感, 而且也充滿驚喜和鮮味, 對於海鮮迷來講是一大喜訊, 有興趣的話可來試試。

太子有好多美食 行下行下見到呢一間餐廳嘅食物類型幾得意 就嚟到試一試呢到嘅Shaking food係將唔同嘅餸菜放埋一袋 再加啲醬汁 將佢地搖晃 就可以食到shake shake foodshake shake food有好多種食物可以揀😍佢有唔少海鮮類食物揀 個日好可惜咁啱冇得試聖子同象拔蚌 就揀咗試下其他海鮮同其他餸 仲有得揀配咩醬汁 見到青檸醬幾特別 我地就揀咗試個青檸醬食物上菜個陣係一大袋上嚟 店員會幫我地搖幾下 再焗係入面一陣 就可以食啦😋海鮮叫咗個帶子 基圍蝦 大蜆 同吊桶帶子大大份仲幾軟 好好食😋大蜆嘅份量都算多 而且好入味 青檸醬同蜆嘅味道都食到 可以試下大蜆😋之後都叫咗份雞肉同牛扒條 娃娃菜 雞脾菇同冬菇 佢嘅雞肉同牛扒真係唔錯 好好食 牛扒都唔會好韌娃娃菜會充滿住青檸醬嘅味道 啱哂重口味嘅人食😋最後係佢嘅青檸醬嚟款醬汁幾特別 青檸味突出 酸酸地幾開胃 不過都幾辣 唔食得辣嘅朋友記得留意就返自己口味🤟🏾

第一次黎食，環境都ok，叫左個shake sHake 海鮮，員工提議我試青檸味（好似係，酸辣口味），黎到發現比左個我冇嗌嘅青口，而我嗌左嘅聖子就冇比到，最後好好跟返比我，青口就唔收錢，仲可以比我揀其他汁，除左一開始果個青檸汁外，仲試左茄辣汁，食物質素吹筒冇味，汁同食物完全分開，聖子腥到一個點，唔似新鮮同唔太熟，其中一隻未開口，勁難食，食完一隻成口臭腥味，龍蝦一般，肉好少，其他肉類ok，蒜蓉包味道ok，不過唔會再試🙊

星期六陪朋友去金都廣場睇婚紗，行完已經成七點，經過淥易搞，見到餐廳新開張，裝修幾靚，店員又熱情介紹，而且門口d海鮮好似幾新鮮，再加上未試過shake shake海鮮，就決定入去試下。我同朋友行左好耐，真係好肚餓，於是叫左龍蝦、鮑魚、大蜆、基圍蝦、青口、吊桶、牛扒條、娃娃菜、菜心for shake shake。由於我地想試唔同醬，所以就叫店員分兩袋，一袋青檸醬，另一袋蒜茸醬。主食我地就叫左紅菜頭面同pizza餅，再加一碗紅燒牛展湯麵。飲品就試左個名好特別嘅特飲，分別係搖情牽繋同神搖意亂。店鋪上菜速度好快，唔洗一陣已經攞住兩袋食物係我地面前shake shake, 餐廳亦好貼心，提供左圍裙同手套俾我地戴。我首先試嘅係青檸醬個袋，醬汁有d辣，但成功帶出海鮮嘅鮮味。之後再試蒜茸醬個袋，味道一樣唔錯，比較夾菜同牛扒條，海鮮反而無咁突出。整體而言，所有海鮮都好新鮮，而且size唔細，分量亦多，價錢算合理。之後食嘅係紅燒牛展麵，湯底味道好濃，而麵煮得啱啱好，細問之下，原來湯底係用牛肉秘密調製，而且紅菜頭面亦係自家製，店員果然無介紹錯。最後就係兩杯特飲，原來係士多啤梨味同風梨味cocktail,顔色鮮

出太子地鐵站之後，行1分鐘都唔洗就到啦，招牌綠色勁光，一眼就見到😏見到網上介紹呢間野，講真，試新野真係有啲怕怕😣不過姊妹們都未驚，藍妹點可以怯😤—menu係大大張既紙，自己係上面揀想食咩。唯一問題就係唔知「一份」其實係幾多隻。🙄雖然好清晰，不過藍妹覺得有啲唔環保，可以考慮下印細啲張紙，或者用過膠既menu，比人用marker寫，愛護大自然人人有責嘛😉不過有強迫症既藍妹表示：好多錯字喔😵—佢枱面一早已經放好左膠既圍巾同手套，等顧客用手食都唔怕污漕啦，係幾細心既。😃—呢間野既食法真係超級特別，佢將食材同醬汁放哂入個膠袋到，然後係你面前Shake Shake Shake，搖勻之後就可以食嫁啦😍姊妹們樣樣都想食，搞到叫左2大袋，一袋係海鮮🐟🦐 🦀，一袋係肉類同蔬菜🌿 。—龍蝦(壹隻) / 帶子 / 大蜆 / 基圍蝦 / 青口 - 青檸醬不能不說，海鮮真係幾新鮮，完全冇腥味，而且都大大隻。藍妹最欣賞佢冇沙😝龍蝦細心地切開左幾舊，方便我地食。青檸醬係店員推介既，果然冇推介錯，酸酸既青檸醬完全係泰國既味道，配埋海鮮非常開胃，令人想食更多🤤—牛肉片 / 腸仔 / 雞中翼 / 娃娃菜 / 金菇菜 / 粟

大熱天時諗起朋友介紹太子有間台式牛肉麵好好食，牛軟棉棉又唔會散開，麵質又軟滑有彈性，最啱想今日要輕食既目標，店名都好得意叫淥易搞，青綠招牌真係好搶眼放工落到去人流未算多，老闆熱情介紹佢既shake shake海鮮，自選海鮮、肉類同蔬菜再自由配搭醬料汁，每款海鮮價錢相宜，而且蟹仔係魚缸眼仔淥淥，老公就即刻開胃晒，除咗兩碗牛肉麵仲要加啲海鮮同菜，輕食既目標又俾佢破壞紅燒牛魔王麵（$54）就係牛同牛根既湯麵，牛根乾淨燜得夠淋滑，牛之間既肉同筋分布平均，麵質亦如朋友介紹一樣老公唔食牛筋叫咗碗紅燒牛肉麵（$52）有四大件牛都相當滿意老闆介紹既shake shake海鮮到喇，侍應shake嗰陣先知個袋都幾重，鮑魚（$78）同蝦（$32）蟹（$128）都係老闆推薦話是日最鮮，果然冇呃我地，海鮮整理乾淨，蝦頭尖銳部位同鮑魚既內臟都清理得一乾二淨，夠晒細心

旺角同太子都特別多嘢食但係特別嘅嘢食反而唔太多今次搵到呢一間係特別有創意首先個名都係唔同啲就咁睇起上嚟睇似乎呢度係食打邊爐又或者係有啲咩新攪作咁一坐低老闆都好熱情咁推介啲嘢食俾我哋例如呢一到最出名嘅海鮮不過只限夜晚先有，但係如果鍾意食海鮮嘅話佢哋都有個好創新嘅搞搞面顧名思義即係俾你撈下啲面但係就唔係淨係囉咁簡單中途你哋都可以架有一啲醬料令到個口味更加豐富咁今次就試咗個海鮮搞搞面咁佢入面嘅成份有龍蝦大約半隻跟住仲有兩隻青口同埋大約四隻新鮮嘅海蝦所以材料係非常之新鮮而且係會食到飽更重要嘅就係佢嘅性價比係非常之高咁首先講吓個面個面係由老闆發掘出嚟就用紅菜頭汁作為一個面嘅配搭所以你見到啲面佢係呈現粉紅色咁龍蝦嗰度就係新鮮製造非常之爽話而且都有好多客都係入面完全係新鮮之後青口亦都非常之鮮唔會有沙喺入面仲要就係肉質彈牙所以整體來講係一個極之fresh 呀

行過太子比E一間咁特別嘅名吸引住，我哋去到嗰陣時咁岩就係海鮮到貨嘅時候，當然即刻坐低帶返個海鮮麵啦！呢度嘅環境好舒服，令人感覺好寫意，即使係繁忙時間呢度都唔嘈，因為空間感好大，而且佢嘅上菜速度真係好快！個餐牌第一時間我比搞搞麵呢個字吸引住，問完店員之後原來先知個麵係依間鋪頭自己整出嚟嘅，個食法都好新穎！佢嘅麵係類似蕎麥面但係比較有彈性嘅，佢嘅青辦醬係非常之開胃而且可以接受既辣度！我揀咗雜錦海鮮搞搞麵，原來海鮮嘅份量都幾多，有青口，墨魚仔，蟹柳，蝦，蜆全部都好新鮮好有鮮甜既感覺！我好鍾意呢度嘅服務態度，因為真係照顧周到而且每一樣野都會好詳細同你解釋，雖然係繁忙時間但係手腳都好快，絕對唔會要客人等好耐！

有好多位又唔比人坐，服務差，無禮貌a lot of empty tables but wouldn't let us sit. I don't get why they do this. rude reception and stupid service.

行程緊密的星期六，早上看了電影，中午約了朋友到Cafe玩Board Game。襯中間有點時間，可以先吃點東西打定底。這間餐廳位於砵蘭街，。太子地鐵站走不用兩分鐘便到，地點十分方便。餐廳座位寬敞，枱與枱之間有足夠距離，令食客吃得舒服。從門口看以為是普通茶餐廳，但原來內有乾坤。除了一般茶餐廳食物外，還有很特別的Shaking Seafood"淥易搞"。之前在灣仔Mr Crab也吃過差不多的東西，但價錢不菲，兩個人吃差不多一千元也不飽。估不到原來這間小店也有平民版的Version。我們一行二人叫了一個雜錦攪攪麵和一個"淥易搞"。1) 雜錦攪攪麵(⭐⭐⭐⭐💢):這個雜錦攪攪麵的配料挺多，包括了海蝦，青口，鮮魷和蟹柳。紅菜頭麵爽口彈牙，配合青檸蒜蓉汁，甜甜酸酸，十分醒胃，令人停不了口。另外要特別一提這個基圍蝦，十分新鮮，而且肉質結實，吃起來啖啖肉。但要注意的是這個麵比較辣，不吃辣的朋友可能要叫店員少辣。2) "淥易搞"(⭐⭐⭐⭐💢):然後便到萬眾期待的淥易搞。我們選了青口，吊桶，雞肉片，粟米和薯仔，配上蒜蓉醬。青口一份28元有四至五隻，大隻而肉厚，比較攪攪麵的青口更為大隻，配上蒜蓉醬十分惹味。另

看雜誌見到太子有間新開的shake shake海鮮店, 今日lunch來這裡一試。海鮮蕃茄薯仔湯麵$40這裡的午餐只是四十來元, 包飲品, 都幾實惠。叫了喜歡的蕃茄薯仔湯麵, 湯沒有令我失望, 有家的感覺, 可以喝光, 可惜今天海鮮來貨有問題, 只有青口、吊桶、蟹柳供應, 青口味道都新鮮, 其餘就普通, 麵質不過不失。凍檸茶很少飲凍野, 但今天真是好熱, 破戒一下, 叫了少冰, 忘了少甜, 稍甜少少, 下次少甜更好, 紅茶味濃郁對版。shake shake龍蝦+蔬菜每款蔬菜十元上下, 揀了幾款, 店員提議用蒜蓉醬, 煮完加了醬, 放入耐熱袋在客面前shake shake, 再焗一陣, 就可以開來食。打開香噴噴, 充滿蒜蓉同牛油香, 蒜蓉份量十分多, 喜歡蒜蓉的就開心了。大部分海鮮都是每天運到的, 今天運送有問題, 就只好吃龍蝦, 原本以為龍蝦是雪藏所以什麼時候都有, 但食落出奇的新鮮, 口感好soft好鮮味, 殼都破開了, 分了細件, 吃得容易, 如能提供手套/濕紙巾就更好。後來見到, 原來有個缸養住新鮮龍蝦, 怪不得了。蔬菜選了椰菜花、粟米、雞比菇、薯仔、娃娃菜、西芹、金菇等, 很豐

我今晚點七樣海鮮，但紋身員工一句「喂，帶子、象拔蚌，蟶子無，叫過第二樣。」無程黑口黑面，改完再俾翻落單紙佢，5分鐘後，汽水無芬達，得可樂同雪碧。都係黑口黑面。食物嚟到，漏單，有雞肉同蟹柳無放入去。同另一位侍應生講，請佢跟跟，食完都無回應。再同另一位四眼姨姨講，佢好冷靜咁講「哦！佢執錯咗。」等等俾翻你一陣黑口黑面既哥哥俾一個碗我今次醒目，即望。唉，仲係漏蟹柳再要搵應該係老闆既人講（全場佢最好禮貌），跟住又係講補翻俾你但我想講我飽嘞，因為一肚氣。

又俾個friend搵到間好嘢😋 位於太子既淥易搞~ 綠色招牌夠醒神~入到去見到有幅牆大大個Shaking正是呢度嘅賣點😏 首先揀好食物， 食物竟然有游緊水嘅海鮮😰 價錢仲要唔貴亦有其他肉類、蔬菜， 我哋兩個人揀咗大概七樣野食， 再加多個麵同薄餅~俾埋膠手套你可以用手拎嚟食，夠曬原始風味😋我哋今次揀嘅係茄辣醬,但其實唔係好辣,甜甜酸酸醒胃👍 下次可以試下佢個青檸醬，應該好有泰國feel~ 啲醬夠曬多~可以撈埋個麵同放上薄餅度食都仲有淨， 而且價錢唔貴，200蚊有找😏

朋友推介一間係太子新開嘅餐廳「淥易搞」，即刻訂定位去食餐正嘅，果然冇介紹錯！呢度以shaking food為主題，將食物同醬汁shake過先至食，好特別！因為想食下海鮮，我地點咗帶子、大蜆、青口、吊桶、西芹，配青檸醬。餐廳先將生猛嘅海鮮用上湯淥熟，再加青檸醬放入膠袋，由店員幫手搖動，shake到均勻，靜置30秒就食得。Shake完非常入味！大大粒嘅海鮮沾滿醬汁，青檸醬入口酸酸地，好開胃，之後開始有辣味，刺激住嘴唇同舌頭，係非一般嘅享受。數量大概係帶子2粒、大蜆8粒、青口4粒、吊桶6粒。我地仲叫咗一份法式麵包，有四件，好香好脆，可以蘸d青檸醬汁黎食。見menu嘅特飲名改得好好聽，同餐廳意念「搖」有關，問過店員先知：「搖情牽繫」係士多啤梨味、「神搖意亂」係鳳梨味、「心弦搖動」係荔枝味、「魄蕩魂搖」係水蜜桃味。我地叫咗鳳梨同水蜜桃，顏色好似>_<，飲完好清涼。記得食之前，着定圍裙，戴定手套，咁就唔驚整污糟啦。餐廳門前有當日供應嘅生猛海鮮，可以睇過再點。shake過嘅海鮮好惹味，呢種飲食體驗好新奇，值得一試！