影片
更多
2021-03-26
14 浏览
早幾日睇左份週刊，介紹荃灣好去處，當中提到「OP Mall 海之戀商場」，原來入面有好多值得一逛的店舖。講起上嚟其實都覺得自己好大鄉里，個商場開左咁耐，一直未嚟過。見今日有人話自己得閒，可以陪我過去行下，即刻攞左半日假，一於先吃午飯，然後再去 Shopping。在場內行了一圈，有人即刻睇中左呢間由藝人李家鼎 (鼎爺) 所開設的食肆「鼎家喜筷」。餐廳走年輕人路線，店內外都有唔少鼎爺嘅 Q 版肖像，滿佈不同角落，樣子和藹可親，令人留下深刻的印象。先看餐牌，食物以大眾化的港式燒味為主，另外亦有點心、小食、鍋飯定食、足料靚湯、茶飲及甜品等供應。我哋點左火焰黑豚腩叉燒、兩個燒味飯 同 一客甜品，每個燒味飯都會配沙律同指定熱飲一杯。沙律用料新鮮，內有車厘茄、粟米粒和沙律菜，配上胡麻醬汁，清新開胃。先吃原隻柑橘燒鵝髀飯 ($128)，燒鵝採用鮮橙、檸檬和青檸等新鮮水果醃製，鮮果嘅果香完全滲入鵝肉中。鵝肉食落好鬆化，肉嫩又不過肥，而且入口完全無鵝羶味。吃時可先沾少許以鮮橙熬製嘅鼎家手工柑橘醬，入口充滿果香，清而不膩。至於另一碟男人終極浪漫原條燒腩飯 ($99) 亦很值得一試。腩仔原條上，外皮十分香脆，
講起上嚟其實都覺得自己好大鄉里，個商場開左咁耐，一直未嚟過。見今日有人話自己得閒，可以陪我過去行下，即刻攞左半日假，一於先吃午飯，然後再去 Shopping。
在場內行了一圈，有人即刻睇中左呢間由藝人李家鼎 (鼎爺) 所開設的食肆「鼎家喜筷」。
餐廳走年輕人路線，店內外都有唔少鼎爺嘅 Q 版肖像，滿佈不同角落，樣子和藹可親，令人留下深刻的印象。
先看餐牌，食物以大眾化的港式燒味為主，另外亦有點心、小食、鍋飯定食、足料靚湯、茶飲及甜品等供應。
我哋點左火焰黑豚腩叉燒、兩個燒味飯 同 一客甜品，每個燒味飯都會配沙律同指定熱飲一杯。沙律用料新鮮，內有車厘茄、粟米粒和沙律菜，配上胡麻醬汁，清新開胃。
先吃原隻柑橘燒鵝髀飯 ($128)，燒鵝採用鮮橙、檸檬和青檸等新鮮水果醃製，鮮果嘅果香完全滲入鵝肉中。鵝肉食落好鬆化，肉嫩又不過肥，而且入口完全無鵝羶味。吃時可先沾少許以鮮橙熬製嘅鼎家手工柑橘醬，入口充滿果香，清而不膩。
至於另一碟男人終極浪漫原條燒腩飯 ($99) 亦很值得一試。腩仔原條上，外皮十分香脆，腩肉肥瘦相間，層層分明，肉質腍而不散，而且味道醃得啱啱好，唔會過鹹搶走肉味，確係出色！
接著送上的火焰黑豚腩叉燒 ($148) 亦好有驚喜，叉燒用小火爐承托著上桌。店員先替我們點火，然後把切成厚片的叉燒兩邊不停來回反轉。急不及待挾了一件品嚐，肉質好鬆化，既軟綿又多汁，色香味俱全。
跟飯飲品點左馬騮搣烏龍芝士奶蓋 (+$28) 同 芒果沙冰 (+$28)，奶蓋芝士味濃，Creamy 夠滑，富奶香，茶底甜度剛好。沙冰用料十足，內有不少超甜芒果肉，冰涼又解渴。
甜品點左鮮果窩夫 ($68) 窩夫外脆內軟，咬落口感十足，面頭的北海道 5.0 牛奶雪糕亦唔輸蝕，牛乳味超強，與熱辣辣的窩夫互相衝擊，感覺截然不同，食完真係勁滿足。
张贴
