影片
更多
2021-03-26
28 浏览
李家鼎，我細細個就聽過呢個名啦。最有印象唔係因為佢煮飯好食，原因係以前聽電台艾粒嘅節目萬世巨星，有個角色叫「凍加力鼎」，而佢地都有講解返角色設定靈感來自李家鼎先生。自從睇過鼎爺嘅煮食節目，令我大開眼界，原來平時喺身邊嘅人都有機會係卧虎藏龍身懷絕技。而今次拜訪用佢做生招牌嘅餐廳，未食已經加咗分，令我滿心期待。餐廳位於荃灣海之戀商場，地方聽落有點兒隔涉但其實交通方便，而且好多新餐廳都會喺荃灣開店試水溫，所以就造就咗今時今日食肆林立嘅景況。一上完扶手梯最頂層轉右就見到，一見到卡通版鼎爺就知冇去錯地方，餐廳光猛開揚而且睇得出有落過功夫用心設計裝修同菜單。鼎家柑橘燒鵝孖寶飯燒味飯俾人嘅感覺就係千篇一律，只要燒味部分做得好就足夠。而作為餐廳嘅推介item，就一於試試。燒鵝作先鋒主打，而另外一款燒味選擇咗切雞胸。切雞方面正常發揮，值得一讚嘅係燒鵝非常高質，表皮燒得薄脆，肉質鮮嫩而且Juicy， 酸梅醬取而代之嘅係獨家秘製嘅柑橘醬，口感比起酸梅醬更清新。啖啖果香伴隨香濃嘅燒鵝肉汁層次感十足！招牌溫泉蛋四寶飯四寶飯配鹹蛋就聽得多，溫泉蛋燒味飯就真係第一次聽。燒腩仔，燒鵝同叉燒呢個組個絕對冇得輸。燒鵝皮薄
李家鼎，我細細個就聽過呢個名啦。最有印象唔係因為佢煮飯好食，原因係以前聽電台艾粒嘅節目萬世巨星，有個角色叫「凍加力鼎」，而佢地都有講解返角色設定靈感來自李家鼎先生。
自從睇過鼎爺嘅煮食節目，令我大開眼界，原來平時喺身邊嘅人都有機會係卧虎藏龍身懷絕技。而今次拜訪用佢做生招牌嘅餐廳，未食已經加咗分，令我滿心期待。
餐廳位於荃灣海之戀商場，地方聽落有點兒隔涉但其實交通方便，而且好多新餐廳都會喺荃灣開店試水溫，所以就造就咗今時今日食肆林立嘅景況。
一上完扶手梯最頂層轉右就見到，一見到卡通版鼎爺就知冇去錯地方，餐廳光猛開揚而且睇得出有落過功夫用心設計裝修同菜單。
鼎家柑橘燒鵝孖寶飯
燒味飯俾人嘅感覺就係千篇一律，只要燒味部分做得好就足夠。而作為餐廳嘅推介item，就一於試試。燒鵝作先鋒主打，而另外一款燒味選擇咗切雞胸。切雞方面正常發揮，值得一讚嘅係燒鵝非常高質，表皮燒得薄脆，肉質鮮嫩而且Juicy， 酸梅醬取而代之嘅係獨家秘製嘅柑橘醬，口感比起酸梅醬更清新。啖啖果香伴隨香濃嘅燒鵝肉汁層次感十足！
招牌溫泉蛋四寶飯
四寶飯配鹹蛋就聽得多，溫泉蛋燒味飯就真係第一次聽。燒腩仔，燒鵝同叉燒呢個組個絕對冇得輸。燒鵝皮薄多汁，一嚿接一嚿好難停口。叉燒肥瘦同上色都非常均衡，而且唔會出現over cook嘅情況，肉質口感鮮嫩，近中間位置亦非常入味唔會有乾爭爭嘅感覺。燒腩仔絕對係一大亮點。食燒腩一定係要連皮食，唔脆就已經唔合格。而鼎家嘅燒腩皮脆而且唔油，肉同脂肪分布平均，啖啖肉之餘仲要油香洋溢。
火焰黑豚腩叉燒
呢個可以話係鼎家喜筷嘅誠意之作，上菜時已經感受到何謂色香味俱全。黑豚腩叉燒用上網燒嘅形式呈上，燒肉香味撲鼻再望住黑豚腩叉燒經過火焰高溫嘅歷煉，呢道菜絕對滿足視、嗅、味覺三大食好西要素。將熱辣辣香噴噴嘅黑豚腩叉燒放入口，感覺係似食緊一粒叉燒味嘅綿花糖。蜜汁嘅糖衣包裹住半肥瘦嘅黑豚腩，而肥膏嘅部分經過火焰嘅熱力而變成半溶狀態，入口即溶嘅感覺令人回味。
奶蓋鐵觀音
薄荷檸檬蝶豆花茶
同朋友分別叫咗兩款喜怡少少嘅茶以解油膩感。奶蓋鐵觀音嘅甜度適中，茶味香濃唔會俾奶蓋搶味道。
薄荷檸檬蝶豆花茶相比下更清新，外觀呈紫藍漸層色賣相吸引。味道偏清香且酸，喜歡酸味食品嘅絕對唔可以錯過。
脆香蜜糖吐司配北海道5.0牛乳雪糕
絕對有驚喜嘅一客甜品，吐司能夠做到外層鬆脆內裡軟林林，配搭北海道牛乳雪糕，香濃嘅牛奶同吐司味，每一啖都係極致嘅享受。
张贴
