鼎家喜筷 (已結業)

鼎爺出名煮嘢食了得，而好耐之前都知道佢嘅私房菜一啲都唔平，所以一直都未試過。最近佢嘅新餐廳進駐咗荃灣海之戀，餐廳主打年輕路線，食物以燒味為主，亦有其他菜式供應，每逢假日經過都會見到很多食客用餐。啱啱過咗嘅星期六，屋企冇人煮飯，我就提議不如試吓，價錢果然相對親民，食物類型亦都大眾化。點了數款店員推介的食物，質素確實有保證！👆温泉蛋四寶飯，燒味味濃好食，义燒鬆化，肉脂比例均勻，鵝嫰滑，燒腩皮脆，仲有沙律同飲品。.火熖义燒，賣相已經以特色取勝，鬆脆外層加上义燒面有蜜味，回味無窮。.白汁魚柳，最怕炸到油lum lum，但係呢度就冇咗呢個問題，表面金黃色，外脆魚內滑，魚肉仲要唔係好薄好碎嘅貨。.飲品同甜品嘅選擇可以媲美Cafe，我哋叫咗鮮果花茶，好抵只係28蚊，唔落蜜糖都好飲，水果嘅清甜仲可以消滯。鮮果窩夫係唔少人鍾意打卡嘅甜品，窩夫新鮮焗製，香脆微暖，放上生果生色不少！整體黎說，呢間算係一間親民嘅高質茶餐廳，價錢唔貴之餘仲坐得舒服，推介！