麵鮮醬油房周月 (海光街)

营业中

休息中

又很久冇黎食。。因佢始終在午飯時間超多人。。今日好彩有兩個位。。即刻叫番碗周月沾麵。。同事食得 辣。叫個辣沾麵周月沾麵。。今次揀咗淡醬汁。。配300g 冷麵。。有半隻蛋。。醬汁味道適中。吾太肥膩。。麵身亦軟硬適中。。最重要冇某D拉麵有個種粉粉地口感。。正。。保持水準辣沾麵。。同事話天氣太熱。。下次打死都吾再食。。 辣到飆汗基本上周月水準一向保持到。。唯一要彈係。。佢得D吧枱位。。要快叫快食。。快D走。。大佬。。成$91碗麵。。一放低筷子你就叫客人入坐。。俾我飲埋杯水都得掛。。

雖則說中環好食啲，鰂魚涌其實都好食！唔知大家鍾意食邊類型嘅沾麵？好濃？淡淡地？依倒既沾麵帶啲酸味，我覺得唔會個個都鍾意食，但係就因為咁我覺得呢碗麵唔大眾化，幾有性格。就好似一個有性格嘅人，唔會每一個人都欣賞，但一旦地欣賞佢，你就會欣賞佢每一個細微之處。我鍾意佢酸，所以我欣賞佢嘅味道。一如既往，食沾面都係嗰啲配料，都係日式叉燒啊果啲。。。。佢個面可以選擇大細，最多可以300 g，我揀咗200，我嘅朋友就揀咗300，我諗我下次都會叫300，雖然好多，但好食我會食得晒。

從前響太古坊番工，周不時OT都會落去周月食沾麵。可以講，周月係我第一次食沾麵既餐廳。我每一次黎都係食同一款-周月沾麵，濃湯。食沾麵其實好容易中伏，因為要黎沾麵個湯可能會鹹到腎虧。但係周月呢，就冇呢個感覺喇。深顔色既湯滲透住一陣陣既魚味（唔知呢啲係咪叫鰹魚味？），唔係魚腥果種，個湯入面仲有肥既豚肉粒同荀，除左沾個湯，叫做有啲餸比你咬下。麵既份量有三個選擇比你揀 100g/200g/300g，價錢係一樣既。仲有得比你揀要涼麵定熱上，我就比較喜歡涼麵，感覺冇咁滯。麵條粗身煙靱，好味。食完啲麵後，你可以加啲清湯落本身深色個湯度飲，但我覺得味道怪怪，同埋食完啲麵已經夠飽，所以我好少咁樣飲。

本來一心想試海街丼，點知九點幾去到都排晒長龍，雜誌介紹嘅威力果然係不容小覷😂 唯有喺附近再覓食明知沾麵先係周月嘅招牌，但係偏偏嗰日想食拉麵，所以點咗一個「周月拉麵」。男朋友就叫咗個「燒黑豚沾麵」。周月拉麵湯底好濃味，雖然話以醬油為基調，不過與此同時都好重沙丁魚同鯖魚味。個人本來唔好魚味，呢個出奇地可以☺️ 最後的確出現其他人所講: 重口味到滯嘅情況... 至於沾麵，湯底係特別嘅鹹酸味，個人認為頗開胃。無論係100g 200g定係300g 麵量都係同一價錢，照顧晒雀仔胃到大胃王嘅需要~

星期5食好啲...辛苦咗5日, 緊係想食啲Comfort Food, 而我嘅Comfort Food就係麵, 餃子.綜合各方意見, 今日去食咗沾麵作為我嘅lunch.周月沾麵 - $89濃汁 - 沾麵汁有分濃 / 淡, 重口味的我係必定試濃味的, 味道為偏濃的醬汁味...帶微酸, 醬油部份用上日本老字號「梶田商店」的巽醬油, 再加上魚介粉.沾麵汁內收藏著角切鹿兒島燒黑豚肉、脆筍、香蔥...其中燒黑豚肉係我最想念周月的其中一個原因, 半肥瘦的黑豚肉, 經燒過後本來又肥又膩的位置, 變得香口而且油脂滲透整片豚肉涼麵200g - 麵條係我鍾意的粗麵, 軟硬度不設選擇, 我喜歡麵條較硬的口感, 掛湯能力亦較滿意, 所以選了 “冷麵”.味付 - 溏心蛋的威力本來就不用質疑, 最欣賞那透徹的橙色蛋黃...朋友還要額外多加一隻.食完有一種好滿足的感覺, 之後隔幾日又好想再去食

中環的周月一向也是熱門用餐地點，每次到訪中環，9成會到周月用膳，每次水準都能夠保持一向都得悉周月在鰂魚涌有分店，但礙於地區問題，一直沒有機會到訪。這間分店大小與中環的無異，但這裡以bar枱為主，座位好像比中環少。雖然周月有其他麵食，但每次都必會點沾麵！這次點了200g熱麵，麵質一如既往的有咬口，不會過淋，粗麵條的掛湯能力一流！其實湯底有點酸味，對於喜愛豬骨湯的客人可能會不喜歡的，但以沾麵來說，周月真的是水準以上！

星期六下午 天陰大風，個人想食熱辣辣的東西湯麵係唔錯的選擇但附近幾條街 都係雲吞麵。。。星期六應該食d好野 所以行了幾條街去食拉麵係咪什麼年度推介不重要，重要的係我在日本食過他的姊妹店 ！食過一次 講足幾年 說以這天又要回味兩個人去 一個叫周月拉麵 一個叫周月沾麵湯和汁 都係淡 沾麵就要凍麵拉麵配叉燒 沾麵汁就配一粒粒的肥叉兩個都有蛋和筍乾拉麵湯無沾麵汁咁濃和酸沾麵汁除了有d帆立貝油在面 味道偏酸 和魚介味  好開胃 不是平時那些 偏甜，傑 和鰹魚味我一人食完一份中間size 的麵 都唔會滯d 沾麵好粗 但保持鬼佬正中al dente 的口感最後要加清雞湯 飲埋d麵湯 我加落朋友的拉麵湯裡 雞湯再一次溝淡湯底 好容易入口 和d 雞湯好熱 飲完個人好舒服呢 不過記得上次好似有好多帆立貝碎留在碗底 今次無gie？

horrible service, told us to line up outside when there are seats available inside and even the other guests told us that we should just go in. unreasonable and just wanted to create an illusion of having a line outside their shop. ridiculous

週日早上望完彌撒，見天清氣朗就同甜心兒拍拖拖，由灣仔沿著電車軌往北角方向慢慢散步。大概行咗一個鐘頭左右，兩口子終於覺得餓，所以就走咗入啲橫街度覓食，隨緣地就揀咗間成條街最旺o既「麵鮮醬油房周月」食晏。一如其他日式麵檔咁，散座全部都圍繞著中央個開放式廚房。餐具、茶水及點菜全為自助式。可能見二人有選擇困難症啦，友善o既哥哥仔喺清理餐桌時仲主動上前推介招牌沾麵及其食用方法，認真體貼。小肥同情人最終就決定分個300g濃湯熱沾麵，另加個關東煮牛筋。關東煮牛筋（$52）：熱辣辣o既牛筋香滑甜濃，軟腍彈牙，非常美味。周月沾麵（$89）：招牌沾麵上枱時真係出哂煙架，証明麵條當真新鮮煮熟。300g麵條成咗小山咁高，甚有睇頭。另上o既濃湯汁液呈深啡色，淨飲真係都幾咸吓。不過跟指示將粗粗o既麵條浸入濃湯後食用，麵條入口時仍可保持煙韌彈牙o既同時，輕輕沾上濃郁o既湯汁後調味又唔會過火，食落毫不油膩，掂呀！食完哂300g沾麵後，哥哥仔隨即送上雞湯一壺，教路話傳統食法係將雞湯加入濃湯入面溝稀黎飲。小肥因腸胃炎未清，下個星期仲要出門，女友叮囑下亦唔敢亂試。午飯後小情人又再次拖起手仔，由鰂魚涌漫步回灣仔，這個週日可以

麵鮮醬油房周月 - 從名字的起源中已經看得出店家是出售每天新鮮自家製手作的拉麵和秘製的醬油湯底為名的拉麵店。這家由2014-17 都能夠獲得米芝連推介自有其獨特之處，今天便一嚐他們的鮮製拉麵和醬油湯底。從餐牌看，這裏除了提供拉麵、沾麵，還有一款比較少見的乾撈麵 - 海老油.麵 （鰂魚涌店限定）沾麺：▪️周月沾麵▪️香辣沾麵拉麵：▪️周月拉麵▪️燒黑豚拉麵▪️香葱拉麵▪️塩味拉麵撈麵▪️海老油.麵 （鰂魚涌店限定）我們一行三人，決定每人叫一款。海老油.麵 （$89）👍👍👍👍這個麵只有鰂魚涌分店供應，當然要試試。麵是粗麵，上面舖了角切鹿兒島黑豚肉、櫻花蝦、脆荀、蔥粒和芽菜。食之前，還要打一隻生雞蛋拌勻來吃，還有一樽醤油和白醋可自行調味。拌勻後，可以吃到櫻花蝦的鹹香、醬油的鹹鮮、白醋的酸味、雞蛋的香滑，拌勻粗粗的麵條，每一口都充滿材料混合後的味覺衝擊，我個人喜歡落多一點醋來平衡櫻花蝦的鹹香味道。周月沾麵（$89）👍👍👍👍沾麺同樣是自家製手作粗麵，同一價錢可以選擇三種份量: 並盛（100g)、中盛（200g)、特盛（300g)。我們選了特盛（300g), 附鹿兒島角切黑豚肉、脆荀、味玉和香葱。湯底是用百年木

是時候《周月》了，至從上次在教父團年認識了一位 KOL 之後，時不時就會被他的《周月》拉麵洗版。他永遠都會 hasgtag 一句 #是時候周月了 搞到我成日心思思，要去《周月》一試。由於我只有 lunch time 可以去，我怕排隊，有時又遇上有野做，突然有約，天氣不好，及另外 plan 了有其他目標等等。總之，日日到想《周月》但日日都不是是時候周月。某日，我終於覺得時候周月了，怕排隊的我沒有去上環店，反而先去拜訪鰂魚涌的分店。 一點鐘來到，縱使鰂魚涌店是比較少人去的，但都要在門口等一下。不過，不需要等太耐就有位了。不過，排隊時有一個小插曲，就是排我前面的女士介意兩天，我亦沒有為意她有少少故意俾左個 wrong signal 給店員，以為我同佢是一齊的。第一次來《周月》，當然是試他們的醬油沾麵。店員建議我點 200g 既麵，我後知我後覺才知道是沒有替玉的，早知道這一點就叫足 300g。100g, 200g, 300g 同樣價錢的。 醬油沾湯，雖有一層很厚很厚的油，但入口完全不覺肥膩。沾湯內的豚腩肉，是美味的來源。肥美的腩肉，肉腍，肥肉厚，有入口即溶的美妙感覺。湯汁沾上麵條後，甜甜的，有

其實自己本身麻麻地拉麵，不過一見到拉麵又忍唔住想去試😂點解會咁架🙄坐位可以可以俾客人掛住個袋^_^周月拉麵，好似都頗為出名既一間，試左佢既🔥周月沾麵Hkd 89 💰份量可以什你自由選擇 100g 200g 300g 咁就唔怕食唔晒/食唔飽啦～都係同一個價錢😀 味道方面沾醬好似有啲淡但食落又會有味咁😂好神奇...好中意佢啲面夠硬身又彈牙！有咬口更好味😍佢既味玉都做得唔錯～甜甜的流心效果一流👍🏿可惜食到最後因爲湯底關係感覺都會偏油膩😭都叫左個小食🔥餃子 hkd45 💰我個人覺得同普通出面既煎餃冇乜特別😂想食小食可選其他～🔥白桃汁 hkd28💰呢個桃汁冇得輸呀！大家要必叫！包裝令之魚，佢入面真係淡淡桃肉🤤好飲到癲！桃感up呀！最有誠意既果汁

其實我真的第一次試沾麵，就是周月。這間是朋友介紹我去試的。店舖格局都似日式拉麵店，不過就不會有板隔住人與人之間的距離食麵想傾計都不用伸個頭出塊板。我點了原味沾麵，濃味，熱麵。300g!!我超級愛味付糖心蛋。我覺得味道可以再濃多少少，入味再多點就完美。好想再食啊。麵質好有口感，粗幼度來說都適中。湯就好濃味同都幾肥，因為有好多即燒肥豬肉放入個湯。好邪惡，但就係好味。湯底不算咸的，我覺得有點鰻魚燒汁加了入湯。但又會食落有點酸味，咸咸少少酸酸又有少少甜味，我認為味道來說是豐富的。最後，朋友覺得我點會食得到，結果，我完全食哂，食過翻尋味，我下次都會再食呀!!沾沾沾,萬藏！不過，下次我會食淡湯！濃湯食時享受，食完就非常口渴....

日式拉麵真是好好吃，相信大家會同意，原因之一在於濃郁的湯頭，其次是新鮮做的麵條，香港人比較喜歡豬骨濃湯及有少少變奏的雞、蔬菜或魚介混合品，用以調節濃淡之味。 其實日本亦非常流行麵鼓及醬油湯底的，例如以沾麵及醬油湯頭聞名的麵鮮醬油房周月，在我公司附近有一家，這個夏日，我共光顧了三次，吃了三款不同的麵，沾麵、拉麵及沙律冷拌麵。 論湯頭，確實醬油味香郁，說是長時間慢火烹成，主要材料是沙丁魚、鯖花魚、海帶及特別調製之醬油，理論上應該滋味，但我覺得過鹹，太鼓油了，並非鹽香，蓋過滋味感，可能醬油始終非我杯茶，又記得旅遊時見識過四國人的口味，的確偏鹹；而且以魚為主的煲材料似乎出奇的膩，特別調製之醬油，對不起，我不太欣賞！ 講到肉，並非瘦叉燒已有進步，但選用之五花腩，實在肥得過份，尤其吃沾麵的一次，肥肉較瘦肉比例上更多，令湯頭亦變得膩，雖然已烤過，無補膩感。 但麵質方面又真是不錯，吃得出新鮮，順柔有彈性，粗身長而扎實，有水準。 溫泉蛋，流心香滑，沒有投訴。 因此，頭兩款麵給予我的印象麻麻，想不到最後，一碗夏日特定的沙律冷拌麵，重拾對周月的心。詳情如下： 周月麵鮮醬油房，傳統麵店的門面，甫進店內，

試過沾麵同拉麵。老實說，拉麵比較普通；而沾麵選了淡湯後，仍很重鹹味。鹹味蓋過了本身湯應有的鮮味，麵質彈性高，味道還可以，所以說恨鐵不成鋼。好吃的沾麵在香港還有其他好選擇。