麵鮮醬油房周月 (海光街)

营业中

休息中

從前響太古坊番工，周不時OT都會落去周月食沾麵。可以講，周月係我第一次食沾麵既餐廳。我每一次黎都係食同一款-周月沾麵，濃湯。食沾麵其實好容易中伏，因為要黎沾麵個湯可能會鹹到腎虧。但係周月呢，就冇呢個感覺喇。深顔色既湯滲透住一陣陣既魚味（唔知呢啲係咪叫鰹魚味？），唔係魚腥果種，個湯入面仲有肥既豚肉粒同荀，除左沾個湯，叫做有啲餸比你咬下。麵既份量有三個選擇比你揀 100g/200g/300g，價錢係一樣既。仲有得比你揀要涼麵定熱上，我就比較喜歡涼麵，感覺冇咁滯。麵條粗身煙靱，好味。食完啲麵後，你可以加啲清湯落本身深色個湯度飲，但我覺得味道怪怪，同埋食完啲麵已經夠飽，所以我好少咁樣飲。