魚滑粥粉麵茶餐廳 (已結業)

誰可匹敵既粥底呀 ~什錦粥，及第皮蛋瘦肉田雞滑雞魚雲泥鯭粥，超級豐富呀，雜得黎又味道鮮甜可口，好味道。最緊要個粥底保持高水準，足料棉滑香甜無味精無欺場，太好味喇。豬什、豬潤、粉腸都新鮮嫰滑彈牙爽甜、泥鯭魚雲既新鮮亦啖啖肉又魚味濃又嫰滑、田雞同滑雞肉質彈牙多汁又鮮味，不得了、無得彈。

零晨兩點幾想食點宵夜，好采仲趕得切叫碗粥食，見佢地已經收緊檔，而且好多靚料已經賣晒，無咩選擇，咁唯有叫個什錦粥，麻煩師父幫我操刀喇 ~什錦粥，及第、滑雞、田雞、魚片肉片等。生滾粥最最最緊要係個粥底，到現時為止，我食勻港九新界，此店粥底為真材實料餚製，既棉且滑，香甜鮮味，絕對係秘製，係我試過最好味既一間。唔以得其他粥店用味精、雞粉或白粥底就算，馬馬虎虎。生料新鮮美味，應嫰得嫰、應爽得爽，無得彈既粥品。

大年初二, 要到太太外婆家拜年. 我們在西貢家吃完開年飯才出門. 特登早一點來, 放低阿B. 二人輕鬆一點先找個店吃下午茶, 再去遊一遊車河. 出發前, 就近近地係大埔舊墟找家店吃個下午茶, 才駒車郊遊.開門的店不多, 找找看看, 見這一家人多就不理三七二十一, 入來吃下午茶. 坐低, 原來新年頭所以套餐暫停. 新年頭, 人家生意與隆嘛, 我們就散叫吧. 不怪. 叫了姐仔來, 點下餐, 再看回檯上的結賬單仔. 為何價錢跟餐牌有出入既.....想找個姐仔問問時, 回頭一看, 牆上大字報列明了, "新春期間, 所有套餐暫停, 所有食品飲品加$2."...... 新年....生意與隆嘛......我們預左中招, 但因為比較少係大年初一、二出街, 沒有預計過原來新年幾日, 加價係加得咁勁既.散叫, 我叫了一個豬潤腸, 太太就乾乾的, 一份鮮油多. 這兒以魚蛋, 以及粥粉麵為主打, 有粥自然有油器, 有粥順帶也會做埋腸粉. 而百潤腸, 就是茶樓未必有的大排檔野. 這個腸粉, 皮比較厚, 不夠細緻滑溜, 腸粉蒸過了少少. 本來呢, 腸粉蒸幾耐都得, 可是餡料是豬潤, 太熟, 會變得粉口, 不夠熟

平時去開陳漢記, 今日食下魚滑先豬潤雞粥- 用料新觧,豬潤爽爽, 厚厚的,鮮雞入口很滑溜, 加上很多薑絲配合, 又可減低單調感覺 豬腰雞粥- 豬腰也厚厚的, 沒有壓味, 感覺健康蜆介鯪魚球- 喜喜炸到皮曲曲的, 很彈牙, 配合有薑絲蜆介醬, 我都是第一次試到這個新鮮配搭, 咸中帶辣, 不錯呀白灼金菇肥牛- 佈滿金菇與肥牛溶為一體, 入口平均, 份量很足

今晚又係未食野就開波飲酒，飲飲吓已半醉，點都要醫醫肚先，唔係堅持唔到落去 ~ 但叫得太多野，想好食，照單全收歸胃中，飽到嘔 ~齋腸粉配甜辣醬花生醬芝麻及豉油，口感又滑又棉、又有米香。好食過好多街邊腸粉工場貨，唔會硬屈屈或硬實實，新鮮即拉真係差好遠架 ﹗又嫰又滑，無得比 ﹗蠔油菜芯走油，今次真係超嫰、超爽、超多水，半點渣都無。平時大多有渣，所以我每次都會留返啲莖唔食，但今次成碟清晒，連莖都食埋，一條不留呀。淨牛腩河走蔥，見到功架保持高水準，棉滑熱騰騰河粉，吸收晒牛腩既精華。鬆化入味柱侯牛腩，口感軟棉，食極唔夠 ﹗

今晚好晏先放到工，返到大埔都成九點，想落吧舒緩舒緩，之前食啲野先 ~蠔油菜芯走油，始終係比較鞋口，有好微好微既渣囉，真係唔夠嫰喎，如果夠嫰的話，我係可以整碟食晒無剩架，依家成日都食剩啲莖係度，好浪費，但我都唔想架麻。淨牛腩走油走蔥，今晚粥粉麵飯都唔想食，咁淨食肉啦。阿姐仲擔心我食唔晒，我話少擔心啦，都知我一向勁大食，仲要係食肉添，點會有得剩呀。味道同口感都保持頂級水準，牛腩勁入味，又軟棉又鬆化，腩汁香濃。墊底既生菜超爽嫰，索埋腩汁，正。

突然好想食河粉，雖然減磅中，但始終食對我黎講係最重要既，最多食完再加倍努力啦 ~淨牛腩河走蔥，我最鍾意依道啲河粉夠晒熱辣辣、河粉煮得耐夠晒棉滑又索晒湯既精華，但今日師父失手喎，煮得過火、太腍喇，變左麵粉味呢。牛腩炆得入味且絕對口感鬆軟，保持水準，加埋濃郁既牛腩湯底，正﹗

朋友放假，相約食個飯、飲野打枱波。咁就酒吧對面間麵檔啦，夠近又快，底食又好味 ~腐乳通菜，夠新鮮爽口，灼得剛好，已足夠。淨牛腩及第河粉走蔥，都話走蔥咯，又唔記得呀。全部豬內臟乾淨新鮮，粉腸夠粉口又彈牙無苦澀味。豬潤雖未靚到起沙，但鮮甜爽口，豬心豬肚亦都好鮮味。柱侯牛腩當然保持一定水準啦，腍滑入味。河粉煮得夠耐，又棉又滑，唔會好似其他麵檔咁硬身。咸魚肉片田雞煲仔飯，係上等既霉香咸魚，入口即熔，正。最衰依度唔賣肉餅，如果唔係仲好食。肉片出奇地嫰滑又醃得好入味，豬肉味濃，田雞肉鮮美味。跟師父要求煲夠廿分鐘以上，飯乾身、嚥靭又香口，撈埋清香甜豉油，好好味 ﹗雲吞淨牛腩撈粗走蔥，粗麵爽口滑溜，烚得軟硬適中。腩汁香濃，撈麵一流，已經唔洗再加蠔油添味。生菜浸清湯上，熱辣辣，新鮮灼菜，爽口又充滿水份。雲吞大眾化口味，無咩特別，蝦爽豬肉味濃。淨牛腩伊麵走蔥，伊麵煮得恰到好處，嚥嚥靭靭，唔會過腍，又唔會發脹，口感一流。柱侯牛腩炆得入味鬆軟，正 ﹗香濃腩汁湯底，真係忍唔住要飲多幾啖。

悶悶地，晨早就到 After 5 空住肚飲酒，唔夠兩個鐘真係頂唔緊，真係要衝去對面魚滑求其倒碗麵落肚先得，食左先講，依肚要緊 ~淨牛腩麵，香濃既腩汁，每次都忍唔住要飲晒啲湯，幸好真材實料無味精，一滴不留 ﹗粗麵彈牙爽滑，配埋熱勝勝既湯底，超正。柱侯牛腩，入味腍滑，食極唔夠，越食越想食，好采今次無瘦肉啫 ﹗食飽回歸再飲過 ~

厚西多士 嘩...真係好厚架...!!!係2塊厚多士叠埋呀...店員拎過黎...隔離台見到都嗶左聲呀...炸得金黃色的...好香口咁呀...一刀切下去...好軟...裡面有d氣咁呀...不過又唔係真空喎...脹卜卜時真係好attractive 呀...牛油好似唔係好夠...因sixe太大了? 相對到多片牛油???個糖漿都係...落左好多...都唔係好甜..開稀左???overall...好睇唔好食...好淡的...冇旦冇花生香... 紅豆冰 用花奶咋...仲係好淡的... 就好似奶水的...紅豆冇沙...還好仲幾淋...佢有個餐...好抵架...5樣野食+野飲...都係26$咋!!!

忙左成日好鬼餓，晏晝只係食左少少粥少少炒麵，放工即餓住衝返大埔，好想食個熱辣辣既飯，就吔個煲仔飯啦，想食好啲，就餓多陣啦 ~咸魚肉片排骨煲仔飯，勁正既霉香咸魚、排骨肥瘦適中、啖啖肉。比起以前啲肥膏骨頭無肉食好左好多，唔通老細睇到我啲食評？﹗肉片好滑，非常入味。如果無特別指明，一般師父都只會煲十五分鐘，飯較濕及只有一點點飯燋。所以一定要要求乾身，咁會煲上約廿五分鐘，飯更香仲一粒粒乾身，好有口感。有飯燋，仲勁有飯燋香味，正 ﹗甜豉油都好滿意，雖然未到最 top 既境界，仲有空間提升 ﹗白烚菜芯配蠔油，莖部有少少渣，葉部都尚算鮮嫰。我最愛吃最頂頭 1/3 部份，超嫰，好味 ﹗

雲吞淨牛腩撈麵，啲菜浸係熱燙燙既湯我最喜歡。撈麵夠份量，啱晒大胃皇。只需用香濃腩汁撈埋已經好夠味，麵爽口彈牙，煮得剛好。又係依度既柱侯牛腩做主角，食極唔厭，味濃腍滑，雖然間中都有失手，但質量係非常穏定既﹗一口雲吞，鮮蝦爽口，豬肉味濃，好味﹗鮮牛鯪魚球麵，鮮鯪魚球大大舊、魚味重，彈牙，好味。牛肉片夠晒鮮嫩滑溜。湯底較淡，加啲腩汁，味道一流。雲吞水餃麵，雲吞皮薄餡靚，有完隻鮮蝦仔，夠晒爽、豬肉味濃、無過多肥豬肉。水餃足料，豬肉、木耳等其他配料比例剛好，好食﹗湯較啖，麵粉味重，可以因為剛烚完啲餃掛。鮮鯇魚皮，即生魚皮，脆卜卜，加埋麻油更香。食時將魚皮、薑蔥卷埋，點豉油同吃，好味﹗牛腩魚蛋麵，好特別既魚滑魚蛋，鯪魚味濃、彈牙，口感又滑。柱侯牛腩依舊味香濃、質感腍滑。依度既牛筋腩係不二之選。麵爽、湯濃，正﹗

每日唔知點解咁鬼肚餓，晚飯七點先係尖咀度食左個四寶飯，依家十點左右又想食野，咁求其食個河粉先去飲酒啦 ~淨柱侯牛腩河，我最愛依度煮既河粉，溫度同時間剛好令粉河又棉又滑，但又唔會變得糊口、粉口或碎晒，熱燙燙，吸埋啲香濃腩汁，絕頂好味﹗牛腩炆得入味非常，稍為唔高興係過瘦，唔夠滑，好采味道搭救﹗

今日無食 LUNCH 勁肚餓，又好似好多日無飯落過肚，成日都係食扒食粉麵，今晚想食吓熱辣辣既煲仔飯，所以又落返私人飯堂。一落火車即打電話落單，免得等咁耐，平時一般情況下，煲仔飯只煮十至十五分鐘，咁樣啲飯就會偏濕、痴埋一舊又黏口、唔香又無飯燋。所以一定要要求飯要夠乾身，煮廿十至廿五分鐘先最香、最好食 ~魚湯浸菜芯，無食到，因有幾隻蚊仔係湯度浮浮沉沉，菜芯洗得唔夠乾淨。本來我諗住無所謂，倒左啲湯、揀清楚就照食，不過阿姐話唔好啦，換過第二款菜好啲，見佢咁有心，就接受佢好意換個碗啦。魚湯浸生菜，魚湯唔腥、帶甜、無味精，飲晒一滴不留都唔會頸湯，足料無欺場。生菜新鮮、嫩口、又多，低食。排骨滑雞煲仔飯，見有時間，所以預早打電話落單，咁就唔洗等咁耐，去到就有得食。一般情況都只係煮十至十五分鐘，所以一定要要求飯要夠乾身，煮廿十至廿五分鐘先最香、有飯燋、唔會一舊舊痴淋淋、又唔黏底，淨係豉油撈飯已經食唔停口。豉油香、偏甜、味輕、唔會太咸，恰到好處。滑雞始終骨多無咩肉，多數都係雞翼、雞背同雞胸，講真係有啲失色，食得唔太舒服成口骨同肉質唔夠滑，雞皮就非常滑，可能雞髀肉用作生滾粥料。排骨今次幾滿意，唔太肥可接受、

依度係我常幫親既舖頭，因食物質數唔錯，特別係粥同柱侯牛腩，煲仔飯都幾好 ~咸魚肉片排骨煲仔飯，係霉香咸魚，撈飯一流，肉片爽滑入味，只係排骨經常過肥多骨唔夠軟滑。一向都只係煲約十五分鐘，飯會略濕。我間中有時間都會要求煲夠三十分鐘，咁樣飯就夠乾身又更香口﹗味道係中上級，當然要睇叫咩配料啦 ~ 係大埔食煲仔飯我首選係潮洲小炒 ~柱侯牛腩撈麵，近來啲牛腩越來越瘦，雖然味道暫未走樣，仍然係好味既，但係口感同質量明顯比以前差左。柱侯牛腩粗麵，係大埔黎講依度既牛腩係我最愛，非常香濃既腩汁，每次都忍唔住要勁飲湯，正﹗牛腩肉質軟滑，但有時都會有瘦肉，鞋鞋地，不過味道不變。粗麵爽滑彈牙，完全唔好煮過龍，林碧碧。暫時全港我最愛既柱候牛腩始終都係旺角某間老店﹗