魚滑粥粉麵茶餐廳 (已結業)

其實lunch放學都常常去這間吃記得第一次去試，是男朋友介紹——牛筋腩麵。成碗麵$14好足料，味道都比出面好，是吃過第二好味的牛筋腩麵。之後都試過魚腐，好香魚味，幾彈牙。前兩日sports day，終於試埋最出名的粥。我要的是皮蛋瘦肉粥，料唔算太多，但粥好綿好香米味。另外跟同學share了炸兩和叉燒腸，炸兩還是脆的！正！叉腸相比下就較為失色，覺得茶樓的較好味。但21蚊有粥有腸粉，都抵啦。

呢間野態度差到完全唔可以接受呀!!我永遠唔會再幫襯!學劉華話齋 : 今時今日咁既服務態度未夠架!之前已經試過有類似經歷,一向都唔會幫襯呢間野!唔想貼錢買難受呀!話說今日貪就腳,就姑且抱住"唔會咁黑仔"既心態入左呢間野!下午茶時段,唔太多人!好多位!咁叫左2個下午茶啦!一個係三文治,一個係炸野,坐左足足20分鐘,催左2次,眼見同台另一個食客,明明遲我10分鐘坐低,佢分多士已經到左食完打算打單走人!我真係好火滾!!!先唔好講炸野!點解我件三文治影都無呢??!!!我已經明顯等到黑晒面,催又無用!嬲到爆之下拎住張單埋收銀,同個應該係"老細"講 : 我坐低足足4個字,只係來左杯凍檸茶!其實野我唔要!埋單!佢好似無野咁,完全不理!收我$9杯飲品錢,打發我!!簡直貼錢買難受!我講過一世唔會幫襯呢間衰舖頭!仲會將呢件事同我身邊既大埔街坊講!等大家都知道!佢唔憂做佢既事!態度差就係態度差!!!!Black List x forever!!

呢度既粥真係超好食...而我最愛既就係艇仔粥...只係14蚊一碗..材料又多..而且D花生仲超好食...脆卜卜又香口..炸兩以前我覺得好食D...新鮮熱辣近幾次去食都覺麻麻地...LUM左既油鬼..

四月二十九日時間較為迫切.只有十多分鐘食早餐,來這裏本想食點腸粉,誰不知坐下後又改變主意.叫了一件餐蛋治以及凍檸茶,和侍應說一聲.這裏是食粥粉類的店,但是來食三文治有點奇怪.份量來得不大件,本以為是一般貨式,但食下去發覺得蛋煎得半生熟,它的蛋汁流出來,嫩滑美味,餐肉反觀只是略煎.只是說有什麼優點,因蛋的關係才覺得帶點不平凡,不然的話來得不值得.凍檸茶又是那些下了大量糖水,沒有檸檬味的茶也.十九元來得不便宜,只因做得較好而已,下次還是食點腸粉還實際.食完還有時間回公司

嘩!!!!!!!!真係全大埔最好食既炸魚皮呀!!今日同d fds係大柿埔運動場果邊打完壁球,好肚餓去左附近間魚滑食野+吹水叫左個牛筋腩河加炸魚皮好快就有得食碟炸魚皮勁大碟都係12蚊咋卜卜脆,一D都唔似出面果D有陣油味而且放係湯到都仲好脆,唔係"林"曬脆得黎又唔會硬,係酥脆LO,正正正呀!!!!一食難忘,下次再食^^D牛筋都唔錯,好出味,大大碗都係14蚊係呢個咁既時勢真係激平下次放假一定要再食,,,,,炸魚皮WO!!!!!!!!!正>3<而且服務態度又好,雖然有好多人,但都任你吹水唔趕人走,GD!仲見到個好似鄭E健既收銀年輕人,GD!!!!

今晚同班朋友由太和行出大中時去左食依間野雲吞河幾好食，我最鐘意落佢果到d辣椒油，好好食!!!其實之前都食過佢果到既下午茶，果個套餐有多士 同一碗面，都幾好味!~我係食沙爹牛肉面全部都係$20有找!值得一試ps.果日見到個收銀男仔好nice wo! 後生仔 好似幾ok咁 hahaha !

呢度D粥同粉唔錯!雖然白粥都要$8一碗,但係米王真係米王而$12一碗既生菜碎牛粥都唔錯牛腩河都好正,都係$14物超所值好好味!!正啊但係就係D服務麻麻,要外買時,之後先問佢攞辣椒油,佢就會話'下次買果陣就好講定啦' 態度都差差地

如果你要求唔高既，呢間除左環境差d之外，價錢合理，而且食物都不錯架！我果日同男友食粥，每人一杯粥，三碟腸粉(二碟豬潤腸，一碟鮮蝦腸)，d腸粉好滑，d粥都ok。仲有叫左碟菜食添！埋單都係$79，抵呀，而且又夠飽。下次都會再去呀！

去魚滑食野，老實講，魚滑就真係唔好食，但係佢果d腸粉就真係正到無倫，但係我勸各位就唔好食蝦腸，因為佢d蝦好細，又無乜味，首選就牛腸，因為最大路，跟住就豬潤腸，豬潤爽又唔會粉，再黎就魚片腸，夠新鮮，叉腸就無乜特別，都係叉腸咁......粥就泥孟粥，就新鮮，粥低好正，好棉，建意凍小小先食，仲好食.....但係我o林極都唔明點解佢會用魚滑做招牌，用腸粉或者粥好過啦......

12-10-07昨天媽買外賣做晚餐好耐冇食過粥,於是叫左個肉丸粥+蝦米腸肉丸係自家製,肉丸味道鮮甜,而且一碗粥有四至五粒很大的肉丸,好抵食!粥底方面就一般,有味不過太水了,冇食粥果種感覺,要改善一下。食完碗粥都好飽了,仲要食埋個蝦米腸蝦米腸份量都好多下,有三層,都幾好味,不過唔夠滑,如果煎埋就更香口了!總括來說,味道OK,份量都幾多,都可以再食價錢不太清楚,不過好像不用$20就買到!

晨早auntie咁講, 我仲以為去一間出名吃魚滑粥的店, 料不到店家早把招牌押上。咁有信心?12點多都坐滿人, 算幾旺場, turnover rate亦高。招牌魚滑樣子似鯪魚球, 鬆泡泡, 仲有少少味精味, 味道不過不失。反而送的魚片就幾好食, 脆卜卜又鬆化, 上湯都吃得出淡淡魚味, 不錯。建議散叫$10/碟魚皮, 係多到食唔曬咁抵食。粥品套餐就十分抵食。$18有一款粥及一碟手拉腸粉。粥品可選皮蛋瘦肉, 艇仔之類。粥底叫綿而皮蛋味道都唔錯。手拉腸粉中, 以豬膶腸最好食。豬膶脆身, 腸粉叫滑, 雖然缺乏米香, 不過以$18而言, 這個餐十分抵食。以前都來過此地吃宵夜, 煲仔飯及咸肉粽都唔錯架。這裡選擇多, 價錢平, 泊車方便(呢個位係比街市方便多多的), 唔怪得由朝到晚都咁旺場。不過, 如果早餐有得我揀, 我都會選擇去返街市。