魚滑粥粉麵茶餐廳 (已結業)

今晚又係未食野就開波飲酒，飲飲吓已半醉，點都要醫醫肚先，唔係堅持唔到落去 ~ 但叫得太多野，想好食，照單全收歸胃中，飽到嘔 ~齋腸粉配甜辣醬花生醬芝麻及豉油，口感又滑又棉、又有米香。好食過好多街邊腸粉工場貨，唔會硬屈屈或硬實實，新鮮即拉真係差好遠架 ﹗又嫰又滑，無得比 ﹗蠔油菜芯走油，今次真係超嫰、超爽、超多水，半點渣都無。平時大多有渣，所以我每次都會留返啲莖唔食，但今次成碟清晒，連莖都食埋，一條不留呀。淨牛腩河走蔥，見到功架保持高水準，棉滑熱騰騰河粉，吸收晒牛腩既精華。鬆化入味柱侯牛腩，口感軟棉，食極唔夠 ﹗