魚滑粥粉麵茶餐廳 (已結業)

空肚飲左半支紅酒已經 high high 地，見隊長啫神係度食熱辣辣牛腩河咁冶味，我都係去速食個腩肚河打打底先比賽！腩肚河走蔥，質量味道最穩定，香濃牛腩鬆軟入味、金錢肚夠爽彈、河粉滑而實淨，香噴噴湯底帶清香腩汁，好味啊！蠔油菜芯，葉都合架既，但係莖部好重青味，無清甜味道，放棄！食晒啲葉算喇。巧遇隊友潘釘，多謝請我食 dinner！太客氣喇，Lucky。

好邪惡呀！操完跆拳道走左去飲酒，一紅一白酒再黎 shot royal salute！醉左仲要食多碗炸醬麵加隻滷水雞髀做宵夜，又白操！豉油雞髀，其實經常將滷水雞髀同豉油雞髀撈亂。夜媽媽有豉油雞髀食就無得要求多多喇，肉質乾鞋硬，味道免強合格唔難食，過吓口癮還可以。爆醉買外賣返屋企食，醉到相都唔記得影囉，淨係照左碗湯。炸醬麵走蔥，叫撈麵有樣好處，就係有幾條菜咬吓，好爽甜呢。麵質乾爽又彈牙，趙到索索聲，撈埋微甜帶肉香既炸醬非常醒胃，一啖麵一啖熱辣辣濃湯，爽乎！

其實好矛盾好唔好寫呢個食評：我怕攪到好多人黎，攪到要等位。佢d腸粉真係頂呱呱的！雖然沒有像同是大埔的「玻璃腸粉」的陳x記般薄，但這裡的腸粉又滑又有米香，d豉油的甜味同鹹味又好平衡，真係次次黎都要食。冬天食煲仔飯又非常正，料夠飯香！這裡確是我這個太和人的至愛！

以前久不久黎食腸粉皮唔係一味追求薄而係滑得黎有粉味即叫即蒸 新鮮好味又唔貴但上次黎食已經唔及以為咁滑今次再食都係唔滑似乎是換左師傅了可惜可惜另叫一碗水餃魚蛋米線水餃爽爽地但大隻得黎好似冇乜料魚蛋爽口有魚味炸魚皮好脆好香 今次冇食粥 但在此推介豬潤粥咁好爽好好味

今時今日百物騰貴，有時用錢時，仲以為去咗泰國用緊泰幣咁，食個早餐都閒閒哋要$30幾，但呢間魚滑粥粉麵茶餐廳出名又平又好食，用$24就可以食到啦！當然，此終以呢個價錢，唔可以要求餐廳格局同食物質數太高啦！~ 一碗米/粉/麵/通+兩款餸配方包(轉多士加$1)+熱飲(凍飲加$1)沙爹牛肉通粉，份量好夠，多牛肉，沙爹味都唔錯，食埋份..夾起嚟足足係半份腿蛋治，飽哂！呢間魚滑粥粉麵茶餐廳喺大埔已經好多年，營業時間仲直至深夜3:00 am，有粥有粉麵，晚市仲有煲仔飯，所以，越夜都有人嚟幫襯，冬天仲好旺添呀！

睇左好多食評都話呢度既粥好食。本身諗住都係去食粥架喇，點知去到佢話賣晒，所以最后係叫左碗云吞麵既。我覺得佢個湯底唔夠清，唔夠甜。啲云吞味道還可以啦，個麵質都唔差既。總括不過不失啦，但係又唔係太特別囉。下次應該會試下佢啲腸粉同粥。

大埔過左11點就冇乜食店選擇，特別係粥，這店收凌晨3點，有各款即造腸粉，仲有煲仔飯，同埋一般茶餐廳有的食物，我叫了艇仔粥，炸兩，今晚炸兩唔脆，平時唔係咁。艇仔粥基本上似魚片粥，好多魚片，但是冇碎牛=.=我本身就係唔知魚片！不過，粥底好綿，粥底好好食。

太和，雖然都有朋友住晌依區，不過都好少入嚟依區，反而一年有一次約，一定會入嚟，就喺去長霞淨苑掃掃姑媽嘅墓，平時都喺跟大伙親戚一齊嚟，完咗一齊食飯。不過，今次唔同，因為老婆都有嚟，所以完咗閃先落去太和搵食。晌區內兜咗個圈，睇定有幾個心水，老婆話想食粉麵，最後揀嚟「魚滑」。「魚滑」格局屬街坊粉麵小店，所以環境唔多講。睇睇餐牌，見到「招牌鯪魚滑」特別標示出嚟，所以視為首選；粉麵每碗$17，雙拼就要$20，而牛筋腩、金錢肚就貴啲，$19 / $22；另外，仲有個「粥+腸粉餐」，一款粥品搭一款腸粉賣$27，抵食喎，又有興趣試埋依個先。招牌鯪魚滑油麵 $17麵條有好多選擇：河粉、米粉、粗幼麵、油麵、米線，揀嚟油麵因為好耐無食過。份量頗多，唔單止麵條，餸料都好多，有炸魚皮、炸鯪魚片同鯪魚丸。炸魚皮做得非常脆口，因為放咗晌湯面，所以要食佢先；炸鯪魚片，好似平時食魚蛋粉嗰啲炸魚片，不過就用咗鯪魚做餡，而鯪魚丸細細粒，口感超爽滑，估唔到咁正架喎。湯頭味唔喺好濃，叫話清清甜甜，每碗都附有一匙羹炸蒜粒，放埋入湯攪一攪，多份蒜香。粥、腸粉餐 $27 + 依款套餐一共有5款粥8款腸供選擇，詳細唔講，可以睇相，講到

唔好睇少呢間野.....需然都只係粥粉面飯....但足以爆場過m記唔好話堂食....就算坐底食一餐....都發覺黎買外賣既....唔會少過堂食客先講粥一定係生滾.....有時睇時令喇......田雞.......靚魚腩有時都無得食架最貴雙拼都係三十幾蚊碗......基本野都係十幾蚊碗煮粥既位就響門口...所以望住阿叔執兩下料....搞兩下粥....一碗新鮮粥即到你面前食粥點可以無腸粉....呢到都係即叫即做...牛..叉...蝦...炸襾...淨腸都有我最愛蝦米腸同豬潤腸....皮唔算話好滑...但起碼唔鞋口先....豉油先係重點所有腸價錢劃一$15蚊...呢個抵讚!! 再講粉面呢到招牌無何否認係"牛根腩"....不論淨食...撈面...湯粉.....都一樣咁夾全因為個腩汁超濃...就連我小食牛同唔食河粉....都會叫一碗根腩河只有河粉先可以索到湯味....加埋多青....一啖河粉連湯連青"雪"一聲入口...快活過神仙鋪名叫得"魚滑"...本身呢到湯底都係勁重魚味....只要你係食撈面 / 叫一份炸魚皮都會跟一碗鮮魚湯比你....仲要係大大碗.....唔係普通細碗仔咁寂寒....goo

淨牛腩撈麵走蔥，肥得您呀 ﹗今日啲牛腩好肥噃，勁到接受唔到，要我續一咬晒出黎。味道好好、口感不俗，滿意。麵底有點濕，不夠乾爽，麵質可接受，撈埋濃郁柱侯腩汁好好味。魚清湯加上唐生菜既味道，更加甜美。淨牛腩河走蔥，河粉會另個湯變淡，所以要加多啲腩汁先得架。今日師父失手咯，河粉滑但係太實淨，跟湯同樣淡口左。牛腩質量穩定，入味、棉滑、鬆化。蠔油生菜走油，佢地係用西生菜，其實我想食玻璃生菜架，始終唐生菜質地較玻璃生菜為靭，食落都爽口新鮮既。

淨牛腩撈粗麵走蔥，不知為何粗麵始終有點濕及會黐埋一舊，但學利可以做到條條分開，仲要勁爽滑彈牙架喎 ﹗依度既麵質還可以啦。粗麵加埋非常入味既柱侯牛腩跟濃郁腩汁，好美味，正 ﹗招牌牛腩無令大家失望，軟棉棉，好味道。

排骨滑雞煲仔飯，有點兒退進，不過倘算滿意。落單時必須緊記要乾身啲，雖然要等多十至十五分鐘，否則就太過濕喇，所以係值得既，可以先打電話 order，可以慳返等既時間。煲仔飯放上枱時出晒煙、熱辣辣，開蓋落點甜豉油再拑返去焗多陣先。好香啊 ﹗排骨唔錯，質感軟棉啖啖肉，醃得入味。不過雞就真係有點鞋口喇，麻麻地。因一早特別要求飯要乾身啲，所以飯質都好滿意，嚥嚥靭靭又香口，好味 ﹗淨牛腩河走蔥，依度既牛腩夠隱陣，唔會差得去邊，雖則間中都會遇到鞋烚烚又瘦猛猛情況。今晚既柱侯牛腩中規中句，夠腍夠入味。腩汁湯底濃郁，忍唔住要大喝幾口。河粉滑溜，不過硬淨左少少，棉啲會更好味。

飲完酒，最好就係食碗熱粥暖暖胃，驅驅體內寒氣 ﹗蠔油西生菜，幾時轉左西生菜架？一心諗住係玻璃生菜架喎，見間間都西生菜，到底係因為可以放多幾日？平啲？定因為季節性呢？西生菜始終比起玻璃生菜靭同口感粗糙，味道都清甜既，都算新鮮。滑雞皮蛋瘦肉及第粥，淨睇幅相已夠晒吸引，真材實料、勁多料 ﹗靚粥底又棉又滑、稀杰適中，香甜味美 ﹗雞柳大件啖啖肉，質地又滑溜 ﹗豬什夠爽口彈牙，好好味 ﹗

見樓下為食家遇到粥品失準深表遺憾，我係魚滑幫襯左五六年，從未試過 ~ 比較我地影既相，已發現有好大分別。但我每次幫襯都係晚上七點後，所以唔知道朝早同晏晝既情況喇 ~ 係度我食過無數次粥，每次都有讚無彈，粥底棉滑、味道香甜，無試過會水汪汪，真材實料架喎 ~一個人食晚飯，求其食碗麵又去飲酒喇 ﹗淨牛腩伊麵走蔥，湯底加入超濃郁既柱侯牛腩汁，勁香勁甜，忍唔住成碗湯飲晒。牛腩跟伊麵真係絕配，伊麵好索味又勁索汁，正呀 ﹗麵質嚥靭彈牙有趙口 ﹗牛腩炆得入味，只略厭有點瘦，唔夠棉滑囉，味道就一流喇 ﹗

去太和番工，之前親戚們話呢度d粥好食。於是就去試個lunch。有套餐，一碗粥 & 一碟腸粉。要了艇仔粥 + 豬潤腸。艇仔粥，真係把鬼！超無料！別店唔正宗嘅艇仔粥都有豬皮、碎牛呀...呢度嘅艇仔粥真係無料到令人o mouth~似食白粥多d，得嗰幾條魷魚絲、肉絲同鯪魚肉絲！真係全部得幾條。個粥底又超超杰，粥底唔香。腸粉相反地好食...過碗粥。腸粉好滑又唔削，重點係個豉油好香，係甜豉油。豬潤...um...嗱過，都幾犀利，所以好爽囉.....